كرسى الاعتراف

انا جاوبت على اسئله عمور مرتين ومظهرتش هجاوب على الحائره
تحب اسمك يكون ايه ؟
زى ما هو
نفسك كنت تدخل كليه ايه ؟
كنت ... واضح انك متعرفينيش انا لسه بدرى عليا
وعموما نفسى ف الالسن
حياتك تكون شكلها ازاى ؟
زى ما هى
وياترى كان نفسك اول واحده تحبها تبقى هى نصيبك يعنى تحب وتتجوز من غير جرح ولا الم ؟
مين مش نفسه فى كده؟؟
تتمنى تفضل فى مصر وتشتغل فيها ولا تسافر ؟
انت تريد وانا اريد والله يفعل ما يريد

لو كان عندك قلبين الى من ستهدى القلب الثانى ؟
لشخص عاوز زرع قلب ههههههههههههه
اكيد للى بحبها
لو انقاذ العالم وسعادته متوقف على موت حبيبتك ( اذا كانت موجوده ) هتختار مين حبيبتك ام اهلك وباقى العالم ؟
مظنش ده ممكن يحصل بس ممكن اقول فيت
وقفات في حياتك تركت في نفسك اثرا ؟

اما استاذ ليه قالى انى الدنيل كلها مش هزار { الكلام ده وانا ف ابتدائى}
من تحب أن يكون بجانبك دائماً؟؟
ربنا
ماأكثر الامور المحببه اليك؟؟
رؤيه الاشخاص اللى بحبهم
ماهي الميزه التي تمتلكها ولايعرفها عنك معظم الناس؟؟
والله مش غرور بس ممكن اكون لماح بعض الشىء
ماذا تعني لك.. الدنيا,, المراة ,,المال؟
الدنيا ... دار الفناء
المراه ...سكن للرجل ونصف المجتمع
المال..يجب ان يكن وسيله لا غايه
ماهوالحلم الذي تتمناه وأنت على يقين بأنه لايتحقق..؟؟
ان امتلك قوه خارقه وليس بشرط قوه جسديه

سؤال تحب أحد الاعضاء يسأله ماهو ومن صاحب هذا السؤال؟؟
NO THING
NO ONE
ما هو احساسك لو جرحت حد لو كنت تقصد او جرحته من غير قصد , وياتري في فرق؟
فى كلا الحالتين احساس بالزنب
بس اكيد اما اكون قاصد يبقى اللى انا جرحته ده يستاهل
واكيد طبعا فى فرق هكون متضايق اكتر اما اجرح حد من غير قصد وموقف زى ده حصلى قبل كده ووالله ندمان لغايه دلوقتى
عايزة اجابتك علي الاسأله الي فوق بصراحه لانها أسأله اجباري
مظنش فى صراحه اكتر من كده

لم تخلص نكمل هههههههههههههه ربنا معاك

نكمل ايه حلو اوى كده

انا برده عايزه اعرف بطاقتك الشخصيه
الاسم-

العمر -

الحاله الاجتماعيه-

السكن -

هوياتك-

مستواك الدراسى-

احلامك المستقبليه-

فتاة احلامك او بمعنى اصح موصفات الزوجه الى تتمناها؟

حاجه عملتها وندمت انك عملتها؟

حاجه معملتهاش ونفسك تعملها؟

الاسم-
محمود رأفت
العمر -
17 وشهرين
الحاله الاجتماعيه-
متجوز وعندى 4 عيال هههههههههه
السكن -
برشوم _طوخ_ قليوبيه
هوياتك-
قصص الخيال العلمى والاكشن .,,, القاء الشعر
مستواك الدراسى-
طالب فى الصف الثانى الثانوى واهى ماشيه
احلامك المستقبليه-
انى اكون ناجح فى اى مجال رينا هيكتبهولى وقبل دخ رضا الوالدين
فتاة احلامك او بمعنى اصح موصفات الزوجه الى تتمناها؟
دين. ادب. مستوى دراسى معقول .تفهمنى. وتحبنى . قلبى يختارها
حاجه عملتها وندمت انك عملتها؟
انى جرحت شخص معين وانه بعدها جرحنى {بس هو كان لازم يعمل كده}
حاجه معملتهاش ونفسك تعملها؟
انى احاول اصالح الشخص ده تانى {مظنش هيوافق }علشان كده معملتهاش

حاول يامحمود ماتزعلش حد منك على قد ما تقدر وحبب الناس فيك واللى زعلان منك حاول تصالحه وهو باءذن الله هايوافق بس انت قرر وانت مش هتندم ولا حاجه

حاول يامحمود ماتزعلش حد منك على قد ما تقدر وحبب الناس فيك واللى زعلان منك حاول تصالحه وهو باءذن الله هايوافق بس انت قرر وانت مش هتندم ولا حاجه

ماشى يا زملكاوى بس انت متعرفش الحكايه فمينفعش تحكم بس على العموم الف شكر على النصيحه

يا جماعه الزملكاوى على الكرسى من دلوقتى

سلام عليكم ......
إزيكم يا شباب طبعا أنا مش فى أجازة....... وياريت محدش يسأل أزاى
طبعا البعض هيفهم والباقى لأ مش ده المهم
منور يا محمود
طبعا مش هطول فى الأسئلة نظرا للوقت والمكان اللى أنا فيه :D:D:D:D:

1- تحب تكون إبن مين من المشاهير وليه؟
2- مين أكتر واحد مقرب ليك من أخواتك؟
3- أيه أول مكالمة إستقبلتها على موبايلك؟عيش براحتك
4- صليت الجمعة النهاردة ؟ طب إيه هو مضمون الخطبة ؟
5- إيه أكتر حاجه بتحب تعملها أول م تصحى م النوم؟
كفاية كده المرة دى
وان شاء الله أشوفك قريب

سلام عليييييييييييييييكم

1- تحب تكون إبن مين من المشاهير وليه؟
انا الحمدلله مبسوط اوى انى انا ابن الاستاذ سعيد ابوالسعود اجى اقولك انا احب اكون ابن مين من ال مشاهيربقى ياعم احب اكون ابن حازم امام لاعب نادى الزمالك السابق وعضو حاليا وليه لانوا محترم جدا واخلاق وانا اصلا بحبه اوى جدا جدا
- مين أكتر واحد مقرب ليك من أخواتك؟
الصراحه هما الاتنين بس بصراحه الاقرب هو اخويا الكبير حسام
أيه أول مكالمة إستقبلتها على موبايلك؟عيش براحتك
اول مكالمه هيا مكالمات كتير اصحابى اللى باركولى على التليفون الجديد وثانيا من حبيبتى بقى
صليت الجمعة النهاردة ؟ طب إيه هو مضمون الخطبة ؟
نعم:التوحيد والبعد عن الشركيات
- إيه أكتر حاجه بتحب تعملها أول م تصحى م النوم؟
الرياضه واشرب شاى اول ما اصحى من النوم قبل ما افطر
عليكم السلام

- إيه أكتر حاجه بتحب تعملها أول م تصحى م النوم؟
الرياضه
واشرب شاى اول ما اصحى من النوم قبل ما افطر
عليكم السلام
ولو انى مش مصدق حكايه الرياضه دى بس ما علينا

أيه أول مكالمة إستقبلتها على
موبايلك؟عيش براحتك
اول مكالمه هيا
مكالمات كتير اصحابى اللى باركولى على التليفون الجديد وثانيا من حبيبتى
بقى
لأ واللى زاد وغطى يتقول حبيبتى
مش شايف انها وسعت شويه

المهم اسئلتى بعد اما افكر
w8 4 me

والله يابنى انا مابكذبش الحمد لله وفعلا زى م انا بقول لكم كده والله مش لازم احلف كتير يامحمود يارافت كش عايز تصدق برحتك ياعم هو انا هاتحيل عليك وانا هاحلف اكتر من كده تانى يعنى
ماوسعتش والله يامحمود الكلام طول عمره مظبوط

ايه مواصفات صديقك اللى بتحبه ؟
نفسك فى ايه ؟
انت ليه بتزعل بسرعة ؟
لو جاتلك تذكرتين لكل دولة من دول هتاخد مين معاك فى كل واحدة
امريكا - الامارات - السعودية - النمسا - فرنسا - البرازيل
كام صديق قريب اوى منك ؟
هاتلى خمس اعضاء على المنتدى وقولى رايك فيهم بصراحة جداااااااا ؟
بتحب مين فى النادى الاهلى ؟
1 ايه الاكلات اللى بتحبها وايه الاكلات اللى مش بتحبها ؟

1:ايه مواصفات صديقك اللى بتحبه ؟
انه يكون راجل بجد صديق وقت الشده محترم يقف معايا فى اوقات شدتى وانه يكون جدع وما يكونش بخيل
2:نفسك فى ايه ؟
نفسى اولا الزمالك يحقق بطولات كتير مع حسام حسن
ثانيا اكون لاعب كرة قدم فى نادى كبير وربنا يوفقنى واشتهر يارب ونفسى ربنا يحققلى كل امنياتى
3:انت ليه بتزعل بسرعة ؟
لآنى الحاجه اللى بيعملها الشخص اللى قدامى تزعل بسرعه وتخليك تتنرفز فبزعل وامشى احسن ما نخسر بعض خالص
4:لو جاتلك تذكرتين لكل دولة من دول هتاخد مين معاك فى كل واحدة
امريكا - الامارات - السعودية - النمسا - فرنسا - البرازيل
امريكا هاخد محمد سمير:الامارات هاخد عمرو عزت:السعوديه هاطلع والدى ووالدتى ومش هاروح:النمسا : هاخد اخويا ابو السعود:فرنسا طبعا هاخد اخويا حسام :البرازيل هاخد ممكن سامح
5:كام صديق قريب اوى منك ؟
خمسه والقريبين اوى اوى 3 مع انى بحبهم كلهم برده

6:هاتلى خمس اعضاء على المنتدى وقولى رايك فيهم بصراحة جداااااااا ؟
واحد المدير :راجل تمام التمام عشره على عشره محترم جدا وانا بحترمه وبعذه والله ويارب يسافر ايطاليا
اتنين عمور:صديقى العزيز وبحبه جدا وبحترمه وبعتبره اخويا وهو محترم جدا وطيب جدا
تلاته:محمد سمير اخويا التوأم ليا وبحبه جدا وبتمناله كل خير ومعزته عندى جامده جدا ومحتوم جدا
اربعه:الشيخ سيد حبيبى الشيخ سيد ده اللى هو سامح بحبه برده وبغتبره صديقى العزيز والله واخويا برده وسامح راجل محترم جدا
خامسه:ابو يوسف حبيب قلبى بعزه برده وعزيز عليه جدا برده وطبعا اخويا وابو يوسف محترم وميه ميه

7:بتحب مين فى النادى الاهلى ؟
انا بكرههم كلهم بصراحه بس اللى بحبه فيهم هو احمد فتحى
8:ايه الاكلات اللى بتحبها وايه الاكلات اللى مش بتحبها ؟
الاكلات اللى بحبها كتير بس المفضله الورق العنب والجلاش ابو لحمه مفرومه والمكرونه البشمل والملوخيه واكتر حاجه اموت فيها الرز والبطاطش الطبيخ
الاكلات اللى مش بحبها بقى هى الكرنب والكوسه الطبيخ والكبده البلدى

وشكرا وكده كفايه اوى ياعمور

ياجماعه محمد يوسف اللى على كرسى الاعتراف دلوقتى

لو جاتلك تذكرتين لكل دولة من دول هتاخد مين معاك فى كل واحدة
امريكا - الامارات - السعودية - النمسا - فرنسا - البرازيل

هاتلى خمس اعضاء على المنتدى وقولى رايك فيهم بصراحة جداااااااا ؟

ايه اللى نفسك تحققه ف حياتك ؟

ايه احلى موقف حصلك ف حياتك ؟

مواصفات شريكه حياتك بتتمنى تكون ايه ؟

هل تقدر تقول على خمسة من اعز اعز اصحابك ؟

ماذا ستكتب لنا لتعبر عن حياتك التي عشتها الى الان في كلمات قليله

اعتذار تريد ان تقدمه لمن؟

_ماالذي يلفت انتباهك بسرعه في الشخص لكي تعجب به ؟

مواصافت اللى تحبها
برشوم بالنسبه ليك ايه؟
لو هتبدأ حياتك من الاول تختارها ازاى؟
مين عبقرى الشله؟
امتى تقول الشخص ده جدع اوده مش جدع
امتى كرهت الحياه؟
ايه اكتر حاجه تزعلك من اللى قدامك
لو انت عندك طاقيه الاخفاء قول 5 حاجات هتعملهم بيها؟؟؟

لو جاتلك تذكرتين لكل دولة من دول هتاخد مين معاك فى كل واحدة
امريكا -
الامارات - السعودية - النمسا - فرنسا - البرازيل
امريكا:مراتى
الامارات:مراتى
السعودية:لو عندى تذكرتين هديهم لابويه وامى علشان يحجوا
النمسا:مراتى
فرنسا:مراتى
البرازيل:مراتى
هاتلى خمس اعضاء
على المنتدى وقولى رايك فيهم بصراحة جداااااااا ؟
سؤال مكر بس هجاوبك عليه
1_عمرو عزت: انسان طيب ومحترم واللى على قلبه على لسانه.
2_المدير:انسان هادىء رومانسى بيحب العزلة وبيدور على الحب شكله.
3_محمود سعيد:انسان كويس بس لازم يخطط لحياته ويعرف هو عاوز يعمل ايه فى حياته.
4_محمود رافت: هو كويس بس عاوز يستحمه بردو مش عارف هو عاوز ايه وانا انصحه انه يحدد كلية معينة علشان يخشها واتمتناله التوفيق.
5_فتاكات:انسانه جميله هادئه كلامها متزن .
ايه اللى نفسك
تحققه ف حياتك ؟
انا نفسى اما اتخرج اشتغل شغلانه انا بحبها ونفسى اتجوز بعد التخرج على الاكتر ب3 سنين ونقسى اكون كويس مع ابويه وامى بعد الجواز بس.

ايه احلى موقف حصلك ف حياتك ؟
احلى حاجة فى حياتى انى عرفت ناس ملت فراغ كبير فى حياتى وربنا يديم المحبة بيننا

مواصفات شريكه
حياتك بتتمنى تكون ايه ؟
انها تكون مؤدبه ومحترمه ومتعلمه وتحب اولا امى وابويه.

هل تقدر تقول على خمسة من اعز اعز اصحابك
؟
انا اصحابى معروفين يا عمرو واحنا شلة مع بعض من ايام الابتدائى.

ماذا ستكتب لنا لتعبر عن حياتك التي عشتها الى الان في كلمات قليله
انسان عادى يعيش حياة متوسطه يكون سعيد الحمد لله فى معظم الاوقات ويكون حزين احيانا بحب زمايلى وبحب اكون معاهم على طول واحلى ايام كانت ايام الثانوية واسوا ايام هى ايام الكلية كانت ممكن تبقى احلى ايام لو زمايلى معايا واتجمعنا,انسان يبحث عن الحب ومازلت ابحث بس كده.

اعتذار تريد ان تقدمه لمن؟
اعتذر لكل من غلط فى حقه من غير قصد وبصراحه مفيش حد فى دماغى ولو كان كنت اعتذرتله.

_ماالذي يلفت انتباهك بسرعه في الشخص
لكي تعجب به ؟
الصدق والحب والجدعنه

مواصافت اللى تحبها
انا جاوبته فوق
برشوم
بالنسبه ليك ايه؟
برشوم تعنى كل حاجة تعنى الاهل والاصحاب والاحباب تعنى الذكريات بجد انا مقدرش اسيب برشوم الا غصب عنى.
لو هتبدأ حياتك من الاول
تختارها ازاى؟
كنت هابدها زى ما بدات بس اكيد كنت هتحاشى حاجات.
مين عبقرى الشله؟
مفيش حد معين كل واحد له مميزاته.
امتى تقول الشخص ده جدع اوده مش جدع
الشخص يبان فى المواقف يعنى اذا حصل موقف بتحكم على الشخص من خلال تصرفه فى الموقف ده
امتى كرهت الحياه؟
الحمد لله عمرى ما كرهتها هكرهها لما ملقيش حد جنبى.
ايه اكتر حاجه
تزعلك من اللى قدامك
النفاق وعد التقدير
لو انت عندك طاقيه
الاخفاء قول 5 حاجات هتعملهم بيها؟؟؟
مش هعمل حاجة لانها حاجت حرام زى مثلا عاوز اعرف الناس بتعيش ازاى بس جوه البيوت بصراحه مش عارف.

يا جماعة انا هختار بشير يكون على الكرسى.

وهو كذلك

ابن عمتى اهلا انت وقعت
منور الدنيا يا معلم
وانا كمان اول واحد هيسال
يالا امرنا لله
خد عندك بقى يا معلم
احكيلنا على احلى موقف قابلته ف حياتك ؟؟؟
وانت ف الثانويه كان نفسك تدخل ايه رغم ان انا عارف بس قول ؟؟؟
طبعا الدنيا كلها عارفه ان صوتك حلو وخاوتنا من الاخر هههههه
لو طلينا منك تغنى اغنيه او ايه اكتر اغنيه بتحب تغنيها وليه ؟؟؟
بتحلم ب ايه وايه اللى نفسك تحققه ؟؟؟
ان شاء الله لما ربنا يكرمك ونويت تشترى عربيه يا ترى هيكون نوعها ايه وليه ؟؟؟
ايه الحاجه اللى لو ربنا كرمك وبقيت عمده برشوم ههههه نفسك تغيرها ؟؟؟
كان نفسك مين من اصحابك يشتغل معاك ف نفس المكان اللى انت فيه وليه ؟؟؟
احلى اكله بتحبها من ايد عمتى طبعا كل اكلها حلو وعن تجربه ؟؟؟
لو معاك 175 قرش هتعمل بيهم ايه ؟؟؟؟

هقولك كلام وتقول هتقوله لمين
ربنا يرجعك بالسلامه
حقك عندى
ربنا معاك وان شاء الله خير
خلى بالك من نفسك

لو طلينا منك تنظم رحله لاعضاء المنتدى هتودينا فين وايه الاماكن اللى هنروحها ؟؟؟؟

كفايه كده وهجيلك تانى

شكرا يا شباب على الفكره اولا وعلى الاستضافه ثانيا
وسريعا هبتدى الاجابات
1- احكيلنا على احلى موقف قابلته ف حياتك ؟؟؟
طبعا انا مش هفتكر كل المواقف لان انت عارف ان مواقفى كتير ولكن هقولك على موقف جميل كنا مسافرين اسكندريه انا واحمد كمال والسيسى كالعاده بعربية السيسى وبعدين قبل اسكندريه بحوالى 110 كيلو متر شكمان العربيه اتكسر وانت عارف لما الشكمان بيتكسر بتبقى صوت العربيه عالى جدا المهم ان كملنا على كده واحنا ناسيين ان يومها كان الاحد يعنى اجازة الصنايعيه واحنا فى طريقنا بعد ما طلعنا كوبرى ببص لاقيت واحد تحت الكوبرى بيصلح شكمانات المهم فرحنا قوى اتارى عشان تنزل للراجل ده هتمشى حوالى 20 كيلو متر عشان تلف وترجعله وبعد هذا العناء صلحنا العربيه وقعدنا نغنى ونرقص وبعدها الفيوزات بتاعت العربيه اللى بتخليها تقيد نور وتزمر اتحرقت وكنا مروحين بالليل والعربيه خلصت ميه والازايز فضيت المهم فى الاخر كملنا على سرعة 160 كم واحمد كمال لما شاف السرعه اخد منوم ونام ما صحيش الا تحت بيت سيسى (معلش طولت عليك)
2- وانت ف الثانويه كان نفسك تدخل ايه رغم ان انا عارف بس قول ؟؟؟
انا كان نفسى ادخل تجاره انجليزى او حقوق فرنساوى
3- طبعا الدنيا كلها عارفه ان صوتك حلو وخاوتنا من الاخر هههههه
لو طلينا منك تغنى اغنيه او ايه اكتر اغنيه بتحب تغنيها وليه ؟؟؟
اغية حكم علينا الهوى بتاع ام كلثوم لانها بتعبر عن حالتى واللى ما سمعهاش يسمعها
4-بتحلم ب ايه وايه اللى نفسك تحققه ؟؟؟
بص يا سيدى انا احلامى كتير بس نفسى اكون انسان مستقر ماديا ومعنويا يعنى معايا اللى يكفينى وارجع اشتغل فى مجالى بس فى مكان محترم
5- ان شاء الله لما ربنا يكرمك ونويت تشترى عربيه يا ترى هيكون نوعها ايه وليه ؟؟؟
لانسر كرستاله (كبدايه) لانها ثابته وامكانيتها كويسه جدا وسعرها لذيذ
6- ايه الحاجه اللى لو ربنا كرمك وبقيت عمده برشوم ههههه نفسك تغيرها ؟؟؟
الغفر
7- كان نفسك مين من اصحابك يشتغل معاك ف نفس المكان اللى انت فيه وليه ؟؟؟
احمد كمال والسيسى لاننا ما افترقناش طول عمرنا عن بعض
8- احلى اكله بتحبها من ايد عمتى طبعا كل اكلها حلو وعن تجربه ؟؟؟
كل اكلها حلو جدا جدا جدا جدا بس انا بحب آكل ورق العنب منها موووووووووووووت
9- لو معاك 175 قرش هتعمل بيهم ايه ؟؟؟؟
هشترى حتة ارض كبيره كده وهبنى عليها 3 ادوار
10-هقولك كلام وتقول هتقوله لمين
ربنا يرجعك بالسلامه
حقك عندى
ربنا معاك وان شاء الله خير
خلى بالك من نفسك اولا: ربنا يرجعك بالسلامه يا صلاح انت وانس
ثانيا : حقك عندى يااى انسان انا غلط فيه
ثالثا : ربنا معاك وان شاء الله خير يا كل اللى بتذاكر ومستنى الامتحانات
رابعا : خلى بالك من نفسك يا زيكو عشان الحسد
11- لو طلينا منك تنظم رحله لاعضاء المنتدى هتودينا فين وايه الاماكن اللى هنروحها ؟؟؟؟اولا ماهى هتودينا فين هى ايه الاماكن اللى هنرحها
المهم هوديكوا السعوديه عشان نحج كلنا ان شاء الله

موضوع: رد: كرسى الاعتراف السبت مايو 15, 2010 4:28 am

اهلا بيك يابشير مرة تانية
1 المنتدى بيمثلك ايه ؟
2 مين من الاعضاء النشطة انت عارفها ومين مش عارفهم ؟
3 قولى رايك فى اعضاء المنتدى والمنتدى كمان ؟
4 ليه مابتحاولش تهتم بموهبة صوتك رغم ان ربنا مابيخلقش موهبة عبثا ؟
5 هل انت مشترط فى الفيس بوك ؟ وايه رايك فيه ؟
6 بتحب البلد قد ايه ؟
7 ايه احسن حاجة شايفها فى البلد والعكس ؟
8 قولنا موقف اتظلمت فيه جدا؟
9 لو جاتلك تذكرتين لكل دولة من دول هتاخد مين معاك فى كل واحدة:
امريكا - الامارات
- السعودية - النمسا -الجزائر - فرنسا - البرازيل
10 ليه بحس دايما انك مش عارفنى ؟ سؤال خبيث

موضوع: رد: كرسى الاعتراف السبت مايو 15, 2010 8:01 am

اهلا بيك يا عمور
1 - المنتدى بيمثلك ايه ؟
المنتدى بيمثلى التقاء مع الناس اللى هما اهلى وبحبهم وولاد بلدى وما بعرفش اقعد معاهم بسبب شغلى وبصراحه هو حاجه جميله جدا للتعارف على الناس
2 مين من الاعضاء النشطة انت عارفها ومين مش عارفهم ؟
يعتبر عارفكم كلكم ما عدا الحائره وفتكات وsome one ، prite_cribbean
3 قولى رايك فى اعضاء المنتدى والمنتدى كمان
بصراحه اعضاء المنتدى كلهم ناس محترمين جدا ومن احسن الشباب اللى من سنكوا عرفتهم والمنتدى كمان فكرته جميله جدا يمكن انا ما كنتش متواصل معاكم باستمرار بس اهو بحاول لانه لقيته جميل جدا بيكوا
4 ليه مابتحاولش تهتم بموهبة صوتك رغم ان ربنا مابيخلقش موهبة عبثا ؟
بص يا سيدى الموضوع لسببين اولهم لو فى الغناء انا بستحرموا جدا يعنى اخدت عهد على نفسى لو جت الفرصه هرفضها وهخلى الغنا ده بينى وبين اصحابى فى فرح مثلا وهكذا والتانى ان الشغل يكاد يكون واخد كل الوقت حتى فى البيت وانت عارف بقى بكافح عشان اتجوز بس انا هبدأ ان شاء الله فى احكام التجويد عشان استغله فى حاجه حلال
5 هل انت مشترط فى الفيس بوك ؟ وايه رايك فيه ؟
ايوه انا ليا حساب على الفيس بوك بص هو فكره جميله بس لامم الدنيا كلها واللى يوافق يدخله يبقى فى جزء من خصوصياته هو ابتدى يخلى الناس تعرفها وبعدين عايز واحد فاضى 24 ساعه فى اليوم يعنى لواحد زى ما ينفعش
6 بتحب البلد قد ايه ؟
انا بموووووووووووووت فى البلد مش بحبها بس
7 ايه احسن حاجة شايفها فى البلد والعكس ؟
احسن حاجه فى البلد طيبة اهلها وعلاقة الناس ببعضها خصوصا ان يعتبر جميع عائلات البلد مناسبين بعضهم والحاجه الوحشه فى البلد بصراحه ان في قله من الناس فاكرين الدنيا بلطجه وقلة ادب زى اللى بيحصل فى الملعب مثلا
8 قولنا موقف اتظلمت فيه جدا؟
ياااااه كتير بس الموقف اللى مأثر فيا لحد دلوقتى لما اتظلمت فى تعليم ورقتى فى مادة الشريعه الاسلاميه فى الكليه وروحت اشتكى قالولى الدكتور مالوش رقيب عليه الا ربنا وساعتها نزلت من جيد لمقبول فى التقدير العام بسبب الدرجتين دول وخسرت النيابه
9 لو جاتلك تذكرتين لكل دولة من دول هتاخد مين معاك فى كل واحدة:
امريكا - الامارات
- السعودية - النمسا -الجزائر - فرنسا - البرازيل
امريكا احمد كمال
الامارات السيسى
السعوديه امى وابويا( ومراتى ان شاء الله )
النمسا اى حد من اصحابى
الجزائر اشرف حسن او سالم صبرى
فرنسا حسام سعيد
البرازيل حماده ايفا
10 ليه بحس دايما انك مش عارفنى ؟ سؤال خبيث
دانا اللى بحس انك مش عارفنى وساعات كتير بحاول اتكلم معاك والاقيك زى ما تكون مكسوف منى وعلى العموم يا عم لما اقابلك هحاول اتكلم معاك بس انت اتكلم
اشكرا على الاستضافه

موضوع: رد: كرسى الاعتراف السبت مايو 15, 2010 1:44 pm

ازيك يا بشير منور الكرسى ومنور المنتدى كله
هل ايام الثانوية احسن ام الكلية ولماذا؟
مارايك فى عادات برشوم وايه اللى انت عاوزه يتغير فى هذه العادات؟
ماذا يمثل لك الحب؟
هل ممكن تتجوز تقليدى او على حب؟
ممكن تتجوز بنت اكبر منك فى السن؟
وكفاية كده المره دى

موضوع: رد: كرسى الاعتراف الأحد مايو 16, 2010 7:42 am

اهلا بيك يا كبير
والمنتدى منور بيكوا والله
واليك الرد :
هل ايام الثانوية احسن ام الكلية ولماذا؟
ايام الثانويه احلى مليون مره من ايام الكليه لان الثانويه كلها بالنسبه ليا كانت ضحك وهزار وحفلات كتير وانا كنت بعشق الجو ده اما الكليه انا ما كنتش بروح اصلا عشان اتمتع والايام اللى اشتركت فيها فى الحفلات والكلام ده ما كنتش بروح
مارايك فى عادات برشوم وايه اللى انت عاوزه يتغير فى هذه العادات؟
برشوم على بعضها جميله جدا وعادتها جميله جدا خصوصا فى الواجبات يعنى فرح او عزاء او ما شابه تحس ان كل البلد عائله واحده وده مش فى بلاد كتير ، اما العادات اللى عايزها تتغير هى ان فيه ناس كتير قوى من البلد بتشرب مع انهم محترمين ، وكمان نفسى الناس تبطل تفتى فى الدين يعنى فى الصلاه وفى الدفن وحاجات من دى ، يمكن دى الحاجات اللى مجننانى بس
ماذا يمثل لك الحب؟
الحب اجمل شىء فى الدنيا بس لما يكون صادق وهيكمل اما لو كان يومين وخلاص يبقى مالوش لازمه من بدايته عشان جرحه مش سهل تداويه
هل ممكن تتجوز تقليدى او على حب؟
مع انى فاضلى 3 شهور واتجوز بس بقولك ممكن الحالتين يعنى لما يكون اهلك مثلا مختارين ليك واحده محترمه وبنت ناس وانت عمرك ما شفتها ممكن لما تقعد معاها تفهمك وتفهمها بسره ويبان الحب بعد كده مع الوقت حتى لو بان بعد الجواز ، والحاله التانيه اللى هيا الجواز على حب ودى طبعا ما فيش خلاف عليها انها اجمل بكتير بس يكون الاثنين متفاهمين قوى لان الحب قبل الجواز حاجه وبعد الجواز حاجه تانيه يعنى بيبقى قبل الجواز حب عادى وبعد الجواز حب ومسئوليه .
ممكن تتجوز بنت اكبر منك فى السن؟
برده انا خلاص هتجوز بس هرد عليك برده
بص يا كبير لو انا بحبها وفهمانى وفاهمها وهنعرف نعيش مع بعض هتجوزها بس مش يبقى عندى 25 سنه مثلا واتجوز واحده عندها اربعين سنه بمعنى ان لازم يكون فيه تناسب بين فرق السن والا مش هيبقى فيه تفاهم وهتلاقيها فاهمه الدنيا عنك شويه وده هيسبب مشاكل كتير لان الراجل بطبيعته ما بيحبش حد يعدل عليه

شكرا على المداخله

موضوع: رد: كرسى الاعتراف الأحد مايو 16, 2010 4:13 pm

ازيك يا بيشو
عامل ايه ؟
ايه احوال الدنيا معاك ؟
اتمني تكون بخير
انا هسألك شوية اسئلة ومن حقك متجاوبش
نبدأ
انت حبيت كم مرة ؟
كم واحدة مشيت معاها وضحكت عليها كرسى الاعتراف - صفحة 11 Icon_lol

؟
وكم واحده حبتك كرسى الاعتراف - صفحة 11 Icon_twisted

؟
لو مسكت رئيس الجمهورية تعمل ايه؟ وايه اول حاجة تغيرها ؟والحاجة اللي هتسيبها شكل ما هي ؟
مين اكتر حد انت ظلمته ؟
مين اكتر واحد اثر فيك ؟
مين تقدر تقول عليه طعنك في ظهرك ؟
مين حبيبك ؟
عاوز اقولك انpirate caribeane ده احمد على

موضوع: رد: كرسى الاعتراف الأحد مايو 16, 2010 5:05 pm

اولا ازيك يبيشو ويارب تكون مبسوط عالكرسى
هسألك شوية اسأله وبرده براحتك فى الرد
انا برده عايزه اعرف بطاقتك الشخصيه
الاسم-

العمر -

الحاله
الاجتماعيه-

السكن -

هوياتك-

مستواك الدراسى-

احلامك
المستقبليه-

حاجه
عملتها وندمت انك عملتها؟

حاجه معملتهاش ونفسك تعملها؟

تتمنا انك تعيش طول عمرك فى البلد ولا تعيش فى مكان تانى ؟

مين اكثر حد بتحب دايما تتكلم معاه وتفضفضله منغير متندم؟

ايه وجهة نظرك عن البنات فى البلد ؟

مين الشحصيات الى بتحترمها فى البلد؟

مين هو مثلك الاعلى؟

ومعلش انا عارفه انى رغيت وطولت وعلفكره لو فضيت ممكن ارجعلك تانى

اولا انا اسف على التأخير لانى كنت مشغول شويه امبارح
وسريعا هبدأ بمحمد سمير
الله يسلمك ، الحمد لله ، والدنيا معايا زى الفل
1- انت حبيت كم مرة ؟
انا حبيت حب حقيقى بجد مره قبل كده
2- كم واحدة مشيت معاها وضحكت عليها ؟
الحمد لله ولا واحده لان حتى اللى كنت بصاحبها او كان بيبقى بينى وبينها اى علاقه كنت ببقى صريح معاها .
3- وكم واحده حبتك ؟
ثلاثة والحمد لله قلبتها معاهم صحوبيه
4- لو مسكت رئيس الجمهورية تعمل ايه؟ وايه اول حاجة تغيرها ؟والحاجة اللي هتسيبها شكل ما هي ؟
اول حاجه هطبق الشريعه الاسلاميه فى القضاء ، والحاجه اللى هغيرها هلغى مجلس الشعب ، وزارة التضامن الاجتماعى واخليه تحت رعية وزير محترم
5- مين اكتر حد انت ظلمته ؟
نفسى
6- مين اكتر واحد اثر فيك ؟
اكتر واحد بيأثر فيا ابويا عشان بموت فيه بالرغم من ان بنتخانق كتير
7- مين تقدر تقول عليه طعنك في ظهرك ؟
واحد مش هتعرفه اسمه حاتم عبد العدل من الرجلات
8 -مين حبيبك ؟
سيدنا محمد صلى الله عليه وسلم

شكرا على المداخله وعلى المعلومه

الســــــــــــــــــــــــلام عليـــــــــــكم

منورين يا شباب ومنور يا بشير كرسى الاعتراف

طبعا بشكرك يامحمد على التوضيح :D:D:D:D:

وياريت يا بشير تجاوب بسرعة عشان عايز آخد نصيبى من الكيك

ماذا ستكتب لنا لتعبر عن حياتك
التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

شكرا يا فتكات
واليك الرد
1 - الاسم : بشير عبده سلامه
2 - العمر : 23 سنه و11 شهر3 - الحاله الاجتماعيه : على وش زواج
4 - السكن : برشوم الصغرى 5 - هوياتك : الغناء
6 - مستواك الدراسى : انا خلصت كلية حقوق من 20077 - الاحلام المستقبليه : اشتغل فى مجالى واستقر ويبقى مستوايا كويس
8 - حاجه
عملتها وندمت انك عملتها؟
جاتلى فرصه للعمل فى محكمة بنها الابتدائيه ولم اذهب
9- حاجه معملتهاش ونفسك تعملها؟
نفسى احج-
10 - تتمنا انك تعيش طول عمرك فى البلد ولا تعيش فى مكان تانى ؟
لو جاتلى فرصه كويسه ومستقبلها حلو هروح طبعا بس هرجع للبلد اكيييييد
11- مين اكثر حد بتحب دايما تتكلم معاه وتفضفضله منغير متندم؟
خطيبتى
12 - ايه وجهة نظرك عن البنات فى البلد ؟
كويسين بس يبطلوا تقليد ومش كلهم على فكره
13 - مين الشحصيات الى بتحترمها فى البلد؟
اى حد كبير عنى ومحترم انا بحترمه وبقدره وكمان بتعلم منه
14 - مين هو مثلك الاعلى؟
ابويا

ولا يهمك ،،،،،،،،، وتنورى فى اى وقت ،،،،، انا لسه ماعرفكيش

اهلا بيك يا احمد بيه
وعلى فكره انا اخر يوم ليا النهارده يعنى هختار واحد النهارده

شكرا على المداخله بس ايه ده كله

ماذا ستكتب لنا لتعبر عن حياتك
التي عشتها الى الان في كلمات قليله ؟
الحياه حلوه بس نفهمها

. اذا اردت ان تبكي الان , فعلى من تبكي؟
على ضحايا المسلمين فى كل مكان

من ستختار ليمسح دموعك ؟
كل شخص لديه شهامه عربيه

لو خيروك بين حبيبك وبين اعز صديق فمن تختار ؟
فيتو

.ماهو تقييمك لهذا المنتدى بصراحه ؟
جميل جدا وفكره لذيذه

.من يسكن قلبك؟

واحده بس ما فيش غيرها ؟؟؟

.هل تعتقد ان حظك سيئ؟
لا

.هل هزمك حزنك في يوما من الايام؟
كتير بس قدرت اتغلب عليه بعد فتره

.((مستحيل انساك)) لمن تقولها ؟
لخطيبتى

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
لاتقف عند ما فاتك

.(( انت كل شيء بحياتي )) لمن تقولها ؟
برده لخطيبتى
متى اخر مره بكيت؟
يوم الثلاثاء اللى فات

اي الدول تتمنى ان تزورها ؟
لو زياره على الطاير يبقى فرنسا

هل انت راضي عن نفسك ؟
بالتأكيد

.هل تؤيد الزواج العاطفي ام الزواج التقليدي ؟ ولماذا ؟
الاثنين المهم التفاهم

.ايهما اهم شهادتك الجامعيه أم الزواج ممن تحب ؟
الاثنين لو قدرت اوفق بينهم ولكن لو ما قدرتش اوفق بينهم يبقى اللى فيه مصلحتى

.هل تعترف بشيء اسمه الصداقه بين الرجل والمرأة ؟
نعم بس من غير تطورات

.هل انت مدمن تفكير؟
جدا جدا جدا جدا جدا جدا

.من هو اكثر شخص تفكر فيه؟
اللى ما بشوفهوش كتير

.اذا تم تعيينك ملكا لجميع البلاد العربيه فما اول قرار ستتخذه ؟
تحرير فلسطين

.هل تكره شخص بشده في حياتك ؟
لا بس بزعل من ناس كتير عشان مصلحتهم

.ما هو اقتراحك الذي تتمنى ان يحدث في هذا المنتدى ولم يحدث الى الان ؟
المنتدى كده جميل لانى لسه ما قولتش اقتراحى

.هل ملابس الشخص امامك تؤثر فيك لتأخذ عنه انطباع ؟؟
لا

.ماالذي يلفت انتباهك بسرعه في الشخص لكي تعجب به ؟
طريقة الكلام
اذا احببت شخصا في الوقت الخطأ وفي المكان الخطأ فماذا تفعل ؟؟
اصارحه على طول

.حكمة تؤمن بها جدا؟؟
لابد ان تكون ما تحب ان تكون

.عاده تفعلها دائما تتمنى ان تتركها ؟
نفسى ابطل تفكير كتير

ماهو اجمل اسم لولد واجمل اسم لبنت من وجهة نظرك؟
كتير وانا مش حافظ بس بحب اسم عمر بالنسبه للولد والبنت دعاء

.ماذا تفعل اول شيء اذا ربحت مليون ؟
اطلع ابويا وامى حج على طول

.هل انت من لديهم رغبة حب التملك واذا تملك الشيء اصابه الملل منه ؟
لا بس بحب اعمل اللى انا عايزه وما بحبش افقد الشىء بسهوله

.اعتذار تريد ان تقدمه لمن؟
لكل من اخطأت فى حقه

سلام عليكم

آسف على التأخير يا بيشو

1- فاكر الغدا بتاع يوم السبت اللى فات كان إيه ؟ وليه مش فاااكر؟!!!!!!!!!
2- متخيل يوم فرحك هيبقى فيه حاجات مختلفه ولا زى أى فرح؟ :D:D:D
3- لو عادتنا فى البلد فيها إنك ممكن تقضى شهر عسل بره ....إيه المكان اللى ممكن تروحه؟
4- إيه أول أكله هتطلبها من مراتك بعد الزواج......... إن شاء الله؟
5-إن شاء الله فى المستقبل القريب .....لو ربنا رزقك بتوأم ولد وبنت إيه الأسماء اللى هتختارها ليهم؟ وليه؟!
6- نكته تحب تقولها لخطيبتك دلوقتى؟؟
7- أول اتصال بخطيتك كان يوم ايه؟هههههههههههه أكيد مش فاكر
8- أحلى يوم استمتعت بيه ومش قادر تنساه؟
9- إيه أكتر دعوه بتكررها وانت بتصلى؟
10-
"قال رب احكم بالحق وربنا الرحمن المستعان على ما تصفون"
اذكر رقم الآيه واسم السورة
"ممكن تستعين بخالك كصديق ....:D:D:D:D:D"
11- ما هو آخر حديث شريف سمعته عن النبى صلى الله عليه وسلم؟

وربنا معاك ويعينك

تُرسل الإجابات على رقم بريد.........:D:D:D:D

اهلا بيك يا باشا
منور البلد والمنتدى
1- فاكر الغدا بتاع يوم السبت اللى فات كان إيه ؟ وليه مش فاااكر؟!!!!!!!!!
كنت واكل برجر لحمه ومكرونه
2- متخيل يوم فرحك هيبقى فيه حاجات مختلفه ولا زى أى فرح؟ :D:D:D
ان شاء الله هيبقى مختلف كتير عن الافراح بتاع البلد
3- لو عادتنا فى البلد فيها إنك ممكن تقضى شهر عسل بره ....إيه المكان اللى ممكن تروحه؟
تايلاند
4- إيه أول أكله هتطلبها من مراتك بعد الزواج......... إن شاء الله؟
اى حاجه تطلع من ايديها زى الفل
5-إن شاء الله فى المستقبل القريب .....لو ربنا رزقك بتوأم ولد وبنت إيه الأسماء اللى هتختارها ليهم؟ وليه؟!
عمر ، دعاء الاول عشان انا بحب الاسم من زمان والتانى انت عارف
6- نكته تحب تقولها لخطيبتك دلوقتى؟؟
وحد ماشى مع خطيبته وأخر انسجام فقالها "عارفة أية هو الحب وأية الجواز؟" قالته "لا " قالها: "الحب زى النجوم الجميلة اللى فى السماء"
قالتله"طب والجواز؟" قالها:"دى الحفرة اللى واحنا بنبص على النجوم بنقع فيها.."
7- أول اتصال بخطيتك كان يوم ايه؟هههههههههههه أكيد مش فاكر
طبعا مش فاكر ودينى فى داهيه بقى !!!
8- أحلى يوم استمتعت بيه ومش قادر تنساه؟
رحله فى فى آخر سنه فى الثانويه العامه
9- إيه أكتر دعوه بتكررها وانت بتصلى؟
10- "قال رب احكم بالحق وربنا الرحمن المستعان على ما تصفون"
اذكر رقم الآيه واسم السورة
الايه 112 سورة الانبياء

اللهم اغفر لى ولوالدى وللمؤمنين يوم يقوم الحساب
11- ما هو آخر حديث شريف سمعته عن النبى صلى الله عليه وسلم؟
قال رسول الله صلى الله عليه وسلم ( من كانت الدنيا همه جعل الله فقره بين عينيه )

على العموم انا كده قضيت 4 ايام على الكرسى وبكده اقدر اقولكم شكرا وانا هختار الباش مهندس احمد على يشرفنا على الكرسى

منور يا دفعه
مش هطول عليك اول مره وهبدأ سريعا
1- نوع تليفونك ولونه والرنه الحاليه ورصيدك الحالى ؟
2- اكتب جمله بدون حرف الالف ولاتقل الجمله عن اربع كلمات
3- كم مره جبت فيها صفر فى المدرسه؟
4 - شخصيه قياديه تتمنى اللقاء بها وتمشى معها ؟
5 - لما تتخرج هتشتغل فى مجالك ولا اى حاجه تجيب فلوس؟
6- ممكن تتخلى عن طبع من طباعك عشان الظروف ؟
7 - ماذا يمثل لك كلام الناس ضدك او فى مصلحتك ؟
8 - هل تقبل الانتقاد حتى ولو بلهجه شديده؟
9 - هل انت عصبى لدرجة عدم تمالك الاعصاب ام فى بعض الاحيان ؟
10- ما رأيك فى الحب ؟ وهل تعجبك شخصيتك ؟
11 - اى البلاد تحب السفر اليها؟
12- اكثر موقف محرج لك ؟ وما هى المره التى جرحت فيها انسان امام الناس ولم تعتذر له حتى الان وتريد الاعتذار عليه ؟
13 - هل ترى لكلمة اسف معنى ام انها كلمه لا تفيد شيئا ؟
14 - لو قررت الزواج الان على اى اساس ستختار الزوجه ؟
15 - اخيرا ما رأيك فى الجيش بصراحه ؟ وهل تعلمت منه شيئا

كفايه عليك المره دى وسلام يا معلم

ســـــــــــــــــــــلام علـــــــــــــــــــــيكم

طب انت بتنتقم منى ولا إيه وبعدين انت عارف إنى مسافر النهارده

عموما هجاوبك ع الأسئلة
1- نوع تليفونك ولونه والرنه الحاليه ورصيدك الحالى ؟
1110 أزرق عجيب والرنه تقريبا اسمها Airny حاجه زى كده أما الرصيد فهو تقربيا 1.25 ويارب يكونو لسه موجودين
2-اكتب جمله بدون حرف الالف ولاتقل الجمله عن اربع كلمات
هو فى كده

محرك بحث جوجل يمد يده لك

3- كم مره جبت فيها صفر فى المدرسه؟

الحمد لله ولا مرة بس جبت واحد مرة فى أولى ثانوى فى مادة الرياضة
والحمد لله مكنتش لوحدى كانت ظاهرة عامة :D:D:D:D:D:D:

4-شخصيه قياديه تتمنى اللقاء بها وتمشى معها ؟

أكيد مش حسن شحاته هههههه

بس نفسى ألتقى بأحمدى نجاد ....... مش عارف ليه بحس فى أوقات كتير إن ده المفروض يبقى حاكم العرب

5-لما تتخرج هتشتغل فى مجالك ولا اى حاجه تجيب فلوس؟

اللى انت متعرفوش إنى الحمد لله اتخرجت ولسه ناقص 6 شهور فى الجيش بس إن شاء الله لما أخلص ناوى أشتغل فى مجالى
وبعدين مش هيبقى مجالى أوى لأننا درسنا حاجات والحمد لله مصر مش بتدعمها
وعلى فكرة مفيش حاجه بتجيب فلوس فى مصر :D:D:D:D:D:

6-ممكن تتخلى عن طبع من طباعك عشان الظروف ؟
الحمد لله عملت كده فعلا بس فى الجيش ...."بس كان طبع مش كويس

7- ماذا يمثل لك كلام الناس ضدك او فى مصلحتك ؟
فى كلتا الحالتين بيكون مفيد لأنه حتى ولو ضدك أكيد بتشوف الصح فيه وتحاول تتجنبه
أما لما يكون لمصلحتك فبتحاول بقدر الإمكان إنك تعمل بيه

8-هل تقبل الانتقاد حتى ولو بلهجه شديده؟

الحمد لله قبلت النقد بس مش بلهجة شديدة والكلام ده حصل معايا الأجازة اللى فاتت
والحمد لله كان أسلوب الحوار عادى جدا
أما لو كانت اللهجه شديدة فمن الممكن إنى أنفعل وأضرب اللى قدامى هههههههههههههههه

9- هل انت عصبى لدرجة عدم تمالك الاعصاب ام فى بعض الاحيان ؟

الكلام ده كان بينطبق عليا قبل دخولى الجيش لكن الحمد لله بعد دخولى الجيش حسيت بفرق شاسع
ويمكن فى البيت حسو بكده كمان
وعلى فكرة العصبية دى بتبقى نابعة م الظروف اللى الفرد بيعيشها
يعنى مثلا ممكن تلاقى واحد اتخرج ودخل الجيش وخلص وفى الآخر مش لاقى شغل
بالله عليك ده لوحد كلمه نص كلمه مش ممكن ......... ولا إيه رأيك
فى ناس كتير بتقدر تحافظ على أعصابها أو بالمعنى البلدى "تلاجة"
والحمد لله أنا مش م الناس دى ههههههههههه

10- ما رأيك فى الحب ؟ وهل تعجبك شخصيتك ؟

بصراحة هو حاجه جميلة جدا وحاجة وحشة جدا
يعنى لما تكون بتحب واحدة وإنت قادر إنك تخطبها وبعد كده تتجوزها فبكده هو حاجه جميله
والعكس صحيح

والحمد لله أنا النوع التانى لأنى حبيت فى يوم م الأيام بس الحمد لله
أخدت عهد على نفسى إن لو ربنا كرمنى وخلصت واشتغلت يبقى هخطبها وان شاء الله نتجوز

بس الحمد لله هيا اتجوزت دلوقتى بقالها أكتر من سنتين وبجد مش زعلان لأن هيا دى سنة الحياة

والحمد لله شخصيتى عاجبانى زى م هيا ......ولا إنت بتلمح لحاجه تانية غير اللى فهمته؟!

11 - اى البلاد تحب السفر اليها؟

نفسى أسافر السعودية فى رحلة عمل وبعديها ع الإمارات بعد كده أروح لبنان عشان استمتع بالأجازة هناك

12- - اكثر موقف محرج لك ؟ وما هى المره التى جرحت فيها انسان امام الناس ولم تعتذر له حتى الان وتريد الاعتذار عليه ؟

هو مش محرج أوى بس هو ده اللى فاكره دلوقتى
مرة كنت بحكى عن حاجه حصلت فالمهم بعد م خلصت الكلام واحد عزيز عليا رد عليا رد ممش كويس
بس عادى جدا تقبلت الموضوع ومكنش فيه مشكله
.....
الأجازة اللى قبل اللى فاتت كنا قاعدين ف البيت عندنا أنا وجماعة اصحابى وواحد صاحبنا حب يولع سيجارة
مكنتش موافقه طبعا وطبلت منه إنه يدخنها جمب الشباك وبرده هو مش موافق وانا طبعا أصريت على رأيى
وهو فى الآخر زعل ومشى بس المشكلة إنى مش شايف نفسى غلطان

13-هل ترى لكلمة اسف معنى ام انها كلمه لا تفيد شيئا ؟

ازاى لا تفيد شيئا وفى ناس كتير بتتكبر أنها تقولها حتى لو الناس دى غلطانه

14 - لو قررت الزواج الان على اى اساس ستختار الزوجه ؟

أول حاجه إنى أعرف أهلها وبعد كده تكون متعلمه و وبتصلى وتقدر تتحمل مسئولية بيت
وربنا يستر........

15 - اخيرا ما رأيك فى الجيش بصراحه ؟ وهل تعلمت منه شيئا

طبعا هو مش حلو وف نفس الوقت مش وحش
مش حلو لأنه بيضيع منك سنة مش هتعمل فيها حاجه
ومش وحش لأنه بيخليك تعمل حاجات وتشوف حاجات مكنتش تتوقع إنك تعملها أو تشوفها فى يوم م الأيام

طبعا اتعلمت منه حاجات كتير
1- اعتماد ع النفس
2- الحمد لله بغسل اللبس بتاعى
3- أستيقظ من النوم مبكرا ههههه
4- أصحو من النوم نشيطاَهههههه
5- بحلق دقنى كل يومين
6- وكمان علمونا أزاى نكتب على الوورد ههههههههه

وكفاية كده عشان أنا مسافر النهاردة
واللى عايز يسأل يتفضل يسأل

الأخت فتاكات

لأن هيا اللى على الكرسى دلوقتى
وأحب أقولكم أشوفكم على خير الأجازة الجاية

ههههههههههههههههه
خلعت اوكش
برنس

بتحب تشرب ايه من العصير ؟ بتحب تكون عاوذ مين اللى قاعد على المنتدى وانت قاعد ؟ امنيتك ايه ؟

هو انت بتسأل مين بالظبط

ازيك يا فتاكات انا هسالك اساله صعبة شوية بس ياريت تجوبى بصراحة
انت مش عاوزه تعرفى حد شخصيتك لبه؟ وانا مش بقولك تقولى شخصيتك بس انا عاوز اعرف السبب فقط؟
ايه اللى يخلى البنت تتشد لولد او تنجذبله؟
ممكن تتجوزى واحد اقل منك فى المستوى التعليمى؟
لو تعرفينى هل فى حاجة فيه وحشة تحبى انى اغيرها بصراحة؟مش هزعل
ياريت مكنش تقلت عليكى

موضوع: رد: كرسى الاعتراف السبت مايو 22, 2010 8:14 am

ازيك يافتكات انا مش هتقل عليكى واحب اقول لك شوية اسأله انتى فى كلية ايه؟ انتى ولد ولا بنت بصراحه ؟ بس المعلومات اللى عندى اللى انتى ولد ده اللى كنت عايز اقوله مش اكتر

موضوع: رد: كرسى الاعتراف السبت مايو 22, 2010 8:20 am

sorryyyyyyyyyyyyyyyyyyyyyyyyyyyy يافتاكات اللى كنت بقوله فوق تحب تشرب ايه من العصير ؟ بتحب تكون عاوذ مين ال لى قاعد على المنتدى وانت قاعد ؟ امنيتك ايه ؟ كنت بقوله لاحمد مكنتش اعرف اللى انت اللى قاعد يافتاكات

أنا هأسألك خمس أسئلة
بسيطة

1 )
ماذا تعني لكي الكلمات الآتية .... العاطفة .... الرحمة .....
العقلانية .. موضحة إجاباتك بمواقف حدثت لكي

2) عندك كام صديقة ممكن تثقي فيها جدا لكي
تطلعيها على أسرارك.

3) إيه أكتر موقف محرج حدث ليكي في الجامعه.

4) مين من الكتاب بتحبي تقرأي
ليه ،إذا كنتي من هواة الأدب.

5) إيه أفضل بلد تحبي تعيشي فيها في جمهورية مصر العربية .

بإمكانك حذف إجابتين أو
الإستعانة بصديق

إتصلى على 0000 0000 وتأكدى إن محدش هايعبرك

بعد كده باعتبار ما سيكون انتى ست بيت متزوجه
ماذا تفعلين عندما
1_ يكون زوجك اجمل منك
2_خادمتكم اجمل منك
3_يطلب زوجك مرتبك الشهرى
4_يحدث اتصال هاتفى منزلى وتكون المتصله فتاه تطلب زوجك بالاسم
5_يرفض زوجك دخول منتدى برشوم
يارب اكون متقلتش عليكى
ههههههههههههههههههههه

ازيك يا فتاكات انا هسالك اساله صعبة شوية بس ياريت تجوبى بصراحة
انا الحمد لله تمام ومنغير حاجه هكون صريحه
انت مش عاوزه تعرفى حد شخصيتك لبه؟ وانا مش بقولك تقولى شخصيتك بس انا عاوز اعرف السبب فقط؟
انا كده واخده راحتى اكثر
ايه اللى يخلى البنت تتشد لولد او تنجذبله؟
حجات كتير بس اهمها احترامه وطريقت كلامه معاها ويكون مناسب تفكيرها
وكمان البنت مبتحبش الولد الى بيلف ويدور تحب الولد الجد علطول
ممكن تتجوزى واحد اقل منك فى المستوى التعليمى؟
ممكن واحد يكون معاه اعلى الشهاداتومركزه كويسه لكن اخلاقه مش كويسه
وممكن واحد يكون معاهتعليم بسيط ومركزه عادى لكن اخلاقه عاليه جداا وعارف دينه كويس فى الحاله هختار التانى وبرده هشجعه يتعلم
لو تعرفينى هل فى حاجة فيه وحشة تحبى انى اغيرها بصراحة؟مش هزعل
ياريت مكنش تقلت عليكى
الواضح من كلامك هنا انك شحصيه محترمه جداا وربنا يكرمك
........................................................................
ازيك يافتكات انا مش هتقل عليكى واحب اقول لك شوية اسأله انتى فى كلية ايه؟ انتى ولد ولا بنت بصراحه ؟ بس المعلومات اللى عندى اللى انتى ولد ده اللى كنت عايز اقوله مش اكتر
ههههههههههههه لا بنت والمعلومات الى عندك غلط
فيتو
......................................................................
أنا هأسألك خمس أسئلة
بسيطة
يارب استر
1 )
ماذا تعني لكي الكلمات الآتية .... العاطفة .... الرحمة .....
العقلانية .. موضحة إجاباتك بمواقف حدثت لكي
العاطفه..هى تحرك الساكن وسكون المتحرك
الرحمه... ربنا يرحمنا كلنا
العقلانيه..اهم ميزه لازم تكون فى الانسان
2) عندك كام صديقة ممكن تثقي فيها جدا لكي
تطلعيها على أسرارك.
عندى صديقه بثق فيها جداا لكن برده مفيش اى
حد بيعرف اسرارى بحتفظ بيها لنفسى
3) إيه أكتر موقف محرج حدث ليكي في الجامعه.
انا حذره جدا مع الناس ولذلك مبيحصلش تقريبا حاجه محرجه
4) مين من الكتاب بتحبي تقرأي
ليه ،إذا كنتي من هواة الأدب.
انا مش من هواة الادب
5) إيه أفضل بلد تحبي تعيشي فيها في جمهورية مصر العربية .
البلد الى يروح فيها نصيبى انا راضيه بيها
بإمكانك حذف إجابتين أو
الإستعانة بصديق
إتصلى على 0000 0000 وتأكدى إن محدش هايعبرك
ماشى ياتويو وكمان هتجوزنى
بعد كده باعتبار ما سيكون انتى ست بيت متزوجه
ماذا تفعلين عندما
1_ يكون زوجك اجمل منك
هرش عليه مية نار هههههههههههه
يابنى الجمال جمال الروح
2_خادمتكم اجمل منك
انا هكون زوجته وخادمته وكل حاجه محتاجه انا هعملها
3_يطلب زوجك مرتبك الشهرى
هديله فى سنانه ههههههههههه اكيد لو محتاجه يعنى ده لو اشتغلت اصلا
4_يحدث اتصال هاتفى منزلى وتكون المتصله فتاه تطلب زوجك بالاسم
ينهار ابيض بس همسك نفسى اكيد هثق فيه وهو اكيد هيجى يقولى
5_يرفض زوجك دخول منتدى برشوم
هخلعه علطول علشان تكون مستريح ياتو يو
يارب اكون متقلتش عليكى
ههههههههههههههههههههه
يسلام انتى حوزتنى وخلتنى اخلع الراجل وانا قاعده
لكن شكرا وربنا معاك فى الامتحانات

موضوع: رد: كرسى الاعتراف الأحد مايو 23, 2010 5:33 pm

طبعا وفى البدايه ازيك
وثانيا ربنا معاكى فى المرحله اللى انت فيها وانا مش هطول عليكى

1-هل علاقتك بالناس طيبه لدرجة انكى تحسين بالارتياح عندما تقابلين احد ؟
2- هل تفضلين الزواج بمن تحبى حتى ولو لم تضمنى مستقبلك معه ؟
3- هل الحب وحده يكفى للزواج ؟
4- من اى جهه تنظرين الى الحياه ؟
5- هلى تحبين البكاء ام تظنين انه ضعف ؟
6-هل تحبين القراءه ؟
7- هل تؤثر بكى الاغانى لدرجة انك بتعيشى معاها الموقف ؟
8- من هى او هو مثلك الاعلى ؟
9- لو اصبحتى فى يوم من الايام حاكمه ما هى الاشياء التى سوف تغيرينها ؟
10 - هل المرأه بعواطفها تصلح فعلا ان تكون قاضيه ؟

وكده كفايه المره دى

موضوع: رد: كرسى الاعتراف الأحد مايو 23, 2010 6:54 pm

ههههههههههههه لا بنت والمعلومات الى عندك غلط من السهل جدا انى واحد يقول الكلام اللى انتا كتبته ومش هسيبك الا اذا انك تبينلى اوضح وابسطه انك تحلف ومفيش زعل اللى انتى بنت ولو محلفتيش وقعدى على المنتدى وتكتبى كلام يبقى انت ولد ياحلو ومردد ش على سؤالى الاول انتى فى كلية ايه؟ ههههههههههههههههههههههههههههههه بس انا عارف اللى انا تقلت عليك المرادى

طبعا وفى البدايه ازيك
وثانيا ربنا معاكى فى المرحله اللى انت فيها وانا مش هطول عليكى
ربنا يكرمك ومعلش على التأخير

1-هل علاقتك بالناس طيبه لدرجة انكى تحسين بالارتياح عندما تقابلين احد ؟
الحمد لله
2- هل تفضلين الزواج بمن تحبى حتى ولو لم تضمنى مستقبلك معه ؟
وانا هحبه ازاى منغير مكون مأمناه على نفسى وعلى حياتى كلها
3- هل الحب وحده يكفى للزواج ؟
بصراحه مش عارفه بس اكيد الحب فيه كل حاجه حلوه تكفى انهم يعيشو اسعد الناس
4- من اى جهه تنظرين الى الحياه ؟
الحمد لله بحاول دايما انظرلها بتفائل وراضيه بأى حاجه ربنا كتبهالى
5- هلى تحبين البكاء ام تظنين انه ضعف ؟
انا من الناس الى اقرب حاجه ليهم دموعهم واقل حاجه ممكن تخلينى ادمع
وأغلب البنات تقريبا هو ده اقرب تعبير ليهم
6-هل تحبين القراءه ؟
مش اى حاجه اقرأها يعنى اى حاجه حلوه
7- هل تؤثر بكى الاغانى لدرجة انك بتعيشى معاها الموقف ؟
لا خالص انا ممكن اسمعها تسليه بس مش من الناس الى بتصدق وتعيش مع الاغنيه
8- من هى او هو مثلك الاعلى ؟
كل واحد وفيه عيب علشان كده مفيش حد معين بحاول اخد من كل واحد ميزه
لكن لو حددت واحد هكون زيه فى كل الطباع وانا حابه يكون ليه شخصيه مختلفه
9- لو اصبحتى فى يوم من الايام حاكمه ما هى الاشياء التى سوف تغيرينها ؟
حجات كتير بس منهم هغير حاجه اسمها مكتب تنسيق وثانويه عامه وهخلى كل واحد يدخل المجال الى يحبه ...
10 - هل المرأه بعواطفها تصلح فعلا ان تكون قاضيه ؟
ممكن فى بيتها تكون احسن واحده لكن بره معتقدتش لان فى حجات مش
محتاجه عواطف خالص

......................................

ههههههههههههه لا بنت والمعلومات الى عندك غلط من السهل جدا انى واحد يقول الكلام اللى انتا كتبته ومش هسيبك الا اذا انك تبينلى اوضح وابسطه انك تحلف ومفيش زعل اللى انتى بنت ولو محلفتيش وقعدى على المنتدى وتكتبى كلام يبقى انت ولد ياحلو ومردد ش على سؤالى الاول انتى فى كلية ايه؟ ههههههههههههههههههههههههههههههه بس انا عارف اللى انا تقلت عليك المرادى

طيب انت مزعل نفسك ليه كل واحد حر ولد ولا بنت محدش ليه دخل
ورديت على سؤالك وقولت فيتو
يارب تكون ريحت نفسك