كرسى الاعتراف

السلاااااااااااام عليكم
عليكم السلام ورحمه الله وبركاته
ازيك يا احمد
اهلا عمور
انا جبتلك معظم الاسئلة اللى انا اتسألتها
ووفرت علي بقية الاعضاء يالا بقى همتك معانا
ماشى يا سيدى
1-باقة ورد لمن تهديها ..؟
والدى-والدتى
2- شخص لاترفض له طلبا ..؟؟
واحد صاحبى
3- من هو توأم روحك ...؟؟
واحد صاحبى
4-مالذي يشعرك بأكثر قدر من الحرج...
التعامل مع الجنس الاخر لأول مره........
5-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
من الانسانه اللى انا حبيتها
6- من هو العضو اللي يستحق انه تقول عنه محبوب بين الاعضاء ؟
وهو مين اللى مش محبوب

7-مين بنظرك بيعمل بجهد بالمنتدى
عمرو
8-ما الموضوع الذى يستحق ان يختار كافضل المواضيع على المنتدى ؟
كرسى الاعتراف
مين اكتر واحد تحب تفتح عنيك اول ماتصحى من النوم تشوفه ؟
واحد صاحبى
مين الشخص الى انت بتخاف عليه جداااا؟
الانسانه اللى حبيتها
معنى الكلمات دى فى حياتك ايه؟
الحب -----اجمل ما فى الحياه
الصداقه ---من غيرها نخسر كتير
الفرح-----دايما بدور عليه
الحزن ----ضيف تقيل شويتين
البكى ------=الراحه
العمل -----هو الايجابيه
الكبرياء ----بكرهه
العشق------اعلى درجات الحب
الندم ----فى كتير من الاوقات بيبقى ملهوش لازمه
الضحكه --حاجه مؤقته
لو حبيت توصف احمد فى كلمتين تقول ايه ؟
احمد:ضيع نفسه
اكترحاجه حبتها وحبيت تملكها ومقدرتش؟
الرضا
مين الى انت عاوز تبقى زيه "قدوتك" ؟
احمد عبد النبى بتاع تالته اعدادى
اكتر مدرس كنت بحبه جدااا فى الابتدائى او الاعدادى او الثانوى ؟
الابتدائى الاستاذ فتحى رمضان و الابله انتصار-الاعدادى الاستاذ اشرف و الاستاذ احمد ياسين والاستاذ مسعد-فى الثانوى الاستاذ اشرف و الاستاذ مسعد والاستاذ احمد والاستاذ هشام
اكتر مكان بتحبه ؟
اى مكان هادى
بتحلم بايه ؟
انى الاقى نفسى اللى تاهت منى وانى اخطب الانسانه اللى بحبها
لو قلت اهدى الورده دى لحد هيكون مين ؟
احمد رمضان
ايه رأيك في
الحزب الوطني ------ملهوش لازمه
المعارضة -----معرفش عنه حاجه
الاخوان ------الناس واثقه فيهم ثقه عمياء وربنا يستر
اي رأيك - علي العموم يعني - في المرشحين لمجلس الشعب ؟
كلام كتير فعل مفيش
مين تعتقد انه احسن واحد يمثل الدايرة عن مقعد الفئات ومقعد العمال ؟
فئات منصور-عمال معرفش
بتحب تقرأ لمين من الشيوخ الجدد والقدامي ؟
مش بحب القراءه
مش هقولك تحب مين يمسك مصر ، هقولك تحب مين يترشح للرئاسة ؟
البرادعى -عمرو موسى
هل ممكن جمال مبارك ينجح في انتخابات نزيهة ؟ وايه رأيك فيه كشخصية ؟
لالالالالالالالالالالالا -نسخه طبق الاصل من ابوه
ايه رأيك في مؤسسة عامر ؟
اجمل عمل خيرى شوفته
وايه رأيك في الفرع عندنا في برشوم ؟
محتاج شويه تعديلات
ايه رأيك في البرلمان اللي عملناه من فترة ومكملش ؟
فكره جامده
مين المسؤل عن تأخير وصول الخدمات للبراشيم ؟؟؟؟؟؟؟؟؟؟؟
الله اعلم
اي رأيك في ا. منصور عامر كرجل اقتصاد ؟؟؟ رجل سياسة ؟؟؟؟ رجل خير ؟؟؟
رجل اقتصاد ناجح-رجل سياسه مش عارف-رجل خير ميه ميه

السلام عليكم ورحمة الله وبركاته
عليكم السلام ورحمه الله وبركانه
ازيك احمد
الله يسلمك
انا مش هشد عليك زى عمرو
ربنا يخليك
انا هسال اسئله بسيطه جدااااا
بس ياريت تجاوب من غير كسوف
جاهز اتفضل

1/.ماهو تقييمك لهذا المنتدى بصراحه ؟
نجح فى تحقيق الهدف منه
2/.((مستحيل انساك)) لمن تقولها ؟
للانسانه اللى حبيتها
3/متى اخر مره بكيت؟ ولماذا
مش فاكر
4/هل تعترف بشيء اسمه الصداقه بين الرجل والمرأة ؟
فى حدود
5/ ماهو اجمل اسم لولد واجمل اسم لبنت من وجهة نظرك؟
ولد محمد-بنت هنا
6/.عاده تفعلها دائما تتمنى ان تتركها ؟
العصبيه الزايده
7/.ايهما اهم شهادتك الجامعيه أم الزواج ممن تحب ؟
الزواج ممن احب
8/.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
قضى الامر
9/.من يسكن قلبك؟
واحده كده
10/.اعتذار تريد ان تقدمه لمن؟
كل انسان غلط فيه
حاجه بسيطه اه واسئله سهله وايـــــــــــــــــــاك والغش
اغش من مين

ازيك يا عمدة
الله يسلمك يا استاذ اشرف
هو مين اطلق عليك هذا الاسم ؟ ولماذا؟
محمد ابو الحديد-هو اللى يجاوب
ممكن تملأ بطاقة التعارف:
- الاسم ثلاثى:احمد عبد النبى احمد
- السن :20
-العنوان :برشوم الصغرى تحديدا جسر البحر
-ت الميلاد/1990/10/21
عدد افراد الاسرة/ 7
- صفاتك كما تراها انت /طيب -بحب الناس -عصبى -عاقل
- هل انت عصبى ؟
نعم
- طيب ايه الحاجة اللى بتعصبك ؟
اكترها الملعب
- ايه اجمل لحظة مررت بها؟
لحظه فى يوم 2009/5/5
اية اللحظة الحلوة اللى بتتمنى تعيشها؟
انى اخطب الانسانه اللى بحبها
ايه اتعس لحظة عشتها؟
هى عموما لما احس ان انا مش قادر اوصل للحاجه اللى انا عاوزها
-وايه اللحظة اللى بتخاف تعيشها فى المستقبل ؟
الوحده
- مين اكتر انسان قريب لقلبك؟ او انسانة ؟ قول ما تكسفش ؟
واحد صاحبى-اللى بحبها-من غير كسوف
-لمن تقول الكلمات الاتيه:
* شكرا:كل واحد ساعدنى
*مسامحك :كل واحد غلط فيا
* لكم فضل كبير:كل صاحب فضل عليا
*با ظلمنى: واحد صاحبى فى الجامعه
*يا مسهرنى :اللى بحبها
*أحبك :واحده كده
- اختر اعضاء على المنتدى وقدم لكل واحد نصيحة.
عمرو:اتعامل مع الناس اكتر
محمد يوسف:خاف من بكره
وكفاية كده دلوقتى
اوك

ازيك يا عمده
حظك انت النت رجع وانت اللى على الكرسى
1_ما اجمل فترات حياتك(الابتدائى _الاعدادى_الثانوى_الكلية)
2_انت شايف ان شلة السناكيح ممكن تتفرق؟ وايه السبب؟
3_بعد اما نخلص الكلية وربنا يكرمنا ونشتغل, ممكن نبعد عن بعض كتير؟
4_اما تتجوز تحب تعيش فين؟
5-لو اتوفر ليك شقة فى مصر هتسيب برشوم وتعيش فى مصر؟
6_هل انت بتحب حب حقيقى؟
7_وايه هو الحب الحقيقى من وجهة نظرك؟
8_ايه رايك فى الناس اللى عندها نت ومش بتشارك فى المنتدى؟

خلاص كفاية عليك كده ومدتش اقرص عليك علشان انت حبيبى

ازيك يا عمده
اهلا جو
حظك انت النت رجع وانت اللى على الكرسى
محظوظ بقه
1_ما اجمل فترات حياتك(الابتدائى _الاعدادى_الثانوى_الكلية)
حياه كنت راضى عن نفسى فيها تالته اعدادى اما لعب وهزار وكده الثانوى طبعا
2_انت شايف ان شلة السناكيح ممكن تتفرق؟ وايه السبب؟
ان شاء الله لا-لان احنا مش اصحاب ولا اخوات احنا اكتر من كده بكتير
3_بعد اما نخلص الكلية وربنا يكرمنا ونشتغل, ممكن نبعد عن بعض كتير؟
ممكن ننشغل شويه مش نبعد
4_اما تتجوز تحب تعيش فين؟
اى مكان
5-لو اتوفر ليك شقة فى مصر هتسيب برشوم وتعيش فى مصر؟
حسب الظروف
6_هل انت بتحب حب حقيقى؟
اينعم
7_وايه هو الحب الحقيقى من وجهة نظرك؟
الحب القايم على 1-الاحترام 2-الاخلاص 3-الوفاء 4-الثقه 5-الخوف 6-التفاهم وعلى فكره اللى فى دماغك غلط
8_ايه رايك فى الناس اللى عندها نت ومش بتشارك فى المنتدى؟
كل واحد حر

خلاص كفاية عليك كده ومدتش اقرص عليك علشان انت حبيبى
ماشى يا معلم

هو ايه اللى فى دماغى بجد علشان انا مش فهمك

الله اعلم

اهلا عمده
منور يا معلم
يا ترى العمده بيحب لون ايه ؟؟
احلى شم نسيم قضيته مع السناكيح وليه ؟؟؟
اختار خمسه من اصحابك واديهم مناصب ف الدوله وزير محافظ ان شالله غفير ؟؟
ياترى ايه احلى مقلب عملته ف حد صاحبك ؟؟
اكتر اكله بتحبها ؟؟
مين بتحب انك تلعب معاه ويكون واقف معاك ف الدفاع وتبقى مستريح ؟؟؟
يا ترى احمد بيسمع لمين جو عبدالحليم ولا الست ؟؟؟
يا ترى لو بتصلى وتلفونك رن بيكون ايه شعورك ؟؟؟؟

اهلا عمده
ازيك يا مدير
منور يا معلم
بنورك
يا ترى العمده بيحب لون ايه ؟؟
الاحمر -اللبنى
احلى شم نسيم قضيته مع السناكيح وليه ؟؟؟
مش اللى فات اللى قبله -لانه كان يوم جميل فى كل حاجه
اختار خمسه من اصحابك واديهم مناصب ف الدوله وزير محافظ ان شالله غفير ؟؟
ولا واحد ينفع لمنصب فى الدوله لانه هيخربها اكتر ما هى خربانه
ياترى ايه احلى مقلب عملته ف حد صاحبك ؟؟
مقلب عملته انا ومحمد سمير فى محمد يوسف
اكتر اكله بتحبها ؟؟
مكرونه بشمل
مين بتحب انك تلعب معاه ويكون واقف معاك ف الدفاع وتبقى مستريح ؟؟؟
اى واحد بس نكون متفهمين
يا ترى احمد بيسمع لمين جو عبدالحليم ولا الست ؟؟؟
مش شرط حد معين لاكن الاغنيه اللى بتعجبنى لعبد الحليم او الست بسمعها
يا ترى لو بتصلى وتلفونك رن بيكون ايه شعورك ؟؟؟؟
منتهى الاحراج

هطلب منك يا عمدة
انك توصل لكل عضو فى شلة السناكيح رسالة قصيرة؟

انت ايه رايك لو كنا مسكنا المؤسسة اللى كانت المفروض تتعمل ,هل كنا هننجح؟ وليه؟

ما تقوعاتك لحياتنا العملية بعد اما نخلص المخروبة دى لكل عضو فى الشلة؟

هطلب منك يا عمدة
انك توصل لكل عضو فى شلة السناكيح رسالة قصيره
1-محمد سمير......حاول تقتنع برأى الناس
2-ايفا..........غير ضحكتك
3-محمد يوسف...غير مركزك فى الكوره
4-رامى..........غير من نفسك
5-سامح........خلى عندك اتزان انفعالى
6-محمد على.....غير دماغك
7-عمرو........اتعامل مع الناس اكتر
8-محمدى .....متبقاش هوائى
9-احمد رمضان ....ربنا يكرمك
10-احمد منير......
انت ايه رايك لو كنا مسكنا المؤسسة اللى كانت المفروض تتعمل ,هل كنا هننجح؟ وليه؟
كنا هننجح فى الاول ولكن بعد كده بتهيألى كان اهتمامنا بيها هيقل ممكن بسبب الكسل او بعض الظروف ذى الكليه
ما تقوعاتك لحياتنا العملية بعد اما نخلص المخروبة دى لكل عضو فى الشلة؟
احمد منير -سامح -رامى -محمد سمير -محمد على -احمد رمضان -عمرو..........ان شاء الله طريقهم معروف وربنا هيكرمهم على طول ان شاء الله
اما ...انا وانت وايفا ومحمدى.......ف الله اعلم بحالنا لان اثار وسياحه مجالهم مش متحدد اوى ومحمدى انا شايف ان محامى مش لايقه عليه ويا رب يخيب ظنى ويطلع ذى مرتضى منصور كده

السلام عليكم

أزيك ياعمدة

يارب تكون بخير

أسئلتى

1- مين أصدقائك فى المنتدى

2- هل فى مرة حسيت بالظلم

3- إيه أكتر مرحلة نفسك أنها ترجع تانى

4- إيه هى أحلامك فى المستقبل

5- إزاى بتشوف الدنيا

6- إيه الحاجة اللى بتخليك مبسوط وسعيد

7- إيه الحاجة اللى بتخليك حزين

8- لو فى مرة حسيت إنك متضايق زهقان بتحب تتكلم ولا بتفضل إنك تسكت
ولو بتحب تتكلم مين أكتر شخص بترتاح لما بتتكلم معاه

كفاية كده بأة عليك

السلام عليكم
عليكم السلام ورحمه الله وبركاته
أزيك ياعمدة
الله يسلمك
يارب تكون بخير
ربنا يخليكى
أسئلتى
اتفضلى
1- مين أصدقائك فى المنتدى
محمد يوسف-عمرو-والمدير طبعا
2- هل فى مرة حسيت بالظلم
ومين محسش بالظلم
3- إيه أكتر مرحلة نفسك أنها ترجع تانى
تالته اعدادى
4- إيه هى أحلامك فى المستقبل
ان اوصل للى انا عاوزه-وان اخطب الانسانه اللى حبتها
5- إزاى بتشوف الدنيا
امتحان سهل اوى وفى نفس الوقت صعب اوى - اتمنيت لو مكنتش ادخله
6- إيه الحاجة اللى بتخليك مبسوط وسعيد
ان اكون راضى عن نفسى وده مش سهل
7- إيه الحاجة اللى بتخليك حزين
لما احس ان انا لوحدى
8- لو فى مرة حسيت إنك متضايق زهقان بتحب تتكلم ولا بتفضل إنك تسكت
ولو بتحب تتكلم مين أكتر شخص بترتاح لما بتتكلم معاه
بحب اتكلم- 2 اصحابى
كفاية كده بأة عليك
اوك

بتهيألى كده كفايه اوى انا كده برائه
واتفضل يا ابو يوسف دورك

وانا اول واحد هسألك

ايه اكتر -حاجه -واحد -واحده -صاحب حبيتهم وكرهتهم فى الدنيا؟

الدنيا علمتك ايه؟

انت حاسس انك مظلوم ؟ولو اه مين اللى ظالمك؟

مين اكتر واحد خدت فيه مقلب ؟

شلتنا بتمثلك ايه؟

مين اكتر واحد قرب منك دلوقتى وقبل كده؟

تقول لمين -بحبك-بكرهك-انت خاين-مغرور-موهوم؟

ايه اكتر حاجه (بتتمناها-خايف) منها فى المستقبل؟

ايه اكتر حاجه (حبيتها-كرهتها)فى نفسك؟

مين الشخص اللى بترتاح لما بتتكلم معاه؟

لو واحد قالك اختار 3 حاجات وانا انفزهملك تختار ايه؟

مين اكتر واحد خيب ظنك؟

ماشى دبستنى وخلاص يا عمدة
هجاوبك بس بكره علشان ابقى فايقلك

وانا اول واحد هسألك
اسال يا عم

ايه اكتر -حاجه -واحد -واحده -صاحب حبيتهم وكرهتهم فى الدنيا؟
اكتر حاجة احبها البساطة
اكتر حاجة اكرهها التكبر
اكتر واحد احبه ناس كتير
اكتر واحد اكرهه المتكبر والمنافق
اكتر واحده احبها ناس كتير برضو
اكتر واحده اكرهها اللى تخلى الناس تتكلم عنها وحش
اكتر صاحب بحبه اكيد بحب اصحابى كلهم
اكتر صاحب كرهته مفيش حد صاحبى بكرهه

الدنيا علمتك ايه؟
علمتنى ان مش كل حاجة نتمناها بنلقيها

انت حاسس انك مظلوم ؟ولو اه مين اللى ظالمك؟
انا الحمد لله مش مظلوم دلوقتى لكن ممكن اتظلم بعدين وهتبقى الدنيا اللى ظلمانى

مين اكتر واحد خدت فيه مقلب ؟
واحدة اعجبت بيها لفترة

شلتنا بتمثلك ايه؟
حاجات كتير اتمنى اننا نفضل مع بعض على طول

مين اكتر واحد قرب منك دلوقتى وقبل كده؟
دلوقتى فى واحد وفى واحده
قبل كده كان واحد

تقول لمين -بحبك-بكرهك-انت خاين-مغرور-موهوم؟
بحبك:كل انسان اعرفه
بكرهك:للى يتكبر على الناس
انت خاين: كل واحد يبقى بوشين
مغرور:للى مفكر ان بفلوسه ممكن يشترى كل حاجة
موهوم:للى مفكر ان الدنيا هتديله كل حاجة

ايه اكتر حاجه (بتتمناها-خايف) منها فى المستقبل؟
اكتر حاجة بتمناها انى اشتغل شغلانة كويسة بمرتب كويس وتكون مريحه لى
اكتر حاجة خايف منها ان الفلوس تكون عائق فى حاجات فى دماغى ابقى عاوز اعملها
ايه اكتر حاجه (حبيتها-كرهتها)فى نفسك؟
اكتر حاجة حبيتها انى انسان بسيط
اكتر حاجة كرهتها انى متردد وخجول زيادة عن اللزوم

مين الشخص اللى بترتاح لما بتتكلم معاه؟
اصحابى

لو واحد قالك اختار 3 حاجات وانا انفزهملك تختار ايه؟
1_انى اشتغل شغلانة كويسة واكون بحبها وتكون بمرتب كويس
بس متهيالى هى دى المفتاح وانا عليه الباقى
اما لو حاجات تانية ففى كتير بس هختار
2_انى احج انا وابويه وامى
3_انى اكون كويس مع الناس

مين اكتر واحد خيب ظنك؟
مفيش

السلاااااااااااام عليكم
ازيك يامحمد

- شخص لاترفض له طلبا ..؟؟

-مالذي يشعرك بأكثر قدر من الحرج...

من هو العضو اللي يستحق انه تقول عنه محبوب بين الاعضاء ؟

مين بنظرك بيعمل بجهد بالمنتدى

-ما الموضوع الذى يستحق ان يختار كافضل المواضيع على المنتدى ؟

مين الى انت عاوز تبقى زيه "قدوتك" ؟

اكتر مدرس كنت بحبه جدااا فى الابتدائى او الاعدادى او الثانوى ؟

ايه رأيك في مؤسسة عامر ؟

وايه رأيك في الفرع عندنا في برشوم ؟

اي رأيك في ا. منصور عامر كرجل اقتصاد ؟؟؟ رجل سياسة ؟؟؟؟ رجل خير ؟؟؟

انا عدلتلك الاسئلة اهو اياكش تجاوب بقى

ممكن اسالك سؤال اصل عمرو افترى شوية

بعد ان اصابك الملل من اسئلة عمرو
كلمة اخيرة نفسك فيها تقولها

حظك يا عمدة مشيت قبل مانا ارجع !

أهلا جو

حاسس بالملل ع الكرسي وللا لا ؟

بتقضي يومك ازاي ؟

هتنتخب مين ف الإعادة ؟

لو انت عضو مجلس شعب ايه هتعمله للبلد ؟

خلفية موبايلك ؟ رنته ؟

أكتر موقع بتدخله ؟ الهوم بيدج بتاعتك ؟ خلفية جهازك ؟

بتفكر ف ايه قبل ماتنام ؟

عمرك فكرت في الانتحار ؟ ورأيك ايه ف اللي يفكر فيه ؟

ايه رأيك ف الحجاب - النقاب - القراءة - الأغاني ؟

بتتفرج على ايه ف التليفزيون ؟ وايه أكتر قناة بتشغلها ؟

ايه بتخاف منه سواء أشياء مادية أو أفكار ؟

ايه نظرتك لــ : اليهود - المسيحيين - الصين - كرة القدم - أنفلونزا الطيور ؟

هل تؤمن بــ :
الأشباح
الجنية
ان ممكن جني يتحكم ف إنسان
وجود كائنات فضائية
القدرة على تحريك الأشياء بالنظر
إمكانية اختراع جهاز لقراءة الأفكار
تفسير الأحلام ( اللي موجود دلوقتي ع الفضائيات )
إمكانية تغيير بعض مبادئك بمرور الزمن
وأخيرا ... انك تشوف الصرف الصحي شغال ف برشوم قبل ما تموت ؟؟

ويللا كفاية .

السلاااااااااااام عليكم
عليكم السلام

ازيك يامحمد
الله يسلمك

- شخص لاترفض له طلبا ..؟؟
انا مش برفض طلب لاى حد بس ده بيتوقف على نوع الطلب

-مالذي يشعرك بأكثر قدر من الحرج...
اما اقع فى موقف محرج ومعرفش اخرج منه

من هو العضو اللي يستحق انه تقول عنه محبوب بين الاعضاء ؟
كل الاعضاء بتحب بعضها

مين بنظرك بيعمل بجهد بالمنتدى
عمرو عزت

-ما الموضوع الذى يستحق ان يختار كافضل المواضيع على المنتدى ؟
كرسى الاعتراف

مين الى انت عاوز تبقى زيه "قدوتك" ؟
مفيش حد معين انا عاوز ابقى شخصيتى انا مش ابقى زى حد

اكتر مدرس كنت بحبه جدااا فى الابتدائى او الاعدادى او الثانوى ؟
فى الابتدائى الاستاذ عامر
فى الاعدادى :الاستاذ اشرف والاستاذ عصمت والاستاذ اسامة
فى الاثانوى:نفس الاعدادى وزاد عليهم الاستاذر رافت والاستاذ محمد عجلان

ايه رأيك في مؤسسة عامر ؟
كفكرة خيرية هى كويسة اوى بس عاوزة مزيد من الفلوس

وايه رأيك في الفرع عندنا في برشوم ؟
والله انا شايف انه بيدار بطريقة تدعو الناس الى الشك المفروض يبقى فى شفافية اكتر من كده

اي رأيك في ا. منصور عامر كرجل اقتصاد ؟؟؟ رجل سياسة ؟؟؟؟ رجل خير ؟؟؟
كرجل اقتصاد:رجل عظيم وعامل نجاحات هايلة
رجل سياسة:انا مش عارف له حاجة سياسية
رجل خير:رجل خير جدا لكن انا منتظر منه المزيد

انا عدلتلك الاسئلة اهو اياكش تجاوب بقى
جوبت

ممكن اسالك سؤال اصل عمرو افترى شوية

بعد ان اصابك الملل من اسئلة عمرو
كلمة اخيرة نفسك فيها تقولها
خلاص عمرو عدل الاسئلة ومبقتش مملة لكن احب اقول اتمنى انى اكون كويس مع الناس واحب الناس والناس تحبنى زى ما بحبها

حظك يا عمدة مشيت قبل مانا ارجع !
حظى انا انك جيت وانا اللى على الكرسى

أهلا جو
اهلا بيك

حاسس بالملل ع الكرسي وللا لا ؟
لا

بتقضي يومك ازاي ؟
بصحى من النوم بفطر واقعد على النت لحد العصر ولو فى لعب بعد العصر بروح العب
وارجع المغرب اتغدى واقعد شوية على النت وبعد العشاء اخرج مع اصحابى وبعد اما ارجع اقعد على النت برضو
وفى اوقات بروح الكلية وارجع العصر

هتنتخب مين ف الإعادة ؟
مش هنتخب لانى مليش صوت

لو انت عضو مجلس شعب ايه هتعمله للبلد ؟
هعمل اللى الناس عاوزاه واللى اقدر عليه

خلفية موبايلك ؟ رنته ؟
برج باين فى الامارات, الرنة اسعد الله اوقاتكم

أكتر موقع بتدخله ؟ الهوم بيدج بتاعتك ؟ خلفية جهازك ؟
شباب برشوم,جوجل,خلفية السماء الزرقاء والارض الخضراء

بتفكر ف ايه قبل ماتنام ؟
حسب لو هروح الكلية بفكر فى الكلية
لو مش هروح يبقى بفكر فى ناس فى دماغى

عمرك فكرت في الانتحار ؟ ورأيك ايه ف اللي يفكر فيه ؟
لا الحمد لله,اللى بيفكر فيه يبقى انسان ضعيف الايمان وضعيف الشخصية

ايه رأيك ف الحجاب - النقاب - القراءة - الأغاني ؟
الحجاب:محبب وشىء جميل
النقاب:مش بفضله
القراءة:مفيدة لكن المشكله احنا بعدنا عنها
الاغانى:حرام لكن بنسمعها

بتتفرج على ايه ف التليفزيون ؟ وايه أكتر قناة بتشغلها ؟
على البرامج الرياضية والافلام الرعب والاكشن بالاضافة الى الماتشات,حاليا مودرن سبورت وكورة وتوب موفيز

ايه بتخاف منه سواء أشياء مادية أو أفكار ؟
مادية:اخاف الفقر
افكار:اخاف ان الناس تفهمنى غلط وتاخد فكرة وحشة عنى وانا عكس كده خالص

ايه نظرتك لــ : اليهود - المسيحيين - الصين - كرة القدم - أنفلونزا الطيور ؟
اليهود:دول مش بشر ولا ليهم قلب
المسيحين:فى وفى بس كلهم بيكرهوا الاسلام مع انهم عارفين الحقيقة
الصين:اكتر بلد احترمها لانهم رغم عددهم عاملين طفرة فى كل شىء وكفاية انهم نزلوا برشوم علشان يبيعوا
كرة القدم:حاجة جميلة بنضيع فيها اوقات فرغنا وبتلهينا عن حاجات وحشة كتير ممكن نعملها
انفلونزا الطيور:كان مرض طارئ لكن قدروا يتغلبوا عليه

هل تؤمن بــ :
الأشباح
لا
الجنية
لا لكن فى ناس كتير بتحكى انها شافتها
ان ممكن جني يتحكم ف إنسان
نعم
وجود كائنات فضائية
لا
القدرة على تحريك الأشياء بالنظر
ممكن
إمكانية اختراع جهاز لقراءة الأفكار
مستحيل
تفسير الأحلام ( اللي موجود دلوقتي ع الفضائيات )
ممكن بس معظمه مش صح
إمكانية تغيير بعض مبادئك بمرور الزمن
ممكن
وأخيرا ... انك تشوف الصرف الصحي شغال ف برشوم قبل ما تموت ؟؟
ممكن لانى مش فاض فى القليوبية الا احنا

ويللا كفاية .
اوكى

سلام الله عليك يا محمد هسألك سؤال واحد فقط :::لو علمت انك ستموت بعد سنه ياترى ايه الحاجات اللى هتعملها .؟طبعا انا اتمنى لك حياة طويلة وسعيدة..

اسلام الله عليك يا محمد هسألك سؤال واحد فقط :::لو علمت انك ستموت بعد سنه ياترى ايه الحاجات اللى هتعملها .؟طبعا انا اتمنى لك حياة طويلة وسعيدة..
وعليكم السلام
مش هعمل حاجة غير اللى بعملها الا انى اتقرب من ربنا اكتر والتزم اكتر هيبقى عملى كله من الناحية الدينية

بمناسبة ان النت لسه مفصلش هسألك كام سؤال.

لو انت احمد عبد النبى تغير فى نفسك ايه؟

تقول لمين (رضينا بالهم والهم مش راضى بينا)؟

مين اللى فى شلتنا بتشوف ان هو من الشخصيات الغريبه؟

لو الدنيا ساعه تتمنى تعيشها مع مين وهتعمل فيها ايه -مع العلم انك مش هتتحاسب على اللى هتعمله فى الساعه دى؟

كده رضا امتى هتقول الكلمه دى؟

ايه اكتر حاجه (عاوز تغيرها فى نفسك -الناس فهماك فيها غلط)؟

امتى حبيت محمد يوسف ؟-وليه؟
(حبيت -اعجبت) كام مره؟
كفايه كده

بمناسبة ان النت لسه مفصلش هسألك كام سؤال.
اسال وماله

لو انت احمد عبد النبى تغير فى نفسك ايه؟
اولا احمد عبد النبى اتغير كتير من ساعة ما دخل الكلية
لكن اعيب عليه انه عصبى اوى وممكن اما يجى يعالج موقف بيبقى عصبى فده ممكن يزيد الموقف سوء

تقول لمين (رضينا بالهم والهم مش راضى بينا)؟
اقولها للكلية

مين اللى فى شلتنا بتشوف ان هو من الشخصيات الغريبه؟
انا شايف انه محمد على بيعمل حاجات مش مفهومة او بيحب يعمل عكس اللى الناس بتعمله ودماغه مش مفهومة

لو الدنيا ساعه تتمنى تعيشها مع مين وهتعمل فيها ايه -مع العلم انك مش هتتحاسب على اللى هتعمله فى الساعه دى؟
اكيد هعيشها مع الناس اللى بحبهم نتكلم ونهزر مع بعض

كده رضا امتى هتقول الكلمه دى؟
الحمد لله على كل حال بس اما الاقى شغلانة كويسة واتجوز

ايه اكتر حاجه (عاوز تغيرها فى نفسك -الناس فهماك فيها غلط)؟
الطيبة مش عاوز اغيرها بس الناس فهماها على انها ضعف

امتى حبيت محمد يوسف ؟-وليه؟
انا بحب محمد يوسف كل اما يعمل حاجة كويسة
(حبيت -اعجبت) كام مره؟
حبيت مرة واحدة
اعجبت مرتين والتالته شدتنى اوى
كفايه كده
ماشى

انت ليه كل مانسألك عن حاجة تقول ( لو انا عاوز اعملها هاعملها ) ؟
انت ليه منفض للحياة كده . او تقدر تقول انطوائى فى الحياة العملية ؟
قولى بصراحة كده يامحمد انطباعك عنى ايه وتنصحنى بايه ؟
ايه اغرب حلم حلمته ؟
لو معاك طاقية الاخفا اول حاجة هاتعملها ايه ؟
لو معاك الة زمن هتعمل بيها ايه ؟
لو انت كليتك فى بنها هتروح ولا هاتنفض برضه ؟

اخيرا انا حابب اقولك حاجة
انت عندك حاجة غالية جدا حاول تعرفها وحافظ عليها

انت ليه كل مانسألك عن حاجة تقول ( لو انا عاوز اعملها هاعملها ) ؟
لانى لو عاوز اعملها هاعملها بمعنى انى ممكن انا عارف الحاجة دى وقادر اعملها
انت ليه منفض للحياة كده . او تقدر تقول انطوائى فى الحياة العملية ؟
انا مش منفض بس مش بجرى ورا الدنيا لانها متستهلش كل اللى احنا بنعمله, اما عن انطوائيتى فى الحياة العملية مش فاهما بس انا مش انطوائى
قولى بصراحة كده يامحمد انطباعك عنى ايه وتنصحنى بايه ؟
انت زى ما قولتلك انسان طيب وجميل وزى ما قولتلك صريح جدا فى ارائك
انصحك اما حد يقول رايه ويصر على رايه وهو غلط انك تفهمه انه غلط من غير عصبية ولا غلط فيه
ايه اغرب حلم حلمته ؟
اغرب حلم حلمته واصعب حلم كل ما افتكره جسمى يقشعر
انى كنت مرة فى المدرسة فكنا بنهرب واحنا نازلين من على السلم قابلنا الشيخ فتحى فجريت على فوق
وجيت انزل من السلم التانى قبلنى واحد قصير كده شكله غريب فخوفت منه وجريت وكان بيجرى ورايا
فضلت اجرى لحد ما وصلت الدور الخامس والغريب ان مفيش حد موجود خالص فلقيت كورة فضربتها فى الحيطة وببص لقيت الاخ ده جايلى وزنقنى وصحيت مخضوض
يمكن يكون حلم عادى بس انا كل ما افتكره جسمى بجد بيقشعر
لو معاك طاقية الاخفا اول حاجة هاتعملها ايه ؟
نفسى اعرف الناس عايشة ازاى وعاوز اشوف ناس معينة وعاوز اعرف حاجات معينة
لو معاك الة زمن هتعمل بيها ايه ؟
هرجع تانى للثانوى واعيش ايامه
لو انت كليتك فى بنها هتروح ولا هاتنفض برضه ؟
اكيد كنت هروح اكتر من كده لانى هقضى وقت جميل مع اصحابى ومش هكون لوحدى

اخيرا انا حابب اقولك حاجة
انت عندك حاجة غالية جدا حاول تعرفها وحافظ عليها
كل واحد فى حاجة كويسة بس انا عاوز اعرف ايه اللى في؟

السلام عليكم

أزيك يامحمد

هسألك سؤال واحد

إيه اللى مش عاجبك فى الدنيا ونفسك تعيش حياتك إزاى بأى طريقة

بس كده

السلام عليكم
وعليكم السلام

أزيك يامحمد
الله يسلمك

هسألك سؤال واحد
اتفصلى بس ده سؤال بالف سؤال

إيه اللى مش عاجبك فى الدنيا ونفسك تعيش حياتك إزاى بأى طريقة
اللى مش عجبنى ان الناس بقت وحشة وبقوا مسكين فى الدنيا اوى
نفسى اعيش حياتى ببساطة اشتغل شغلانة بس متخدش كل وقتى يعنى اشتغل مثلا شغلانة من 8 الى 8 يعنى اصحى اروح الشغل واجى من الشغل انام علشان اروح الشغل انا مش عاوز كده انا عاوز اشتغل ويبقى فيه وقت اقضيه فى حاجات تانية مش كله شغل نفسى اعيش حياة مريحة مش مهم اكون غنى بس الاهم انى اكون مرتاح

بس كده
مش مشكله

انا يا جماعة هقوك بقى واقعد
عبود الورد

أهلا عوبد الورد

ايه سر الاسم ده ؟

عرفت المنتدى ازاي ؟

بتشارك في منتديات تانية زي ايه ؟

كان نفسك تدخل كلية ايه ؟

بتقضي يومك ازاي ؟

ايه : أكتر موقع بتدخله ؟ الهوم بيدج ؟ وخلفية جهازك ؟

خلفية موبايلك ؟ ورنته ؟

صفات فتاة أحلامك .

المادة الفضلة لديك .

هواياتك .

أسماء أجمل الأفلام الي شفتها عربي و أجنبي .

أهلاوي وللا أهلاوي ؟ ومين اللعب المفضل ليك ؟

ايه رأيك ف المصارعة ؟

بتفكر ف ايه قبل ماتنام ؟

عمرك فكرت في الانتحار ؟ ورأيك ايه ف اللي يفكر فيه ؟

ايه رأيك ف الحجاب - النقاب - القراءة - الأغاني ؟

بتتفرج على ايه ف التليفزيون ؟ وايه أكتر قناة بتشغلها ؟

ايه بتخاف منه سواء أشياء مادية أو أفكار ؟

ايه نظرتك لــ : اليهود - المسيحيين - الصين - كرة القدم - أنفلونزا الطيور ؟

هل تؤمن بــ :
الأشباح
الجنية
ان ممكن جني يتحكم ف إنسان
وجود كائنات فضائية
القدرة على تحريك الأشياء بالنظر
إمكانية اختراع جهاز لقراءة الأفكار
تفسير الأحلام ( اللي موجود دلوقتي ع الفضائيات )
إمكانية تغيير بعض مبادئك بمرور الزمن
وأخيرا ... انك تشوف الصرف الصحي شغال ف برشوم قبل ما تموت ؟؟

وكفاية .

أهلا عوبد الورد
اهلا بيك
ايه سر الاسم ده ؟
احلى اسم اتناديت بيه
عرفت المنتدى ازاي ؟
سمعت عنه بس مش فاكر مين بالضبط
بتشارك في منتديات تانية زي ايه ؟
اكيد بس مش بشارك بمواضيع مثل منتدى التجارة بنها
كان نفسك تدخل كلية ايه ؟
اولا الحمد الله ولكن كان نفسى ادخل كلية العلوم قسم رياضيات
بتقضي يومك ازاي ؟
والله حسب الظروف بس عموما انا بقوم من النوم متاخر اصلى وافطر وانزل اقعد على الكمبيوتر ثم بعد ذلك ارتب مواعيدى لحيدا الساعة عشرة مساء بعد الساعة عشرة لو ليا مزاج اذاكر اذاكر لو مليش بقعد على الكمبيوتر او لوعندى اجهزة اعملها وكله حسب التساهيل
ايه : أكتر موقع بتدخله ؟ الهوم بيدج ؟ وخلفية جهازك ؟
اخبارك ....جوجل .......بغيرها دائما
خلفية موبايلك ؟ ورنته ؟
محمد رسول الله.....رنة خاصة (دعاء)
صفات فتاة أحلامك .
ذات دين وخلق
لمادة الفضلة لديك
دلوقتى الاقتصاد زمان كانت العلوم
هواياتك .
برمجة الحاسب
أسماء أجمل الأفلام الي شفتها عربي و أجنبي
عربى حلم العمر .....اجنبى ما بتفرجش على افلام اجنبى
أهلاوي وللا أهلاوي ؟ ومين اللعب المفضل ليك ؟
بالطبع اهلاوى.....حسام عاشور
ايه رأيك ف المصارعة ؟

ما بتفرجش عليها وهى بزود العنف والكره بين الافراد

بتفكر ف ايه قبل ماتنام ؟
بفكر فى الى انا عملته النهارده وبلوم نفسى كتير

عمرك فكرت في الانتحار ؟ ورأيك ايه ف اللي يفكر فيه ؟
اى واحد مؤمن عمره ما يفكر فيه

ايه رأيك ف الحجاب - النقاب - القراءة - الأغاني ؟

الاول ....الباس الشرعى للمراءة المسلمة الموحدة
الثانى...حرية شخصية
الثالث.....تغذية العقل
الرابع .......مش مؤمن بيها بالرغم من كدا بسمعها مش عارف ليه

تتفرج على ايه ف التليفزيون ؟ وايه أكتر قناة بتشغلها ؟
ما بتفرجش على التلفزيون الى اثناء المتش او برنامج دينى فقط
اكثر القناه مشاهدة مودرن سبورت وقناة النادى الاهلى

ايه بتخاف منه سواء أشياء مادية أو أفكار ؟
المووت فجأة

ايه نظرتك لــ : اليهود - المسيحيين - الصين - كرة القدم - أنفلونزا الطيور ؟

الاول.....مفسدين فى الارض
الثانى....ربنا يهديهم
الثالث...سيدة الاقتصاد العالمى
الرابع....تسليه
الخامس.....لا وجود لها

هل تؤمن بــ :
الأشباح
الجنية
ان ممكن جني يتحكم ف إنسان
وجود كائنات فضائية
القدرة على تحريك الأشياء بالنظر
إمكانية اختراع جهاز لقراءة الأفكار
تفسير الأحلام ( اللي موجود دلوقتي ع الفضائيات )
إمكانية تغيير بعض مبادئك بمرور الزمن

الاول...لا
الثانى...لا
الثالث...نعم
الرابع...نعم
الخامس ....نعم
السادس....لا
السابع....نعم
الثامن ...لو اتضح ان المبادى دى خطأ واقنع تمام الاقناع
التاسع...اكيد ان شاء الله

وكفاية .

شكرااااااااااااااااااا..........لك

aobdelward

ازيك يا عبود عامل ايه
يارب ف خير دايما
انا بقى ياعم هسالك عن شويه حاجات كده
مين اكتر واحد قريب ليك وبترتاحله ؟؟
مين اللى نفسك تشوفه ؟؟
لو معاك قلم ولوحه ياترى ايه ممكن ترسمهولنا ؟
ايه الالعاب اللى لعبتها وانت صغير ؟؟
كام مره ضحكت من قلبك ؟؟
موقف مش قادر ان تنساه؟؟

ازيك يا عبود عامل ايه
يارب ف خير دايما

الله يسلمك
الحمد الله تمام

انا بقى ياعم هسالك عن شويه حاجات كده

اتفضل ...تحت امرك

مين اكتر واحد قريب ليك وبترتاحله ؟؟

اخويا عبدالرحمن والتانى محمد مجدى

مين اللى نفسك تشوفه ؟؟

محمد احمد المهدى ........بن عمتى

لو معاك قلم ولوحه ياترى ايه ممكن ترسمهولنا ؟

صورة مبارك وجمال واكتب تحتهم لالتجديد ولا لتوريث

ايه الالعاب اللى لعبتها وانت صغير ؟؟

مش فاكر الى تغير المكانات

كام مره ضحكت من قلبك ؟؟

فيتو

موقف مش قادر ان تنساه؟؟

كنا على كورنيش بنها وواحد وقع من على عربية نظافة ومات
[/url][/b]

اعتقد كدا كفاية اقوم واقعد besho

ازيك يا بيشو
ونخش على الاسئلة السخنة
1_ما هو الفرق بين بيشو قبل الزواج وبيشو بعد الزواج ؟
2_ما رايك فى الزواج بصراحة؟
3_ما نصايح لاى حد داخل فى مرحة الزواج؟
4_ما رايك فى ثورة 25 يناير؟
5_هل الثورة غيرت بالفعل ام لم تغير؟
6_ما هى وجهة نظرك للخروج من هذا الظرف الطارىء؟

وكفاية كده

اولا انا اسف يارجاله على التأخير

وارجع لمحمد وقوله
1- مافيش فرق كبير بس الفرق اللى انا حاسس بيه هو الاستقرار وزيادة تحمل المسئوليه
2- الزواج اجمل شىء فى الوجود فهو استقرار وراحه نفسيه وخاصة لو تزوجت من حد عاقل وفاهمك وانت فاهمه
3- ايه ياعم كله زواج ، على العموم نصيحتى لاى حد مقبل على الزواج انه اهم حاجه يراعى ربنا فى زوجته ويحاول ان كل قرش هيصرفه على بيته سواء فى التجهيزات او ما بعد الزواج يكون من الحلال
4- بالنسبه لرأيى فى الثوره هو اللى حصل حاجه جميله جدا بيتهيألى انها اتأخرت حوالى 15 سنه بس لازم اننا ناخد بالنا من نفسنا شويه يعنى مانمشيش ورا اى حد ونسمعش كلام مالوش لازمه زى اللى بيجيبوهم فى البرامج التلفزيونيه والمهاترات والكلام الكتير اللى مالوش داعى
واهم حاجه لازم نتعلمها من الثوره اننا نبدأ بنفسنا وكل واحد يبص فى سلبياته ويبدأ يعدلها
وعموما الكلام عن ايجابيات الثوره كتيير مايخلصش وانا لخصتهولك فوق
5- تغيير الثوره بيرتبط بالناس فالثوره هتعتبر غيرت لو احنا غيرنا من نفسنا ده بالنسبه للتغير النفسى اما التغيير السياسى فهى غيرت كتيييييييييير كفايه ان الشعب وصل لمرحلة انه بقى سيد قراره وعرف ان السلطه بقت فى ايديه يعنى اتغيرت النظره للمواطن المصرى من انه مواطن سلبى الى مواطن ايجابى جدا جدا جدا
6- الخروج من الظرف الطارىء اللى احنا فيه يتطلب اننا اولا نرجع لربنا لانه هو القادر على كل شىء ثانيا اننا نحكم عقلنا شويه فى تصرفاتنا ومننجرفش ورا تيارات ليس لها اى قيمه ثالثا نصبر شويه عشان نشوف التغيير اللى هيحصل لان التغيير مش هيحصل فى يوم وليله وماتبقاش مطالبنا شخصيه عشان الناس تقدر تشتغل
وشكرا

سورى يا بيو هاقطعك للحظه صغيره
هاقول فيها ل احمد عبد النبى
هى الضحكه ماكنتش كده بس مع الوقت اتغيرت وانا حاولت ومعرفتش
وبعدين انا ع طبيعتى ولو مش عجباك هابقى اجى عندك واعملهالك vibration ههههههههههه

اسف يا بيشو مره تانيه
go ahead ya man

على العموم طالما ماحدش هيسأل
انا قايم من على الكرسى
بس قبل ما اقوم احب اقعد مكانى

ايفا الصغير (احمد ايف)

مرحب يا اخ ايفا
هسأل بعدين

موضوع: رد: كرسى الاعتراف السبت مارس 12, 2011 5:17 am

ليه بعدين اسالك انا دلوقتى ياعم

ايه رايك ف اجتماع انهرده بتاع يوم الجمعه ؟؟؟؟
ايه رايك ف حال البلد الفتره اللى جايه ؟؟؟؟؟
ايه اللى ممكن تقوله للشباب الفتره اللى بنمر بيها دلوقتى ؟؟؟؟؟؟؟
ايه دورك الفتره اللى جايه ف الاحوال عندنا ف البلد ؟؟؟؟؟؟

ايه اهم مهامك كوزير للشباب والرياضة في برشوم في الفترة القادمة :))

سؤال واحد بس يا ايفا

ما هى اهم مقترحاتك فى المرحله القادمه لبرشوم افضل ؟