كرسى الاعتراف

نرجو من الاخت لمياء الحضور على كرسى الاعتراف
وبنطلب من المدير انه يرسل بعض القوات لاستدعائها
على فكره المدير بعد ما حماده قام ركب تكييف فى القاعه وخلى الكرسى احسن من الاول

ماشي ياعم الخفيف

ماتردي يابنتي ع الناس

اولا معلش كان عندى امتحانات
ثانيا والله برد على الاسئله بس كل ماجى ابعت ميرداش يسجل المساهمه مش عارفه ليه

ازيك يا لمياء يارب تكونى بخير ..
الحمدلله.



دا كرسى مريح ونظيف جدا وحمادة غسله كويس بعد ما قام.....
الله يباركله..

يا ريت حد يرد عليا ويقولى ايه المشكله.

الحمد لله .سورى طلعت المشكله من الكمبيوتر بتاعى وعلى العموم انا اسفة

عذر مقبول يا لمياء ..وصافية لبن ومستنيين الغداء ان شاء الله ..ودلوقتى نخش على الاسئلة
- ما رأيك فى :
الحياة
السعادة
الطفولة
شباب اليوم وفتياته
الفقر
الغنى
الحب
الصداقة
النجاح
الفشل
لمن تقولى هذه الكلمات :
الله يرضى عليك
اعوذ بالله منك
يا مسهرنى
ابعد عنى
احبك
الله يرحمك
الله يهديك
ما اكثر صفة تتميزين بها ؟
ما هى عيوبك فى نظرك ؟
من اقرب انسانة الى قلبك بعد امك ؟
ايه الموقف اللى زعلك منى ؟
طب اية الحاجة الى فرحتك منى ؟
ايه الحاجة الى نفسك تقوليها وما حدش سالك عنها ؟
لو معاكى ثلاث زهرات لمن تعطيها ولماذا ؟
وكفاية دول دلوقتى ......

طيب سؤال واحد كمان يا لمياء :

خلفية موبايلك ؟و رنته ؟ و أكتر موقع بتدخليه ؟

ومش هاسأل تاني يا محمد يا علي ....... ابسط بقى .

أهلا لمياء
اهلا بيك.
ايه المعلومات اللي ممكن نعرفها عنك ؟
انا اسمى...... عندى 19 سنه فى كليه...... من برشوم بنت عاديه جدا وكفليه كدا
أول مرة تشاركي ف منتديات ؟
لا شاركت قبل كده فى منتدى الكليه
سر حبك للزمالك ؟ومين اللاعب المفضل ليكي ؟ وبتشجعي فرق ايه بره مصر ؟
انا بحب الزمالك من وانا صغيرة جدا بحس انه نادى بيلعب كويس بس الحظ مش معاه. حاذم امام سابقا. لا انا ماليش فى الكوره اللى خارج حدود الوطن
هواياتك ؟

بحب جدا اتفرج على التليفزيون
بتقضي يومك ازاي ؟
زى اى بنت لما اصحى من النوم اعمل شغل البيت وبعدين بروح الكورس ولما اجى بتفرج على التليفزيون او بفتح المنتدى.......
بتحبي تتفرجي على ايه ف التليفزيون ؟
على البرامج الاجتماعيه والافلام الاجنبيه
كان نفسك تدخلي كلية ايه ؟
هندسه
حسيتي ب الظلم قبل كده ؟
كتيير
ايه حلو ف برشوم ؟ وايه وحش فيها ؟ وايه مشاريع نفسك تتعمل فيها ؟
زى ما قلت قبل كدة بحس ان الناس قريبه من بعضها شويه. مستشفى مزودة بخدمات كويسه
نفسك مين يمسك مصر بعد مبارك ؟
جمال مبارك
ايه رأيك ف الأغاني ؟
عاديه.ساعات بتونس الواحد
الممثل - المغني - الداعية - المقرئ - المذيع ....... المفضل ؟

الممثلز كريم عبد العزيز
المغنى محمد منير
الداعيه محمح حسان
المقرى احمد العجمى
المذيع تامر امين
ليه ما بتدخليش المنتدى بانتظام ؟وبتدخليه ليه أصلا ؟
عشان كان عندى كورس وامتحانات.اكيد عشان بستفاد منه
ايه أكتر قسم بيشدك ؟
كلهم
ايه عيوب المنتدى ؟

فى ناس ساعات بترد بقساوة شويه
نظرتك للمنتدى وللأعضاء اللي فيه اختلفت قبل وبعد ما اشتركتي فيه ؟
ايوة طبعا
كنت فاكره ان المنتدى عادى زى اى منتدى بس اكتشفت انه فى جو صحوبيه وكاننا عائله واحدة
اما الاعضاء فى كتير منهم كنت اعرفهم شكلا بس ولما اتعملت معاهم عرفت شخصيته اكتلر واكتر
أكتر مرة زعلتي كانت امتى ؟ وأكتر مرة فرحتي ؟
من 3 شهور.من اسبوعين لما شرف ابن اختى
وامتى بتزعلي وامتى بتفرحي ؟
بزعل لما بحس بالظلم.بفرح لما بحس انه ربنا راضى عنى لما يحققلى امنيه انا كنت محتجاها
بتخافي من ايه ؟
من بكره او المستقبل

فتى الأحلام ..... ايه صفاته ؟
مؤدب ومحترم ويعرف ربنا ويكون شرينى بجد
كام عضو من اللي ع المنتدى تعرفيهم ف الحقيقة ؟
ممكن اكون اعرف معظم الاعضاء بس اتعملت فى الحقيقة مع حوالى 5
وكام عضو يعرف انتي مين ؟
ولا واحد
وليه دخلتي بشخصية مش معروفة ؟
عشان ميكنش فى حدود يتعملوا معايا بيها يعنى يكونوا بطبيعتهم معايا
ايه رأيك ف الحجاب و النقاب ؟
الحجاب احلى شى فى المراه المسلمه بجانب انه فرض. النقاب اسمع انه للمراه فائقه الجمال يعنى مش اى حد يلبسه وكمان هو مش فرض
ايه رأيك ف القراءة ؟

القراءه غذاء العقل بنستفاد منها كتييير جدا بس للاسف معظمنا مش بيقرا
لو اللي جاي يخطبك معاه شهادة أقل منك هل ممكن تفكري فيه وللا هترفضي علطول ؟
بص من ناحيتى ان الراجل لا بشهاته ولا بماله. بس اهلى اكيد هيرفضه وماما دايما تقول لى خدى واحد بنفس مستوى شهاتك عشان هو ميحسش بالفرق بعد كدة وده بيسبب مشاكل
أكتر السلبيات اللي بتشوفيها وانتي ماشية ف الشارع ؟
فى بلدنا الشتائم على الفاضى والمليان بجانب المعكسات
عمرك فكرتي ف الانتحار ؟ وايه رأيك ف اللي يفكر فيه ؟
لا لا لا لا اعوذ بالله. بص هو اكيد ياس من حياته بس ربنا قلنا اصبروا واكيد ربنا هيقف معاه وممكن ده يكون خير ليه بعد كده
اختاري شوية أعضاء وقولي انطباعاتك عنهم ايه .
اولا الاستاذ اشرف. انسان محترم جدا جدا جدا فوق الوصف بستفاد منه كتيييييييير.ومهما فضلت اقول عنه مش هيكفى كلامى عن اخلاقه وصفاته الحميدة
ثانيا. الاستاذ حماده السيد انسان عنيد جدا جدا جدا ومبيسبش حد فى حاله هههههه
ثالثا محمد يوسف انسان طيوب جدا جدا ومحترم جدا برده
رابعا عمرو عزت انسان محترم بس سعات بيحبكها شويه صغيرين
وكفاية كده علشان خاطر سكاي .
ياراجل انت عايز ايه تانى

طيب سؤال واحد كمان يا لمياء :
اتفضل.
خلفية موبايلك ؟و رنته ؟ و أكتر موقع بتدخليه ؟

طفل صغير. نغمت سجدت وطولت السجدة. المنتدى

طيب والنبى لما كل واحد يكتب رشوة اسئله زى الى فوق دى احنا نسأل ايه
برحتهم ياعم محمد. اسال انت كمان رشوة اسالة.يالا
نقولها بتستعملى معجون اسنان ايه ؟
signal
بتحبى تربى اظافرك ولا لا
ايوة
فالى يسأل يسيب لغيرو مكان ولا بلاش نسأل
اكتفى بالسؤالين دول
ايه الاسئله الغريبه دى
وعلى فكره ليهم مغذى ومغذى كبير كمان
ياراجل طب ياريت تقولى
هتعرفيه لما تجوبى وادعى لحماده بتاع سونيا الى بيشرب قرفه بالجنزبيل
ربنا يخليك للشعب يا حماده

عذر مقبول يا لمياء ..وصافية لبن ومستنيين الغداء ان شاء الله
ماشى. وانا تحت امرك يا استاذ اشرف. هو انا طول اعزم الاستاذ اشرف على الغدا
..ودلوقتى نخش على الاسئلة
اتفضل
- ما رأيك فى :
الحياة .اختبار من ربنا يا نعيشها صح يا نعيشها غلط وكل حاجة بأ دينا.
السعادة .بدون السعادة لا نستطيع ان نكمل حياتنا
الطفولة .ليت الزمان يعود يوما.ايام جميله لا ينساها القلب
شباب اليوم وفتياته .عيشين حياتهم حسب تقليد المجتمع الى معظمها غلط.بس ممكن يغيروا التقاليد دى وكل حاجه باديهم
الفقر .مش عيب انك تكون فقير.العيب انك متكنش راضى عن فقرك امام الله. والفقر مش فقر فلوس الفقر فقر نفوس
الغنى .الغنى غنى النفس.ممكن يكون مطلوب بس ميغطيس على عيونا
الحب احلى حاجة فى الدنيا. من غيره لا يكون هناك معنى للحياه
الصداقة . لا استطيع العيش بدونها
النجاح .احساس النجاح لا يساويه شى يعطينا دفعه للحياه
الفشل . اوحش حاجة فى الدنيا انك تفشل بس لازم نقتنع ان كل حاجة فى الدنيا قسمه ونصيب حتى ولو كان الفشل
لمن تقولى هذه الكلمات :
الله يرضى عليك عن المسلمين اجمعين
اعوذ بالله منك .من الشيطان والطمع
يا مسهرنى . ههههه الحبيب.
ابعد عنى .المنافق
احبك كل الناس
الله يرحمك . اموات المسلمين وخصتا جدى.
الله يهديك . برده كل الناس واولهم انا
ما اكثر صفة تتميزين بها ؟مقدرش انا احكم على نفسى. بس بيقولوا عليا طيبه .بيقولوا ها
ما هى عيوبك فى نظرك ؟عنيده جدا جدا جدا. وسعات العند بيودينى فى دهيه
من اقرب انسانة الى قلبك بعد امك ؟.اختى
ايه الموقف اللى زعلك منى ؟الصراحه. لما اكلمنا عن صحبيه الولد والبنت ودخلتونى فى حب وجواز وتحريف فى الدين. وانا مكنش قصدى كدا خالص كان قصدى الزماله العاديه ممكن نكون بنكلم مع بعضنا بنحل مشاكل بعضنا. بس مش لدرجة اللى انتوا قلتوا عليه
طب اية الحاجة الى فرحتك منى ؟
كتيير لما كنت بتنصحنى بحاجات واستفيد فعلا من النصيحة دى .وحاجات كتييير
ايه الحاجة الى نفسك تقوليها وما حدش سالك عنها ؟
هل انتى قريبه من الناس فى برشوم؟
والجواب هيكون لا. ومتسالنيس لا ليه
لو معاكى ثلاث زهرات لمن تعطيها ولماذا ؟
اول زهره. لامى بحييها على كل حاجة عملتها ليا انا واخواتى
تانى زهره لحضرتك .بحييك على كل حاجة اتعلمتها من حضرتك
ثالت زهره.لزوجى المستقبل.بحييه على حبه ليا ووقفته معايا
وكفاية دول دلوقتى ....
وانا مستنيا اسئله حضرتك..

ويخلي الشعب ليكي

انا ماكنتش ناوى اسأل بس فيه حاجة هاتخلينى اسألك شوية اسألة

. انتى بتقولى انك عندك 19 سنة ده لو صحيح يبقى انتى قدى
بس انا معلش عاوز اعرف حاجة هو انتى مخطوبة ولا لسه ؟!!

. مش ملاحظة انك من اول من انت دخلتى على المنتدى وانت بتشكرى فى محمد يوسف ! انا عاوز اعرف ايه السبب او مبرر ؟

. ازاى انتى يتقولى انك لسه مخلصة امتحانات ؟ وهى ايه الكلية اللى
فيها امتحانات لحد دلوقتى ؟ خاصة انك قدى وانا عارف كل البنات اللى
قدى فى البلد فى كلية ايه

. انتى قولتى انى بحبكها شوية ؟ ممكن تفهمينى اكتر او تجيبى مثال

. ليك كم اخ وكام اخت بصراحة ؟

. بأمانة كده هل ليكى عضوية تانية غير لمياء ؟

يا جاعة حد يبعتلها رساله او نشوف عضو تانى لحد ما تيجى

ويخلي الشعب ليكى.
يارب ويخلى الناس لكل الناس.ومتقليش ازاى

يا جاعة حد يبعتلها رساله او نشوف عضو تانى لحد ما تيجى
صباح الخير يا محمد يا يوسف

انا ماكنتش ناوى اسأل بس فيه حاجة هاتخلينى اسألك شوية اسألة

ومكنتش ناوى تسال ليه. على العموم برحتك
. انتى بتقولى انك عندك 19 سنة ده لو صحيح يبقى انتى قدى
هو انت عندك 19 سنه ولا 18 سنه. على العموم انا اكبر منك بسنه
بس انا معلش عاوز اعرف حاجة هو انتى مخطوبة ولا لسه ؟!!
لا لسه. ومش ناويه

. مش ملاحظة انك من اول من انت دخلتى على المنتدى وانت بتشكرى فى محمد يوسف ! انا عاوز اعرف ايه السبب او مبرر ؟
مفيش سبب عادى يعنى. كل الحكايه ان محمد يوسف اكتر عضو اتعملت معاه فى الحقيقه .

. ازاى انتى يتقولى انك لسه مخلصة امتحانات ؟ وهى ايه الكلية اللى
فيها امتحانات لحد دلوقتى ؟ خاصة انك قدى وانا عارف كل البنات اللى
قدى فى البلد فى كلية ايه

اولا انا مش قدك
ثانيا انا مقلتش امتحانات فى الكليه انا قلت امتحانات فى الكورس بتاعى
ثالثا انا لسه مخلصتش امتحانات.لسه بمتحن
. انتى قولتى انى بحبكها شوية ؟ ممكن تفهمينى اكتر او تجيبى مثال

مثلا لما اكلمنا على صحوبيه الولد والبنت
انت قلت عليها تحريف فى الدين. طب هى لما يكون ليك زمايل فى الكليه وبتتعامل معهم زى موضحت للاستاذ اشرف يبقى تحريف فى الدين؟
. ليك كم اخ وكام اخت بصراحة ؟
فيتو
. بأمانة كده هل ليكى عضوية تانية غير لمياء ؟
لا .والله العظيم هى لمياء وبس

اولا

بخصوص ان انا قولت حكاية التحريف فى الدين دى كانت لسبب

وهو ان فيه ناس بتقول انه يجوز يصاحبها
ويقولوا لبعض على اسرارهم لكن من غير مايكونوا عايشين فى قصة حب

والاستاذ اشرف وضح اللى انا عايز اقوله بانه قال
. ان الصحوبية بين البنت والولد اقصر طريق للشيطان

وانا قصدى التوعية وان ماينفعش نحلل حاجة ربنا حرمها

ازيك يا ............ اقصد لمياء
اولا انا اشكرك على الكلام الجميل اللى قولتيه عنى
ثانيا انا بعتذر لانى زعلتك منى .......
.ثالثا انا عرفتك وانا الوحيد اللى عرفتك ومش هقول لحد .. وعلشان تتاكدى انى عرفتك خدى المعلومات دى
1-انتى خطيبة ابنى محمود وادمتى له الشبكة فى يوم من الايام
2-انادرست لثلاثة من اخواتك واحدة فى المدرسة واثنين فى ا لدرس والمدرسة
3- اخواتك الكبار مجوزين خارج البلد
لو انا صح ابعتيلى فى رسالة خاصة وانا ستر وغطى عليكى

اولا :معلش يا لمياء الى منتش شايف الاجابات وبعدين اعذرينى اصل اليومين دول بصحى بدرى فدماغى مش معايا
ثانيا:ايه يا عم عمرو فيها ايه ام تشكر فيا وبعدين ما هى كمان بتشكر فى الاستاذ اشرف
ثالثا:هى عندها 19 سنة يعنى قدى مش قدك وهى من جيلى
رابعا :انا بشكرك يا لمياء على الكلام الجميل
خامسا: نخش على الاسئلة جاهزة
ايه رايك فى الحب؟ هل مريتى بتجربة حب؟هل بتحبى حاليا؟
من كلامك انك عاملتينى ,ايه هى عيوبى ؟ وميزاتى؟ براحة ومتكسفيش
هل خدتى دروس معايا قبل كده؟
هل تعرفى شلة السناكيح؟اكيد تعرفيهم,ايه رايك فيهم؟؟؟
هل عملت معاكى موقف زعلك؟من غير ذكر الموقف علشان لو فيه مش هتقوليه علشان ماعرفكيش
كنت متوقعالى اخش كلية ايه؟
هل انت راضية على الكلية اللى انت دخلتيها؟ وكان نفسك تخشى ايه؟
هل لما تخلصى هتشتغلى ولا هتتجوزى وتقعدى فى البيت؟
كفاية كده بس ياريت تجاوبى بصراحة

اولا بالنسبه للسؤالين لانى بينى وبينك سموان كان كاتب كتير اوى وانا مش عايز اسأل نفس الاسئله

اما مغذى السؤالين هقولك يا لمياء واحد بتستعملى معجون سجنل يعنى انتى مش مع المقاطعه للمنتجات اليهوديه دى معلومه
بتربى اظافرك وده على حد علمى والله اعلم مكروه لان الشيطان بيرقد تحتها والله اعلم
وبينى وبينك مش لذيذه
واوعدك لما تقعدى تانى هسألك اسئله لذيذه

اولا :معلش يا لمياء الى منتش شايف الاجابات وبعدين اعذرينى اصل اليومين دول بصحى بدرى فدماغى مش معايا
ربنا يكون فى عونك.
ثانيا:ايه يا عم عمرو فيها ايه ام تشكر فيا وبعدين ما هى كمان بتشكر فى الاستاذ اشرف
قوله والنبى
ثالثا:هى عندها 19 سنة يعنى قدى مش قدك وهى من جيلى
رابعا :انا بشكرك يا لمياء على الكلام الجميل .
العفو. ودى الحقيقه انا مش بجامل
خامسا: نخش على الاسئلة جاهزة
اتفضل
ايه رايك فى الحب؟ هل مريتى بتجربة حب؟هل بتحبى حاليا؟

انا قولت قبل كده انه اجمل حاجه فى الدنياو بدونه ليس للحياه معنى. ايوة. ايوة

من كلامك انك عاملتينى ,ايه هى عيوبى ؟ وميزاتى؟ براحة
ومتكسفيش
متخفش مس هكسف.
اولا مميزاتك.. انك طيب جدا ومحترم جداوبتحب اصحابك جدا جدا وبتخاف عليهم يعنى صاحب صحبه.
ثانيا عيوبك.. بحس انك انطوائى شويه. بتخاف انك تتعامل مع الناس كتيير. ومش جاريىء
هل خدتى دروس معايا قبل كده؟
ايوة
هل تعرفى شلة السناكيح؟اكيد تعرفيهم,ايه رايك فيهم؟؟؟

اولا وبدون زعل انتوا شله مجنونه جدا.بس احلى حاجه فيكم انكوا بتحبوا بعضكم اوى الصراحه مشفتش اصحاب بتحب بعضها اوى كده ما شاء الله عليكم على فكره انا انا مبحستش
بجانب انكوا محترمين جدا مع نفسكم ومع غيركم. وربنا يخليكوا لبعض

هل عملت معاكى موقف زعلك؟من غير ذكر الموقف علشان لو فيه مش هتقوليه علشان ماعرفكيش
ايوة. بس انا مش زعلانه دلوقتى
كنت متوقعالى اخش كلية ايه؟
طبعا هندسه
هل انت راضية على الكلية اللى انت دخلتيها؟ وكان نفسك تخشى ايه؟
ايوة الحمد لله. هندسه يالا كنا هنبقى زمايل بس النصيب
هل لما تخلصى هتشتغلى ولا هتتجوزى وتقعدى فى البيت؟
والله لو لقيت شغل هشتغل. لو مالقتش يبقى نصيبنا نعقد فى البيت
كفاية كده بس ياريت تجاوبى بصراحة.
والله جوبت بكل صراحه

اولا انا معاكى انى مش جرىء لكن مش معاكى انى انطوائى بالعكس انا اجتماعى بس مع الناس اللى واخد عليها.
ثانيا لو كنت زعلتك انا بتاسف ليكى دلوقتى من غير ما اعرف السبب

معلش هسالك تانى
كنت عاوزة تخشى هندسة ليه علشان كلية قمة وخلاص ولا كنت بتتمنيها؟
لو انت عاوزة تشتغلى وخطيبك رفض انك تشتغلى ؟هتملى ايه؟
ايه رايك انت بقى فى زمالة الولد للبنت ؟
شكلك كده متاثرة بالاستاذ اشرف,صح ولا؟ وليه؟ وعلى فكرة انا كنت بحبه اوى وما زلت.
هل ليكى اصحاب بنات يعنى؟
كفايه كده لتزهقى

اما مغذى السؤالين هقولك يا لمياء واحد بتستعملى معجون سجنل يعنى انتى مش مع المقاطعه للمنتجات اليهوديه دى معلومه

اولا انا مكنتش اعرف انه منتج يهودى. واوعدك انى هبطله خالص او هبطل اغسل سنانى اصلا.
بتربى اظافرك وده على حد علمى والله اعلم مكروه لان الشيطان بيرقد تحتها والله اعلم .
بص انا سمعت كده برده بس للى مش بينظفهم وانا الحمد لله بنظفهم على طول.
وبينى وبينك مش لذيذه .
بص يمكن انا عشان اتعوت على كده فشيفاها عادى
واوعدك لما تقعدى تانى هسألك اسئله لذيذه.
اوك وانا مستنيا.

وردا على لمياء ( معلش كنت بحسبك قدى اصل انا فاضلى تقريبا 3 شهور واكمل 19 سنة )
ولما انت لسه مكملش 19 سنه بتقول ان عمرك كده ليه انت عايز تكبر نفسك وخلاص. دا احنا بنقول ليت الزمان يعود يوما.
وياستى ربنا يوفقك فى امتحاناتك وكورساتك

امين. ويوفقك فى دراستك يارب

اولا انا معاكى انى مش جرىء لكن مش معاكى انى انطوائى بالعكس انا اجتماعى بس مع الناس اللى واخد عليها.
طب كويس.
ثانيا لو كنت زعلتك انا بتاسف ليكى دلوقتى من غير ما اعرف السبب.
يا عم خلاص بقى عفا الله عما سلف. وبعدين انا خلاص مش زعلانه دلوقتى

معلش هسالك تانى
تااااااااااااااااانى اتفضل
كنت عاوزة تخشى هندسة ليه علشان كلية قمة وخلاص ولا كنت بتتمنيها؟
لا طبعا عشان كنت بتمناها. كنت حبه مجاله وخاصا قسم الديكور
لو انت عاوزة تشتغلى وخطيبك رفض انك تشتغلى ؟هتملى ايه؟
اولا يحاول يقعنى سبب الرفض ايه.
لو لقيته سبب مقنع اوك عادى مش هشتغل . اما لو مكنش سبب مقنع
هشتغل ويبقى يرفض وانا فى بيته براحته
ايه رايك انت بقى فى زمالة الولد للبنت ؟
بص زماله الولد والبنت اللى انا اقصدها انه مثلا تبقى فى المحاضره نكلم على المحضرات نكلم على المواد اى حاجة بخصوص المنهج. خارج المحاضره وبرضه تبقى فى الجامعه لو حد عنده مشكله نحاول نحلها مع بعض نكلم مع بعض فى امور الحياه بس الكلام يكون له حدود وكذلك التصرفات تكون لها حدود. بس
شكلك كده متاثرة بالاستاذ اشرف,صح ولا؟ وليه؟ وعلى فكرة انا كنت بحبه اوى وما زلت.

صح طبعا. لا ن الاستاذ اشرف اتعلمت منه كتييير جدا و عشان بحس انه اكتر حد فهمنى. مش انت لوحدك كل الناس بتحب الاستاذ اشرف لانه انسان محترم
هل ليكى اصحاب بنات يعنى؟
طبع ليا اصحاب بنات كتيييييييير جدا.
كفايه كده لتزهقى.
لا ولا يهمك. برحتك

اهلا بيكى مرة تانية يالمياء

وخدى بقى اسئلتى :

1 اول مرة سمعتى عن المنتدى كانت امتى ؟
2 هل اللى قالك عليه مشترك فيه ولا بيسمع عنه بس ؟
3 هل انتى اتعلملتى معايا قبل كده ؟
4 وهل تعرفي حد فى عيلتى مثلا اخواتى او امى ؟
5 قوليلى ايه الفرق بين المدينة والقرية ؟
6 ليه مش حاطه صورة شخصية ؟.. مش قصدى صور ليكى طبعا
7 ايه القسم اللى على المنتدى بيشدك اكتر ؟
8 قوليلى عيوب وميزات المنتدى واعضائه ؟
9 ليه لحد دلوقتى معملتيش موضوع ؟
10 هل علاقتك بوالدتك علاقة صداقة ولا مش للدرجة دى ونفس السؤال بالنسبة لوالدك؟

يالا كفايا كده على مافكر فى شوية اسئلة كمان .......

اسال انا بقي
اولا : مش هتغسلي سنانك تاني ليه؟

ثانيا: اكتر ماده حبيتيها وانتي بتذاكريها طول مدة تعليمك ؟ ولماذا؟

ثالثا : لو انتي كنتي ماسكة رئاسة الجمهوريه ( ماهي دي اللي ناقصه ) ايه اكتر 3 حاجات ممكن تعمليهم ( اكيد مش هتأمري بقتل الشعب عشان مش يبقي ف مشاكل ) ؟
رابعا : بتحبي تسمعي ل ( عمرو دياب _ عبد الحليم _ فريد الاطرش ) اغاني زي ايه بتحبيها ليهم ؟
خامسا : لو الشخص اللي انتي بتحبيه جه عشان يخطبك واهلك طلب منه حاجات تعجيزيه ( شبكه بمبلغ كبير ) وهو مش قدر ع طلباتهم ايه ممكن يكون رد فعلك وانتي بتحبيه جدا ؟
ساسا : ايه اكتر حاجه بتشغل بالك لما تيجي تنامي؟

سابعا : لو ان معكي سلاح به 3 رصاصات ع من تطليقينهم ؟

ثامنا : ايه المجال اللي انتي عايزه تشتغلي فيه ؟
تاسعا : ايه المجال اللي انتي شايفه انه ممكن يتفرض عليكي وتشتغلي فيه ؟

بلاش دبلوماسية



ثانك يو

اهلا بيكى مرة تانية يالمياء
اهلا بيك يا عمرو
وخدى بقى اسئلتى :
اتفضل

1 اول مرة سمعتى عن المنتدى كانت امتى ؟

السنه اللى فاتت.فى الكليه
2 هل اللى قالك عليه مشترك فيه ولا بيسمع عنه بس ؟
لا اكيد مشترك فيه بس الصراحة انا معرفش اسمه ايه على المنتدى

3 هل انتى اتعلملتى معايا قبل كده ؟
الصراحه لا
4 وهل تعرفي حد فى عيلتى مثلا اخواتى او امى ؟
اكيد طبعا
5 قوليلى ايه الفرق بين المدينة والقرية ؟
بحس ان الحياه فى المدينه احلى من القريه بكتييير
هناك كل الخدمات موجوده. تقاليد الناس مختلفه تماما عن القريه. زى مثلا مفيش حد بيدخل فى حياة حد فى المدينه كل فى حاله هناك. على العكس هنا الناس بتدخل بطريقه غريبه. بمعنى اصح مورهمش الا الكلام على الناس. انا مبقلش كده عشان اقول ان الناس فى المدينه احلى من فى القريه . لا زى مافى وحش هنا اكيد فى وحش هناك وزى ما فى حلو هنا فى حلو هناك.
6 ليه مش حاطه صورة شخصية ؟.. مش قصدى صور ليكى طبعا .
عادى. مجتش فى بالى
7 ايه القسم اللى على المنتدى بيشدك اكتر ؟
كل الاقسام مفيش قسم معين
8 قوليلى عيوب وميزات المنتدى واعضائه ؟
انا جوبت على السؤال ده قبل كده
9 ليه لحد دلوقتى معملتيش موضوع ؟
مبحبش اعمل مواضيع انا بحب اتناقش بس. لو جه مثلا سؤال على بالى بقوله وخلاص.
10 هل علاقتك بوالدتك علاقة صداقة ولا مش للدرجة دى ونفس السؤال بالنسبة لوالدك؟
بالنسبه لامى. ايوة هناك علاقه صداقه بنها وبينى عشان هى قريبه منا اوى انا واخواتى اكتر من والدى
بالنسبه لوالدى. عشان هو مش قريب منا اوى لا مفيش صداقه بنا اوى

يالا كفايا كده على مافكر فى شوية اسئلة كمان
ماشى

اسال انا بقي
يا سلام . اتفضل.
اولا : مش هتغسلي سنانك تاني ليه؟
ههههه.عشان محمد على كرهنى فى معجون الاسنان. وبعدين انا بهزر طبعا

ثانيا: اكتر ماده حبيتيها وانتي بتذاكريها طول مدة تعليمك ؟ ولماذا؟
الرياضة. عشان بحس انها بتغذى العقل. لانها فيها تشويق والغاز كتير وكده يعنى

ثالثا : لو انتي كنتي ماسكة رئاسة الجمهوريه ( ماهي دي اللي ناقصه )
ليه منفعش ولا ايه. يارب اوعدنا عشان خاطر حماده بس
ايه اكتر 3 حاجات ممكن تعمليهم ( اكيد مش هتأمري بقتل الشعب عشان مش يبقي ف مشاكل ) ؟
ده اول حاجه اعملها. هما كدا كدا ميتين اصلا
اول حاجة.. هبنى مساكن فى الصحراء. عشان اخف من العشوائيات وادى فرصه للشباب اللى مش لقيين سكن
تانى حاجة هصتصلح ولو جزء من الصحراء عشان معتمش على المنتجات اللى بتيجى من برا. ولى معظمها بدمرنا
ثالث حاجة. هحاول اغير منهاج التعليم والاساليب التعليميه
رابعا : بتحبي تسمعي ل ( عمرو دياب _ عبد الحليم _ فريد الاطرش ) اغاني زي ايه بتحبيها ليهم ؟
عمرو دياب.قصاد عينى
عبد الحليم.فى يوم فى شهر فى سنه
فريد الاطرش .مبحبوش اصلا بس ممكن ( فوق غصنك يا لمونه)
خامسا : لو الشخص اللي انتي بتحبيه جه عشان يخطبك واهلك طلب منه حاجات تعجيزيه ( شبكه بمبلغ كبير ) وهو مش قدر ع طلباتهم ايه ممكن يكون رد فعلك وانتي بتحبيه جدا ؟
هحاول اقنع اهلى انه مش عايزة مثلا الشبكه دى. وانى انا هعيش مبسوطه معاه وانى دى حياتى مش حياتهم وانا راضيه بعشتى معاه كده. واكيد مش هيرفضوا لو شيفين انه بنتهم راضيه بالانسان ده. وسعتها ابسط كلمه هتتقلى انتى حره.

ساسا : ايه اكتر حاجه بتشغل بالك لما تيجي تنامي؟
المستقبل. واحلامى فيه

سابعا : لو ان معكي سلاح به 3 رصاصات ع من تطليقينهم ؟
الاول. انت
التانى.الظالم
الثالت. المنافق

ثامنا : ايه المجال اللي انتي عايزه تشتغلي فيه ؟
مجال الكليه بتاعتى
تاسعا : ايه المجال اللي انتي شايفه انه ممكن يتفرض عليكي وتشتغلي فيه ؟
الصراحة مش عارفه بس سعتها لو افترض عليا وانا مش حباه. افضلى انى مشتغلش واعد فى البيت.
بس فى مجال بكره جدا هو المدرسه مش ممكن اشتغل فيه ابدا وبعدين ده مش مجال الكليه بتاعتى اصلا

بلاش دبلوماسية .
انا والله مش بكلم بدبلوماسيه خالص. ده كلامى العادى



ثانك يو
العفش

على فكرة انا عجبنى زجهة نظرك اوى
شكرا. بعضا مع عندكم
وبعدين متفكريش الناس هتقعد تفكر وتشغل نفسها انت مين المهم احنا بنتعامل مع ناس بفكرها لو كنا عارفينها خير وبركة مش عارفينها مش مشكلة يعنى مش هنكلمها

, بس انت شكلك مبتخافيش ايه الجراءة دى
يالا. اى خدمه اياك بس نتعلم

لمياء ........يامساء الفل

الرصاصه الاولي من نصيبي.....

ع اساس اني كعبلتك وانتي ماشيه

ليك يوم ياظالم

لمياء ........يامساء الفل
مساء النور.........
الرصاصه الاولي من نصيبي.....
ايوة

ع اساس اني كعبلتك وانتي ماشيه
وانت لو كعبلتى هضرب برصاص. ....لا هموتك بس

ليك يوم ياظالم
الظالم بقى.

ومنوره يا لمياء كرسى الاعتراف

منور باصحابه يا زيكوا

وهسالك كام سؤال كده
اتفضل

تحبى تغنيلنا ايه بمناسبه انك قاعده على كرسى الاعتراف والدنيا بقت زبادى ف الخلاط كده؟؟
خلى السلاح صاحى.ههههههه
حلى الفزوره دى
عيل صغير نزل تحت الكرسى عد رجول الكرسى طلعو خمسه
يا ترى طلعو معاه خمسه ازاى ؟؟؟
الصراحة مش عارفه. مايمكن عد نفسه على اساس انه رجل

وانتى يا لمياء احب انصحك نصيحه
ابعدى عن حماده اخويا انتى حره ده هلاس كبير ومش هاتقدرى عليه
اللهم بلغت اللهم فاشهد

السلام عليكم يا لمياء ...انا عرفت من كلامك وردودك على المنتدى وانتى على الكرسى صفة جديدة فيكى .ما كانتش واضحة زمان ..وهيه انك ( كوميديانة جامدة جداااااا) ..ربنا يحميكى ...
ثانيا عاوز اسألك سؤال :
ايه هو حلم حياتك ؟؟؟ فكرى شوية وما تستعجليش ....

ازيك يا لمياء هحاول اسالك ممكن
وحتى لو مش ممكن انا هسال برضو ههههههه
1_ بس انت شكلك مبتخافيش ايه الجراءة دى
يالا. اى خدمه اياك بس نتعلم
تقصدى ايه بالجمله دى؟
2_ايه اكتر موقف زعلك؟
3_اكتر موقف فرحك؟
4_هل ممكن تحبى واحد اصغر منك؟
5_انت كنت بتحلمى بايه واتحقق؟ وحلمتى بايه ومتحققش؟
وشكرا ليك وعلى راى الاستاذ اشرف انت شكلك فكاهية بس مش هتيجى زى ههههههههههههه

انتى حاجزه اسبوع ولا ايه يا لمياء
ياللى بقى جاوبلنا على اى اسئله فاضله
واخترلنا عضو على بكره كده ان شاء الله
لان كده الحساب هيتقل اوى
وهتحاسبى على الايام الزياده دى
هو المفروض 3 ايام
واى يوم زياده يا ستى بيعمل معانا بتاع 15 جنيه
وانتى بقالك بتاع اسبوع
يعنى لينا عندك
احسبيها كده وقوليلى

ياعم ماتسيبها قاعده منوره يامعلمه

وانتى يا لمياء احب انصحك نصيحه
ابعدى عن حماده اخويا انتى حره ده هلاس كبير ومش هاتقدرى عليه
اللهم بلغت اللهم فاشهد

ده مين اللى قلك كده يا احمد دا انا وحماده زى السمن على عسل. حتى اساله كده. وعلى العموم نصيحه مقبوله

السلام عليكم يا لمياء
وعليكم السلام ورحمة الله وبركاته يا استاذ اشرف
...انا عرفت من كلامك وردودك على المنتدى وانتى على الكرسى صفة جديدة فيكى .ما كانتش واضحة زمان ..وهيه انك ( كوميديانة جامدة جداااااا)
اهو الدنيا بتعلم. وزى مبيقوله الضحك غذاء الروح. بنحاول نكون سعداء
..ربنا يحميكى ...
ربنا يخليك يا استاذ اشرف. ويحميك من غدر الدنيا
ثانيا عاوز اسألك سؤال :
ايه هو حلم حياتك ؟؟؟ فكرى شوية وما تستعجليش ....

انى اكون مرتاحه نفسيا. واعيش فى راحه بال دايما. يارب