كرسى الاعتراف

طب لما اسئل انا
حاجه بتحبيها وحاجه بتكرهيها ؟؟؟؟
احلى هديه جاتلك كانت ايه ؟؟؟
لعبه محتفظه بيها لحد دلوقتى ؟؟؟

مش عارف هو كان فى فتاكات
بس مش عارف راحت فين

من حفر حفره لاخيه وقع فيها
وذنب ناس هيطلعو ناس
ربنا يستر

تصدق الواحد نسى انه على كرسى الاعتراف
بس معاك يا معلم وهجاوبك


اولا:مين اعز اصحابك
اصحابى كلهم الحمد لله بحبهم ومش عايز اقول حد معين علشان محدش يزعل بس فاكر ان قولت قبل كده مين اقرب
ثانيا:اية امنيتك فى النيا دى كلها ونفسك تحققها فى حياتك
نفسى ان ربنا يقدرنى ويعينى واقدر ان اسعد حد كده معين ومشوار كده لو كمل هتبقى فى حاجات كتير كويسه واحسن ان شاء الله
ثالثا:احلى حاجة بتحبها فى حياتك ومش لازم حاجة معينة يعنى
المكرونه بالبشامل ومحشى ورق العنب هههههههه
رابعا :مين اللى خلاك تبقى اهلاوى صميم كدة علشان اية يعنى
والله انتى نفسك ممكن تحسها اتفرج كده على ماتش للزمالك وبعدها ماتش للاهلى شوف نفسيتك هتبقى عامله ازاى ف الحالتين
بس يمكن علشان اخوالى زملكاويه ف طلعت اهلاوى هههههههه
خامسا :معزتى ليك اد اية
معزتك انا كنت شايفها ماشيه على جسر البحر
يا معلم الانسان الكويس والمحترم بيجبر اى حد انه يكون كويس معاه ويحترمه
وبصراحه مشفتش منك حاجه وحشه
ربنا يديم كل خير




محدش بقى يقول ل عمور انى على كرسى الاعتراف

انا بقا عايزه اعرف بطاقتك الشخصيه يعنى

الاسم-

العمر -

الحاله الاجتماعيه-

السكن -

هوياتك-

مستواك الدراسى-

احلامك المستقبليه-

فتاة احلامك او بمعنى اصح موصفات الزوجه الى تتمناها؟

حاجه عملتها وندمت انك عملتها؟

حاجه معملتهاش ونفسك تعملها؟

وكفايه عليك كده

اهلا اهلا

انا بقا عايزه اعرف بطاقتك الشخصيه يعنى

الاسم- زكريا على على الشيخ

العمر - هانت ويبقى 22

الحاله الاجتماعيه- اعزب ويبحث عن بنت الحلال

السكن - برشوم الصغرى - طوخ - قليوبيه

هوياتك- كانت الكوره بس من كتر المشاكل كبرتلها

مستواك الدراسى- لسا بدرس وربنا المعين

احلامك المستقبليه- بحلم ان ابقى صاحب شركه سياحه

فتاة احلامك او بمعنى اصح موصفات الزوجه الى تتمناها؟
اول حاجه طبعا الدين والاخلاق اخر حاجه الجمال مش شرط تكون حلوه ياما حلوين بس من جواهم مش كويسين
اهم حاجه الروح الطيبه وخفه الدم وانها تكون متفاهمه معايا وتقدر تفهمنى من مجرد ابصلها
وطبعا فوق كل ده انها تكون بتحبنى

حاجه عملتها وندمت انك عملتها؟
ان عملت مقلب مره ف حد غالى عليا هههههههههه
حاجه معملتهاش ونفسك تعملها؟
ان اخلص الكليه واشتغل
وكفايه عليك كده
الحمد لله انه كفايه

حبيب قلبى من جوه ده انا نسيت انك على الكرسى

السؤال الاول : اكمل الجمل الاتية :-
1 - انا احب ........................
2 - نفسى اقولك ياعمرو ان..........................
3 - سيبك من ال...............

السؤال التانى : اختر الاجابة الصحيحة :-

1 - من حفر حفرة لاخيه ( وقع فيها - نزل فيها - يردمها تانى -حرام عليه )
2 - اكتر حد بتحبه على المنتدى ( ....... - ....... - .......- ......)
3 - جبت تقدير ايه الترم الاول ( مقبول - جيد - جيد جدا - امتياز )

السؤال التالت : اجب عن الاسئلة التالية :-

1 - عايز تقول ايه لمين بره المنتدى ؟
2 - عايز تقول ايه لمين على المنتدى ؟
3 - تعمل ايه لو حسيت بالوحدة ؟

مع تمنياتى بالنجاح والتفوق
اسرة المنتدى
د / عمرو عزت

الدرجة النهائية


؟؟؟
-------
100

حبيب قلبى من جوه ده انا نسيت انك على الكرسى
انا كمان كنت نسيت ايه بس اللى فكرنى

السؤال الاول : اكمل الجمل الاتية :-
1 - انا احب كل من كانت نيته كويسه من نحيتى
2 - نفسى اقولك ياعمرو ان زى مافى الوحش الحلو اكتر ودور هتلاقى
3 - سيبك من الاحزان والمتاعب وعيش انهرده واعمل حساب بكره

السؤال التانى : اختر الاجابة الصحيحة :-

1 - من حفر حفرة لاخيه ( وقع فيها - نزل فيها - يردمها تانى -حرام عليه )
2 - اكتر حد بتحبه على المنتدى ( الناس كلها )
3 - جبت تقدير ايه الترم الاول ( مقبول - جيد - جيد جدا - امتياز )
ولاول مره هههههههه
السؤال التالت : اجب عن الاسئلة التالية :-

1 - عايز تقول ايه لمين بره المنتدى ؟
ربنا يرزقك باالذريه الصالحه وسيبها على ربنا
2 - عايز تقول ايه لمين على المنتدى ؟
ربنا يرجعك بالسلامه يا هندسه
3 - تعمل ايه لو حسيت بالوحدة ؟
عمر ما اى حد هيلاقى احسن من ربنا يطلعه من كل اللى هو فيه
ووحده ايه اللى بتتكلم عليها واحنا معاك
شيل التفكير ده من دماغك
مع تمنياتى بالنجاح والتفوق
اسرة المنتدى
د / عمرو عزت

الدرجة النهائية
ابقى حطها انت

؟؟؟
-------
100

ليه كده بس انا كنت قصرت يا معلم

لا يا عم كده تمام اوى

سلام عليكم
بعد غياب طويل دام لمدة 28 يوم
الحمد لله رجعت بالسلامة ولحسن حظى لقيت حبيب قلبى زيكو على الكرسى
وأحب أقوله ربنا معاك ويارب كل أمنياتك تتحقق بإذن الله

و خد عندك........
طبعا هسألك أسأله إنت سألتها ليا قبل كده ده إلى جانب الأسئلة بتاعتى....أوك
1- لو معاك مليون جنيه هتعمل بيهم ايه ؟؟؟
2- قرار اتسرعت فيه ؟؟؟؟
3- موقف حصلك وانت صغير ومش قادر تنساه ؟؟؟
4- وايه الحاجه اللى انت عملتها وفرحان انك عملتها
والحاجه اللى عملتها وندمان عليها ؟؟؟
5- احلى يوم ف حياتك ؟؟؟
6-احلى موقف حصل وانا كنت معاك فيه ؟؟؟بس يكون غير بتاع قناوى....
دى أسئلتى
7- أحلى موقف حصلك فى الكلية؟
8- لو طلعت رحلة لبلد إنت بتحبها ومعاك دعوة لفردين هتاخد مين ؟
9- مين أكتر واحد قريب منك من أصحابك؟
10- وانت مسافر فى الأجازة "لما كنت شغال" مين اللى كان نفسك يبقى معاك؟ وليه؟
11- تحب الجيش يبقى إجبارى ولا اختيارى؟ولو كان اختيارى هتتدخل :D؟؟
12- أوصف شعورك لما شوفتنى فى أول زيارة فى قويسنا لما كنت خارج م البوابة؟
13- إيه أكتر فيلم قديم و أغنية قديمة تحب تسمعهم؟
14- آخر مرة ضميرك أنبّك فيها ؟وليه....لو حبيت؟
15- لو كنت رئيس جمهورية ,,, إيه الحاجات اللى ممكن تعملها...قول كل اللى نفسك فيه؟
16- إيه آخر حاجه بتعملها قبل م تنام؟

عارف إنى الأسئلة كتير بس إنت تعامل بقى

سلام عليكم
وعليكم السلام
بعد غياب طويل دام لمدة 28 يوم
منور الدنيا برجوعك ياد انت
الحمد لله رجعت بالسلامة ولحسن حظى لقيت حبيب قلبى زيكو على الكرسى
وأحب أقوله ربنا معاك ويارب كل أمنياتك تتحقق بإذن الله
ربنا يخليك يا معلم وربنا يعدى جيشك على خير

و خد عندك........ ربنا يستر
طبعا هسألك أسأله إنت سألتها ليا قبل كده ده إلى جانب الأسئلة بتاعتى....أوك
انت اخويا الكبير بقى واللى تشوفه
1- لو معاك مليون جنيه هتعمل بيهم ايه ؟؟؟
ان شاء الله هبنى جامع
واخلص الشقه وكمان شقتك ماهى هيصه بقى
وطبعا اودى ابويا وامى السعوديه ومش بعيد اروح معاهم ونعيش هناك
وانت بقى ابقى خلى بالك من البيت

2- قرار اتسرعت فيه ؟؟؟؟
يوم ما قررت ان اتنازل عن حلم ان ابقى مهندس وحولت ادبى
بس الحمد لله كلو بتاع ربنا ومحدش عارف لو كنت كملت كان ايه اللى ممكن يحصل

3- موقف حصلك وانت صغير ومش قادر تنساه ؟؟؟
هههههههه اول يوم اتعرفت فيه على حماده ايفا وحكيته كتير هتلاقيه ف موضوع اول يوم مدرسه
موقف تانى كنا بنلعب كوره ف كفر الفقها وكان فى ناس بتصطاد سمك ف خطفنا كام واحده كده وجرينا وروحنا المدرسه بقى علشان نشوى وقسمنا كل حاجه علينا
اللى جاب العيش واللى جاب ملح واللى ولع وكده
وخلاص حان وقت الاكل
فجأه وصلت المره صاحبه الارض وجريت ورانا وكلت هى السمك
واحنا كل ده وواقفين عمالين نتفرج عليها
ههههههههههههههه
4- وايه الحاجه اللى انت عملتها وفرحان انك عملتها
والحاجه اللى عملتها وندمان عليها ؟؟؟
اللى فرحان عليها ان الحمد لله مفوتش زياره ليك ف قويسنا ههههههه
واللى ندمان عليها ان ضيعت وقت مع ناس متستاهلش

5- احلى يوم ف حياتك ؟؟؟
كانت الحفله بتاع الثانويه لما كانو بيكرمو الاوئل
يعنى حسيت انى عملت حاجه ف الثانويه
ربنا يسهل اللى جاى
6-احلى موقف حصل وانا كنت معاك فيه ؟؟؟بس يكون غير بتاع قناوى....
ههههههههه
هو فى كتير بس اكتر حاجه بتضحكنى لما كنا مع بعض ف الاسماعيليه ف رحله الصيف
كان معانا كل الجماعه اصحابنا ورغم اللى شفناه ف اليوم ده الا انه كان يوم جامد
من ساعه ما خرجنا من البيت ولعبنا كوره ف الشارع ولما ركبنا ف العربيه واللى حصلنا ف الطريق ولحد ما رجعنا واليوم كان جامد جدا
واللى حلى اليوم استريو واخوه سامى هههههههه
طبعا فى كلام كتير بس كفايه كده

دى أسئلتى
7- أحلى موقف حصلك فى الكلية؟
كنا ف امتحان سنه تانيه وكان قدامى ف اللجنه واحده حامل ف قبل ماادخل الامتحان والعيال اصحابى مستلمنى تريقه ولو دى حصل ان خلاص هتولد هتتصرف ازاى وطبعا تريقه من اللى عينكو يبحها
طبعا كلنا ف لجنه واحده
المهم دخلنا اللجنه وطبعا قدام منى صاحبتنا والعيال عماله تبص وتضحك وانا مش قادر امسك نفسى بس بدارى علشان محرجهاش
المهم
لقيتها عملت حركه غريبه كده
قومت قايم مره واحده وبقولها ايه انتى هتعمليها ولا ايه
قالتلى ايه دانا بتاوب بس
قولتلها طيب يرحمكم الله
كل ده والعيال اصحابى عمالين يتفرجو وميتين من الضحك
8- لو طلعت رحلة لبلد إنت بتحبها ومعاك دعوة لفردين هتاخد مين ؟
من كتر ما خروجاتى مع حماده ومحمد رافت وبيحصل فيها مهازل ومواقف تموت من الضحك
ف هاخدهم معايا

9- مين أكتر واحد قريب منك من أصحابك؟
الواد حماده
10- وانت مسافر فى الأجازة "لما كنت شغال" مين اللى كان نفسك يبقى معاك؟ وليه؟
اولا انا كنت مفتقد كل الناس طبعا كنت شغال مع ناس غريبه واول مره اتعرف عليهم وكمان ف اماكن بعيده جدا وكمان بشوف ناس غريبه اى والله ناس غريبه ف كان نفسى يبقى اى حد معايا اهو اعرفه ونضيع الوقت مع بعض وخلاص
بس لو حماده يبقى مش هنكمل يوم هناك
11- تحب الجيش يبقى إجبارى ولا اختيارى؟ولو كان اختيارى هتتدخل :D؟؟
احب انه يكون للبنات احنا فاضيين يا عم الحاج هههههههههه
12- أوصف شعورك لما شوفتنى فى أول زيارة فى قويسنا لما كنت خارج م البوابة؟
انت عارف ان اخوك قلبه جامد ف الحاجات دى ويمكن علشان كان معايا اللى يشجعنى ان اهزر ف كان عادى انما لما روحت لياسر ف كان يوم صعب وبعدين انت كنت ف لوكانده يا عم
13- إيه أكتر فيلم قديم و أغنية قديمة تحب تسمعهم؟
صراع ف الوادى بتاع عمر الشرف وفاتن حمامه
اما الاغنيه ف طبعا ام كلثوم أغدا القاك
14- آخر مرة ضميرك أنبّك فيها ؟وليه....لو حبيت؟
يمكن من فتره بسيطه بس من بعدها قررت ان اعيشها صح
15- لو كنت رئيس جمهورية ,,, إيه الحاجات اللى ممكن تعملها...قول كل اللى نفسك فيه؟
اولا دى مسؤليه كبيره وكبيره جدا وكل واحد هيتحسب على كل حاجه
بس اللى نفسه اعمله هو الاهتمام بالناس الكبيره علشان الناس دى ف يوم من الايام كانت شباب
وادت مصر كتير من عمرها ف مش مكافاه نهايه الخدمه ونهايه حياتهم تبقى بالشكل ده


16
- إيه آخر حاجه بتعملها قبل م تنام؟

بسبح ربنا وبقرا قران
وياريت كل واحد يعمل كده هيستريح اكتر



عارف إنى الأسئلة كتير بس إنت تعامل بقى

دى كتير وكتير
بس نستحملك بقى

الله يسلمك يا زملكاوى
وعلى فكرة هو هرب من كام سؤال بذكاء

عموما هعديها المرة دى

ههههههههه

ذكاء مين يا عم حد جاب سيره رمزى دلوقتى
هااااااااا حد هيسئل ولا اختار اللى يقعد

اه عايز اسئل

السؤال





























ياترى عايز تقعد مين يا زيكو ؟؟؟؟؟؟؟؟؟؟؟؟



الاجابه























عمروووووووووووووووعزت

ههههههههههههههههههه
اتصرف يا معلم
دانت تحت بيتك ملك الكمبيوتر

طب يالا يا معلم
وازيك وايه اخبارك
ايه اللى نفسك تحققه ف حياتك ؟؟؟
ايه احلى موقف حصلك ف حياتك ؟؟؟
مواصفات شريكه حياتك بتتمنى تكون ايه ؟؟؟
قولى بقى ايه اللى فيك اليومين دول ومغيرك ؟؟؟
وياترى لو فى حاجه اتعلمت من اللى حصلك ولا عادى مكبر ؟؟؟
لو معاك ورده ورصاص لمن تكون الورده ولمن الرصاصه ؟؟؟؟
ياترى يا هل ترى انت شايفنى تعلب ولا حمامه ؟؟؟؟
احلى ذكرى ف حياتك ؟؟؟؟
لو معاك جنيه هتعمل بيه ايه ؟؟؟؟

جاوب على دول على ما ارجعلك تانى

طب يالا يا معلم
وازيك وايه اخبارك
الحمدلله كويس
ايه اللى نفسك تحققه ف حياتك ؟؟؟
نفسى اتخرج بسرعة واشتغل فى مصر ولو مالقتش فهفضل انى اسافر الامارات
ونفسى ابقى انسان خالى من العيوب ولو ان ده مستحيل
ايه احلى موقف حصلك ف حياتك ؟؟؟
انت كده عايزنى استرجع حياتى من 10 سنين كده فده صعب شوية لكن الحمدلله فى مواقف حلوة كتير وفى مواقف وحشة كتير برضه
مواصفات شريكه حياتك بتتمنى تكون ايه ؟؟؟
انها تكون ذات خلق عالى - مدردحة - طيبة - ذكية - دمها خفيف - وتكون متجوزانى عن حب
قولى بقى ايه اللى فيك اليومين دول ومغيرك ؟؟؟
والله يازيكو انا فى حاجة مش عارف عيب ولا ميزة انى بحب اواسى نفسى دايما
ولكن يقابلنى فى ذلك قوة ضميرى
بس من يومين جتلى حالة نفسية كده خلتنى اكره ناس كتير
كانوا حبايبى ويمكن انت فاهم هما مين . لكن الحمدلله بدات ارتاح شوية اهو
وياترى لو فى حاجه اتعلمت من اللى حصلك ولا عادى مكبر ؟؟؟
لا الحمدلله اتعلمت حاجات كتير اوى اولها انى ماكونش متطفل واتعلمت انك لو
بعدت عن حاجة هتشتقالها وتحبها اكتر من الاول وأظن انت فاهم قصدى هنا
برضه
لو معاك ورده ورصاص لمن تكون الورده ولمن الرصاصه ؟؟؟؟
اولا الوردة اهديها لكل شخص يحبنى حب بجد
اما الرصاصة فهديها للعنف فى مصر
ياترى يا هل ترى انت شايفنى تعلب ولا حمامه ؟؟؟؟
والله يازيكو كل واحد بيحس بنفسه كويس اوى ولو الواحد ده شايف انه ماقصرش معايا ويطبق معى الصداقة الحقيقية فده بعتبره حمامة
اما الاشخاص اللى صاحبتنى علشان مصلحة ولا حاجة من هذا القبيل او حتى
مصاحبينى كويس بس مقصرين فى حكم الصداقة فأؤلئك هم التعالب الخبثاء
ولو الواحد ماحسش بصديقه من غير ماحد يقوله يبقى مش صديقه
بصراحة انت حتى الان حمامة يازيكو
احلى ذكرى ف حياتك ؟؟؟؟
ذكرى شهر رمضان من كل سنة بتحصلى فيه حاجات حلوة كتير
لو معاك جنيه هتعمل بيه ايه ؟؟؟؟
ياراجل قول لو معاك مليون جنيه هتعمل ايه اما الجنيه ده عادى
لو مش محتاجه هديه للى محتاجه

جاوب على دول على ما ارجعلك تانى
تروح وترجع بالسلامة

عمور فين

حد ينادلنا عليه كده يا جماعه
هو خلع ولا ايه

الله انا بحب اللعبة دى اوى ياترى ممكن اسئل ولا لا

لا طبعا


- ها حققت
احلامك والا لسة ما حاولتش اصلا ..هى ايه احلامك دي اساسا؟؟
تقريبا الا انا فيه دلوقتى ماكنتش بحلم بيه بس الحمدلله على كل شىء
احلامى انى اكون انسان ناجح فى الحياة العملية واسعد اهلى علطول

3- ايه اللي بتتمناه
من الدنيا ؟ واوعى تقوللي الستر هههههههه
طبعا الستر اولا ثانيا زى ماقولت فوق

4- ايه اكتر صفة تتمنى تكون في شريكة
حياتك والعكس؟
اكتر صفة تكون فيها الطيبة
واتمنى ماتكونش مش ذكية

5- انت شايف نفسك في المستقبل ايه؟؟
مكرر

6- اما بتكون عايز حاجة
ومش بتلاقيها بتعمل ايه؟؟
بحاول بعديها علطول ولو ماعرفتش
بستنى شوية كده على مالظروف تتحسن

7- ايه اكتر حاجة بتحس كتير انك مفتقدها؟؟
الاخ او الصديق الكويس
اللى يبقى معايا علطول

8- ايه
اكتر حاجة انت حريف فيها والناس بتحسدك عليها؟؟
الهدوء

9- اما بتكون فرحاااااان اوي او
زعلاااااان اوي مين اول حد بيجي على دماغك
ونفسك تروح تفضفضله؟؟
اولا ربنا
ثانيا ممكن اختى او واحد كده صحبى مش لازم اقول عليه

10-اكتر
منظر طبيعى بتنسى نفسك قدامه؟؟
منظر البحر وقت الغروب

11- اكتر حاجة بتعصبك؟؟
ان يكون واحد معاند معايا فى حاجة مع ان كلامى هو اللى صح فى الموقف ده

13- اكتر حاجة بتخليك
تتنطط من الفرحة؟؟
النجاح

14- هل انت:
رومانسي ام ..............؟
غالبا شبه رومانسى

خيالي ام
واقعي؟
والله كتير بكون خيالى بس الدنيا فرضت عليا انى اكون واقعى وارضى بنصيبى

مرح ام جد؟؟
لا مرح

عصبي ام هادىء؟؟
هادى بس لما بتعصب بتعصب

متسرع ام متأني؟؟
كنت متسرع بس بحاول انى اتأنى دلوقتى

فظ ام
لين؟؟
الحمدلله يعنى ممكن لين

ديكتاتوري ام ديموقراطي؟؟
لا ديمقراطى

كتوم ام فضفاض؟؟
يمكن ظروفى تحتم عليا انى اكون كتوم بس لما بلاقى اللى افضفضله بروحله علطول

يلا كفاية عليك كدة يارب
ما كونش خنقتك............

لا اطمنى بس انتى زى ماتكونى بتنتقمى منى اوى
يالا سلام

عمووور وقعت يا معلم
يالا ياحبيبى اسئل علطول بدل مانزلك

اكتر اكله بتحبها والعكس
اى حاجة باللحمة المفرومة
والفراخ البانيه
- الفاصوليه الخضرا

اكتر شخص بتحبه والعكس
ازاى مش فاهم

اكتر صديق بتحبه والعكس
لا مينفعش اقول .
فيت

اكتر اغنيه بتحبها والعكس
الاغانى الرومانسية الحزينة
اللى مابحبهاش اغانى هيفاء

تفضل السفر ولا البقاء
على حسب ماارتاح

كلمه الوداع بتمثلك ايه
بتمثلى نهاية الدنيا

اكتر مره حسيت انك مظلوم ومش قادر تتكلم
ايام الثانوية العامة وانت ادرى بقى

شايف مستقبلك ازاى؟
مكركر برضه

مثلك الاعلى هو..............
مفيش حد معين لكن مثلى الاعلى انسان يرضى اهله دائما ويكون ناجح فى اغلب الاوقات

امتى تصدق اللى قدامك وانت متأكد انه كداب
لما اكدب نفسى

ايه الحاجات اللى بتخاف منها
بص مش هكدب عليك
الظلام والوحدة والكلاب هههههه

على ما ارجعلك
انت عارف لو رجعت هعمل فيك ايه
بلاش احسن لك

كنت لسا هاخد رايك ف كده
ههههههههههه
يالا بقى طلع القديم والجديد

ازيك يا حوده
الاول انت نفسك تدخل ايه واشمعنا ؟؟؟
لو بايدك تغير اى حاجه ف نظام الثانويه ياترى هتكون ايه ؟؟؟
مين اكتر مدرس بتحبه وليه ؟؟؟
خد بقى الاسئله بتاع كل مره ههههههه
ايه اللى نفسك تحققه ف حياتك ؟؟؟
ايه احلى موقف حصلك ف حياتك ؟؟؟
مواصفات شريكه حياتك بتتمنى تكون ايه ؟؟؟
لو معاك ورده ورصاص لمن تكون الورده ولمن الرصاصه ؟؟؟؟
احلى ذكرى ف حياتك ؟؟؟؟
لو معاك 10جنيه هتعمل بيه ايه ؟؟؟؟

ازيك يا حوده
الحمد لله تمام
الاول انت نفسك تدخل ايه واشمعنا ؟؟؟
والله يا زيكو نفسى اجيلك الالسن,علشان بحب اللغات شويه
لو بايدك تغير اى حاجه ف نظام الثانويه ياترى هتكون ايه ؟؟؟
الوزير اولا والروتين ثانيا
مين اكتر مدرس بتحبه وليه ؟؟؟
بص يا زيكو هما كتير ف الاعدادى
واكترهم ابله {هبه }لانها كانت كأنها زميلتى مش مدرستى
اما دلوقتى
استاذ{ رأفت} .لانى بحس كانه واحد صحبى
خد بقى الاسئله بتاع كل مره ههههههه
هات يا سيدى
ايه اللى نفسك تحققه ف حياتك ؟؟؟
رضا الوالدين ثم انى اكون ناجح ف المجال اللى ربنا هيختارهولى
ايه احلى موقف حصلك ف حياتك ؟؟؟
اول مره كلمتها كان احلى موقف فحياتى
مواصفات شريكه حياتك بتتمنى تكون ايه ؟؟؟
الادب وانها تكون اللى فى اجبتى للسؤال اللى قبل ده هههههههههه
لو معاك ورده ورصاص لمن تكون الورده ولمن الرصاصه ؟؟؟؟
الورده {لامى}
الرصاصه للحكومه المصريه هى اولى بيها ...اكيد فاهمنى
احلى ذكرى ف حياتك ؟؟؟؟
كتير .وبالذات ف الاعدادى بس مش فاكر دلوقتى
لو معاك 10جنيه هتعمل بيه ايه ؟؟؟؟
هو علشان عموووور قالك انى جنيه مش كتير تقولى 10 جنيه ايه الكرم ده
بص يا سيدى بقه انا اول حاجه هعملها انى اغيظك انى معايا 10 جنيه
وبعدين اشترى قصر و عربيه و شاليه علشان ابقى اروح اصيف والباقى هشيله ف البنك
هههههههه

يارب ما اكونش تقلت عليكم

انا جاوبت على اسئله عمور مره بس مش عارف متبعتتش ليه عموما مش مشكله اجاوب تانى

خد بقى اسئلتى
هات يا معلم
1 ايه مواصفات صديقك اللى بتحبه ؟
يكون بيحبنى وبيخاف عليا ويكتم اسرارى
2 ليه دخلت ادبى ؟
ميولى ادبيه وعاوز ادخل الالسن
3 ايه الكلية الوحيدة اللى لو جاتلك مش هتدخلها ؟
مش عارف ممكن اثار من اللى شوفته مع محمد اخويا
4 هل انت بنتعانى من ضغط الثانوية ولا عادى ؟
عادى فيما عدا رهبه الامتحانات
5 لو جاتلك تذكرتين لكل دولة من دول هتاخد مين معاك فى كل واحدة
امريكا - الامارات - السعودية - النمسا - فرنسا - البرازيل
امريكا هاخد صديقى الامارات هخدك انت {اكيد انت فاهم ليه}
السعودى هبعت امى وابويا { ربك يكرم بتذكره تالته ليا انا}
النمسا {مش عارف والله}
فرنسا {اكيد هاخدها هى }
البرازيل هاخد ايفا يلعب فى اى نادى هناك ويدعيلى
7 هاتلى خمس اعضاء على المنتدى وقولى رايك فيهم بصراحة جداااااااا ؟
1. انت . فاهمنى. ذكى. بتحب تساعد الناس
2. فتكات .مؤدبه . مزودها حبتين. لبقه فى الكلام
3.الزملكاوى. سريع الزعل . مش بيعرف يعبر عن اللى هو عاوز يقوله .ده بيزعل الناس منه
4.قناااوى. متقد الذكاء . مش فاهم ليه مدخلش كليه احلى من اللى هو فيها. بحب اضايقه وارخم عليه .بس مش بيضايق بسرعه .اما بيحط حد فى دماغه يالله السلام
5. زيكو . سعات بشوفوا هيرو وسعات بشوفه انسان عادى جدا .بيمشى بمبدأ لكل مقام مقال
شبه عماد متعب ههههه

8 تفتكر ايه اكتر حاجة بتشد الناس لكونكر ؟
انها مجسمه ويعتبر انها ملهاش نهايه دايما بتحاول انك تبقى اقوى {دنيا تانبه}

9 ايه المادة اللى بتحبها وايه المادة اللى بتكرها ؟
بكره الرياضيات بحب الانجليزى
10 ايه الاكلات اللى بتحبها وايه الاكلات اللى مش بتحبها ؟
بحب المكرونه المحمره والباشاميل وبحب الفراخ المشويه
مش بحب معظم الخضار ما عدا الكوسه اللى بقت منتشره اوى ومتسيده فى البلد
اعتقنى بقه