كرسى الاعتراف

يا باشا وانا تحت امرك
ونقوووووووووول



































عمرو عزت
حد ينده عليه بقى

هو عمور هرب فين
طب انا هسالك على ما تيجى بقى يا معلم

ياترى ورمضان داخل عليك مين نفسك انه يقضى معاك رمضان السنه دى
بس بعيد عنك لظروف ما ؟؟؟
حاجه حابب انك تغيرها ف شخصيتك او حاجه شايف انها مش كويسه فيك وعايز تغيرها ؟؟؟
لو معاك دقيقه ف التلفون يا ترى مين سعيد الحظ اللى تحب انك تطمن عليه عارف ان دقيقه مش كفايه بس مين ؟
حاجه ف الشارع بتاعك نفسك انك تغيرها ؟؟
كام مره عملت زينه رمضان ؟؟؟
مفيش مره فطرت مع اصحابك ف رمضان ولا لسا محصلش؟؟؟
حكمه ماثره فيك ؟؟؟
ياترى ايه شعورك وانت طالع مصيف ولاول مره معانا ؟؟؟؟
ياترى كانت رحله كويسه ولا مش عجباك؟؟؟؟



جاوب دول وراجع تانى

انت فين ياض انت

انا هنا اهو يجماعة ثوانى واجاوبكوا

ياترى ورمضان داخل عليك مين نفسك انه يقضى معاك رمضان السنه دى
بس بعيد عنك لظروف ما ؟؟؟
الحمدلله مافيش
حاجه حابب انك تغيرها ف شخصيتك او حاجه شايف انها مش كويسه فيك وعايز تغيرها ؟؟؟
انى بشغل نفسى بالهم والمستقبل
وده بيأثر فيا اوى ومابيخيلنيش اعيش مرتاح
لو معاك دقيقه ف التلفون يا ترى مين سعيد الحظ اللى تحب انك تطمن عليه عارف ان دقيقه مش كفايه بس مين ؟
ده على اساس انى معيش رصيد .. لا على فكرة انا معايا 2.81 قرش بالظبط
بس لو السؤال لولبى هقولك ( ستى )
حاجه ف الشارع بتاعك نفسك انك تغيرها ؟؟
نظرات الحسد والتعجب لما حد غريب يمشى من الشارع
وهاتك كلام بقى دودودودوددو
كام مره عملت زينه رمضان ؟؟؟
والله زمان كنت لازم كل رمضان اعمل زينة
بس دلوقتى مابقتش اعمل اى زينة
مفيش مره فطرت مع اصحابك ف رمضان ولا لسا محصلش؟؟؟
لا ماحصلش
حكمه ماثره فيك ؟؟؟
( كما تدين تدان )
وفيه ايه بتقول ( ومن يتق الله يجعل له مخرجا ويرزقه من حيث لم يحتسب )
ياترى ايه شعورك وانت طالع مصيف ولاول مره معانا ؟؟؟؟
بصراحة هو الواحد بيمل فيه بسرعة
واحلى حاجة كانت فيه انى كنت معاكوا
اما اوحش حاجة الدبان اللى كان هناك
هههههههههههه
ياترى كانت رحله كويسه ولا مش عجباك؟؟؟؟
لا عجبتنى واتمنى تتكرر قريب ان شاء الله
بس نروح حتة غير دى

ايه هو جدولك اليومي في رمضان الجاي ان شاء الله ؟
كل سنة وانتو طيبين الاول
ان شاء الله انا ناوى لرمضان السنة دى نية غير عادية
الحمدلله انا مطمن من انى هصلى الصلوات الخمس
لكن النية فيه ايه بقى
انى لازم اختم القرءان اكتر من 3 مرات وان شاء الله اقدر
والحاجة التانية انى ناوى ابقى اخرص واعمى واطرش
لان كتر الكلام بيوقع فى الغلط
وطبعا عدم النظر الى ماحرم الله مش بس فى الشارع
لا فيه حاجة اخطر وهي التلفزيون والمسلسلات
وطبعا عدم سماع مايغضب الله
وبخصوص الجدول اليومى فهو بيتحدد من اول يوم ان شاء الله
وهل في حاجة فيه متغيرة عن رمضان اللي فات ؟
فيه حاجات كتير طبعا اتغيرت عن رمضان اللى فات
والحمدلله اتعلمت من اخطائى

ناوي تختم القرءان كام مرة ؟
ان شاء الله مش اقل من 3 مرات

في رمضان يتصلي المغرب الأول وللا بتفطر الأول ؟
والله زمان كنت باكل الاول وبعد كده اصلى
اما رمضان اللى فات الحمدلله كنت بصلى الاول بس للاسف كان فى البيت
واكتشفت ان الافضل انى اصلى الاول علشان الواحد بياكل كتير وبيتهد بعد كده

عزومات رمضان بتحبها وللا لا ؟ ليه ؟
والله برضه زمان كنت بحبها اوى بس عزومات عائلية فقط
اما دلوقتى بقت قليلة اوى

يوم ما عرفت النتيجة ... احكيلنا قضيته ازاي .
يوووووه والله كان يوم حلو رغم ان النتيجة كانت مش حلوة اوى يعنى بس الحمدلله
بص انا هاحكيلك
انا صحيت ..اه والله صحيت
طبعا فضلت ساعة متلغبط رايح جاى ومخنوق علشان البس
ونزلت من غير ماكل اى حاجة
وركبت وروحت الكلية قلبى عمال يدق
وطلعت اشوف النتيجة
فين اسمى فين اسمى لقيت اسماء اصحابى الاول
وماقولكش بقى كانت مبشرة ازاى طبعا ركبى يقت تخبط فى بعضها
ببص لقيت حرف العين
فضلت ادور على عمرو عمرو عمرو
وبعد عذاب

لقيت اسمى اخر واحد
وللاسف لقيت نفسى

ناجح
انا فرحت شوية بس كنت زعلان شوية
علشان اصحابى اللى ماعدوش معايا
وشوفت بقيت النتايج بقيت فرحان اكتر كل كشف فيه حوالى 18 بنى ادم
تقريبا 3 ناجحين واللى الباقى راسب
اه والله ولو مش مصدقين انزلوا بنفسكوا شوفوا
المهم خلصت وخرجت من الكلية وعمال ادعى عليهم
واول ماخرجت من الكلية اليوم اتقلبت ايته تماما
كان اليوم بادىء بقلق ونكد
اصبح اليوم لطيف جدا
مش حاسس ان الجو حار خالص
ولا مضايق ان وقفت كتير علشان اركب
ولما ركبت لقيت لاحظت حاجات غريبة والله
كل سواق اركب معاه احس انه فرحان وعايش حياته
والركاب عمالين يهزروا مع بعض كلهم
بجد دى كانت اغرب واحلى حاجة فى اليوم ده
بس ياسيدى دى الحكاية انا غلطان بقى ؟؟

يالا الحمدلله والسنة الجاية افضل ان شاء الله

فيه حد عايز يسأل تانى ولا خلاص

انا جيت اهو يا معلم وخد عندك
هات

1- كل انسان له امنياته واحلامه فأخبرنا عن امنياتك واحلامك ؟
والله طموحاتى واحلامى مش صعبة ولكنها بسيطة جدا
كل احلامى انى ابقى انسان شريف طول عمرى واقدر اكون ناجح
فى مجالى والناس تبقى مبسوطة منى

2- ما رأيك فى الحب ؟ وهل جربته؟ وهل تؤمن بأن الحب زى زمان ولا الحب بتاع زمان انتهى؟
مافيش شك ان الحب احساس جميل ونبيل واحيانا بيرشد الانسان للطريق الصح
الحقيقة انا جربت الحب قبل كده ولكن من طرف واحد
الحب بتاع زمان لسه موجود على فكرة ولكن بنسبة قليلة جدا
ويبقى بنسبة كبيرة بين الاتنين اللى متفاهمين ومتواضعين

3- اذا عرض عليك امر لتأخذ فيه قرار فهل تحكم عقلك ام قلبك؟ ولو اخذت قرارك بتحكيم القلب والعقل فأيهما الاسبق بالتحكيم ؟
والله الامور بتختلف يعنى فيه امور ماينفعش نحكم فيها العقل وفيه امور ماينفعش نحكم فيها القلب
لكن من وجهة نظرى شخصيا انا كثيرا مااحكم عقلى
اقولك ليه بقى (لان القلب احيانا بيبقى غير عادل او بمعنى اخر متحيز لكافة معينة
اما من طبيعة العقل ان يرى الكفتين ويحكم بالعدل
الاسبق بيبقى طبعا القلب لكن لابد من تحكيم العقل فى النهاية

4- هل انت راض عن نفسك؟ وفى اى الطرق تريد ان تسير ؟
الى حد ما _ والله نفسى افضل فى طريقى ده لكن
لابد ان احتك بالناس اكثر من ذلك

5- ما هو الشىء الذى ندمت عليه ندما شديدا؟
بجد والله ندمت انى استهترت بمفهوم الثانوية العامة

6- ما رأيك بالفضول؟ وهل تحبه؟ وهل تحب ان يكون احد فضولى عليك؟
الفضول نوعان ( حب استطلاع والمعرفة )
و ( حب معرفة اسرار الناس والتجسس عليهم )
والله احيانا بيبقى عندى فضول من النوع التانى ولكن بغرض انى احاول اساعد الناس
واحللهم مشاكلهم
نعم احب ان يكون احد فضولى على ولكن بحدود

7- بما اننا ما قعدناش مع بعض كتير كلمنى شويه عن نفسك؟ وعيز كمان اقولك تعرف ايه عنى (بكل صرااااحه)
مش عارف ابتدى منين الحكاية
كل الحكاية يابيشو انى انسان فى حالى من زمان
لدى حساسية فى التعامل مع الناس
الحمدلله ملتزم من صغرى وبحب دايما انى احافظ على سمعتى
لان سمعة الانسان اهم شىء
دايما صوتى كان بيبقى واطى بمعنى ان وجهة نظرى كانت
مسموعة ولكن قليلا
لكن دلوقتى بحاول انى اقول وجهة نظرى ورأى باعلى صوت

_ انت يابشير انسان طيب اوى من جواك وانسان خفيف الظل
وناس كتير بتحبك
كنت بشوفك زمان وانت بتلعب كورة بس اكتر حاجة كنت بزعل فيها منك
انك كنت بتزهق كتير لكن دلوقتى خلاص الحمدلله انا شايف انك حسنت من نفسك فى الحكاية دى
اعرف عنك ان صوتك جميل اوى وسمعتك كتير يمكن انا اكتر واحد سمعتك
وانت بتدندن مع نفسك فى الاوضة
وكنت دايما احكى لاصحابى عنك
فضلت لسنوات مستغرب انت ليه ماهتمتش بموهبتك
لحد ماعرفت منك السبب

8- هل هزمك حزنك فى بعض الايام ؟
الحقيقة كتير اوى

9- مستحيل انساك(لمن تقول هذه الكلمه )
لامى وابويا

10- ما هى الكلمه التى تريد توجيهها لنفسك؟
( تعالى على نفسك شوية )



كفايه كده المره دى ومنتظر ردك

سلام
الف سلام يابيشو وشكرا على اسئلتك الجميلة دى

good luck beshoo

طب قولى يا معلم
مفيش مره فكرت انك ممكن تعد النجوم اللى ف السما ؟؟؟؟
طلعت رحله وانت صغير مع المدرسه لو طلعت احكيلنا شويه ؟؟؟
بتلعب كوره من امتى ومفيش صادفك موقف كوميدى وانت بتلعب كوره ؟؟؟
4 نجوم تحب لمين تهديهم ؟؟؟؟؟
ورده وشوكها تحب لمين يكون الورده ولمين يكون شوكها ؟؟؟
لو فكرت انك تعمل رحله ل شباب برشوم تحب نروح فين وليه ومين نفسك يبقى معانا غير اللى طلعت انت معاهم المره اللى فاتت؟؟؟؟

جاوب على دول على ماجى تانى

طب قولى يا معلم
نعم

مفيش مره فكرت انك ممكن تعد النجوم اللى ف السما ؟؟؟؟
لا انا مابفكرش اعدهم لكن بحب اتأمل فيهم اوى .بحس انهم بيحمسونى لاى حاجة

طلعت رحله وانت صغير مع المدرسه لو طلعت احكيلنا شويه ؟؟؟
طلعت اول مرة مع اختى وانا فى اولى اعدادى
والحاجة الوحيدة اللى مش هنساها لما ركبت قطر الموت
بجد كان لذيذ اوى بس كنت هروح فيها
بجد نفسى اركبه تانى دلوقتى

بتلعب كوره من امتى ومفيش صادفك موقف كوميدى وانت بتلعب كوره ؟؟؟
انا والله بلعب وانا تقريبا فى تالتة ابتدائى كنت بلعب فى المدرسة
مع اصحابى فى الفصل وبجد لحد دلوقتى هى تعتبر افضل فترة لعبت فيها كورة
وكمان فترة الثانوية يعنى سبحان الله الحاجة الوحيدة اللى حبيتها فى المدرسة المنيلة بتاعة طنط دى هو الملعب الخماسى بجد اكتشفت حاجات كتير حلوة عندى

- زمان كنا بنلعب ماتش فى المدرسة برشوم الصغرى ضد الكبرى
فى الماتش ده جبت جونين فى نفسنا براسى و كنت مبسوط بس مش فاكر ليه

4 نجوم تحب لمين تهديهم ؟؟؟؟؟
اتنين لابويا وامى
وواحدة لاختى والخيرة ليك انت يازيكو

ورده وشوكها تحب لمين يكون الورده ولمين يكون شوكها ؟؟؟
الوردة للانسان المتواضع
وشوكها للانسان المتكبر

لو فكرت انك تعمل رحله ل شباب برشوم تحب نروح فين وليه ومين نفسك يبقى معانا غير اللى طلعت انت معاهم المره اللى فاتت؟؟؟؟
يااااااااه والله فكرة جامدة
نروح اى حتة _ مادام احنا مع بعض
محمود رأفت وسموان وبشير وفتاكات وترمو
يسلام والله مش صعبة الفكرة دى

جاوب على دول على ماجى تانى
طااااااايب

الكورة بتستمتع أكتر بلعبها وللا الفرجة عليها ؟
والله دلوقتى الواحد بيروح الملعب بيكره نفسه والكورة
فالافضل دلوقتى الفرجة بس فى التلفزيون

مين المعلق المفضل ليك ؟
خالد الادور

أجمد أفلام أجنبي اتفرجت عليها .
افلام جاكى شان بموت فيها
وبرضه الافلام اللى بتبقى ابطالها اطفال

مشاريع نفسك تتعمل ف البلد .
مش هقولك الصرف الصحى
لكن فيه مشاريع كتير مهمة
زى محو الامية والوعى الصحى
وتنظيم الاسرة
وطبعا الخدمات ( الغز الطبيعى - محطات المياه - رصف الشوارع )
بس اكتر مشروع نفسى اعمله
ملعب خماسى وفيه اضاءة
طبعا دى احلام

عملت مشاكل لأهلك وانت صغير ؟
يعنى بس اكبر مشكلة عملتها
انى مرة عورت محمود سعيد

الفرق بين الحياة ف المدينة و الحياة ف الريف بالنسبة ليك .
والله هو لو الواحد مطمن انه هيبقى فيه امان فى المدينة
طبعا هتبقى هيا الاحسن
بس انا دلوقتى بفضل البلد علشان اصاحبى

ليه مش حاطط لنفسك صورة شخصية ؟ ( الفوتوشوب ليه علاقة بالموضوع ده )
والله مش عارف اسميها احراج ولا خوف
بس اللى فى بالى انى كده مرتاح
لان فيه ناس كتير عارفانى شكلا بس مش عارفانى اسما وفيه العكس
فهي مسألة ارتياح زى مانت مش عايز تقول لحد انت مين

على فكرة انت مش محتاج تشوف صورتى لانك عارفنى كويس اوى
وانا عارفك

آخر حاجات بتعملها قبل ما تنام ؟
اهديك اغنية ابوالليف قبل مانام
بس بجد اخر حاجة بعملها او بفكر فيها هو اليوم التالى
ولوفيه حاجة حصلت ضايقتنى طول اليوم
او انا زعلت حد بفضل اكلم نفسى و اعرف انا غلط فى ايه

ف الثانوية ايه اكتر مواد حبتها وأكتر مواد كرهتها .
المادة الوحيدة اللى كرهتها مش الكيمياء على فكرة
لان الكيمياء كنت بحبها اوى يمكن اكتر مادة ذاكرتها فى حياتى
وفى الاخر جبت فيها 28 من 50
لكن المادة اللى كرهتها اوى الفرنساوى
اما المواد اللى بعشقها لحد دلوقتى
الرياضة والانجليزى والعربى خاصة النحو

في حد كتب حاجة ع المنتدى قبل كده وانت زعلت منها ؟
جاتلى شكوى من فترة من عضو اسمه ( المحبه لله )
بخصوص رد كان كاتبه العراقى اللى هو جلال
وقولت لجلال يصلحها وماكررهاش تانى
وهو سمع كلامى والحمدلله اتعلم من خطأه

العيد بتقضيه ازاي ؟
كنت بقضيه لعب فى الشارع زمان
لكن دلوقتى بقعد فى البيت او اخرج مع اصحابى

الشيخ سيد زعل منك قبل كده بسبب الاسم ده ؟
لا طبعا

بتعرف تطبخ ايه ؟
يوووووووووووه ماتعدش
عارف شوية اكلات بس ماجربتش عملى قبل كده

ايه رأيك ف حسام عاشور و ابراهيم صلاح ؟
والله الاتنين جامدين جدا وليهم مستقبل كبير

رجعتلك تااااانى

ناوى تصلى التراويح فين ونفسك مين يبقى الامام وايه اللى نفسك انه يحصل او انك تضيف اى اقتراح بالنسبه ل صلاه التراويح ؟؟؟؟؟
مين نفسك انه يقضى معاك رمضان السنه دى ؟؟؟؟
مفيش مره شربت وكنت ناسى انك ف رمضان ؟؟
مفيش مره حد قالك ورينى كده لسانك لما اشوفك فاطر ولا صايم هههههههههههه؟؟؟
امنيه بتمناها ف رمضان السنه دى ؟؟؟
ايه علاقه الطرشى ب رمضان ؟؟؟؟

ناوى تصلى التراويح فين ونفسك مين يبقى الامام وايه اللى نفسك انه يحصل او انك تضيف اى اقتراح بالنسبه ل صلاه التراويح ؟؟؟؟؟
ان شاء الله فى النصر
زى رمضان اللى فات
نفسى بدل فترة الخطبة الصغيرة تبقى فيه فقرة خاصة بالرد على اى سؤال من اى حد
بس فى الدين او بخصوص الصيام
مين نفسك انه يقضى معاك رمضان السنه دى ؟؟؟؟
كان نفسى ابن خالتى يقضيه معايا
بجد احلى ذكريات فى رمضان كانت معاه هو بس
مفيش مره شربت وكنت ناسى انك ف رمضان ؟؟
دلوقتى لا لكن زمان حصلت معايا كذا مرة
مفيش مره حد قالك ورينى كده لسانك لما اشوفك فاطر ولا صايم هههههههههههه؟؟؟
هههههههههه لا
امنيه بتمناها ف رمضان السنه دى ؟؟؟
نفسى رمضان السنة دى بعدى على خير بدون مشاكل او خناقات
او اى حادث لا قدر الله
وخاصة اول يوم
ايه علاقه الطرشى ب رمضان ؟؟؟؟
مش عارف والله
يعنى مافيش طرشى طول السنة وفيه رمضان بس
والله عادات غريبة اوى
بس انا على فكرة مابحبوش خالص

شكرا جزيلا لكل اللى دخل وسألنى
وبجد كنت مبسوط وانا بجاوب على الاسئلة

ودلوقتى المفروض اقعد حد مكانى

بس مش عارف اقول مين

اوك خلاص
انا هختار زيكو

يالا ياافندم اتفضل

طب ليه كده طيب
هههههههههههههههههه
كده ممكن اندا معاك وادخلك السجن


عالعموم انا موجود
بس اللى يسال يسل مره واحده زى مانا عملت ف عمرو كده
اصل بحبه

أهلا زيكو
اهلا بيك يا سموان

بتقضي يومك ازاي دلوقتي ؟
عادى زى كل الناس بصحى وبفطر وبتفرج على التلفزيون وبفتح نت بعد الظهر وممكن اخرج العب كوره بعد العصر واجى المغرب اتعشا واخرج مع اصحابى بعد صلاه العشا وافضل قاعد لحد ما اصلى الفجر وانام

لما ييجي رمضان هتقضيه ازاي ؟
اكيد ف رمضان مش هيبقى لا فى كوره ولا فرجه على التلفزيون علشان ميضعش صيامنا خصوصا ان الدراما داخله بتقلها زى ما يكونومستنيين رمضان ربنا يحفظنا
وان شاء الله فى صلاه تراويح ربنا يعين كل الناس بتبقى احلى ايام بجد

نفسك رمضان يبقى الاربع وللا الخميس وللا مش فارقة ؟
مش موضوع مش فارقه انا اصلا بحب يوم الخميس من وانا ف ابتدائى ف احب انه يكون الخميس بس صعب

ناوي تختم القرءان كام مرة ؟
نفسى يبقى اكتر من السنين اللى فاتت
ربنا المعين

نفسك ايه يتغير ف برشوم ف رمضان ؟
برشوم حلوه ف كل حاجه نفسى بس الناس لما يسمعو الاذان يروحو يصلى
وهما شويه نادرين ربنا يهديهم نفسى كمان الكهربه تتظبط لان النور لو قطع ف رمضان مش هيبقى كويس ومش هتعرف تستمتع بجو البلد خصوصا انها بتبقى احلى ف رمضان
العيد بتقضيه ازاي ؟
نااااااااااااااااااااااااااااايم ههههههههههه

مين لاعب الكورة المفضل ليك حاليا ؟
بحب اتفرج على عماد متعب

مشاريعك ايه ف الفترة اللي جاية ؟
سيبها على ربنا

ايه رأيك ف مسلسلات رمضان السنة دي ؟
والله زعلان لان بدل ما نقابل رمضان بطاعه لله بنقابله بمعصيه وبدل ما نكفر عن ذنوبنا بنزودها
والله لسا سامع ناقد من بتوع الرقابه بيقول ان زهره وازواجها مسلسل يبطل الصيام استغفر الله العظيم طب اتعمل حاجه زى كده ليه لا وفى ماشاء الله اسامى جامده العاااااااار
يارب احفظنا

لو سافرت ايطاليا دلوقتي هل الناس هيعرفو من لهجتك انك مش ايطالي وللا لا ؟

اكيد طبعا هتبقى غريبه عليهم شويه بس اسافر هههههههههه

ايه الأحسن بالنسبة ليك : ان الزمن يعدي بسرعة وتلاقي نفسك متجوز ومعاك أطفال
وللا ان الزمن يرجع وترجع انت طفل ؟
ان الزمن يمشى لقدام بس مش بسرعه كل حاجه لازم تاخد وقتها
واكيد حل اى واحد يبقى عنده استقرار وانه حقق اى جزءمن اللى بيحلم بيه
لو اكتشفت خريطة كنز ف أرض مش بتاعتك هل هتحاول تلاقي الكنز
وللا هتقول لصاحب الأرض ؟
احاول اقنعه ان نقسم مع بعض وندور سوى ههههههه

حاسس انك لو دخلت برنامج من سيربح المليون ممكن تطلع منه بكام ؟
75 قرش
وأخيرا ....... مين اللي وقع بيني وبينك في السجن
يا امريكا يا اسرائيل
ههههههههههههههههههههه


شكرا يا معلم ومنور الدنيا

سلامو عليكو

وعليكم السلام يا حبيبى
دانا كنت نسيت وفرحت
ههههههههههه


ايه البرامج اللي بتتفرج عليها ف رمضان ؟
البرامج
بصراحه التلفزيون المصرى مش مخلى حد محتاج حاجه يعنى هتسلى صيامك وتحلى فطارك
على راى otv
بس انا بحب سامح حسين

حد عزمك أو عزمت حد وللا لسه ؟
لا لسا مش من اولها عزمه كده
اكيد كل واحد بيحب يفطر مع اهله اول ايام

بتاكل ايه ع السحور ؟
الطبيعى بتاع كل الناس فول وبيض وجنبه

أكتر أغاني أطفال بتحبها .
اغانى محمد فوذى
وفى اغنيه بتاع طيرى طيرى يا عصفوره
وفى اغنيه بتقول
كوكو واوا كوكو واوا كوكو كوكو وا

كنت واخد اللغة التانية ايه ف الثانوي ؟
فرنساااااااوى
مع ان كنا بنزاكره زى مايكون انجليزى بالظبط


اشمعنى الإيطالي دلوقتي ؟
الايطالى كويس ولغه سهله احسن من حاجات تانيه كتير ووقت ما دخلت الكليه كانت السياحه الايطاليه جامده جدا ف مصر والحمد لله اليومين دول فى اتفاقات كتير تمت بين مصر وايطاليا
ربنا يرزق بقى

ليك صداقات ف الكلية ممكن تدوم للمستقبل ؟
اه الحمد لله واكيد بتمنى ان ربنا يرزقنا بشغل مع بعض

الحب من ع النت ...ايه رأيك فيه ؟
مش مع حاجه اسمها حب من على النت
علشان انا مقدرش احكم على اى حد بمجرد ان بكلمه وكل اللى يربطنى بيه ان ممكن يكون شافلى صوره او ضحكت معاه وعجبنى اسلوبه على النت اقلها انا لا اكذب ولكنى اتجمل
وبصراحه مش مضمون


المنتدى ده عملك مشاكل مع حد قبل كده ؟

لا الحمد لله
كل الناس اللى هنا عاقلين حتى لو فى مشكله بنحلها مع بعض
هل تتخيل ان ممكن يبقى فيه حياة على كوكب تاني ؟
ربنا قادر على كل شئ
لو اكتشفت ان ابنك أذكى ولد ف العالم هتخليه يدخل أنهي مجال ؟وليه ؟
اكيد هيكون هو انسب واحد يختار مجاله
بس هبعده عن السياسه
لا يقولو انه مجنون وياخدوه منى وبعدها يبقى عامل زى منتصر الزيدى كده هههههههه

ممكن يازيكو أتطفل عليك وأرخم وأسألك شوية أسئلة
ايه داخله مفيد فوى دى ههههههه
اتفضل يا عم ولا يهمك رخم براحتك

1-إيه أكتر حاجة بتحبها فى حياتك
ان ف يوم من الايام اتعرفت على ناس مكنتش اتوقع ان الاقى حد زيهم واللى يخلينى احب حياتى كده انهم فيها
2-إيه الحاجة اللى بتخليك فرحان
ان احمد ينزل اجازه من الجيش
3-إيه الحاجة اللى بتضايقك أوى
ان حد يكون بيكدب عليا ويكون معاك وهمه مصلحتك وهو من وره ضهرك بيعمل كتير
4-كان فى حد كان نفسك يبقى صديقك وما عرفتش
لاء
5-إيه المرحلة اللى أنت عشتها ونفسك أنها ترجع تانى
سنه تالته اعدادى ايام الدوره بتاع المدرسه كانت بتبقى ايام جميله
رغم ان ايامها اظبطنا 6/2 وكمان 3/1
ومن سنه اولى وتانيه
هههههههههههههههههههههههه

بس كده كفاية مش لاقية حاجة تانى أسألها
لا اسئله حلوه اوى وفكرتنى ب ايام زمان
تشكرى يا سكاى ومنوره

بص بقى يامعلمى

ياترى ورمضان داخل عليك مين نفسك انه يقضى معاك رمضان السنه دى
بس بعيد عنك لظروف ما ؟؟؟
حاجه حابب انك تغيرها ف شخصيتك او حاجه شايف انها مش كويسه فيك وعايز تغيرها ؟؟؟
لو معاك دقيقه ف التلفون يا ترى مين سعيد الحظ اللى تحب انك تطمن عليه عارف ان دقيقه مش كفايه بس مين ؟
حاجه ف الشارع بتاعك نفسك انك تغيرها ؟؟
كام مره عملت زينه رمضان ؟؟؟
مفيش مره فطرت مع اصحابك ف رمضان ولا لسا محصلش؟؟؟
حكمه ماثره فيك ؟؟؟
ياترى كانت رحله كويسه ولا مش عجباك؟؟؟؟
مفيش مره فكرت انك ممكن تعد النجوم اللى ف السما ؟؟؟؟
طلعت رحله وانت صغير مع المدرسه لو طلعت احكيلنا شويه ؟؟؟
بتلعب كوره من امتى ومفيش صادفك موقف كوميدى وانت بتلعب كوره ؟؟؟
4 نجوم تحب لمين تهديهم ؟؟؟؟؟
ورده وشوكها تحب لمين يكون الورده ولمين يكون شوكها ؟؟؟
لو فكرت انك تعمل رحله ل شباب برشوم تحب نروح فين وليه ومين نفسك يبقى معانا غير اللى طلعت انت معاهم المره اللى فاتت؟؟؟؟


يالا بقى كما تدين

ايييييييه يا عم انت كل ده
انت ما صدقت ولا ايه
طب هتسحر واجى اعيش معاهم
سلام دلوقتى

بص بقى يامعلمى
هبص اهوه
بص طلعو اسئلتى
سهله ان شاء الله

ياترى ورمضان داخل عليك مين نفسك انه يقضى معاك رمضان السنه دى
بس بعيد عنك لظروف ما ؟؟؟
هو المفروض ان كان ينزل ف شهر سته اللى فات ابن عمتى محى عبده
بس معرفش ينزل وبصراحه كان نفسى انه يقضى معانا رمضان
حاجه حابب انك تغيرها ف شخصيتك او حاجه شايف انها مش كويسه فيك وعايز تغيرها ؟؟؟
ان ممكن ان نامن لحد بسرعه وممكن يطلع مش اد الثقه دى ومش انا لوحدى اللى كده ناس كتير ومش عيب بردو
لو معاك دقيقه ف التلفون يا ترى مين سعيد الحظ اللى تحب انك تطمن عليه عارف ان دقيقه مش كفايه بس مين ؟
اكيد احمد
حاجه ف الشارع بتاعك نفسك انك تغيرها ؟؟
ان وانت رايح كده تصلى متشوفش راجل يكون قاعد ف الشارع وبيكلم واحده وسايب فرض ربنا
ربنا يهدى
كام مره عملت زينه رمضان ؟؟؟
من يوم ما اتولدت بس بنعملها ف مدخل البيت فكرت مره اعلقها بره بس كان مصيرها الهلاك ههههههههههههههههه
مفيش مره فطرت مع اصحابك ف رمضان ولا لسا محصلش؟؟؟
لا الحمد لله من وانا ف اعدادى ولازم يبقىفى على الاقل يوم نفطره مع بعض
حكمه ماثره فيك ؟؟؟
لا يحزنك انك فشلت مادمت تحاول الوقوف على قدميك من جديد
ياترى كانت رحله كويسه ولا مش عجباك؟؟؟؟
لا الحمد لله كانت رحله جامده جدا بس كان نفسى يحصل الموقف بتاع كل مره بس عدت على خير ههههههه
مفيش مره فكرت انك ممكن تعد النجوم اللى ف السما ؟؟؟؟
كتيييييييييييييييييييير بس معرفتش
طلعت رحله وانت صغير مع المدرسه لو طلعت احكيلنا شويه ؟؟؟
اول رحله طلعتها كانت ف اولى اعدادى وكانت رحلهجميله جدا خصوصا انها اول مره بعرف يعنى ايه رحله ويعنى ايه تخرج مع المدرسهف رحله وانك تركب اتوبيس وتعمل سندوتشات كان جو جميل جدا وياسلام بقى على الاسبوع اللى بتبقى فيه الرحله بيبقى احلى اسبوع ف حياتك
بتبقى عمال تحضر ف كل حاجه وهتاخد ايه معاك وعمال تحمل بقى باليوم ده
ايام بقى
بتلعب كوره من امتى ومفيش صادفك موقف كوميدى وانت بتلعب كوره ؟؟؟
بلعب كوره من زمان بس بدات اتخنق منها لانها بقت جلابه مشاكل
افتكر مره سينا الدرس اللى كان ف بيتى والقصه المشهوره بتاعتى هتلاقوها ف ذكريات منسيه الدرس اللى كان ف بيتى وسبناه علشان الكوره وكان معايا النجم حماده بس مش حماده صابر
4 نجوم تحب لمين تهديهم ؟؟؟؟؟
اتنين ل ابويا وامى
وواحده ل احمد
والاخيره ليك
اشمعنا انت
ورده وشوكها تحب لمين يكون الورده ولمين يكون شوكها ؟؟؟
ورده ل واحده ماتت من 10 سنين
لاى حد يظلم
لو فكرت انك تعمل رحله ل شباب برشوم تحب نروح فين وليه ومين نفسك يبقى معانا غير اللى طلعت انت معاهم المره اللى فاتت؟؟؟؟
بفكر ان نروح كلنا الاهرامات وكمان نتصور كلنا مع بعض
زى اخر صوره ف المصيف

وبكده اكون خلصت
ف كل سنه وانتم طيبين وربنا يحقق لكل واحد اللى بيتمناه
وهيكون معانا



























سكاى
حد ينادلها

ازيك يا سكاى ومنوره المنتدى
انا مش هطول عليكى
ايه هى اسعد ايام حياتك ؟؟؟
ايه هو اليوم اللى عمرك ما تنسيه ابدا ؟؟؟
احكيلنا عن موقف موضحك قابلك ف حياتك ؟؟؟؟
مفيش مره حسيتى ان فى حد يكون زعلان منك ونفسك انك تصالحيه ؟؟؟
وخدى اسئلتك بالمره
1-إيه أكتر حاجة بتحبها فى حياتك
2-إيه الحاجة اللى بتخليك فرحان
3-إيه الحاجة اللى بتضايقك أوى
4-كان فى حد كان نفسك يبقى صديقك وما عرفتش
5-إيه المرحلة اللى أنت عشتها ونفسك أنها ترجع تانى

اهلا بيكى ياسكاى


يالا علطول كده علشان الحق افطر

1 _ هل اللى قالك على المنتدى ده بيدخل دلوقتى ؟

2 _ بتحبى العاب الكمبيوتر ؟ وايه نوعية الالعاب اللى بتحبيها ؟

3 _ ايه الحاجة اللى مش عاجباكى فى المنتدى ؟

4 _ لو انتى ماشية فى الشارع وواحد غريب نده عليكى علشان يسألك سؤال هتعملى ايه ؟

5 _ مين مثلك الاعلى فى الحياة ؟

6 _ ايه رايك فى كلية التجارة ؟

7 _ اول يوم فطرتى ايه ؟

8_ هل انتى تعرفينى ولا لا ؟

9 _ هاتيلى خمس اعضاء وقولى رايك فيهم ؟

10 _ ياترى تحبى انك تبقى معروفة على المنتدى ولا ماتحبيش ؟