ذكريات منسيه ...... من ايام الثانويه

اكيد كتير منا مر بمواقف ما اجملها ايام ثانويه
وكتير منا مر بمقالك جامده جدا ف حياته
واكيد كلنا بيبقى لينا الناس اللى بنعيش معاهم الاوقات الجميله دى
ف يالا كل واحد يقولنا احلى موقف قابله ف حياته

وابدا معاكو انا
واحكيلكو احلى موقف عمرى ما اقدر انساه
كنا اول يوم مدرسه وياسلام على اول يوم مدرسه بيبقى له شكل تانى خالص
اكيد صحيان بدرى وفطار وشرب شاى ومستنى كمان المعاد اللى هتخرج فيه علشان تروح المدرسه
اكيد المدرسه كانت ثانوى العمار
اول يوم بقى ف مدرسه الثانوى كان حكاااااااايه
طبعا كلو مجهز الدراجه البخاريه بتاعته الله يمسيها بالخير دى ايام .......كانت ايام نكد ههههههه
صحينا وكلو جاز واتجمعنا قدام بيتنا وكل واحد وسلاحه قصدى وعجلته مين بقى
شفيق وحماده ومحمد السيد ومحمد رافت ومحمد نجاح
طبعا ولا واحد ف دول عارف الطرق ههههه
واحنا فرحانين ومش عايزين نستنى بتوع سنه تانيه اللى هما ايمن واحمد على وحماده صابر
وعايزين نروح المدرسه بقى اول يوم ومش مسحملين ان نستنا
ف احمد اخويا وصفلى الطرق كده بالبوء
فقولتلهم يالا يا شباب
وركبنا وقولنا يا هادى
ومشينا
قابنا ف الطريق محمد عبدالمحى كانت مستنينا
وخدنا طرق العشره دا كل ده حسب الوصفه
طبعا الزى بتاع الثانويه قميص ابيض وبنطلون كحلى
ما علينا
طبعا الجو كلو شبوووووره ومش شايفين حاجه
المهم فضلنا مع الطريق ودخلنا وسط الشجر والندى عمال بيقع من الشجر علينا
ومشينا
ومشينا
مع الطريق
وصلنا لملف
ومن كتر الشبوره معالم الملف مكانتش واضحه طبعا ف المقدمه العبد لله الضعيف وورايا شفيق وباقى الناس
هوب للنبى نباخد الملف وبسرعه جامده
لقينا الارض بتطلع بينا لفوق
طبعا كلو تعب من الملطع وقفنا نشوف احنا فين من الطرق
اذ نفاجأ اننا فوق مكموره
ومش اللى فوق بقى يقول للى لسا طالع خليك عندك انما لا سابو لما طلع
ويا معلم القمصان بيضه
كلو الناس وقعت من على العجل
وهدومنا بقت زى الطين
نزلنا عند طرنبه واشطفنا ومسحنا القمصان
ومشينا شويه
دخل بقى ف المقدمه محمد نجاح
ومشينا بسرعه بقى علشان اتاخرنا الساعه بقت خلاص 8
وجرينا كلنا ومحمد افندى قدام
وفجأه
ظهرلو مطب كلوو وقام مقلوب على الارض
وطبعا كلو جاى وراه جرى
ويا معلم كلو فوق منه مقلوب وعلى الارض كلنا
ولسا هدومنا مبلوله
ههههههههههه
قومنا اشطفنا تانى
وقولنا بقى مبدهاش نمشى براحتنا بقى وزى ما تيجى تيجى
المدرسه اللى المفروض نبقى فيها 8الا ربع
وصلنا 9.30
ودا كان اول يوم مدرسه
هههههههههههههههههههههههههههه

ليه بس يا عمرو كده
طب مفيش مره كده قابلك موقف جميل مع اصحابك
اكيد كتيييييييير
قول قول دانت لسا هتسمع مواهب
ههههههههه

ههههههههههههههههههه
ياراجل
طنش تعيش تاكل قراقيش

ههههههههههههههههههههههه
دانت مشكله يا ساحر
حصا معانا نفس الموقف مع واحد صاحبنا هبقى اقولكو عليها
انتظروووونى
وذكريات منسيه من ايام الثانويه

والله انت يا استاز احمد اللى واحشنا اكتر
ودا جمال محمود اللى منور ربنا يحرصه
وفضايح ايه يا عم
ربنا ميجبش فضايح
دى كلها بتبقى مواقف جميله وذكريات بردو اجمل
بس عمرها ما بتتنسى
هههههههههههههههههه
سواء مقلب او موقف جميل

اما بقى هحكيلكو على موقف جميل
هو مقلب عملناه مع واحد صاحبنا ومحدش يسال علشان صعب انه يعرف
ومش هقول اسامى علشان محمدش يزعل منى
كل ما فى الموضوع ان اتفقنا ان نعمل ف واحد صاحبنا مقلب
وطبعا وبعد تنظيم للخطه
كانت المفاجأه
بان نكتب جواب ونحطه ف الكتب بتاعته
ونشوف رد فعله هيكون ايه
المهم واحد من صاحبنا كتب الجواب وكلام جامد من اللى قلبك يحبه
وكتب
( الانتظار يوم الاتنين امام الحمامات بتاع الدور الثالث ف حصه الالعاب )
المهم صاحبنا شاف الجواب وطار من الفرحه
كل دا واحنا مراقبينه
المهم عدى السبت وعدى الحد واحنا طول الايام دى شايفين تغير كامل ف صاحبنا الضحيه هههههههه
واحنا ميتين من الضحك
لحد ما وصلنا لموعد اللقاء يوم الاتنين
وطبعا مستنيين اللحظه الحاسمه
صاحبنا راح ملقاش حاجه طبعا
ملقاش غيرنا هناك
فضلنا نضحك لحد ما زعل مننا بتاع كام يوم كده وبعدها صالحناه
ههههههههههههههه


وانتظروووو
دفعه سنه تانيه وكرسى ف الكلوب
هههههههههه

كرسى ف الكلوب

يا عمرو لو حابب انك تحكى اى موقف جميل احكى
مش شرط انه يكون خناقه او غيره
وايه يا عم مفيش اى موقف جميل خالص طول الدراسه ايام الثانويه
بس انا شايف انك متحكهوش بتاع الخناقه دى
علشان منزعلش حد مننا
ودور كده هتلاقى مواقف جميله مع اصحابك ايام المدرسه
ولا مشوار حياتك مع التغذيه المدرسيه
اه والف اه من التغذيه
الله يرحمك يا عم عبدالله
كانت اياام
وسبقتنى يا كاريبى
كان نفسى احكى الموقف ده
اصل حماده صابر حبيبى
هههههههههههههههههههههههه

اقولك انا بقى يا عمور موضوع التغذيه
انا كنت ف سنه تانيه
كان الواحد بقى خلاص خد على جو المدرسه والناس اللى فيها
وصاحب ناس كتير وخد عليهم
تغذيه المدرسه عباره عن اتنين فينو كيزر حجم عيل صغير
وواحد بيضه وحته مربه
او واحد جبنه مع بيضه صنع فى مصر
اللى حصل يا معلم ان كان ليا واحد صاحى طفس الله يمسيه بالخير اسمه رشاد
كنا خلاص ف الحصه الاخيره والمفروض ان ننزل نجيب التغذيه ونفرقها على الناس
انا كنت ف فصل بعيد عنك اسمه فصل المعوقين
كانو كلهم عاملين فيها ولاد ناس ومش بياخدو التغذيه ويايى ويا مامى والكلام اللوكل ده
المهم يا معلم اتفقت انا وصاحبنا ان نكبر للفصل ونقسم التغذيه بنا وبلا فصل بلا مدرسين
واللى حصل كالاتى
نزلنا جبنا التغذيه وروحنا عند الجراج بتاع الفور باى فور بتاعتى وجراج كل الناس
كان بيبقى ورى المدرسه
كنت تروح تلاقى جميع الماركات
كان من ضمنهم الزلموكا بتاع حماده اللى هى المرسيدس طبعا والاضاح للجماعه اللى معندهمش خبره من ماركته العربيات
وتلاقى BMWبتاع شفيق
والسزوكى بتاع فوزى
والدايو واليونداى
وجميع الماركات
المهم نزلن وقسمنا التغذيه على اتنين
شوف بقى التغذيه اللى بياكلها 60 هياكلها اتنين
دا ف حد ذاته وليمه
صاحبنا طمع ف الفينو
اصله طفس
المهم انا خدت اكبر كم من المبرى والجبنه
وعلشان احنا كنا متفقين اننا نلعب بعد الحصه الاخيره ف النادى
ف انا قولت ابعت الوليمه دى البيت مع اى حد مروح
علشان لو روحت بيها اكيد هتتاكل
من حسن الحظ قابلت محمد رافت
ف بعتها معاه وروحها وروحت النادى وعادى ولا كانى عملت حاجه
وطبعا انا خالى من اى تغذيه ف اكيد المتهم برئ حتى تثبت ادانته
وروحنا الملعب طبعا صاحبنا معاه الشنطه ومعبيها على الاخر
وفين يا زكريا التغذيه
يا رجاله التغذيه ف شنطه رشاد
ما هى على راى الشاعر بردو
عيش ندل تموت اخر انبساط
ههههههههههههه
كلو منه التغذيه اللى معاه
والعبد لله نفد باكبر قدر ومحدش ساعتها يقدر يفتح بوظه
هههههههههههههههههه


ارجع واقول كانت ايااااااااااااااااااام

ما خلاص يا ابنى انت وهو
ايه انتو مالكو هتاكلو ف بعض كده ليه
ههههههههههه

اما انا بقى هحكيلكو على موقف جميل انهرده
حصلى ايام الثانويه
وعمرى ما هقدر انساه رغم انه موقف محرج جدا
بس والله ما كان قصدى
ههههههههه
انتظرووونى
هصلى بس واجى احكيلكو

اما انا بقى هحكيلو على اغرب موقف حصلى ايام الثانويه
ومش قادر انساه
رغم انى اتحططيت ساعتها ف احراج كبير
كنت ساعتها ف سنه اولى
وطبعا سنه اولى لسا وجو المدرسه الجديد وناس اول مره تشوفها وتتعرف عليها
بس طبعا مع التعود والكلام الطيب وعلاقتك الكويسه بتقدر تكسب اللى حواليك
اللى حصل بقى كان فى مدرسين بتوع التربيه العملى دى
كانو بيجو يتدربو ودا شائع ودا الطبيعى بتاع الكليات
انهم بينزلو يتدروبو ف المدارس
المهم
كانو بنات وبتوع رياضه
وانا الحمد لله كنت موس ف الرياضه الله يرحمها بقى
المهم بتوع التربيه العملى دول لو كانو بيبقى شباب كان بيبقى الفصل هايص
شباب ايه دول لو مدرسين من المدرسه كان بيبقى ولا المولد
لا دول بقى بنات
تخيل جو الفصل هيبقى عامل ايه
المهم هما كانو بنات
وكتبو مسئله على الصبوره وكلو حلها اخر تمام
هما بقى قسمو نفسهم وبيلفو على الفصل واحد واحد ويصححو الكشاكيل
طبعا العبد لله مكانه بيبقى ف اخر الفصل
حيث الهسه والزيطه والافهات اللى بتموت من الضحك
ههههههه
اللى حصل انها وصلت لحد عندى علشان تصحح الكشكول
طبعا هى واقفه جنبنا قدام الدكه وبتصحح
اللى حصل بقى ان الجيبه بتاعتها وانا بحط رجلى على المصوره بتاع الدكه دوست عليها
هى بقى خلصت تصحيح وماشيه خلاص وهى ماشيه لقيت اللى رقعت بالصوووووووت
انا سعتها اتخضيت
ببص بتصوت على ايه والدنيا اتقلبت ف الفصل لقيتنى دايس على جيبتها
وانا والله ما كان قصدى
وكنت ف قمه الاحراج
واعتذرتلها
بس هى من كميه الهيصه اللى كان بيعملها الفصل مكانتش مصدقه انه غصب عنى
والله غصب عنى
ههههههههههههههههههههه

وبتاسف لها هنا كمان مره

وانتظروووووونى
ف معمل الكيميا
هههههههههههههههههههههههه

والله ياساحر ما كان قصدى
والحمد لله ربنا ستر ساعتها
وبجد كنت ساعتها محروج اوووووووى وكان شكلى وحش
خصوصا ان كان معانا ف الفصل بنات
انا اسف ليها بجد

حتى كمان اخويا فهمنى غلط
روحو الله يسامحكو بقى
ههههههههههه

الابله منى بتاعت الفلسفه"مين ميعرفهاش؟"
المهم كنا فى سنة تالته وفيه شوية ابلوات جداد جم المدرسه مش فاكر منهم غير منى " بتاعت فلسفه
وعبير بتاعت الفرنساوى
المهم كعادة سنة تالته بيهربو بعد الفسحه طبعا العبد لله بيكون اول واحد بيهرب وبيكبر دماغه
نازل ع السلم وقابلت الوحش ايهاب الليثى والوحش فوزى محمد
المهم نازلين ع السلم زى اى تلاته فشله هربانين بنتسحب خايفين من الناظر "محمد شحاته" الله يمسيه بالخير
وإذ فجاة قابلنا الابله منى" مش نسكت ونمشى !!!! لأ .... قولنا لازم نرخم عليها ماهى دى عادتنا ولا هنشتريها
طبعا عملت فيها كروان وعمال اصّفر لها وشوية كلمات ترخيم من اللى عينك تحبه ياريس
المهم هيا ضحكت ومشيت واحنا برده كملنا رحلة الهروب
ونزلنا الجراج "زى م وصفه زكريا بالظبط.. فيه كل ماركات العربيات :d"
كل واحد سحب المرسيدس "قصدى العجله طبعا" بتاعته ومشينا
وعند اول طريق العشرة دا اول دوران بعد صلاح سالم اكيد الكل عارفه اللى احنا اتعودنا نمشى عليه......
لقيت وحش م الاتنين اللى معايا بيقول تيجو نسابق بعض؟!
طبعا احنا مبنحرمش بعض من حاجه وفعلا سابقنا بعض
.............
وبعد سخونة السبق وفوزى الاول وانا وايهاب لسه وره وجايين باقصى سرعة
لقيت دبشه "حجَر كبير " المهم معرفتش افاديه وصديت ف الحجر وهووووووب
اتقلبت ف القنال"الأنايه" والحمد لله مكنش فيها ميّه
واغمى عليا ييجى 3 او 4 ثوانى
وبعد م فوقت لقيت نفسى طبعا ف الأنايه والعجله طبعا مكنتش سليمه.......
لقيت العجله اللى قٌدام مش على شكل دايره كعادة كل العَجل .....
بل بالعكس لقيت الدايره اتقلبت وبقت شكل هندسى تانى خالص مش عارف ايه هو!!!!
المهم احنا كنا لسه ف اول الطريق ومش عارفين هنعمل ايه ف المصيبه دى
قررنا ان حنا نعمل زى جحا وابنه والحمار
فقررنا ان احنا نشيل العَجله وبالفعل حصل كده وروَحت البيت والحمد لله منكش فيه اى حد غيَّرت هدومى بسرعه وزى الفل
المهم ابويا لما جه م الشغل شاف العجله بشكلها الجديد :d قاللى ايه اللى عمل ف العَجله كده
قلتله .....لأ ابدا ده كان عمود نور مكنتش شايفوه ولبست فيه
قاللى خلاص يا حلو ابقى صلحها على حسابك رحت للنجم سامى العَجلاتى قلتله تعرف تصلح دى قاللى هاخد فيها عشره جنيه قلتله طب خلاص سلام عليكم
وروحَّت البيت وقررت انى اصلحها وطبعا قضيت اليوم كله ف تصليح العجله
ودى كانت اخرة اللى يرخم على الابله منى
ههههههههههههههههههههههههههههههههه
استنونى ف معونة الشتاااااااااااااااااااااااااااااااا

اما انا بقى هحكيلكو موقف معمل الكيميا
ومن غير فلوس دا علشان تعرفو معزتكو وغلاوتكو
ومش ماديات زى ناس
المهم اللى حصل كنا ف سنه تانيه
وطبعا اوقات كتير بتبقى الحصه ف معمل الكيميا
وللعبقرى الاستاز مختار شعيب ربنا يمسيه بالخير ويباركله
ولحسن الحظ كنا الحصه الاولى وعلى غيار الريق
ولا كان حد فطر ولا حاجه
والفصل كله طلع من الطابور على المعمل طوووالى
كان ساعتها الاستاز مختار بيشرح درس ف العضويه وما ادراك بالعضويه
والمعمل كان شكله جميل جدا طرابزات مكسره ومفيش كراسى وطول الحصه واقف ولا اللى عليه ذنب
والصبيان على الجنب ده والبنات على الجنب ده
والاستاز مختار على السبوره وقدامه العده بتاع الشغل
واللى هحصل انه حط محلول على محلول غلط نتج عنه فرقعه جامده وطبعا الباب مقفول وكمان الشباك
ودخان من اللى عينك يحبه
وقامت البنات رقعه بالصووووت
وكان يوم تحفه
بعد ما الجو هدى والبنات سكتت
وكل حاجه رجعت لمكانها لقيته بيقولى
يا زكريا بعد كده ابقى سيب مفاتيح الشقه ف البيت
علشان
لما يحصلك حاجه يبقو يعرفو يدخلو البيت

قومت قولتله مش لما ابقى ادخلك انا معمل تانى
ههههههههههه


ولنا لقاء مع درس الفرنساوى

درس الفرنسااااااااوى
وكالعاده درس الفرنساوى بيبقى ف بيت اى حد زى ما كلو عارف
وكالعاده بيبقى ف بيت الامه زى ما المشاكس حمدى بيسميه
كان بيطلع عينى بقى ف يوم الدرس ده لازم قبلها تروق الطرابيزه وتظبط الكراسى
وتودب القعده علشان الاستاز جاى وهيبقى شكلك وحش قدامه
اللى حصل ان كان دايما بيبقى الدرس بعد المدرسه على طول الساعه 2
ولسوء الحظ ان ضربت ف دماغ يوسف صاحبنا ان نلعب كوره وهى لما بتطلب حاجه دماغنا
اتعودنا منحرمهاش من حاجه وزى ما قال شقيقى احمد افندى كعب الغزال
المهم كان معايا ف اليوم ده نجم النجوم حماده ومش حماده صابر مش طالبه دماغ خالص
لا كان حماده السيد
المهم قولت ليوسف على درس ومش هينفع اتاخر علشان الدرس ف بيتى وكده
قالى متخافش احنا هنعمل خطه هروب من الحصه الاخيره وهنحل المشكله ونلعب شويه قبل ما تيجى الساعه 2
وقد كان
اخترعنا حجه كده وقولناها للاستاز وسحابنا الناس اللى هتلعب واحد ورى التانى لحد ما اتجمعنا كلنا ونزلنا وروحنا الملعب ومعانا الكوره
المشكله بقى ان الواحد لما بيبقى ف وسط اصحابه واللمه والهيسه والجو الجميل وبالذات جو الكوره والناس اللى بتلعب معاها بتبقى مستمتع ف بتنسى الوقت وبتنسى كل حاجه ودا اللى حصل هههههههه
حماده بيبص ف الساعه بالصدفه لقيته بيقولى دى الساعه بقت اتنين
وطبعا على ما نتشطف ونوصل للبيت فيها ولا بتاع ساعه
قولنا نحاول ننجز بسرعه وكل واحد ركب الهامر بتاعته وخلى بالك من الهامر دى
وخدنا طريقنا وهوووووووب الكاوتش بتاع العجله اتخرم
ينهر مش فايت دى فيها لو هناخدها مشى بتاع كمان ساعه
عملنا اللى علينا وجرينا شويه ومشينا شويه
وشويه الكلاب تجرى ورانا
وصلنا البيت على الساعه 3.15
لقيت الاستاز خارج وباقى اصحابنا خارجين معاه
لقيت الاستاز بيقولى انت كنت فين يا زكريا انا سايبك ف الفصل الحصه الخامسه
ف جبتها ف كاوتش العجله
اصل لو قولتله كوره هيقولى طب شفولكو مدرس تانى