ذكريات منسيه ...... من ايام الثانويه

ينهار ابيض على الكوسة اللى كانت بتحصل فى درس الفرنساوى فى سنة اولى كانت ايام سودة
كنا احنا نروح الاستاذ ميجيش هو يروح احنا منروحش كان ماشى معانا عكس عكاس احد ما فى مرة قطع خالص ومش بقى يجى فقولنا نتصل بيه فانا اتصلت بيه فردت عليا بنته سالتها الاستاذ موجود جاوبت ب لا قولتلها طب هو فين قالتلى هو فى بنها قولتلها بيعمل ايه فى بنها قالت بيحلق قولتلها ايه ايه بيحلق ليه هو مفيش حلاقين فى العمار قالتلى بنبرة صوت فيها غضب انت مين ولما هو يجى انا هاقوله قولتلها قوليله لما يرجع مجموعة برشوم اتصلت بيك ....بس كان موقف الضحك فيه ساعتها كان للركب قال ايه بيحلق فى بنها خلاص الحلاقين اتمنعوا فى العمار ههههههههههههههههه...فاكر يا ساحر

فاكر طبعا يا بني هي دي ايام تتنسي ده كانت ايام سودة

على فكرة يا دكتور انت بوزت شكلنا قدام الاجانب بس عموما كلها مواقف مضحة

ههههههههههههههههههههههههه الله يخرب عقولكم
بالنسبة بقى للاستاذ عصمت فكان الدرس حكاية كان من الصعب جدا ان الواحد يفوت حصة لانه درس ممتع جدا بصراحة
في مرة من المرات كنا في نص الدرس وقال ايه : أنا حاسس ان في درفه غايبة النهارده
الدرس كله في صوت واحد :بوحه يا استاذ
اه انا قلت كده برده
ومرة تانية محمد السيد كان عمال يجاوب ومبيغلطش في حاجة خالص فقاله مالك ياد يا محمد بقيت شاطر فجأة كدة ليه يمكن بتذاكر
جه محمد الحصة اللي بعدها وبرده بيجاوب فقاله انا شاكك في حاجة ياد يا محمد وريني الكتاب اللي معاك فوراهوله فقاله مهو مفيهوش حاجه فدقق اوي فقال اااه بص مع محمدي
الدور جه على محمد السيد فجاوب صح فقاله شكلك بتذاكر ياد يا محمد وانا ظلمتك
الدور جه على محمد السيد جاوب غلط فقال : هو ده محمد السيد اللي انا عارفه
ههههههه كانت ايام

الله يرحمه واستنوني وفطار كل يوم

ههههههههههههه مقبوله منك يا استاذ احمد
اما بالنسبة بقى لفطار كل يوم ده فاحنا كنا متعودين نفطر من عند واحد بيبيع سندوتشات جنب المدرسة أو نجيب قرص من الفراش.
يعني مرة من المرات لقينا مسمار صلب وفلة سيجارة ونمل في قلب القرص.
على العموم في مرة انا كنت شاري سندوتش وانا باكل
كنت وصلت لنص السندوتش تقريبا
وهوووب لقيت صرصار ميت محمص في قلبه
لفيت على زمايلي واحد واحد ووريتهم الصرصار
وكلهم بقى مش جايبين من عنده تاني خلاص كده
في حين ذلك انا شيلت الصرصار رميته واللي حواليه وكملت السندوتش

كنا في سنه اولي ثانوي وفصل مشترك طبعا بنين وبنات وطبعا الناس اللي زينا كانت بتقعد في اخر الفصل وبنضم الديسكات كلها علي بعضها عشان نعرف نهزر ونهرج ونولع في الفصل واللي كانو في اول الفصل قاعدين قدام دول العيال اللي عايزه تطلع دكاتره واجراحين طبعا انا كنت في اخر الفصل وفي اخر ديسك كان الفصل ده فيه انا وفتحي ممدوح ومحمد السيد رجب ومحمد رافت بجانب شلة العمارويه الجامده اللي كانو ورا معانا زي مممد جمال راس الافعي
المهم كنا قاعدين انا ومحمد رافت بنتكلم في الفاصل مابين الحصه والحصه لقينا البنتين اللي جنبنا عايزين يكلمونا المهم كلمناهم وشويه وشويه سالو سؤال غريب جدا
السؤال هو انتو اسم امهاتكم ايه
طبعا انا قولت البنت دي مجنونه اخر حاجه ..ايه الهبل ده ياربي
انا رديت قولتلها ليه يعني هتسالي عليها مثلا ,,,,,,,,قالتلي لا بس سؤال .....ربنا يخليك تجاوبني .............طبعا انا استغربت اكتر واكتر ...............هبل هبل يعني
المهم انا قولتلها طيب انتو اسماء امهاتكم ايه ؟؟؟؟؟؟؟؟؟؟؟؟.........المهم هما الاتنين جاوبو وردو لما انا سالتهم .......وقالولنا انا ومحمد رافت قولو انتو بقي اسماء امهاتكم ايه ........طبعا انا ضحكت ضحك اخر حاجه فروحت رديت بحاجه والله انا مكسوف منها لحد دلوقت وبجد عرفت بعدها علي طول اني هزأتهم بس انا والله مش كان قصدي انا كنت بهزر بس الظاهر الواحد دايما بيتفهم غلط قولتلهم عايزين تعرفو اسم امي ,,,,اخبطو دماغكو في الحيطه اللي جنبكو الاول وانا اقولكو .....وطبعا انا قولت الكلمه دي ومش حسيت بيها الا بعد كدا ويارتني ماقولتها......

وماله ياستاذنا بس هي تعمل ,,,,,,,,,,,,دي باين عليها كانت هبله

وماشي ياحمد ياعلي

موقف فى معمل الاوساط فى الثانوية...نزلنا فى حصة الكيمياء وكان بيدينا كيمياء الاستاذ عتمان وبدءت الحصة ويارتها ما بدءت النور اطفى عشان نشغل الجهاز وناخد الدرس على الشاشى الكبيرة دى وكانت اكتر حاجة تغيظ عمنا عتمان تحريك الكرسى من مكان امكان عشان بيحصل صوت جاااااااامد اوى وهو كان بيتغاظ اوى اول ما النور اطفى الشلة اللى قاعدة فى اخر الفصل وانا كنت واحد منهم طبعا نبدء على طول بتحريك الكراسى اول ما ندى الاشارة مش بس كده ده كان بيحصل ضرب اقلام اوعى وشك وعمك عتمان بقى كان طخين السيد قشطة بعيد عنك وكان لما يزهأ يلهوى على جسمه كان بيتحرك بطريقة رهيبة واحنا ميتين على نفسنا من الضحك وانا كنت بضحك ايه بقى مقولكوش كنت بطوسى بيه اوى وقهقه على الاخر يخربيت دى ايام كانت فقر ده عتمان كان بيشوف مننا حاجات والله الفصل ساعتها كان بيبقى
عامل زى الدرمغانة اكننا فى امن دولة
انتظرونى وموقف الصاروخ وموقف معمل الفيزياء

تخيل بقي ياحمد ياخمد ياخويا لو الاستاذ عثمان في يوم من الايام اشترك علي المنتدي وشاف اللي بيتكتب عنه ده,,,,,,,,,,,,,,,,,,يالهووووووووووووووووووووي

وربنا كنت لسه هكتبها
ايام فقر ياد يا ايفا والله

المواقف كثيرة بس الواحد مش فاضى يكتبها غشان العمل

كنا يوم في عز البرد وعز الشتا وطبعا بنصحي بدري عشان نروح المدرسه وطبعا كان كل يوم يجيلنا برد واليوم ده كان علينا امتحان فيه ورايحين المدرسه كنت انا وشفيق مجدي وزكريا علي
المهم اني شفيق مجدي كان واخد كتاب علوم من واحده زميلتنا هنا ف البلد(الله يمسيها بالخير بقي هي اتجوزت دلوقت وخلفت ) وكانت الواحده دي واخده من شفيق حاجه وتقريبا مش رجعتها لشفيق او حاجه زي كدا المهم طبعا بنقف ع الجسر مستنيين العربيه ع الصبح بدري والجو برد اوي جت الواحده دي وقالت لشفيق هات الكتاب اللي شفيق كان ماسكه ساعتها وبيذاكر فيه
طبعا شفيق قالها مش هديهولك واخبطي راسك في الحيطه طبعا البنت دي قعدت تدعي ع شفيق ع الصبح واحنا رايحين الامتحان وبصوت عالي شفيق اتنرفذ اوي وانتو عارفين لما شفيق يتنرفذ
المهم ركبنا العربيه نص نقل احنا التلاته وفي العربيه دي كانت فيها ست كبيره معاها قفص فراخ ووز وانا وازكريا كنا واقفين ماسكين في جوانب العربيه اما شفيق كان واقف في نص العربيه مش لاقي مكان يسند عليه ا
المهم وعند السيفا كدا طبعا فيه مطب والسواق مش كان شايفه فالسواق ضرب فرامل فجأه
تخيلو ايه اللي حصل!!!!!!!!!!!!





اولا,,,
شفيق وقع ع قفص الفراخ بتاع الست الكبيره دي والست رقعت بالصوت عشان ده شفيق ولا ايه ؟؟؟؟؟؟؟؟
وقالت الفراخ يجيلك نكد !!!!!!!!!!!يالهوووووووووووووي.....هههههه

ثانيا.,,,,
الكتاب اللي كان مع شفيق اللي كان بيذاكر منه وقع ع الطريق والسواق مش رضي يوقف بالعربيه وجري بيها وكدا دعا البنت اللي دعت عليه اتحقق

ثالثا,,,,,,,,
شفيق بقي هيتجنن وطبعا جنانه ده طلعه عليا انا ,,,,,,,,,,عشان انا قعدت اضحك من هنا لحد العمار وروحنا العمار حكينا انا وزيكو ع الموقف ده لكل الناس هناك ,,,,,,,,الله يسامحه بقي

ههههههههههههههههههههههه الله يمسيه بالخير لبس جيش مش عقبالكوا

يا جماعة خلاص انا وصلت النت وهقطلكوا هنا انا نايم وهمسك مشرف وبعدها مدير ولا ايه يا زيكو؟

يالهوى على ده موقف اصحابك راحو خدو فى بيتك الدرس وانت محضرتش هههههههههه

بصراحه كلو مواقفك حلوه اوى ياذيكو انا بحسدكم علشان اى حاجه عايزين تعملوها بتعملوها

ههههههههههههههههههههههههه احنا كنا بنعملها برده بس من المذكرات نفسها
احنا هنغلب يا ابه

هههههههههههههه مش عارفه ايه ده فى كده بجد ده انتم مشاغبين

هههههههههههههه نفس الى كان بيحصل معانا
فى درس الانجليزى عند الاستاذ محمد بس اكشتف الموضع
وعمل ساعتها امتحان صعب جدا وقال كل سؤال بخمس عصى
وطبعا مفيش حد عرف يحل وكانت مجزره

بس بصراحه من ساعت العلقه دى واحنا بقاته مبنذاكرش غير الانجليزى وبقانا نحب الاستاذ محمد
جدااا

وكان هيجيلكو فصل ساعتها انا فاكر

انت رخم ليه يا عمرو انت كنت معانا انا هعديها عشان خاطر الشيخ سيد

كنت معاهم بقلبى ومحمد راضى ملكش دعوة

انت فكرتنى يا زيكو بشلة احمد عبد النبى ومحمديوسف ايام المذاكرة عند احمدعبدالنبي
وانا هسيب محمديوسف هوه اللى يحكى هذا الايام

الله عليك يارامى

ظاهرة البيض اللي هيختفي بالخل
الموقف ده بأه بجد جامد .. جامد أوي كمان .
طبعا يا جماعة احنا مشاغبين اه ، بس كان عندنا شوية عبقرية برده ، بس العبقرية بتاعتنا كانت واسعة حبتين .
كان الكنج مختار بيشرح ازاي نتعرف علي الزلال في البول ..
وكعادة سياددته وجه سؤال غريب مريب عجيب ، تافه أوي بس طريقة السؤال كانت تخلي الواحد يسكت .
الكنج مختار سأل وقال " لو حطينا الخل علي البيض المسلوق يا جماعة ، البيض يختفي "
طبعا الكنج مختار كان له هيبة شوية ومفيش حد جرب الاترجبة دي ، فالكل سكت .
فراح سيادته مكرر السؤال تاني وهو ببص لمح السيد وقال ، " يابني لو حطينا الخل علي اليض المسلوق البيض يختفي "
طبعا محمد السيد بكل ثقة قال " اه يختفي يا استاذ " وعينك متشوف ألا النور بأه ، بجد رد فعل الاستاذ مختار كان عنيف جدا ورمي ورق الدرس واحنا قعدتا نضحاااااااااااااك.
طبعا اكيد سؤال الحلقة النهاردة :
" ليه محمد السيد قال بيختفي :
هل البيض اللي بياكلوه غير البيض بتاعنا ..
الخل بتاعهم غير الخل بتاعنا ....
ولا احنا مكناش في حصة كيمياء اساسا """"
لو عرفتو الاجابه كلمو المفتش كولومبو .