ذكريات منسيه ...... من ايام الثانويه

انتو الاتنين هاتجيبولى النقطة

وهات بالمرة معاك الضغط والسكر والشاى بلبن

فى تالتة ثانوى كان فى استاذ بيدينا علم نفس , الاستاذ كان لسه جاى جديد ودخل على فصل ادبى قبل ما يخش علينا المهم كان حازم اوى فى الحصة دى وكان ماسك الفصل , وبعد كده سمعنا عنه انه جامد ودخل علينا وقال قيام والله وبعد ما قال قيام وردينا السلام كل واحد بقى بيقلد صوت اى حاجة اللى يقلد صوت نعزة او كلب او قطة او يصوت وعلى كده يجى عشر دقايق وقالنا خلصتوا دى اول حصة, فى حصة بعد كده جاب الشيخ فتحى مدير المدرسة نعاه فى الفصل وقعد فى نص الفصل يشوف مين اللى بيطلع الصوت , وبقى كل واحد يطلع صوت الشيخ فتحى يبص قدامه واحد من ورا يصوت يقوم باصص وراه يقوم واحد من قدام يصوت وعلى كده طول الحصة وغى الاخر الشيخ فتحى ساب الحصة ومشى وهو بيدعى علينا .

ههههههههههههه............ ده كان استاذ فقر هو اسمه لوحده يضحك (رمضان السكرى)
سكرى بقى ولا بصره كله محصل بعضه ده كان عامل فيها ف الاول عنتر زمانه وبعد كده طلع
زيهك كلهم استاذ تييييييييييييييييييييييييييييييييييت دى البنات اتريقت عليه حصة كاملة بقو عاملين يقولوله ابو صرة - مسكر- يوستافندى .........من الاخر كان استاذ مسخرة بجد كان والله والله
والله بيشحت مننا خمس دقايق عشان يشرح الدرس وكان دايما يقولنا ادونى فرصتى حاولو تسمعونى ارجوكم ادونى فرصة ............ كنا دايما نرد عليه ونقوله فرصة ايه انت هاتلعب ف المونديال...... دى كانت ايام فقر

ولا فاكر ساعة ما قولنا رمضان جانا وفرحنا به ,قال ايه ؟ هى وصلت لغاية كده ماشى.

دة لدرجة انى كل ما يخش علينا واحد من طنط اسمة احمد يفضل يقلد الاصوات والاستاذ كالعادة شيفة بس ميرداش يكلمة والا احمد يقوم بالواجب اما بالنسبة لية كل ميخش قولة عايز اروح الحمام وهو كالعادة اصبر شوية لغاية ميخرج عن شعورة ويقولى اخرررررررررررررررررج

لا حول الله يارب إيه اللى أنتوا كنتوا بتعملوا فى الناس ده دا أنا على كدا كنت ملاك ياعينى عليا ما عشتش أيامى

هى الثانوية عاوزة كده

ههههههههههههههههههههههه انتوا عيال مشاكل حتى انت يا محمد يا سمير كنت هتموت الواد هههههه امال انت دكتور ازاى واحنا مستنين موضوع تانى من ا حد .

نرجع تانى لايام الثانوية والله احلى ايام
فى يوم من الايام مكنش فى اذاعة مدرسية فالشيخ فتحى جه وقال للناس انها تخش تقول حاجة وكل واحد يتهرب منه فدور الضرب فى الناس كلها اى حد يشوفه بقى يضربه والحمد لله مضربنيش لانى قولتله هطلع وساعتها طلعت انا ورامى وناس تانية ولا عارفين حاجة ولا فاهمين حاجة فرامى اصرف وجاب كتاب الدين وقال حكمة اما انا فمش عارف عملت ايه والله؟؟؟؟؟؟ وكان موقف محرج