من العالم البسيط الى العالم المعقد

بسم الله و الصلاة والسلام على محمد بن عبد الله الى يوم نلقى الله(اللهم صلي وسلم وبارك عليه)
ثم أما بعد................

مقارنة بين الماضي والحاضر والباقي والزائل اخترت هذا العنوان (من العالم البسيط الى العالم المعقد) -نعم- ففي كل امور المعيشة - الان - يطغى التعقيد ومن الواضح انه في المستقبل باذن الله منه المزيد حتى يسير الشخص في ارض الله لا يعرف يمينه من يساره ولا يعرف الصواب من الخطأ ويحمل على عاتقه ما لا طاقة له به فنحن بذلك نخطوا نحو التعقيد المميت.

كانت الحياة في الماضي سهلة يسيرة فأصبحت الان صعبة عسيرة.
سأتكلم عن جانب من جوانب هذا التعقيد وهو (الزواج).
كان الزواج في الماضي اسهل بكثير من الان فمثلاً :اذا نظرنا الى جهاز العروس في الماضي نجده يتضمن الاشياء الضرورية للمعيشة والتي لايستطيع الانسان العيش بدونها أو بمعنى اخر لايستقيم قوام البيت الا من خلالها .

أما الان اذا نظرنا الى جهاز العروس سنجده مكلفا للغاية يشتمل على كماليات ليس لها اي قيمة الا الديكور والمظهر والتي غالبها لايستخدم في الاغراض المنزلية وهذا لانهن ينظرن الى بعضهن بغير ادنى تقدير للمستوى المعيشي وظروف الأسرة وكانها ستتزوج وحدها ليس لها اخوات سيتزوجن بعدها والتي من الممكن ان يدفع الأب كل ما يملك ويتداين للناس وهو لا يدري من أين سيسدد هذا الدين لمجرد ارضاء ابنته والذي من الممكن ان يؤدي به الى أحلك الظلمات والوحدة.

تجاهلت هذه الفتاة هذه الظروف من أجل المظهر والديكور .فهل يستحق المظهر أن يضحي الأب براحته واستبدالها بهموم وحقوق لا طاقة له بها من أجل كماليات ؟!!!!!!!!!!!!!

ملحوظة: قد يكون ما أدعو اليه مستحيلا ولكني أرجو من أخواتي أن ينظروا الى ابائهم بعين الرحمة أولاً قبل النظر الى ما يفعله الغير . فقط اتركيه يفعل ما باستطاعته.

أنا لا أريد أن أسرد في الحديث عن هذا الموضوع لأن الكلام كثير ولكني استدللت بالزواج كمثال من ضمن أمثلة عديدة توضح مدى التعقيد الذي اصبحنا فيه .

الموضوع مفتوح لمن يريد أن يضيف اي مثال

والله الزواج دلوفتى بقى اشبه بالمعجزة مش للبنات بس ولكن للاولاد اكتر ,لو كل بنت عاوزة تتجوز ممكن تتجوز بابسط الاشياء لكن تنظر الى الاخرين وتقارن نفسها بالاخرين وهذا هو الاساس ,ولو كل اب عاوز يجوز بنته ياريت يبسط على العريس علشان الدنيا تمشى.ربنا يهدينا

فعلا موضوع يستحق المناقشة يامحمد

دى بقى من اسوأ عادات القرى وخاصة لو مافيش زعل برشوم

لانى شوفت قرى كتير بس ماشوفتش زى ماالناس بتعمل هنا

البنت بتقول لامها انا عايزة وعايزة وعايزة وعايزة زى فلانة وزى فلانة
وكمان الام بتعمل زى بنتها

والمظلوم فى ده كله الاب المسكين هيجيب ايه ولا ايه

جهاز العروسة ده بقى حاجة زي الموضة كده
كل عروسة جديدة لازم تزود حاجة فيه عن اللي قبلها
بس من غير ما تقلل أي حاجة حتى لو ما كانتش محتاجاها
وتقولك بعد كده أنا أول واحدة جبت كذا وكذا ف البلد .... فرحانة بنفسها بقى .

ولو في حاجة أساسية معروف انها بتيجي ف الجهاز من زمان بس دلوقتي ما بقاش ليها استخدام
برده لازم تيجي ويزيد عليها الحاجة الجديدة مش يشيلو اللي مالوش لازمة مثلا .

وعندك العريس اللي تلاقيه عاوز يعمل ف شقته كل حاجة شافها ف شقق زمايله اللي اتجوزوا
وطبعا يزود هو حاجات تانية عليها عشان التميز يعني .

وف الآخر كل واحد أدرى بحاله وزي م المثل بيقول " على أد لحافك ... مد رجليك "
يعني اللي معاه هو حر يجيب اللي يجيبه
انما اللي مامعاهوش المفروض يكبر دماغه شوية مش يوجع ف قلبه ويداين
للناس ف كلام مالوش لازمة .



موضوعك جميل يا ساحر .

شكرا للمرور
وارائكم جميلة على فكرة
وانا كتبت الموضوع من منطلق حقائق شفتها بعيني

على فكره العامل الاكبر بيرجع لتربيه البيت

لو البنت اتربت من وهى صغيره انها تكون مقتنعه بالحاجه اللى معاها وما تبصش لغيرها ابدا حتى ولو كانت اختها لان كل واحده نصيبها وظروفها بيختلف عن التانيه استحاله تعمل كده

تسلم ايدك

نور الحياه كتب:

على فكره العامل الاكبر بيرجع لتربيه البيت

لو البنت اتربت من وهى صغيره انها تكون مقتنعه بالحاجه اللى معاها وما تبصش لغيرها ابدا حتى ولو كانت اختها لان كل واحده نصيبها وظروفها بيختلف عن التانيه استحاله تعمل كده

تسلم ايدك

احتمال بس ده صعب جدا
الله يخليكي

وكمان عاشق برشوم والزملكاوى وفيت ونور وجورج واحمد ايفا وحمادة وقناوى

وضاع الحنان وطبعا فوق ده كله الاستاذ احمد

اه نسيت وكمان ميمو والعمدة وتو يو والساحر طبعا ونائب المدير برده

أنا الحمد لله رجعت شوية اهو
بس المشاغل بقى

وشكرا بجد لاهتمامكوا .

ربنا معاك ياسموان وترجع لنا بالسلامة