حمله يوم ف حب برشوم

بسم الله الرحمن الرحيم
ان شاء الله من اهم ثمار اجتماع يوم الجمعه تم الاتفاق على ان نخرج ب حمله
نظافه ان شاء الله تشارك فيها كل البلد ان شاء الله هنخرج الساعه 9 صباحا
يوم الجمعه القادمه وهنتجمع على الطريق كلنا ونحاول نقدم ولو شئ بسيط ل
بلدنا ف ياريت كلنا نشارك ف الحمله دى واتمنى ان الناس تحاول تغير من
نفسها وتكون ايجابيه الفتره اللى جايه وتشارك ف التغيير لان دى فرصه
حمله النظافه هتكون يوم الجمعه القادمه الساعه 9 صباحا سارع وشارك دى فرصتك

ان شاء الله هيكون معانا كل المستلزمات اللى تخص النظافه وان شاء الله
هيكون معانا بويا ل دهان عمدان النور وهتكون ان شاء الله ب علم مصر ف
ياريت كلنا نشارك
فى جمع تبرعات للى عايز يشارك بتبرعات بردو ونزود الادوات اللى معانا وبدل ما ندهن 100 عمود ليه ميبقوش 200

حاول انك تبدأ بنفسك وتقتنع بانك لازم تخرج معانا واقنع كل اللى حواليك بانهم يشاركو معانا ف حمله النظافه

ان شاء الله هنبدا بالطريق ومنظر البلد من بره لاننا لازم نهتم بشكل بلدنا
وبدل ما كل الناس بترمى الزباله على الطريق وف الترعه نحاول نمنعهم ونحافظ
على بلدنا

شكر خاص للاستاز محمد حلمى والاستاز ياسر عمر والاستاز احمد عمر والاستاز
عصمت وكل اعضاء اللجنه مش عايز انسى حد ربنا يكرمهم يارب ويجازيهم كل خير

حمله النظافه مش هتبقى برشوم الصغرى بس لان زى ما اتفقنا ان مبقاش بينا
كبرى وصغرى والبلدين واحد ف هتبقى حمله النظافه على طول الطريق كله وهيتم
تنظيم مجموعات علشان نقدر نتخلص من كل الحاجات اللى على الطريق



ياريت كلنا نشارك

طول ما احنا مع بعض هنعمل اكتر ب عون الله

شكر غالى للعضو المجهول
وان شاء الله تجمعنا لقاءات تانيه كتير ونقرب من بعد اكتر الفتره اللى جايه
جزاك الله كل خير

ان شاء الله دقايق وهيتم عرض كل ما جاء ف هذا اليوم الجميل

اجمل ما يقال ف حب برشوم
انهرده وبحمد الله خرج كل واحد مننا وهو كله حب انه يقدم حاجه حلوه لبلده
وان تكون بدايه لتغيير عام يشمل كل حاجه ف بلدنا
بعون الله اتجمعنا كلنا قدام المدرسه
والمدرسه ليه لانها يمكن الحاجه الوحيده اللى كانت بتجمعنا زمان ف كان لازم تجمعنا تانى
جمعتنا واحنا صغار ف دكه واحده وكل واحد من بلد
جمعتنا تانى علشان يبقى درس ان مهما العمر يطول بينا لازم نبقى واحد
الحمد لله اتجمع كل شباب برشوم قدام المدرسه الساعه 9 صباحا وهو يوم يعتبر تاريخى ف ذاكره برشوم
اتفقنا ان نبدا الشغل من اول برشوم الكبرى حتى نهايه الصغرى لكى لا يفصلنا فاصل ولنصبح واحد

ف البدايه كانت من هنا مع شرح الاستاز محمد حلمى


كل واحد من الشباب كان جاى طبعا ب ادواته ان كانت فاس ولا مجراف




كل واحد طبعا خد مكانه وبدا انه يشتغل


بدا الشغل اكتر والناس اتحمست اكتر لما لقت المدرسين بتوعهم بيمدو ايديهم قبل منهم
ف كان شعور غريب جدا حسينا بيه وكان دافع كبير وزود داخل كل واحد فينا كميه حماس رهيبه


بدنا ناخدها مكان مكان ونتنقل من هنا ل هنا علشان نقدر نخلى شكل بلدنا جميل



شارك معانا ناس كتير من برشوم الكبيرى وناس كتير كان جواها حب فعلا انها تقدم حاجه حلوه ل بلدها



كان لازم ننتشر بطول الطريق علشان نقدر نتخلص من كميه الزباله اللى كانت موجوده




بقينا نتحرك من مكان ل مكان



لحد ما وصلنا عند المدرسه وقدرنا ان نتخلص من كل حاجه قدامها مخليه شكلها وحش
والحمد لله قدرنا ان ننضف قدامها
وكان مجهود عالى من كل الشباب




وفضلنا نمشى وننصف كل حاجه تقابلنا



وصولا الى المكان اللى قدام الزاويه وكانت اهم نقطه بالنسبه لينا
لان دا بيت ربنا ومينفعش يبقى قدامه كده
وكلان لازم ان نتخلص من كل الحاجات دى


بعون الله وبمجهود ناس كبيره من الشخصيات اللى ليها احترامها ف البلد
زى الاستاز فوزى منصور الاستاز مجدى مأمون الاستاز اشرف مأمون الاستاز ياسر طلعت
الاستاز عصمت الاستاز ياسر عمر الاستاز محمد نافع الشيخ احمد حسن
وعم حداد وناس كتيره الحمد لله قدرنا ان نحافظ ولو ببعض الشئ على المكان


بعدها دخلنا على المكان اللى قدام الجمعيه ومركز الشباب







لحد ما وصلنا الى اجمل مكان ف برشوم



ودا طبعا لاهتمام الاستاز وليد السيد بالمكان
ربنا يجازيه كل خير




لحد ما وصلنا لاخر زمام بلدنا


والشغل بردو لسا مستمر والناس كلها نشاط



والفرحه اللى كانت مليه قلب كل واحد فينا بكل اللى عملناه




والصوره الجماعيه اللى اتعودنا عليها وان لازم كلنا نبقى واحد




ومازال العمل مستمر
لان اليوم الجميل لسا مخلصش وملئ بكل ما هو جميل

بعد ما خلصنا الطريق كان قدمنا وقت كافى بان ندخل الشوارع ونعمل توعيه ونحاول نشيل اى ورقه
او اى حاجه ف الطريق على امل ان كل واحده تكنس قدام بيتها والحمد لله البلد كلها كانت متعاونه ولما عرفو اننا بنضف نزلو ونضفو قدام بيوتهم

بدايه دخولنا كان شارع بلبول



قدرنا ان نشل اى حاجه ف الطريق






طبعا وجود اقرب واحد ل قلوبنا كلنا واللى فخر لينا كلنا ان اتعلمنا على ايده الاستاز عصمت بكرى
كان بيدينا حماس غير عادى وكون ان واحد فينا يشوف مدرسه بيمد ايده على الارض وبيسبقنا بيخلى كل واحد فينا يخجل من نفسه وان مينفعش يقف ويتفرج ودا كان سبب من اسباب نجاح انهرده بحمد الله ان كان فى حماس عند كل الشباب


الحمد لله قدرنا نشيل كل اللى موجود




مشينا ف شارع بلبول ونضفناه وكان معانا الاستاز مجدى ربنا يديه الصحه



بعدها دخلنا على شارع وسط الضرب



قدرنا بفضل الله ان نشيل كل اللى ف الشارع


مشينا لحد ما وصلنا ل وسط الدرب




وخدنا الشارع طوالى لحد الجسر







دخلنا على شارع بيشو
ونضفنا تحت الجمعيه الخيريه




مشينا ف الشارع طوالى




وشيلنا كل اللى ف الشارع



ناس كتير انضمت وشجعت الشباب
وكفايه دعاء الله يعينكم



وقدرنا نشيل كل اللى فيه



لحد ما دخلنا على المنطقه اللى قدام جامع النصر





ومشينا كملنا الشارع



من اهم شخصيات اليوم اللى كان ليها دور كبير
وشاركت مشاركه بجد ومش كلام وخلاص
كان الاستاز حسن على مدبولى




لحد ما وصلنا الى اخر مكان





وكنا وصلنا ل معاد صلاه الجمعه
اتفقنا ان نتقابل بعد الصلاه على الساعه 1ونص
علشان نكمل باقى برنامج هذا اليوم الجميل

صلينا الحمد لله واتقابلنا بعد الجمعه
وف نفس المكان




روحنا بردو علشان نبدا من نفس مكان الصبح




وطبعا كان فى حماس جامد من كل الشباب



برنامج بعد الجمعه كان عباره عن تشجير
وديهان العمدان ب علم مصر




العدد كان كبير لان الناس بدات تقول ل بعضها والناس بدات تتحمس اكتر ف كان لابد من تنظيم
حتى نستثمر جهدنا كويس



ف تم الاتفاق على اننا نبقى فريقين ونقابل بعض بدل ما نبقى كلنا ف مكان واحد

ف الاستاز عصمت والاستاز احمد عبدالمنعم ومجموعه من الشباب للتشجير



والاستاز ياسر عمر ومجموعه من الشباب ف دهان العمدان







وفريق مع الاستاز سيد صبحى ومجموعه من الشباب للتشجير



خدناها من عند المدرسه لحد اخر البلد



الحمد لله قدرنا نزرع ف اماكن كتيره على الطريق



اهمهم كانت المنطقه اللى قدام مركز الشباب



لحد ما وصلنا ل اخر البلد



لا ننسى دور رجال الرى هههههههه




وكان فى مجموعه للدهان
ابتدت من اخر البلد علشان تقابل الناس
كان فيها مجموعه شباب كتير على راسهم الاستاز اشرف
و احمد شفيق وبشير عبده وايهاب واحمد على وهشام وحماده









الحمد لله خلصنا كل الشغل على العصر
دخلنا صلينا ف الزاويه
ومشينا

كان يوم جامد جداااااا واجمل ايام كل واحد شارك
تمنياتى بدوام الايام السعيده مع بعض
وطول ما احنا ايد واحده هنعمل اكتر من كده
والسلام عليكم

شكرا يا شيخ يسرى وربنا يبارك ف حضرتك

وربنا يخليك يا استازنا كلنا احنا من غيركو ولا حاجه
وانا لما اشوف حضرتك بتمد ايدك على ورقه لازم الحماس والشجاعه داخل كل واحد فينا تزيد
ربنا يباركلنا فيك انت والاستاز عصمت والاستاز ياسر طلعت وكل اخواتنا الكبار اللى كانو حماس لينا ان نقدم كل اللى جوانا

وطول ما احنا كلنا واحد اكيد هنساعد بعض نعمل كتير
ربنا يقرب كل الناس من بعض


وتشكر يا ابو نسب
ومجهود رائع من كل الشباب اللى حابه انها تخدم بلدها

كان يوم بجد جميل جدا
ناس كتير كانت معانا
ناس كبيره وناس صغيره
كلهم خرجو علشان بيحبو برشوم
اتمنى ان الناس تقدر تحافظ على بلدها وتحاول تهتم بيها اكتر
يعنى لا حد يرمى زباله ف الشارع وكل واحد يحاول انه يحافظ على مكانه
لو كلنا اهتمينا ب كده مش هنحتاج ان ننزل تانى
لان نزولنا كان توعيه رغم ان ناس كتير كانت بتتفرج حتى واحنا بنشيل ورق من قدام بيتها
نفسى الناس تهتم اكتر
وشكرا لكل شباب برشوم اللى ساهمو ف نجاح اليوم ده والتعبير عن خالص حبهم للبلد