سؤال من الاستاذ اشرف

بسم الله الرحمن الرحيم

المسابقة المرة دى هتبقى لذيذة

وهى هتبقى عبارة عن ان الاستاذ اشرف هيدخل ويحط اسئلة علمية
او ثقافية او ( نحوية ) او فى القرءان

واحنا هنجاوب

يالا ياستاذ اشرف ورينا شغلك

فكرة حلوة والواحد يعيد ذكريات زمان

جميل ياعمرو تسلم أفكارك
يلا ياأستاذ أشرف فين أسئلة حضرتك

تمام أوي ومستنيين الأسئلة .

السلام عليكم ... انا لسه عارف الموضوع ده الان فقط لاني بصراحة لم اقرا اي رسائل خاصة سوى الان ... نخش على الاسئلة
س 1 - ما اول اية نزلت في القران ؟
س2-من اول من خاط الثياب ولبسها ؟
يالا ياشباب ورونا الهمة سؤال من الاستاذ اشرف 834876

على فكرة اول واحد يجاوب صح المدير يعمله جايزة ..

س 1 - ما اول اية نزلت في القران ؟
اقْرَأْ بِاسْمِ رَبِّكَ الَّذِي خَلَقَ

س2-من اول من خاط الثياب ولبسها ؟
ادريس عليه السلام

اعمل انا بقى جايزه لنفسى
سبقت يا سموان
الجايات اكتر

خياااااااااااااااااااانة

اشتغلتوا من ورايا تاني سؤال من الاستاذ اشرف 134846

بس يللا مبروك يا زيكو أنا وانت واحد .

اجابة صح يا زيكو سؤال من الاستاذ اشرف 834876

س- ماول بلد هاجر اليها المسلمون ؟
س - ما اول قائد مسلم يصل لحدودالصين ؟

س- ماول بلد هاجر اليها المسلمون ؟
يثرب _ او _ الحبشة

س - ما اول قائد مسلم يصل لحدودالصين
؟
قتيبة بن مسلم الباهلى

مش شرط اسئلة عامة ياستاذ اشرف

ممكن تحط جملة وتقول اعرب الكلمة الفلانية مثلا

اجابة السؤال الاول غير محددة , اما الثانى صح ,, مين يقدر يحدد الاجابة الصح , ويجاوب على السؤال الاتى : من هو الشخص الذى يتمنى لوكان اعور ؟

من هو الشخص الذى يتمنى لوكان اعور ؟

الاعمى

خلاص هاحدد الحبشة

برافو يا مديييييييييييييييييييييييييييييييييييييييييييييييييييييير يا جاااااااااااااااااااااااااااااااااااااااااااامد

ربنا يكرمك يا استاز اشرف

قتيبة بن مسلم الباهلى ؟؟

انت بتغش وللا ايه يا واد يا عمرو سؤال من الاستاذ اشرف 144814

ليه ياسموان

انا على فكرة عندى برنامج فيه معلومات كتير اوى عن الصحابة

ومش عيب لو ماعرفتش اجابة اجيبها منه

س-من قائد معركة نهاوند ؟
س - متى يكون الكذب حلال؟

س-من قائد معركة نهاوند ؟
النعمان بن مقرن

س - متى يكون الكذب حلال؟
لو كان هدفه الصلح بين اتنين
او فى الحرب

ده اللى فاكره

انا مش عرف قائد معركة نهاوند
بس عارف امتى يكون الكذب حلال فى حالة الصلح وفى الحرب زى ما عمرو ماقال

اجابة عمرو صح ...بس في حالة ثالثة يجوز فيها الكذب ...

مش عارف ممكن بين الزوجين فى بعض الحالات

ايوه بين الزوجين بهدف زيادة الالفة بينهم .. مثلا واحد متجوز واحدة وحشة يقول لها انت اجمل واحدة في الدنيا

ليه بس كده يأستاذ أشرف حتى الحاجه الحلوه
بتكذبو فيها الواحد لازم يحلفكو علشان نصدق بقى

الستات دى اللى جايبه المجتمع لوره هو مش الكل طبعا بس معظمهم بأفكارهم

والرجاله ماشاءالله عليهم ملائكه

لأ الرجالة وأفكارهم كمان
الرجالة دى مش بتعمل حاجة غلط خالص
كل حياتهم صح ماشيين على الصراط المستقيم

ايه يا جماعة احنا هنعمل فتنة بين الرجاله والنساء كله فيه الحلو والوحش

على فكرة دا يجوز للزوجة ايضا ان تكذب على زوجها بهدف زيادة الالفة ونفس المثل ينطبق على الزوجة .. يعنى لو واحدة متزوجة من واحد مش وسيم ممكن تقول له انت اجمل شىء في حياتى .
على فكرة سؤالى اليوم لو واحد حلو تزوج واحدة حلوة يخلفوا اية ؟
ولو واحد وحش تزوج واحدة وحشة يخلفوا اية ؟

ايه السؤال الغريب ده سؤال من الاستاذ اشرف 134846

مش عارف بس مفيش مانع افتي

وحش ووحشة ممكن يخلفوا وحش صغير مثلا
حلو وحلوة ممكن يخلفو علبة حلاوة سؤال من الاستاذ اشرف Icon_scratch

على فكرة انا بهزر
فعلا الوحشين يخلفوا عيل وحش فيرموه
والحلوين يخلفوا عيل ملزء فبردوا يرموه سؤال من الاستاذ اشرف 483890

هههههههههه يعني كده ضايع وكده ضايع .

سؤال اليوم : اذكر خمس معجزات لسيدنا موسى ؟

اولا انه كلم ربنا
ثانيا:ضرب بعصاه البحر ومشى هو وقومه وغرق فرعون
ثالثا:ضرب بعصاه الحجر فانفجرت مه اثنتا عشرة عينا
رابعا:معجزة البقرة
خامسا:قومه طلبوا منه ان ربنا ينزل مائدة من السماء وربنا فعدل ذلك
كل ده من خلال ما فهمته من القرآن يعنى ممكن يكون فى حاجات غلط

ثانيا وثالثا شىء واحد ( معجزة العصا )اما خامسا فكانت لسيدنا عيسى

رابعا

وادخل يدك فى جيبك تخرج بيضاء للناظرين

خامسا

سمعت بقى ان كان فيه حاجة اسمها الرجز بس مش فاكرها بالظبط

ممكن معجزة انه القى عصاه فتحولت ثعبان

محمد يوسف: ايضا هذه تابعة لمعجزة العصا
عمرو :
انت جبت الرابعة , فاضل المعجزة الخامسة

هما تسعة ف آية ف سورة البقرة مش حافظها بس تقريبا كده منهم دول :
الدم
والجراد
والقمل
والضفادع ( تقريبا )
والفقر
والعصا
ومش عارف النمل منهم وللا لأ .

ممتاز يا سمون

س- اختر عاصمة نيكارجوا ( برتقالوا -مانجوا -تفاحوا )
س- لماذا نصوم يوم عاشوراء؟

س- اختر عاصمة نيكارجوا ( برتقالوا -مانجوا -تفاحوا )
ههههههههههههههههه
ماناغوا

لماذا نصوم يوم عاشوراء ؟؟؟
عن أبي قتادة رضي الله عنه قال : سُئل النبي صلى الله عليه وسلم عن صياميوم عاشوراء ، فقال : إني أحتسب على الله أن يكفر السنة التي قبله . رواهمسلم

الاجابة الاولى صح
والثانية بسأل عن سبب الصيام وليس فضل الصيام ..حاول تانى

هو علشان سيدنا موسى
ثوانى وجيب الحديث

وحدثني بن أبي عمر حدثنا سفيان عن أيوب عن عبد الله بن سعيد بن جبير عن أبيه عن بن عباس رضي الله عنهما : (أن رسول الله صلى الله عليه وسلم قدم المدينة فوجد اليهود صياما يوم عاشوراء فقال لهم رسول الله صلى الله عليه وسلم ما هذا اليوم الذي تصومونه فقالوا هذا يوم عظيم أنجى الله فيه موسى وقومه وغرق فرعون وقومه فصامه موسى شكرا فنحن نصومه فقال رسول الله صلى الله عليه وسلم فنحن أحق وأولى بموسى منكم فصامه رسول الله صلى الله عليه وسلم وأمر بصيامه).

كده تمام يا زيكو

ربنا يزيدك يا استاز اشرف
والله الواحد اتعلم كتير من الموضوع ده

سؤال اليوم : س ما هو الشيء الوحيد الذى يراه الاعمى؟سقال تعالى ( غير المغضوب عليهم ولا الضالين ) فمن هما ؟

ما هو الشيء الوحيد الذى يراه الاعمى ؟؟

الاحلام

انما السؤال التانى
ممكن اليهود

الاجابة الثانية ناقصة حاجة كمان

» مسرحية الاستاذ مزيكا
» سؤال لو جاوبته صح..فانت لزمك طبيب نفسي