على باب السفارة

على باب سفارة كندا
لمحت ابليس وف ايدة استمارة
يقولة على فين
قاللى بص
يا هجة يا اعارة
ياعم زهقت كفرت
الاقيش معاك سيجارة
انا انتهيت خلاص
لا نافع وسواس ولا خناس
ولا ليا عيش وسط الناس
دى عالم مجرمين
عندكوا فائض فى الفساد
فى كل البلاد
زمش محتاجين شياطين
ماليش عيش ف البلد دى
بقالى سنين عاطل
وانتوا بتعرفوا
تقليوا الحق باطل
وتسلكوا القاتل
وتمشوا فى جنازة المقتول
وما فيش مشاكل
يا عم دا انا بقيت اوسوس بالمقلوب
وبقول للحرامى كفاية يقى توب
انت ها تعمل كل الذنوب لوحدك
وانا ابليس
اشيغل واعظ
ولا كمسارى فى اتوبيس
يا عم دا انا زمان
كنت استنى حد ينسى
يسمى وهوبياكل لقمتة
دلوقتى كل اكلكم ملوث
وبصراحة الواحد خايف على صحته
دا مفيش ضمير اساسا
علشان اموتة
وكل واحد بمزاجة
خربانه ذمته
يا عم دا كل حاجة اتسرقت
وكدة الاجيال الجديدة
ما الحرامية اتظلمت
يا راجل دا من كتر ما لطشت معايا
خرجت فى مظاهرة
مع الناس اللى بتقول كفاية
وخلاص ما فيش فايدة
وشكرا ياجماعة واية رايكوا فى السفارة و الزمن دة ولا اية

مكرر يامحمود

مكرر ازاى ياعمرو وبعدين هو انا على ادى مثلا هاكتب مكرر لية ياعمرو دا التاليف مالوش حدود ياعمور

تألبف ايه يا برنس القصيده دى موجودة على المنتدى من قبل مانت تسجل
كمان هى موجودة على منتدبات كتبر من قبل مانت تتولد مش معقول يكونو هما اقتبسوا منك
تقبل مرورى يا حوووودة

ماهى دية مش من تاليفى يا برنس دى من تاليف شاعر على النت انا ما الفش دا كلة دا شاعر عبقرى اللى مالف دا كلة وبعدين انا هاكدب واقول انا الفت لية مش مستاهلة واللة ومحمد رافت مفكرنى انا اللى الفت بس مش انا يا بو رافت وانا ما كنتش شوفتها قبل كدة فى المنتدى علشان كدة نزلتها وشكرا

على فكرة يا حودة انا علقت قبل كدة على الكلام دة جيب جديد احسن من دة

حتى الشيطان هيهاجر