مش هينفع

اه مش هينفع كل اللى انتو بتعملوه
ومش تصرفات ناس كبيره وبتوع جامعات
ومش طريقه ناس متعلمه انها تتكلم وتاخد وتدى مع بعض
بجد اللى بشوفه كل يوم ورى التانى بيزعل وبيضايق
انا بقول سيبهم يتكلمو مع بعض وكل واحد يرجع يراجع نفسه ويلاقى نفسه غلطان
الاقى الناس بتزيد ف الغلط وقربو انهم يمسكو ف بعض
لا وفى ناس بتدخل تسخن الموضوع بانه يخلى اللى قدامه يتنرفز ويطلع عن شعوره ويقول كلام
مش كلامه بس الظروف اللى خلته يقوله
لا وحاجه تانيه ان ليه بنتكلم مع اصحابنا اللى موجودين عادى ولما حد جديد يدخل بنعامله ويكانه واحد غريب
وان كلامه غير مصرح بيه
لا وبنستقصده ف كل المواضيع
لعلمك اى حد يقدر انه يرد ويدافع عن نفسه ومش انه مثلا سكت دا ضعف منه
لا هو مستنى لما انت تاخد فرصتك وتراجع نفسك وتشوف انت بتقول ايه
بس واضح ان الناس لا بتراجع نفسها ولا حاجه وبيرمى الكلام وخلاص
مش عارف ان ممكن يزعل ناس منه
بلاش شغل العصابات
وبخصوص موضوع الابداعات
انتو فهمتو وجهه نظر الراجل غلط
وانا شايف ان دا مش ذنبه
وياريت نحترم وجهه نظر بعض اكتر من كده
احنا ناس يمكن الحمد لله المفروض نبقى عارفين بنقول ايه
اتمنى انكو تاخدو الموضوع بجد شويه
ونشوف طريقه نتعامل مع بعضها احسن من كده
انا يمكن كانت فكره المنتدى ان نفهم بعض ونقرب من بعض
ونتعرف على ناس اكتر ووجهات نظر اكتر
بس بالشكل ده انا بفكر ان اقفله طالما هنفضل على الحال ده
ومش هنحترم وجهات نظر بعض
اتمنى ان كل واحد يرجع يشوف كلامه
ويرجع يعتذر للناس اللى غلط فيهم سواء بقصد او من غير قصد
وانا من هنا بعتذر لاى حد اتوجهله اى غلط من اى حد بقصد او من غير
اتمنى ان نبقى احسن من الاول مع بعض
انا يمكن مش عايز اعمل زى منتديات تانيه بانها تطرد الناس وتعمل حاجات تانيه كتير كده
دا علشان انا واثق ان الناس اللى بتكلم معاها هتقدر وناس اكبر من كده بكتير
ياريت نبقى احسن
تحياتى للجميع

وحاجه تانيه ياريت ناخد بالنا منها
انه من البدايه اصلا مينفعش انك تحط روابط هنا لاى حاجه
خصوصا اليوتيوب
انت اه بتتفرج على الحاجه وتعجبك وتحطها علشان الناس تشوفها
بيبقى تحتها حاجات كتير وحشه ومش كويسه
العمليه مش ناقصه انك تشيل ذنوب وخلاص لحاجه متستاهلش اصلا
ف ياريت نخف من موضوع اليوتيوب

اقتباس :

محمود انت ليه باصص للنص الفاضى من الكبايه
انت شايف انك بكده فهمت انا اقصد ايه
مش هرد عليك غير بكده الا
لما تراجع كلامك تانى وتعرف انت بتقول ايه
وشوف انا قولت ايه بخصوص النقطه اللى انت بتتكلم عنها دى

كمان انا اللى احسن كلامى يا محمود
لعلمك انت لحد دلوقتى مفهمتش انا اقصد ايه
وانت حر بقى

اقتباس :

ربنا يكرمك يا سامح
وكويس انك فهمتنى

اقتباس :

انا والحمد لله مكنتش في الوقت ده خالص عالمنتدى لاني مكنتش فاضي
بداية : انا هتكلم بصراحة ومحدش يزعل مني ولو زعل ده براحته
بالنسبة لينا احنا (شلتنا) بتتكلم مع بعضها عالمنتدى باسلوب مينفعش ان احنا نتحدث بيه هنا
وان كان الكلام بتاعنا ده بنستحدمه مع بعض في العادي بس الكلام ده بنكون مع بعضنا
وفي فرق بين الكلام مع بعض والكلام هنا
المفروض الكلام هنا له حدود وقوانين المفروض العضو مايتعداهاش
وان اتعداها المفروض يتحذر وبعد كده محدش يزعل من زيكو
وبالنسبة لموضوع الابداع انا قريته ورأيي فيه الفكرة جميلة جدا ولكنها نفذت بالشكب الخاطيء
المفروض الموضوع ده كان يبقي ابداع في رأي وننقله للاخرين ونناقشه كمان
مش نجيب مساهمة لواحد ومفضل نضحك عليها
طب ما كده انت بتسحر من العضو واللي كاتبة فلازم يزعل
والاخر نقول له انت زعلت ليه
انا مبحبش التناقض في الرأي ازاي تكون حاجة مش عاجباك وفجأة ينزل وحي والموضوع يعجبك سبحان الله...........
الموضوع اتقلب بينل تريقة واستهزاء واحنا مع بعضنا بنضجك ونتحدى بعض عاللي بنعمله في المنتدى ونتفق مع بعض وفاكرين دي شطارة
الكلام اللي انا قلته مستثنى منه احمد عبدالنبي العمدة لانه لسه داخل جديد
ومن الاخر يازيكو انت اللي سبت كل واحد يعمل اللي هو عاوزة

يا ابو سمير قولت كده وقولت مش عايز اعمل اى حاجه علشان احنا ناس اكبر من كده وبنعرف نحل مشاكلنا بنفسنا واحنا هنا مش علشان نزعل حد ونسئ لحد بالكلام
احنا هنا علشان نفهم بعض بس للاسف فى ناس مش قادره تفهم كده

وانا ارجح وافضل ان انت تبدأتتعامل بشكل حازم في الحاجات دي عشان الكل يصحى ويشوف هو بيكتب ايه؟

شتى الفرق بين كلام ناس وكلام ناس
واسلوب واسلوب
ربنا يكرمك يا دكتور

مين فينا بيفكر صح فى مصلحة البلد او تقدم البلد دى ليه ما بنفكرش كلنا فى مشروع جاد يجمع الشباب ويقولو افكرهم انا معاكم ان الدكتور محمد نجاح عمل الكلام ده وجاب مسؤلين بس الكلام ده انتها لانى ما فيش حد منا بيحضر مع ان ده فى مصلحتنا
لو نفكر صح نرجع الاجتماعات دى تانى ولو لمره فى الاسبوع نعرف رسنا من رجلينا وعيزين برده نشوف ازاى لحد دلوقتى مفيش اتوبيس دخل البلد بدل ما بنتبهدل فى المواصلات كل يوم اها نسيت اغلبكم طبعا فى بنها الموصلات معاهم مرتاحه لكن واحد زى بيروح جامعه الازهر وغيرى فى عين شمس وفى القاهره محدش هفكر فيهم لاننا قله لكن لو احنا بنتجمع مع بعض ولو ليوم واحد فى الاسبوع حتى لو شفنا المسؤل الا هيسمعنا بدل ما يشوف واحد بيتكلم فى الموضوع نكون كلنا وهو خير برده بس تقول ايه بقى فى البلد الا مش هينصلح حلها الا بعد ما ينقلب على العموم انا عندى كلام اكتر من كده بس الكيبورد زهق منى ربنا يوفق الجميع الحمدلله على كل شيىء المخلص لبلده.......


دى كانت رساله زائر
انا والله نفسى ان نعمل حاجات كتير وكانت فكره المنتدى هى البدايه
بس ف ظل ان الناس مش قادره تتفاهم مع بعضها وتقبل اراء غيرها بصدر رحم
وكل واحد شايف ان رايه سيف حاد مسلم بيه مش هنوصل لاى حاجه
وانا شايف انك حد كويس يقدر انه يفدنا كتير
اتمنى انك تدوم صحبتك معانا وتشاركنا يمكن نتغير

يا بيشو الحمد لله كان سوء تفاهم بسيط وكل واحدالحمد لله قال كل اللى كان نفسه فيه والحمد لله قدرنا نوصل لحل وان شاء الله مفيش مشاكل ولا اى حاجه بنا تانى لاننا كلنا ف الاول والاخر اخوات
ف اسمحولى ان اقفل الموضوع علشان منقولش كلام نقلب بيه على اللى فات ونفتح اى مواضيع تانى
وربنا يوفق كل الناس