كرسى الاعتراف

ايه يا جدعان ده

عملتو الموضوع وحطيتو القوانين واستضفتوني وسألتوني كمان

طيب كويس ان لحقت أجي قبل مالاقيني جاوبت كمان .


الفكرة حلوة
وأنا موافق مبدئيا على الاستضافة وهاجاوب بس بعد ما نثبت القوانين .
(بس يا ريت ما يبقاش الهدف م الاسئلة ان تعرفوا انا مين ) .

انت ليه خايف ان حد يعرفك اوي كدة
مش ده السؤال فماتجاوبش
السؤال انت ايه الامنية اللي كنت عاوزها تتحقق بشد ومحصلش نصيب ؟

موضوع جميل اوى بس هل الصورة بتاعتك خلتك تعمل كدد

طب انا مش شايف يعنى سمون قاعد على الكرسى ولا حاجة

هما سالوك 3 اسئلة

السؤال الرابع

انت بتحب تلعب كونكر

أولا أنا بجد سعيد جدا ان اخترتوني أول ضيف للكرسي



واتمنى ان ماكونش ضيف تقيل عليكو





ونبدأ باسم الله .

el_taliany كتب:

والله كنت مجهز الصور واعمل الموضوع بس اخويا سبقنى
شكلك بتقرى افكارى
بجد هى فكره جميله اووووووووى
وتسلم ايدك
وكويس ان معانا اول واحد سموان
انا بقى مش هقولك انت مين ومنين والكلام ده
علشان هتلاقى فضول من ناس كتير تعرفك
بس هقولك انت ايه اكتر حاجه شدتك هنا لشباب برشوم ؟

ومش عايزنها تبقى سؤال واحد
انا بقول 3
بس هبتدى بسؤال علشان معزتك عندى بس

أكتر حاجة شدتني في المنتدى هي فكرته

وبعد ما اشتركت معاكوا حسيت ان بين اخواتي وحبيتكو بجد .

terminator كتب:

مفيش مشكلة ابد اتكل على الله يا some one انا بدات اعرف انت مين وان شاء الله هوصل انت متعرفش الموضوع مهم بالنسبى ليا قد قيه بس متقلقش لما اعرف مش هقول لحد انا بحترم خصوصية الاخرين
يلا رد على سؤال زكريا وفى كمان واحد اهو

انت بتحب ايه من الحلويات واوعى تستغرب انا ليا اسبابى؟
اكيد هترد بصراحة!!!!!

طبعا هرد بصراحة لان الحمد لله انا خت قرار قبل كده ان ماكدبش بخصوص أي حاجة عالمنتدى

أعتقد ان مش انا اللي في بالك لاني أعتبر بحب كل أنواع الحلويات

بس لو عايزني اخصص يبقى الجاتوه بالشيكولاتة وأي مشتقات للشيكولاتة
وبلح الشام والبسبوسة والقطايف والحلاوة الطحينية .......وكله كله .

يعني انت كان المفروض تسألني مابحبش ايه من الحلويات .

الساحر الجريء كتب:

انت ليه خايف ان حد يعرفك اوي كدة
مش ده السؤال فماتجاوبش
السؤال انت ايه الامنية اللي كنت عاوزها تتحقق بشد ومحصلش نصيب ؟

مع انه مش السؤال بس هاجاوبك عليه

هو مش موضوع خوف ان حد يعرفني ولا حاجة
أكيد يعني انا مش حد عامل عملة وللا سوابق مثلا
بس أنا كده مرتاح على رأي الطلياني يعني واخد راحتي أكتر بس .



الأمنية بقى امممممممممممم
أنا في حاجات كتير نفسي تتحقق بس لسة ماعرفش هتتحقق وللا لا ..
انما الامنية اللي عاوزها بشدة وما حصلش ومش هيحصل نصيب....
مش عارف ممكن تكون ان يبقى عندي عربية لامبورجيني .
بس اهي امنية وخلاص يعني الاماني بفلوس .

amr ezzat كتب:

موضوع جميل اوى بس هل الصورة بتاعتك خلتك تعمل كدد

طب انا مش شايف يعنى سمون قاعد على الكرسى ولا حاجة

هما سالوك 3 اسئلة

السؤال الرابع

انت بتحب تلعب كونكر

بسم الله الرحمن الرحيم
إجابة السؤال الرابع :

كونكر ! والله كان بودي يابني بس انا ماعرفش ايه الكونكر ده اصلا
ممكن يكون اسم دوا

ايه مش عارف كونكر

تبقى انت مارحتش اى سيبر فبل كده


العيال كلها كبيرة وصغيرة بتموت نفسها علشانها وانت تقولى مش عارفها

وسؤالى هو انت موقفك ايه من الجيش

محمد يوسف البدوى كتب:

فكرة جامدة يا تيرموناتور وبرافو عليك.

سؤالى هو انت من برشوم ولا منين؟

أيون من برشوم يا يوسف .

amr ezzat كتب:

وسؤالى هو انت موقفك ايه من الجيش

والله لو الدنيا فضلت زي ما هيا وماجدش جديد يبقى مش هاشوف الجيش

افهم من كده ان انت وحيد

amr ezzat كتب:

افهم من كده ان انت وحيد

مش شرط .

يعني ممكن اه وممكن لا .

انت بتحب تلبس قمصان ولا تيشرتات

والبناطيل نوعها ايه









ومقاس جزمتك

لأ .

بلاش أحسن .

خش انت الاول عندك .

انا بقى عاوز اعرف سنك كام وحضرتك كاتب انك بتلعب خط نص مهاجم هل يترى فى استادبرشوم الدولى ام فى استاد المكس فى البلابله

انا عايز اعرف انت شغال ايه

وبتشرب سجاير بقالك قد ايه

ومين اعز اصحابك

موبيلك نوعه ايه ؟ ولو نوكيا رقمه كام ههههههههههه؟؟؟؟

هو صحيح يا some one اني فيه شبه كبير جدا بين وبينك ؟
كل اللي علي المنتدي كانو بيحسبو اني some one K لانهم بقولو اني انا وانت اسلوبنا زي بعض ،
زممكن سؤال رخم شوية :
انا اتكلمت معاك قبل كدة ، بعني اعرفك بعني ؟

معلش يا جماعة اتأخرت عليكو شوية بس غصب عني بقى .

عاشق برشوم كتب:

انا بقى عاوز اعرف سنك كام

بص يا عم عاشق انا هاحطلك سني على هيئة متباينة

17< عمري < 27

وأنا عارف ان مافدتكش بحاجة م السؤال كده بس ده اللي اقدر اقولهولك .


وحضرتك كاتب انك بتلعب خط نص مهاجم هل يترى فى استادبرشوم الدولى ام فى استاد المكس فى البلابله

في الكلية .

محمد يوسف البدوى كتب:

ايه ياجماعة الراجل هيقع مننا ,خفوا شوية .
انا بقى عاوز اعرف انت اهلاوى ولا زملكاوى؟

أكيد متعب اللي سلطك تسألني السؤال ده

والله كنت عارف ان هاتسئل السؤال ده منك .


بس بما إنك حكمت عليا مسبقا فاسمحلي ماردش ع السؤال ده وأقول فيتو عشان خاطرك انت بس يا يوسف .

خليك كده بقى .

أظن أنا كده خلصت وللا ايه ؟؟؟

اختار العضو اللي بعدي بقى ؟

ياريت ابقى انا

ده بعد اذنكو

طب اول سؤال لعمور اكترحاجة بتحبها فى حياتك اية ونفسك تحققها

بس استنى لما سم ون يوافق الاول انى اقعد

terminator كتب:

ياجماعة
لازم العضو الضيف هو اللى يختار الضيف التالى وياريت منمليش عليه رغباته
لو سمحته كده ممكن الوضوع يرخم لو كل واحد عاوز يقعد على الكرسى وياريت
تفهمونىومحدش يزعل منى

وعلى فكرة يا سمون انت كان لازم تختار العضو يوم السبت لان السبت كان اخر يوم ليك وحلو حتة الفيتو دى يلا اختار

أنا شايف ان ترمو معاه حق يا عمرو انت كده خلتني ما ينفعش اختارك المرة دي .

يا ترمو المدة المفروض تبقى أطول شوية عشان الناس ما بتدخلش كتير بسبب الدراسة .

المهم ..... نقول لعمرو معلش المرة دي ونختار الطلياني مديرنا الغالي .

ليه عملت المنتدى ده ؟ ومين ساعدك فيه ؟

كان نفسك تدخل كلية ايه ؟

لما بتلعب بلي ستيشن مين اللي بتهزمه ومين اللي بيهزمك دايما ؟

كفاية دول المرة دي ولنا عودة على رأي إيفا .

مرحبا بالطليانى على كرسى الاعتراف والسؤال هونفس السؤال الى سألتة لعمرو اكتر حاجة بتحبها فى حياتك ونفسك تحققها واكتر شيى بيضياق؟

ممكن اسالك

مين اكتر واحد بيوحشك على المنتدى