البرشومى اللى على حق يقول للغلط لاء

طبعا الغلط أكتر منه مفيش بس هاقول المرة دي على حاجة واحدة بتغيظني أوي :
الشتايم النابية اللي خلاص اتعودنا عليها وبقيت عادية وممكن كمان هزار بين الاصحاب وبعض
وعادي ان حد يطعن حد في شرف أمه ويقذفها رغم ان ده من الكبائر ومن السبع الموبقات
عقوبته في الإسلام الجلد .
والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبداً وأولئك هم الفاسقون) [النور: 4].

من الحاجلت اللي بتغيظني اوي بقى حكاية ان الواحدة تقولك ايه انا هجوزك بنتي وانت طبعا بتتحرج فتقولها دة انا اتشرف رغم ان الزواج دة من الثلاث اللاتي جدهن جد وهزلهن جد يعني انت تعتبر اجوزت يامعلم وانت واقف مش حتى على الورق دة بقيقي وممكن الواحد بعد كدة يلاقي ذنوب جياله مش عارف من اني داهية مش كفاية اللي احنا شايلينه

الله يخليك يازيكو
بس انت مقلتلناش على حاجة شفتها مش عاجباك
بصراحة تااااااااااااامة من المناظر اللي الواحد بينحصر لما بيشوفها بجد اوي
الناس اللي بترضع ولادها في الشارع الناس دي بجد بتعفرتني
وتلاقي بلدنا كلها قاعدة معاها وهي ولا في الدماغ

مظبوط اوى يا زيكو والله

اما انا اللى بيفرسنى

انالنميمة العلنى للنسوان فى الشارع وبعيد عنك

بقت موجودة برضه فى الرجالة وتلاقى الناس عمالة تبصلك من فوق لتحت

وتكلم اللى معاها وتقولها مش الجدع ده (.عمل وسوه ده عملهم على قلبه.........و......... ودودو...دودو.......)

المواصلات دي بقى حاجة مقرفة جدا ولازم بجد نلاقيلها حل عشان الواحد يروح الكلية لازم يصحى قبل الساعة ستة وان اتاخر قابلني بقى لو ركب الا على الساعة11
ولا الطرق ياسلام الواحد بيقضي في السريع لوحده ساعة ونص
واللي يحس لي ان هو مهم يعمل امام بيته مطب هي ناقصة مش كفاية الطريق مزفت بطين
ولا حوادث السريع اللي بيخش فيها ويخرج يبقى لسه له اجل فعلا لان العربيات بتبقى حنة
ويا ترى ده من السواقين ولا الطريق ضيق ان يستوعب الاعداد دي وفاجئني قرار غريب في الصيف دة نقل المقطورات من الصحراوي الى الزراعي عشان اللي رايحين مارينا يصيفوا يرتاحوا واللي بيروحو الشغل وبيطفحوا الكوته يطلع عين اهلهم
الحاجة اللي زادت الطين بله ان كل واحد فاكر نفسه بيعرف يسوق موتسيكلات يشتري موتوسيكل صيني ويطير بيه في البلد ميهموش بقى يخبط عيل ولا غيره وكل يوم نسمع عن واحد عمل حادثة منهم واجري يا عم ويحسسوك بقى ان هم واخدين قرص في السواقة على عجلة واحدة ياسلام كدة بقى يبقى سواق والموضوع دة ايه بقى اكتر من الرز
وايه بقوا فنانين اليومين دول كل واحد مركبلي ساون في الموتسيكل بتاعة خلاص بقى منجيبش الدي جي وناجر موتسيكلات تحييلنا الفرح
ار حمونااااااااااااااااااااااااااااااااا يرحمكم ربنا

يا جماعة بصراحة فى شوية معاتيه فى البلد بيلعبوا كرة القدم مجرد برود وتضيع وقت وفاكرين انهم بيعرفوا يلعبوا وهم لا ماخذة ويحسسوا الواحد انا لا يعرف الكرة اساسا وهم معندهمش فكرة عن الكرة الا انها كرة مدورة وياريت على اللعب وبس لكن يملكون برود يخلى الصيف برد وبرد اوى كمان .مثال فى مرة كنا بنلعب ماتش و واحد منهم جه واحنا كنا بنلعب وجاى يقول انه عاوز يلعب وايه كمان بيقول ان اخر واحد جاى المفروض يطلع وهو ينزل واحنا كنا بنلعب على انه جاى اول واحد لسه فى برود كده؟اتمنى ان كل واحد يقول رأيه؟

يابنى المواصلات كانت هتسقطنا وايه صحينا الفجر وخرجنا على الطريق نستنى العربية من الساعة السادسة حتى الثامنة مش مشكلة لكن شوف فضلنا فى الطريق ساعة ونص ياعم ماشى جينا للمترو خدنا ساعة والامتحان كان الساعة عشرة ووصلنا بحمد الله فى تمام الساعة العاشرة والنصف. ومرة كان اخر يوم فى الامتحانات السواق خد الطريق القديم ماشى عادى ايه اللى حصل؟ السواق اتخانق مع الركاب علشان ربع جنيه فى النفر والسواق عاوز يرجع تانى واحنا فى نصف الطريق والركاب عاوزين يروحوا فين ؟ القسم ياسلام واحنا عندنا امتحانات والحمد لله وصلنا بعد مشاجرة بين السواق والركاب ود كلهعلشان ربع جنيه؟نسقط علشان ربع جنيه؟؟؟؟؟؟؟؟

اما انا بقى الموضوع اللى بيضايقنى
انك تبقى ماشى على الطريق لاحول لك ولاقوة فى دماغك الشواراللى التى رايحوا
وتبس فى الترعة تلاقى نسوان بتغسل عااااااااادى بس اللى مش عادى المناظر اللى
انت بتشوفها وعلى فكره الغسيل فى التلرعة مش عادددددى
بس بالنسبة للمناظر اللى بنشوفها ده يعتبر عاااااااادى
شكرا على مروروكم
اضيق بقى ياساحر وبراحتك يا عمدة السياحة انت العمدة بقى

عندك حق يا زيكو

[size=24] بس اللى بيضايقنى اوى يا جماعه ان كل واحد عارف هو بيعمل ايه كويس سواء صح او غلط بس عندنا بطءشديد اننا نغير نفسنا ونبعد عن الذنوب والشهوات اللى بنتعرض لها فى حياتنا واللى اساسها ضعف الايمان والبعدعن ربنا وعشان اللى احنا بنعمله حل علينا غضب ربنا واللى بيظهر لنا منه امثلة بسيطة زى الجراد -انفلونزا الطيور - انفلونزا الخنازير والبقية تأتى (وما يعلم جنود ربك الا هو) ومع ذلك باردوه لسه زى مااحنا وربنا يهدينا ويهدى الجميع

اللى بيضايقنى بقى ان فى حد يجى يقولك لا ماتعملش كده وهو اصلا بيعمل كده

عندك حق والله يا اخت بلاك بيرل واتمنى ان اننا نحقق اللي قاله برين

بصراحة فى حاجة بتضايق منها موت وهى زواج البنات الصغيرة يعنى البنت تكون عندها 12 او 13اة حتى18 تتجوز وتسيب الدراسة ليه مفيش بنات فو العشرين الحمد البنات اكتر من الرجالة .البنت اللى عندها 18 سنة بتكون فى مرحلة المراهقة وفى مرحلة التكوين العقلى والجسمى .ازاى بنت تكون عندها 18 سنة وتكون ام ازاى؟ يا ريت تقولوا رايكم فى الزواج المبكر.

هيه فعلا حاجة ضايق بس لاحظ يا محمد ان كل اب عاوز يفرح ببنته وانا على فكرة معاك واتمنى ان كل بنت تكمل تعلمها وبعد ما تخلص تفكر فى الزواج

عندكو حق انا اختى الكبيرة متجوزة وهى عندها 21 سنة

ولازم نبدا بنفسنا الاول

انا معاكو ان البنت ما ينفعش تتجوز صغيرة أوي يعني

بس المفروض اللي يحدد اذا كانت البنت دي تنفع تتجوز او لأ هي امها

لانها أدرى ببنتها وممكن تكون البنت عندها 19 سنة مثلا بس ناضجة بدرجة كافية
انها تتجوز وتخلف وتشيل مسؤلية أسرة

يعني مش شرط ان اللي تتجوز تبقى فوق العشرين ولا حاجة .

صحيح فعلا كلام محمد يوسف صح ان الزواج مسؤلية كبيرة ولازم البنت تكون مهيائة لتحمل اكبر مسؤلية فى حياتها لذلك لابد من مراعات تلك النقطة الخطيرة وزى مقال عمرو لازم نبدا بانفسنا والصديق العزيز زيكو قال انى البنت بتبقى فرحانة بنفسها لم تزوج بس مينساش انى هيا صغيرة ومتدركش ذلك وبتندم غالبا فى الاخر .                                                                                                                                                                                                        مع تحيات                                                                                                                                                                                                                                  احمد منير          

العبدللة الفقير سيتحدث عن موضوع بعنوان                                                                                                              اولى مشاكل الزواج                                   ان اول مشكلة يقع فيها الزوجين مشكلة مشهورة فى القرى عن المدن بل لانسمع عنها الا فى القرى وهى مشكلة وان صح التعبير وعفوا عن الفظ مشكلة مربوط.ة فقد ياتى الاصدقاء والصحبة والجيران والقرية اجمع تحت عنوان فلاان .ة مربوط.ة لايستطيع ان يجامع زوجتة فى اولى ليالى العمر وياتى ببعض الناس الذين يعملون جاهدين على التحرير وكانهم يحررون مصر  فأرجو من الجميع التعليق بم يعوض بالنفع على الشباب  ومن يعلم الوقاية  فيخبر الشباب بذلك ولا يبخل عليهم وجزاكم اللة خيرا وادخلكم فسيح جناتة مع الابرار .                                                                                                                                                            مع تحيات                                                                                                                            احمد ميمو

أهم حاجة مراعاة ربنا
والثقة بالنفس لان العامل النفسي ليه تأثير كبير في الموضوع ده .

غلط ان الناس اللى متعلمة تصدق الخرافات دى

يا عمرو مش شرط انها تبقى خرافات لان السحر مذكور في القرأن بس المهم الواحد يقرب من ربنا .

وعندك كمان لما واحد معدي يقول السلام عليكم لواحد قاعد ادام بيته مثلا

تلاقيه يقعد يقوله اتفضل وتعال اشرب الشاي و والله لانت جاي ............

وفي الأخر ما يردش عليه السلام اصلا مع ان رد السلام فرض .

وبعدين مفيش شاى اصلا

وفى حاجة كمان لما واحد يجى يقول واحد ازيك يا عمرو مثلا يقولك ايه

أياعمرو مش ازيك ياعمرو وتلاقيه يحدفلك السلام براسه

صح كلام زيكو صح مين الى بياخد حسنات انت ولا هو  واكيد فى احسن منك ومنة ومنى  بيرد السلام والكل عارف كدة  واكيد انت محتاج لاى حسنة هههههههههه عشان كدة متزعلش وسبها على اللة 

السلام عليكم ورحمة الله وبركاته

يالا بقى ردو

ونشوف بقى حاجة تانية مش عاجبانا