الجماعة اللي على حق تقول لوحيد حامد "لأ"

الجماعة.. أكيد سمعت عنها وعارفها بكل أسمائها؛ سواء "الإخوان المسلمين"، أو "الجماعة"، أو حتى "المحظورة"، وعندك علم كمان لأي درجة اختلفت الآراء حولها، فهناك المدافعون عنها باستماتة وشايفين إنها بتمثل الإسلام، وهناك من يراها أساس كل الشرور في الوطن.

المؤلف والسيناريست وحيد حامد قرّر أن يتكلم عن جماعة الإخوان المسلمين في مسلسل أثار جدلا كبيرا منذ اللحظة التي أعلن بها عن إعداده لهذا المسلسل الذي اخترق ملفا سياسيا حساسا ومهما، فالإخوان ومناصروهم رأوا أن المسلسل يأتي من كاتب مشهور بعدائه للإخوان، لذا فسيبتعد المسلسل عن الحياد بشكل كبير، أما الليبراليون ومتهمو الإخوان فرأوا أن المسلسل سيكشف ستر الإخوان ويبيّنهم على حقيقتهم أمام رجل الشارع المخدوع.

ولم يتغير الخلاف الدائر بعد عرض المسلسل، بل ازداد سخونة، وتعدّدت آراء المثقفين والإخوان حوله، كما تعددت ردود أفعال رجل الشارع العادي.

تعالَ معانا نشوف الآراء المختلفة عن المسلسل كانت إيه؟

الليبراليين واللي معاهم بيشجّعوا وحيد حامد
دول بقى مجموعة من المثقفين سواء كانوا بينتموا للتيار الليبرالي أو الناصري أو غيرهم من التيارات المعادية للإخوان.. المجموعة دي وجدت في المسلسل غايتها، يعني لو قابلت حد منهم هتلاقيه يقول لك: "يا عم أخيرا فيه مسلسل جريء بيكشف زيف الإخوان لرجل الشارع العادي، وبيوضح حقيقة حسن البنا –مؤسس الإخوان- وكون إن سعيه ماكانش من أجل الدين ولا لمصلحة مصر، بل لمصلحته الشخصية، ورغبته في تأسيس دولة دينية يكون هو خليفة المسلمين فيها، وكمان المسلسل بيكشف حقيقة الإخوان وأطماعهم في السلطة وعبثهم باسم الدين في عقول المصريين البسطاء.. مش كده وبس لا ده المسلسل جامد آخر حاجة، ووضّح إزاي كل جماعات العنف المسلّحة خرجت من عباءة الإخوان".

ده الكلام اللي هيقوله أغلب أفراد التيار المعارِض للإخوان، وإن كنت هتلاقي بعضهم بيهاجم وحيد حامد نفسه، وبيعتبر إنه جامل الإخوان وما أظهرش حقيقتهم كما هي.

الإخوانجية واللي في صفّهم بيدعوا على وحيد حامد
أما دول بقى فطبعا ثارت ثائرتهم، واعتبروا وحيد حامد هو عدوّهم الأول، ولو قابلت أي إخوانجي اليومين دول هيقول لك: "بكل أسف وحيد حامد ابتعد تماما عن الحياد، معلوماته التاريخية ضعيفة وبيذكر وقائع مش حقيقية، ده غير إنه متحيّز وبيفسّر الأحداث بالشكل المُرضي له هو وليس كما حدثت.. مش كده وبس ده بيغلط في آيات القرآن كمان، وفي الحجاب والنقاب بيحاول يبين إن الإسلام الصح هو الانحلال، كما أنه يقوم بتشويه صورة الشهيد حسن البنا، ومن بعده الجماعة على مر السنين".

وده برضه الكلام اللي هيقوله أغلب الإخوان أو المتعاطفين معاهم، لكن هتلاقي بعضهم خد موقف أكثر عدائية، واتهم وحيد حامد بأنه جاهل ومغرض وعميل للحكومة، بل ذهب البعض منهم إلى اتهام وحيد حامد بأن توقيت عرض المسلسل في رمضان وقبل انتخابات مجلس الشعب هدفه ضرب الإخوان في الانتخابات المقبلة اللى يوم الاحد دى
والحمد لله انى ماليش صوت فى برشوم لانى ولا بلاش لحد يزعل منى بس اؤكد ان فى ناس محترمه فى برشوم مش هتنتخب مرشحين الحزب .

الشخص العادي حبّ "البنا" وما فرقش معاه فكر وحيد حامد
أما المجموعة الأخيرة بقى فهي بتشمل أغلب المواطنين غير المسيّسين، ودول لو اتكلمت مع واحد منهم هيقول لك: "أنا بجد ما كنتش فاكر حسن البنا ده كويس بالشكل ده، حقيقي بقالي سنين كتير كنت فاهمه غلط.. صحيح إن بعض الظن إثم.. أنا شايف إن المسلسل ده وضّح لي شخصية "البنا" الحقيقية، ونبهني إن جماعة الإخوان المسلمين دول مش وحشين زي ما كنت فاكر.. ".

والحقيقة إن المجموعة الأخيرة دي هم الأغرب، فرغم كون المسلسل هدفه الأول نقد الجماعة وتوضيح فكرها الخاطئ -على حد تعبير صانعيه- فإن أغلبية كبيرة تلقّت المسلسل بشكل مختلف تماما، واعتبرته سيرة ذاتية للتمجيد في حسن البنا، وفاتهم ملاحظة النقد المتناثر بين السطور، واعتبروه مجرد وجهات نظر للشخصيات الشريرة في المسلسل.

ودلوقتي بعد ما شفت معانا ردود الفعل المختلفة تجاه المسلسل.. رأيك إنت إيه؟!

يا ترى إنت بتتّفق مع رؤية المسلسل في أن الإخوان يستغلون الدين لتحقيق أهداف سياسية؟

ولا شايف إن المسلسل ظلم الإخوان وأظهرهم في صورة غير حقيقية؟!

ولا لا ده ولا ده وإنت مالكش في السياسة، وشايف إن المسلسل عرّفك على شخصية "البنا" وحبّبك في الإخوان؟!

مستني إيه
شاركنا برأيك وقول لنا شايف إيه؟!

خلاص كلها بكره بس وبعده الانتخابات ياترى لما تخرج من البيت يوم الاحد علشان الانتخاب
هتروح بنية ان فعلا صوتك امانه ولا علشان ترضى شخص ما ؟
يا ترى هتنتخب مرشحين الحزب الوطنى ولا .........؟
فى منكم راح وكتب البطاقات الانتخابيه ووزعها يا ترى عملها مساعده منه حبا فى الحزب ولاالمؤسسه ولا فى الخير؟
ليه الانتخابات اللى معظم الشباب اجتمعو على انها حاجه خير وكلو راح يملى استمارات مع ان طول السنه فى مؤتمرات ما فيش حد منهم بيحضر؟ولا كلكوا حبيتم السياسه على كبر؟
فى ناس بتدخل تنتخب اكتر من مره لناس ما جتش بحجه ان فى مرشح عمل خدمات كتير للبلد ولازم نجمع اكبر عدد من الاصوات لو طلبو منك انك تدخل بعد صوتك يا ترى ممكن توافق ولا لا؟
واخيرا انا بسحب كلمه كتبتها فى الموضوع (علشان ماحدش يزعل)
اللى يزعل يزعل انها فقط وجهات نظر

من الواضح انه ناس كتير دخلت قرأت بس مفيش ولا تعليق
وعلى رأى طفل كده على قناه طيور الجنه بيقول (الكم ليش)
وانا اللى هقولكم ليش الناس مش ردت
اولا لانه فى مصالح شخصيه لمعظم الناس وده اللى محدش يقدر ينكره
ثانيا اللى ملوش مصلحه بيقول اهو اللى نعرفه احسن من اللى منعرفوش

هتروح بنية ان فعلا صوتك امانه ولا علشان ترضى شخص ما ؟
انا معنديش صوت بس لو هروح هيبقى عشان صوتى واجعنى
يا ترى هتنتخب مرشحين الحزب الوطنى ولا .........؟
لعل وعسى يكونوا خلصوا على ما صوتى يخف
فى منكم راح وكتب البطاقات الانتخابيه ووزعها يا ترى عملها مساعده منه حبا فى الحزب ولاالمؤسسه ولا فى الخير؟
والله يا عمده لا هذا ولا ذاك لكن فيه اللى بيحب الخير والمساعده وفى اللى بيقولك نفع واستنفع وشيلنى واشيلك مع انى المفروض طالما انى انا شايل يبقى صعب اشيلك
ليه الانتخابات اللى معظم الشباب اجتمعو على انها حاجه خير وكلو راح يملى استمارات مع ان طول السنه فى مؤتمرات ما فيش حد منهم بيحضر؟ولا كلكوا حبيتم السياسه على كبر؟
يابا خلينا ناكل عيش احسن ومع ذلك هجاوب
وعلى رأى امه ايه ده رأيى صواب يحتمل الخطأ ورأى غيرى خطأ يحتمل الصواب
اظن ان الشباب حب بس مش حب السياسه لأ حبوا بعض
وماشين بنظام حب لاخيك ما تحب لنفسك
فى ناس بتدخل تنتخب اكتر من مره لناس ما جتش بحجه ان فى مرشح عمل خدمات كتير للبلد ولازم نجمع اكبر عدد من الاصوات لو طلبو منك انك تدخل بعد صوتك يا ترى ممكن توافق ولا لا؟
والله يا عمده مش هتوقف عليا يعنى لو انا مدخلتش غيرى بيدخل
واخيرا انا بسحب كلمه كتبتها فى الموضوع (علشان ماحدش يزعل)
اللى يزعل يزعل انها فقط وجهات نظر

ربنا مايجيب زعل يا عمدتنا

*لعل وعسى يكونوا خلصوا على ما صوتى يخف

*اظن ان الشباب حب بس مش حب السياسه لأ حبوا بعض

Ty bro
gamed geda ya sadeky

» ممنوع تقول نعم وممنوع تقول لا
» جميلة بوحيرد تقول لكم .. اعقلوا !! اللى يخش يرد
» خش جوز اللي قبلك من المشاهير
» إيه اللي جاب القلعة جنب البحر؟
» مجلد النكت ......اللي عنده نكت يا جماعه يحطها هنا