قصتى وما فيها

السلام عليكم
ازيكم يا اصحابى
كام مرة كل منه تقع امام عيناه قصه او حكايه فى اليوم او شئ حدث لنا فى اليوم
ممكن نتكلم فيه مع بعض ونحكيه حد مننا يكون كان فيه عيب معين او ذنب معين وتاب منه
فعاوزين نعبر على فى قلبنا ونحكى القصص الى بتحصلنا لعلها تفيدنا ونتعلم منها
وبدون حرج
قياترى مين قال اول موضوع

طيب ما تبدأ انت يا عضو .

انت شكلك يا سمو ان مش سهل
هقلك على حكايه حصلت معايا قريب
انا كنت جاى من بنها فى يوم انا واصحابى فلقيت رجل من الى هما قاعدين ع الكبرى الى بيشحتوا منظره بجدا خلانى كنت عاوز ابكى فكنت عاوز اديله الى ربنا مقدرنى عليه والله ماقدرت اروحله علشان اديله حاجه
فقلت لصحابى حد يروح قالوا الى عاوز يعمل خير يعمله بنفسه قلتهم مش قادر والله ماقادر اروح قالوا لالا فمشيت من غير ما اديله حاجه بس والله ندمت جدااا
عد ما مشيت وقلت ليه الجمعيات الخيريه مش بتجمع الناس دى وتجعلهم مرتب يعشوا منه او ان كان من الناس المتسوله يبعدوهم
بس بجد والله منظر الراجل ع الطريق يصعب وانت اكيد بتشفوه هو بينام على الرصيف بتاع الكبرى
انا قلت الحكايه دى علشان الى يقدر يساعد اى شخص يساعده بكل الى يقدر عليه احسن تجارة التجاره مع الله وعمر ده ما ينقص منك شئ بل بيزيده
سبحانك اللهم استغفرك واتوب اليك
والسلام عليكم ورحمة الله وبركاته

والله الواحد بيبقى نفسه يساعد أي حد غلبان بس بيخاف بقى ليطلع
مش مستاهل وبيضحك ع الناس بالابتلاء اللي ربنا ابتلاه بيه .

حكاية ندمك دي فكرتني بمرة ندمت فيها أوي
كنت داخل الكلية وشفت راجل كفيف داخل الكلية غلط وبتاع الأمن بيوصفله
الطريق الصح للمكان اللي هو عاوزه بس سابه يمشي لوحده
وانا دخلت الكلية عادي بس جيت بعد كده ندمت ان ازاي ما حاولتش
أخد بايده لغاية ما اوصله الأول وبعدين ارجع الكلية براحتي ماهي مش هتطير يعني .

حتى لو ساعدت حد مش مستاهل هتاخد الثواب
انما الاعمال بالنيات
وانت مش عالم بالناس والى فى قلوبهم