حدث هاااااااام

أ.منصور عامر جاى بكرة عيزين نجمع ونقول انى احنا عايزين 2مينى باص عشان الموصلات ايه راى الجميع الوقت قصير نجمع فى الدوار ونقول

والله ياريت الناس تبقى موجوده
وانا ان شاء الله هحضر
وفى مفجاه ف تقديم الاستاز منصور
يعنى لا تقولى تامر امين ولا محمود سعد
اتمنى انها تحصل لما نشوف
وفى اجماع بان الكلام ان شاء الله هبقى عن المدرسه والمواصلات
ودا الاهم والاهم ان يبقى فى اجماع على حاجات معينه علشان تتعمل
وان مش كل واحد يفكر ف حاجه ويقولها ويبقى فض مجالس وخلاص
كان فى اجتماع ف الجامع من كام يوم واستقرو على كده
ان المواصلات والمدرسه
وان شاء الله فى خطوه كويسه ل تجديد مسجد النصر
اما بقى اللى هيجيب سيره مجارى ف هيبقى غلطان
لانها كده كده هتتتعمل لانه قرار من الريس ربنا يخليهولنا ههههههههه
وزى مقال الاستاز محمد حلمى ان احنا الاخر ومفيش بعد الاخر اخر
ف كده كده هتيجى
اللعب هيبقى على المدرسه والمواصلات
ها مين جاااااااااى

أتكلمتوا فى أى حاجة من اللى أنتوا كنتوا عاوزين تتكلموا فيها ياشباب

هو اهم حاجه كانت المدرسه
بس اللى حصل والهيصه ضيعت حقوق ناس كتير

والله كان اجتماع مالوش ريحة اللازمة وكالعادة كان مافيش اى نظام ولا التزام

وفى النهاية فضلوا يطالبوا بحاجات هى كده كده هتتعمل اصلا

للأسف ماحدش عرف يفكر بعقله كله كان بيدور على اى حاجة يقولها وخلاص

يالا حسبى الله هو نعم الوكيل

اجتماع فاشل وناس مش عارفة تنظم وبلد سلبية على الاخر
وبلد بوظت صورتها وخلاص

معلش ياشباب هو فى ناس هنا النظام ده بالنسبة لهم بيبقى تفاهات
بس المفروض كان يبقى فى حد موجود فى المؤتمر وينظموا قبل ما يبدأ
بس يلا معلش بأة اللى حصل حصل بس ياريت ما يكونش حصل حاجة غير الهيصة بس

ياريت
.........................................................................

ليه يعنى إيه اللى حصل

انا سمعت بس مش هينفع اقول الا
................................................

ياابو يوسف كل خير
هو اه كان فى طبله وزيطه بس حصل خير
والراجل مشكور ادانا وعد وقال انه هيخلص موضوع المدرسه
ووعد الحر دين عليه

انا مش بكلم على كده يا زيكو
فى حاجات تانية حصلت بعد ما مشى

يا معلم هو التنظيم من الاول وهو مكانش صح
ف مفيش لوم على اللى يحصل بعد كده

حصل خير ياجماعة والحمد الله أنها جات على أد كده

انت تعبين نفسكه انا قولت كله عند العرب صابون قصدى عند برشوم كبر دماغك انت وهو.......................................................... تنظيم فاشل

يا جماعه هو اكيد هييجى مره تانيه قبل الانتخابات

يبقى دورنا بجد فى المره الجايه
بمعنى اصح نبتدى نتفاعل شويه مع بتوع المؤسسه يعنى ما نقفش نسمع وخلاص ونبتدى نقف معاهم زى ما عملنا قبل كده ونجحنا فى لم بعضنا عايزين نلم بعضنا المره الجايه لما ييجى ونشارك فى التنظيم عشان بجد احنا فى ايدينا حاجات كتير قوى ومنتظر اقتراحتكم للزياره الجايه ليه فى البلد ممكن نعمل ايه وانا مسئول بكل امانه عن السعى فى التنفيذ بأذن الله

وقولولى ايه رأيكم

بصوا ياجماعة وانت يابيشو المشكلة
ان بتوع المؤسسة اللى هما المسئولين عنها عاملين زى الريس والحزب الوطنى

يعنى هتتكلم هتاخد على قفاك وكله عارف كده وحصل كذا موقف وضحلى كده
هما مش عاوزين حد ينظم ويتحكم فى اى حاجة غيرهم هما واللى يعترض يطلعوا هو واهله
الغلطانين بالظبط زى امن الدولة كده
والله انا مابهزر ولا ببالغ فى اى حاجة انا بقول اللى بيحصل وفيه ناس كتير موافقينى
كل واحد شغال فى المؤسسة يقولك انا المتحكم هنا واقدر اعمل اى حاجة

يعنى من الاخر مافيش اى حاجة هاتحصل فى البلد دى غير فى حالة واحدة
ان الشباب بتوع البلد هما اللى يبقوا مسئولين عن المؤسسة وهما اللى يديروها

بس انا قولت اللى عندى وانتظروا بقى منى موضوع عن منصور عامر وهاتكلم فيه بكل حرية

يا سيدى اولا اتكلم براحتك

ثانيا هو ده اللى انا بتكلم عليه ان شباب البلد هو اللى يبقى مسئول عن المؤسسه وانا هساعد والله فى الموضوع بقدر ما اقدر
مش معنى اننا نبقى مسئولين اننا نبقى رئيس المؤسسه او نائب الرئيس مثلا لا
كفايه ان كلمتنا هتبقى مسموعه بدون ما اكون فى المؤسسه
وعلى فكره انا لسه عند رايى اننا قادرين نعمل كل حاجه واى حاجه
وما تتكلمش عن منصور عشان مازعلش منك ههههههههههه

المشكلة ان المسئولين عن المؤسسة مش معترفين ان فيه حاجة اسمها الشباب
اللى من غيرهم مايبقاش فيه مجتمع

وفاكرين اننا شوية اطفال او عيال

يالا مش هقول غير حسبى الله هو نعم الوكيل

عشان احنا ساكتين يا بوب

انما لو لتكلمنا هيبقى فى تغير
يعنى مش هنقعد نهرى ونتكلم مع نفسنا وماننفذش حاجه
عايزين خطوه للامام مش عايزين كلام
احنا شبعنا كلام يا عمرو وشبعنا قواله كمان عايزين نقف بقى مع بعض شويه وننفذ اللى احنا بنقوله
اصلهم مش هيلاقوا الشباب كلهم بيتكلموا ويطنشوهم انما لو واحد لوحده هيطنشوه
فهمتنى ولا لسه
وما تتكلمش على منصور برده

أسمع كلام بيشو ياعمرو وما تتكلميش عن منصور
لما تتكلم أتكلم عن اللى حصل وعن اللى ماسكين المؤسسة
وإيه الجديد اللى ممكن يحصل وإيه اللى أحنا ممكن نقدموا
أصلى اللى ماسكين المؤسسة ما لهمش أنهم يقولولنا قولوا ده وما تقولوش ده
وكمان اللى بيتكلم بيتكلم فى الحق مش بيقول أى كلام
بتبقى حاجات فعلآ البلد محتاجاها
وإن شاء الله المؤتمر ده هايتعوض بمؤتمر تانى وهايكون منظم عن ده
أعتبروا المؤتمر كأنه ما حصلش
واللى كنتوا عاوزين تتكلموا فى المؤتمر اللى فات
هاتتكلموا فى المؤتمر اللى جاى
وكله بيبقى خير بعد كده

اولا:العيب علينا لاننا لا نشارك يا عم عمرو
ودفى ناس كتير بطنش ومبتحضرش اساسا اى اجتماع
ثانيا:المؤسسة المفروض يبقى فيها لجان وهى معملوة بس محش بيفعلها ومعظمها من الشباب
يعنى الصرف لجنة من الشباب وهكذا

كلامك مظبوط يا سكاى انتى ومحمد يوسف

يعنى لازم يبقى فى ترابط بين المؤسسه وبين الشباب وزى ما محمد قال نبتدى على الاقل نفعل اللجان اللى مش مفعله ولو حتى نحضر بس كخطوه اولى
ومنتظر ارائكم للمشاركه فى المؤسسه

اولا أنا بشكر كل من قدم مساهمة في هذا الموضوع
ثانيا ياجماعة معتقدش اني الاستاذ منصور هينزل بلدنا قبل الانتخابات تاني ، دي كانت الزيارة باع النتخابات .
أما اللي حصل في الدوار يوم المؤتمر فأقل ما يقال انه كان مهزلة واسبابها الناس كلها عرفاها ، وده لأني زي ما عمرو قال لاني الانانية مسيطرة علي ناس فاكرين اني هما في الدنيا لواحدهم .
بصو ياجماعة : أ. منصور ادانا وعد اني هيخلص المدرسة وانا متفائل بالموضوع ده - مش أوي يعني - وهو ادانا وعد اني ده هيتم في خلال اسبوع ، خلينا مع ا. منصور لحد ما نشوف هيعمل ايه في موضوع المدرسة
اما التطوير والمشاركة اللي انتم عاوزنها ، بيتهيألي ده مش وقتها ، ده مش احباط ، ده الواقع اللي البلد عايشاه .
عارفين ليه حقوقنا ضايعه ، لأني محدش همو مصلحة البلد ، كله همو مصلحته والفترة اللي فاتت كشفت ده .
مستقبل البلد شعار بنغنيه .
لكن بلدنا صعب دلوقتي نقول عاوزين نشارك ونجتمع علشان مستقبل البلد ، الأجواء مش مهيأة دلوقتي .
برده ده مش للاحباط.
لكن عندي اقتراح او اعتبروه طلب : نستني لما الانتخابات تحلص وبعدين ندور علي المشاركة دي .
طبعا في ناس هتشوف كلامي غريب
.
بس انا بقول الكلام ده لأني في امور كتير محدش يعرفها بس مش ينفع نتلكم فيها دلوقتي علشان ما حدش يتلكك لنا .
علشان كدة نعدي الانتخابات وبعدين نقول مستقبل البلد هيبقي فين