خمس وخمس ( عادات الجنازة فى برشوم )

بسم الله الرحمن الرحيم

بداية كده انا الموضوع ده هاتكلم فيه براحتى
يعنى مش عاوز حد يجى يعدل على رأى لان احنا فى عصر الحرية

يالا على بركة الله هابدأ

انا هاحاول اقسم الموضوع على قد ماقدر


اولا : الايجابيات

طبعا فى كل مكان وكل زمان لابد ان يكون هناك ايجابيات وسلبيات
لكن الايجابيات فى موضوع الجنازة وفترة العزاء والكلام ده هى

1 مواساة الناس لبعضها وزيادة المودة بينهم

2 احسن حاجة بتعجبنى هى الدفنة والناس الكتير اللى بتروح تدفن بجد ببقى ماشى
فى الجنازة وانا متفائل ان لسه الناس بخير

. لان اكبر دليل على طيبة الناس ان فيه ناس كتير اوى بتروح تدفن وهى اصلا مش عارفه مين اللى مات
وعلى فكرة حصلت معايا كتير اوى وده يدل على سماحة الناس وتواضعهم

3 اكتر حاجة الميت بيستفاد منها هى عدد الناس اللى راحت تدفنه ومشيوا فى الجنازة
شوفوا بقى كام واحد بيبقى ماشى وكل واحد بيدعيله . اكيد فيهم ولو واحد ربنا هيجيب دعوته

4 منظر الناس اللى راحت تدفن بيأثر جدا على بعض الناس وهو منظر كافى لان يتعظ الناس
ويعودوا الى الالتزام اكثر

5 كل هذه الايجابيات تصب فى صالح التعاون والحب والكثرة من فعلا الخير من الناس

ثانيا :: السلبيات

وطبعا زى مافيه ايجابيات كتير فيه سلبيات كتير ويارب نقدر نتعلم منها ونقضى عليها

1 اول سلبية هى ( النساء التى تولول على الميت ) وتلاقى كل واحدة عمالة تولول وحتى لو هى ماكنتش تعرف الميت كويس برضه بتلاقيها بتولول علشان حاجة واحدة بس وهى انها بتقنع نفسها انها لو ماصوتتش
تبقى مش حزينة وماعملتش الواجب .

2 ذهاب النساء الى القبور . ودى اخطر حاجة الناس بتقع فيها حيث نهى النبى صلى الله عليه وسلم
عن ذلك بقوله ( لعن الله زوارت القبور )

3 سلبية اخرى وهى ما تسمى ( المادة ) انا مش عارف ده اختراع مين ولا تأليف مين
انا متفق ان يجب علينا اطعام الضيوف ولكن هذا يقتصر على اطعام الاقارب فقط اللى هما ليهم عذر السفر وكده
وفى بيت الميت
لكن مش كل بيت اول ماحد يموت يحضر صنية كبيرة وفيها ماطب ولذ من الاكل
ويكرروها 3 مرات فى اليوم وممكن ازيد
منظر الاكل ده بيحسسنى ان احنا فى فرح مش ميت

4 طبعا فيه اخطاء كتير بنقع فيها عند دفن الميت ولكن هذا ليس موضع الحديث بتاعنا
علشان الحكاية دى يطول الحديث والجدل فيها

5 كان قريب كده من كام سنة فيه ناس موجودة بتروح قدام القبر ويفعلوا ما يسمى ( تلقين الميت )
استغر الله العظيم بجد اسمحولى اقول على الناس دى لفظ صغير جدا انهم *** .
**********

بس انا حبيت احط خمس ايجابيات وخمس سلبيات لكن فيه حاجات تانية كتير
بس كتر خيرى انى جمعت دول دلوقتى

يارب يكون الموضوع عجبكم
ومستنى مناقشاتكم
ودمتم فى خير وود
والسلام عليكم ورحمة الله وبركاته

تمام كده يامحمد انا على فكرة مع حكاية ان الناس تتلم بعد الدفنةعلطول فى الدوار
والشيخ يقرا قرءان بس كده

لكن هتزيد وتبقى لحد الخميس بتاع الميت ولا الاربعين تيبقى حاجة مش مستحبة

بخصوص الدليل على السلبيات اللى انا قولتها
انا هاحط الموضوع ده وهو احكام التعزية من موقع الدرر السنية

* تسن تعزية المصاب بالميت قبل الدفن أو بعده، فيقال لمصاب بميت مسلم: ((إن لله ما أخذ، وله ما أعطى، وكل شيء عنده بأجل مسمى، فلتصبر ولتحتسب)). متفق عليه .

ويدعو للميت والمصاب بقوله: ((اللهم اغفر لأبي فلان، وارفع درجته في المهديين، واخلفه في عقبه في الغابرين، واغفر لنا وله يا رب العالمين، وافسح له في قبره، ونور له فيه)). أخرجه مسلم .

* تسن تعزية أهل الميت ولا حد لها، ويعزيهم بما يظن أنه يسليهم، ويكف من حزنهم، ويحملهم على الصبر والرضا في حدود الشرع، ويدعو للميت والمصاب.

* تجوز التعزية في كل مكان: في المقبرة، والسوق، والمصلى، والمسجد، والبيت، ويجوز أن يجتمع أهل الميت في بيت أو مكان فيقصدهم من أراد التعزية، ويعزيهم ثم ينصرف.

* لا يجوز لأهل الميت تخصيص لباس معين للتعزية كالأسود مثلاً؛ لما فيه من التسخط على قضاء الله وقدره.

* تجوز تعزية الكفار من غير دعاء لميتهم إن كانوا ممن لا يظهر العداء للإسلام والمسلمين.

* يسن أن يصنع لأهل الميت طعام ويبعث به إليهم، ويكره لأهل الميت صنع طعام للناس واجتماعهم عليه.

* يجوز البكاء على الميت إن لم يكن معه ندب أو نياحة، ويحرم شق الثوب، ولطم الخد، ورفع الصوت ونحوه، والميت يعذب- أي يتألم ويتكدر- في قبره إذا نيح عليه بوصية منه.

.

.1- عن عبدالله بن جعفر رضي الله عنهما أن النبي صلى الله عليه وسلم أمهل آل جعفر ثلاثاً أن يأتيهم، ثم أتاهم فقال: ((لا تبكوا على أخي بعد اليوم))، ثم قال: ((ادعوا لي بني أخي)) فجيء بنا كأنّا أفرخٌ فقال: ((ادعوا لي الحلاق)) فأمره فحلق رؤوسنا. أخرجه أبو داود والنسائي 2- عن عمر بن الخطاب رضي الله عنه عن النبي صلى الله عليه وسلم قال: ((الميت يعذب في قبره بما نيح عليه)). متفق عليه

شكرا ليك محمد يوسف _ بيشووووو _ سموان (تم التعديل ) _ العضو السرى