بسم الله الرحمن الرحيم
من غير ماطول عليكوا لازم تقروا الموضوع كله
انا باختصار حذفت كل المساهمات والمواضيع اللى ليها علاقة باللى حصل اليومين اللى فاتوا
وانا بقول وبعيد تانى انا حذفت المساهمات والمواضيع اللى ليها علاقة بالموضوع بس وماحذفتش اى حاجة
خلاف كده علشان ماحدش يفهم غلط
والموضوع ده عملته ودى تانى مرة اعمل الحكاية دى
لان اول مرة عملته كان اسمه صلح واعتذار والحمدلله كل الناس دخلته وكل اللى كان زعلان من حاجة
دخل وقال انا زعلان وكل الناس اعتذروا لبعض وانا فاكر ان فيه ناس ماكانتش ليها علاقة بالموضوع ساعتها
ودخلت اعتذرت فعلشان كده ياريت اى حد هنا على المنتدى
يدخل وقبل مايخرج من الموضوع ده مايكونش فى قلبه اى حاجة ولو حتى حاجة صغنونة
يعنى انا مستنى احلى ردود من احلى اعضاء
وارجع اقول
اختلاف الرأى لا يفسد للود قضية
وربنا قال ( وان طائفتان من المؤمنين اقتتلوا فاصلحوا بينهما )
هو ايينعم هو خلاف بس مش لدرجة القتال . لكن ربنا امر بالصلح فى اى خلاف
وده واجبى وواجب اى عضو هنا
انه يسامح اخوه او اخته وماحدش يشيل من حد
وفى الاخر احب اهديلكم كلكم حاجة انا بعتز بيها اوى
اولا اول هدية هتبقى لحمادة وزيكو
ووالله اكيد انتوا فاهمين غرضى من الصورة
اتفضلوا
والصورة معبرة اوى وخصوصا السهام اللى موجودة فى الصورة وده يدل على انها سهام من الشيطان لا تريد الا
حاجة واحدة وهى التفرقة ولازم نبقى واخدين بالنا منها واخد بالك ياحمادة انت وزيكو هههههههه
يارب تكونوا فهمتوا كلامى كويس
اما تانى هدية ودى بقى ليا تعليق عليها
بص يابنى انت وهو انا لازم اقولكوا حاجة مهمة اوى
ان اللى جمع كل دول فى صورة واحدة عمره مايعمل كده الا لانه دليل على حبه ليهم
والحمدلله انهم مش هايتفرقوا تانى بإذن الله
وبرضه اتمنى تكونوا فهمتوا غرضى من الصور دى
وفى النهاية لازم وواجب عليا انى اقول التالى :
اولا انا متأسف جدا لاخواتى الكبار الاستاذ اشرف وحمادة وزكريا وفتاكات وسموان وسكاى واسف لو كنت ضايقت حد بكلامى
ثانيا احب برضه اتأسف لاخواتى التانيين
واقرب ناس ليا
( احمد ايفا _ محمد يوسف _ احمد رمضان )
واسف لكل زائر دخل وشاف اللى حصل
واتمنى ان الزوار اللى شافوا اللى حصل يدخلوا ويشوفوا
الموضوع ده اللى هيبقى اجمل موضوع فى السنة
ويشوفوا قد ايه احنا ناس متفاهمة وبنسامح علطول مهما اختلفت وجهة النظر
واحب انوه اخر تنويه
ان الموضوع ده للصلح والاعتذار فقط واى حاجة غير كده
بعد اذنكوا انا هاحذفها علشان ماحدش يقلب فى القديم
وننسى اللى حصل بسرعة
يالا شكرا ويارب الموضوع يعجبكوا
وصافى يالبن حليب ياقشطة