حوار مع برشومى

اكيد كل واحد فى مواضيع كتير نفسه انه يتكلم فيها ويناقشها وياخد راى الناس اللى بيحبهم ويحبوه
من خلال حوار مع برشومى
هيتم مناقشه كل هذه المواضيع
هيتم اختيار عضو وله ان يختار اى موضوع يحب انه يتناقش فيه ويعرف افكار غيره
ويكتسب خبرات اكتر ف مواضيع زى اللى هناقشها مع بعض
ف اللى حابب انه يشارك ف يتفضل يمسك المايك ويسمعنا صوته هو اه مش هيغنى هههههه
بس هيعرضلنا موضوعه ونناقشه مع بعض
والموضوع مش موضوع تدبيس ان اخر عضو يختار اللى بعده وكده
لا اللى حابب انه يعرض موضوعه يتفضل
ياترى مين سعيد الحظ اللى مستعد يمسك المايك

يا هلا بكل برشومى شارك معانا ونورنا
شكرا ليك يا عمرو انت والاستاز اشرف
يمكن الموضوعين بيجروفى مجرى واحد
اومكملين لبعض
الاستاز اشرف حب ان نتكلم عن سوء اخلاء الشباب
وعمرو ذكر سلبيات بنقابلها ف حياتنا ومنها السب والشتايم وكمان الادمان
ما الادمان نتيجه ل سوء الاخلاء
ف بعد اذنك طبعا يا عمور هناخدها واحده واحده
ونتكلم عن السب والشتيمه والادمان اللى بيتلخص ف سوء اخلاق الشباب
وانا من راى ان قبل ما الوم اى شاب
الوم كل اللوم على اهله وعلى البيت اللى خرج منه
لا الاسره والنشاءه ليها تاثير كبير على سلوك اى واحد
عمر ما حد شاف مثلا بيت محترم خرج منه واحد قليل الادب وسب دين وكلام من ده
الا وكان نادر جدا ولظروف معينه ممكن انها تاثر على الشاب نفسه
ابسط مثال مثلا
ان لما واحد يخلف عيل صغير اكيد بيبقى فرحان بيه
ولما الواد يكبر كده ويبقى عنده بتاع سنه ويعرف يقول بابا وماما
سبحان الله اول حاجه بيعلمهاله ان يقوله
تف على عمك
تف عليه
اشتمه
وسبحان الله لما يكبر شويه ويدخل المدرسه
يقوله كده عيب ومينفعش
طب مانت من الاول عودته على الغلط
ف حسن تربيه الابناء ف الصغر نعمه كبيره ف الكبر
وللحديث بقيه

السب والشتايم ده راجع للتربية وسؤ المعاملة فى البيت
الأم أو الأب بيبقوا شايفين اللى الأولاد بيعملوا
وعارفين وواثقين إنى ده غلط ومع ذلك مش
بيقولولهم إنى ده غلط وردهم بيبقى دول لسه صغيرين
طيب هايفضلوا صغيرين لأمتى الصغير بيكبر
وكمان لما يتعلموا من وهما صغيرين
كل ما بيكبروا كل ما بيبقى جواهم فهم أكتر
وبيبقوا عارفين إيه الصح وإيه الغلط
وكمان أهالى الأولاد دول بيسوبوهم
يلعبوا فى الشارع وبيسمعوا كلام وحش
وبيروحوا يقولوا فى البيت وأهلهم بيبقوا فرحانين أوىبيهم
وياسلام بأة لو ضرب حد فى الشارع فرحتهم فى الوقت ده
بتبقى ما تقدرش ده أنا إبنى أو بنتى بيعرف يجيب حقه منبوق الأسد
والله لو فى تربية صح مش هايبقى فى لا سب ولا شتيمة
وده لازم ننادى بيه فى بلدنا لأنى لو أتغير أسلوب البلددى
بجد هاتبقى أحسن بلد على وجه الأرض
إحنا كل اللى بنعملوا إنى أحنا بنتكلم
بس عاوزين كلامنا ده يخرج بارا للناس
وربنا يهدى يارب

منوره الدنيا يا روزا انتى وسكاى
وطبعا شايف اجماع ان الاسره والنشاءه والتربيه هى الاثر الكبير ف ان سلوك الشباب لما بيكبرو بيبقى كده
دلوقتى ايه واجبنا احنا بقى ف ظل مواجه حاجه زى كده
واجب علينا ان اول ما نشوف اى ظروف من الظروف دى ان ننصح الاب والام انه يحسن ف تربيه ابنه او بنته من صغرهم وان الاهم ف البدايه علشان تبقى الراحه ف النهايه
وممكن الاقى تانى عندكو حلول اكتر ونشوف واجبنا احنا ايه
هااااااااااا مين هيقول

أنا بس بكرة بأة علشان عاوزة أنام
بس أدعيلى أعرف أدخل تانى
علشان النت بيستهبل معايا اليومين دول

ان شاء الله

السلام عليــــــــــــــــــــــــــــــــــــــكم

منورين يا شباب
وبجد يا زيكو موضوع حلو أوى .......

وشكرا يا عمووووووور على كم المشكلات اللى انت حطتها

طبعا انا موافق كل الناس فى الأراء اللى قالتها بس احب اضيف حاجه صغيرة أوى
احنا برده علينا جزء مش قليل فى نصيحة هذه الفئة من الناس
من باب "من رأى منكم منكرا فليغيره"
فلو كل واحد شاف شخص بيغلط فى أى حاجه..... مش شرط السب والشتم بل فى أى حاجه
من الأمور اليومية ونصحه بالطريقة اللى الشخص ده هيفهمها يبقى عمل
بحديث رسول الله (ص)

بس فى مشكلة تانية أهم..... هتعمل ايه لو الشخص ده قالك بلغة الشارع العجيبة::
"بقولك ايه يا عم وفّر كلامك لنفسك يحرق تيييييييييييت" هههههههههه
"انت مش عشان عرفت كلمتين ودخلتو مدارس هتتنططو علينا"
إلى جانب الكثير والكثير من الألفاظ الأخرى التى يطول ذكرها

مش ده ممكن يحصل؟؟؟؟؟؟؟؟؟؟ ولا ايه
أرجو الإفادة

طبعا انا مش بقول كده انى بحبط الناس
بس هو ده عيب مجتمعنا وعيب فى الأسرة اللى سمحت لأولادها إنهم يبقو كده
وعيب فى الشخص نفسه إنه مفكرش فى يوم من الأيام يبقى كويس ويغير من شخصيته للأحسن

طبعا دى مشكلة تانية انا بطرحها اللى هيا
إزاى هتتعامل مع موقف زى كده لو قابلك
مستنى آراء الناس
وياريت مننساش باقى المواضيع اللى عمرو طرحها عشان نتكلم فيها
معلش طولت عليكم شوية

ازيك يا اخويا يا غالى
يارب تخلص جيشك على خير

وشكر على الكلام الجميل وعندك حق فعلا فى رد لناس كتير كده وممكن يكون اصعب من كده
وممكن يكون اكبر منك مثلا وانت محروج تقوله كده ويقولك هو انت اللى هتعلمنى هو مين الاكبر
عمرها ما كانت بالسنه انما المشكله اننا نسمع كده ونسكت
احنا ممكن نستحمل الكلمتين اللى هيقولهم وانت اللى هتعلمنى وخليك ف حالك
بس يبقى عملنا اللى علينا قدام ربنا لان بانك تنصحه هتاخد على اللى هتقوله حسنات
ف ليه منكسبش من وراه وتبقى متاجره مع الله ونحاول نيجى على نفسنا ونقوله كده عيب ومش هينفع

ولا فى حد عنده كلام تانى

عندك حق يا سموان احنا لازم نبتدى بنفسنا حتى ولو كان هزار
ممكن تلاقينا كلنا بنعمل كده بس كلو هزار طبعا وعندك حق حتى الهزار مش هينفع طالما عايزين نغير من نفسنا ونفيد اللى حوالينا
ربنا يهدينى اولكم ان نبطل كده ونقدر نساعد بعض ونفيد اللى حوالينا

أكيد كلمة بتتقال فى ساعة زهق بيبقى فى اللحظة دى
ما فيش وعى للبيتقال والحمد الله بنرجع نستعيذ بالله من الشيطان الرجيم
لأنى أحنا بنبقى فاهمين إيه الصح من الغلط وأكيد ده إحنا مش فهمناه من نفسنا
أكيد البيت اللى إحنا أتربينا فى كان لى دور كبير فى تربيتنا
فما بالكم بأة لو طفل صغير عمل حاجة غلط وحد قاله كده غلط
أو كدا عيب وتبص تلاقى مقابل ده إنك بتتشتم وتتزهق من طفل لسه مش فاهم أى حاجة
وأكيد لما بنيجى نهزر مع أصدقائنا ممكن يكون هزار تقيل شوية وممكن نشتم بعض
ونقول هزار وأحنا واخدين على كده بس بنحاول نغير من نفسنا لأنى اللى أتعلمناه وأحنا صغيرين
بيفضل محفور جوانا لحد الموت
ولو نصحنا الأولاد دول قدام أهلهم
الأهالى يقولوا إنى ده تدخل مننا وإحنا مالنا
ولما نيجى ننصح الأهل بإنى إحنا بنعمل لمصلحتهم
بيرجعوا يزعلو لما الواحد مش عارف يرضى الناس إزاى
وبمعنى أصح يتعامل معاهم إزاى
وفى أكيد حاجات تانية بتخلى الأولاد دول ردهم وكلامهم مش كويس
وهى الخلافات الموجودة بين الأم والأب
المفروض أى خلاف أو مشكلة تبقى بينهم هما الأتنين بس
ما يبقاش قدام أولادهم لأنى ده بينشأ جواهم حقد وكراهية
وده اللى بنشوفوا من الأطفال اللى موجودة فى الشارع
قاعدة تشتم وتسب فى الناس اللى ماشية
وفى أطفال كمان بيبقوا بيلعبوا ولو شافوا حد ماشى
يجروا وراه ويضربوه ودول بأة بيبقى جواهم غل من أى حد
وده برده بيبقى راجع لسؤ التربية
وبكده مجتمعنا كل لحظة بيتدهور وبيبقى دايمآ فى النازل
لأنى الأولاد دول بيبقوا جيل جديد
تخيلوا كده لو الجيل الجديد ده أتربى على أنه يشتم ويسب من صغره
وأكيد بكدا مش هايبقى نافع فى أى حاجة لا دراسة ولا صنعة
والأهالى فى البيت يقولوا ما بقاش فى تعليم طيب ما أنتوا
من البداية اللى زرعتوا جواه الكره فى كل حاجة
طيب إزاى إحنا أتعلمنا واللى قبلنا أتعلموا
ما أحنا متربين فى نفس البلد ومتعلمين فى نفس المدرسة
يعنى دلوقتى أهم حاجة هو دور الأهل فى البيت
ويارب نشوف الجيل الجديد ده أحسن جيل

شكرا يا سكاى على المشاركه الرائعه
وربنا يهدينا ويهدى كل بيت بانه يحاول انه يربى ابنه او بنته من البدايه على انه يبعد عن كل ده
علشان لما يكبر ميبقاش هو اول واحد هيتاذى ب كده
وربنا يهدى كل الشباب
وطول ما البيت والاسره قريبين من ربنا وولادهم بيشفوهم دايما ف فعل خير وصلاه وصوم
ف الواد هيتعلم منهم وهيكبر على كده ويكبر على طاعه ربنا
ف ربنا يهدى كل اب وام ويحسنو تربيه اولادهم


اتمنى ان لو اى حد شاف اى عيل صغير بيعمل كده ممكن انه يقول ل ايوه واهو ياخدباله
ممكن يكون الواد سمع الكلام ده من الشارع وابوه ميعرفش عنه اى حاجه يبقى عنينا عليه بردو
واهم حاجه موضوع سب الدين اللى بقى عامل زى اللبانه ف بق الكبير والصغير
ياربت حتى لو واحد كبير وعمل كده نفهمه ان كده غلط

اتمنى اشوف حلول اكتر ونمشى عليها وميبقاش بنتكلم وخلاص لازم الفعل وهو ده اهم حاجه

بالظبط كده يا زيكو الفعل أهم حاجة
يعني ماينفعش نقعد هنا نعيب ع اللي بيعمل كده
و نيجي نعمل احنا زيه ولو بنسبة صغيرة
وربنا يكون معانا

بالنسبة للعيال اللي بتشتم ف الشارع دول ممكن زي ما زيكو بيقول
لو نعرف أبوهم نقولهم وهما يزعقولهم

وممكن كمان احنا اللي نفهمهم ان اللي بيعملوه ده غلط
لو حسينا ان في قابلية منهم للنصيحة
أو انهم مش عارفين ان اللي بيعملوه ده غلط

وبعدين ممكن كل واحد يمنع الحكاية دي ف منطقة نفوذه
يعني لو عيال بتلعب أدام البيت بتاعك تقدر تمنعهم ان يقولو ألفاظ مش حلوة
ولو ما سمعوش الكلام يبقى يلعبو بعيد
يعني تمسكهم من الإيد اللي بتوجعهم

بس أهم حاجة نبدأ بنفسنا

طب تعمل ايه ف مشهد فيه الابن بيلف للاب والاب بيشرب وكمان بيديله وبيشدو مع بعض
وحشيش وكلام جامد والله من يومين شفت الكلام ده ب عينى
ف اذا كان رب البيت بالدف ضارب ف شيمه اهل البيت الرقص

استغفر الله العظيم
يارب اهدينا يارب