حوار خاص لكل اخت

بنوتة جميلة: ممكن أسألك سؤال ..
هو المكياج حرام ؟
أخت فاضلة: لو بتسألي على أدوات المكياج نفسها ..
لا حبيبتي مش حرام
البنوتة: اومال طول النهار تقولولنا حرام وايه
اللي بتحطوه ده وهانتعاقب وهاندخل النار .. انتوا ليه معقدين الدنيا كده ؟؟
أختنا
الفاضلة: :)) انتي بتحطي المكياج ليه وفين ولمين ؟
البنوتة: بحطه
وأنا خارجة في...... أي حته .. عشان شكلي بيبقى أحلى .. وعشان
الناس يشوفوني حلوة
أختنا الكريمة: جميل .. ولو اتجوزتي شخص ما
وقالك إنه بيغير عليكي من عيون الشباب ومش عايزك تحطي مكياج غير في البيت
ليه هو بس وبرة البيت تلبسي محترم وبدون تكليف وبدون مكياج .. هاتعملي ايه
؟؟
البنوتة: لو بحبه هاعمل اللي يرضيه
الاخت: وهاتعملي اللي
يرضيه ليه ؟
البنوتة: هاعمله عشان مايزعلش مني وعشان يزيد حبه ليا
الاخت:
وهاتعملي اللي يرضيه حتى لو مش عاجبك وجيتي على نفسك فيه ؟؟
البنوتة:
لو بحبه .. طبعا هاجي على نفسي عشانه
الأخت: طيب انتي بتحبي ربنا
؟؟
البنوتة: طبعا بحبه !!! سؤال غريب جدا !!ا
أختنا الكريمة:
ولو بتحبي ربنا زي ما بتقولي - وعرفتي إن ربنا أمرك بحفظ نفسك من عيون
الشباب وصيانة جسمك والتزين لحلالك وزوجك فقط - مش بتعملي ليه اللي ربك
حبيبك بيقولك عليه ؟؟
ربنا سبحانه وتعالى قال : ( وَقُلْ
لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ
وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ
بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا
لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ
أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ
بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ
مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ
مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ
عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا
يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ
الْمُؤْمِنُونَ لَعَلَّكُمْ تُفْلِحُونَ ) / النور:31

ليه
مستنية الأمر يجي من (مخلوق) وصعب عليكي تنفيذ الأمر من (الخالق) ؟؟
قولتيلي
إن انتي بتحطي المكياج في كل مكان عشان تبقي جميلة في عيون الناس والشباب
يعجب بيكي .. فكرتي وانتي بتحطيه ربك بيبصلك ازاي ؟؟؟
لو انتي مش
هامك نظرة ربك ليكي .. حطي مكياج لكل الناس عشان يشوفوكي جميلة ويبصولك
نظرة رضا بجمالك .. وربنا بيبصلك بنظرة غضب لمخالفتك لأوامره
لو
خايفة من نظرة غضب من ربك .. فالتزمي بالستر والعفة والحياء واعلمي أن ربك
سيعوضك خيرا على طاعتك له ويبارك في جمالك وتظهري أجمل بدون الجمال المصطنع

★★★★★★★★أختي
وحبيبتي وغاليتي==============لو انتي بتحطي مكياج عشان تعجبي
واحد من الشباب ويمكن يتقدملك .. فاعلمي علما يقينا أن ذلك قدر بيد الله
.. لا المكياج ولا غيره هو سبب الزواج ..
بل وقد يضرك هذا الجمال الزائد
ويطمع فيكي الناس ويؤذيكي
ولو كنتي بتحطيه ليزداد جمالك في عيون
الناس .. فاعلمي حبيبتي أن صنع الخالق لا بديل له ولا مثيل .. سبحانه خلق
الإنسان في أجمل صورة وتقويم
ولو بتحطيه تلبية لرغبات أناس معينون
.. فاعلمي أن هؤلاء الناس لا يهتمون بك كإنسانة وأنت في عيونهم مجرد صورة
وواجه للفت الانتباه لهم وغير جديرين بثقتك فيهم
ولو بتحطيه خارج
منزلك -لو متزوجة- بناء على طلب من زوجك .. فاعلمي انه رجل ديوث .. والديوث
لا يدخل الجنة ولا ينظر الله له يوم القيامة
سؤال أخير=======:
حبيبتي وغاليتي في الله أخبريني بالله عليكِ
أنظرة (إعجاب) من رجل
.. يقابلها نظرة (غضب) من جبّار السماوات والأرض ؟؟
أم نظرة (رضا) من
رب العالمين .. يقابلها كلمات (سخرية واستهزاء) من بعض الضالين ؟؟؟
لك
الاختيـــــــــــــــــــار
ولا تنسي كل ما تفعلينه من قول وفعل يُسجل
من الكرام الكاتبين
وادعي دائما : اللهم أرنا الحق حقا وأرزقنا أتباعه وأرنا الباطل باطلا وارزقنا اجتنابه

موضوع المكياج ده انتشر حتى فى الريف كل بنت دلوقتى بتحط مكياج تغطى وشها وكمان ممكن تتعطر ومتعرفش ان ده حرام ربنا يهدى البنات

انا من راى ان البنت اللى تحط مكياج تبقى مش جميله
ومش شويه الالوان هما اللى هيخلوها حلوه

اجمل فتاة هى المحجبة بدون مكياج

( الصورة مقتبسة من فتكات)

فعلا والله اجمل بنت اللى بتبقى بتتعامل على طبيعتها واللى

ملتزمة بالحجاب

اشاركم الرأى ان البنت المحجبه زى الجوهره المتصانه وزى طبق الحلوى المتغطى لكن البنت المتبرجه دى معرضه لكل حاجه شوف انت لو طبق حلويات مكشوف شوف الذباب هيجى عليه قد ايه

» حوار مع صعيدى
» حوار مع برشومى
» حوار بين حلاق وزبون
» حوار بين شاب فافى ومامته
» حوار بين رمضان والناس