التجارب السابقة

اكيد كل واحد فينا بيمر بتجارب فى الحياة سواء حلوة او وحشة ده شىء عادى فى الحياة لان الحياة تجارب بنكسب منها الخبرة لكى نعيش,بس الاهم هل اننا نستفيد من هذه التجارب ؟؟
المفروض اننا نستفيد من التجارب اللى مرينا بيها وناخد منها العبرة ونتعلم منها مش تاثر فينا وتبقى محفورة فى ذاكرتنا وتبقى عائق لينا بمعنى ان لو شخص مر بتجربة فى اى شىء حب جواز عمل وكانت وحشة هل معنى كده انه ميحبش تانى ولا يجوز تانى ولا يشتغل تانى لا المفروض انه يستفاد من التجربة الاولى ومتكنش عائق وييئس وياخد من التجربة الاولى انه قبل كل تجربة المفروض يختار صح ويتانى فى الاختيار.
ياريت لو كل واحد عنده تجربة سابقة حلوة او وحشة واستفاد منها يقول عليها علشان احنا كمان نستفاد وشكرا

موضوع فكرته جميلة أوي بس مفيش حاجة معينة ف دماغي دلوقتي .

اما تيجى ابقى قولها

كلامك صح يا محمد. اكيد كل واحد فينا مر بتجربة فى حياته. بس الاهم انه يتعلم منها
فمثلا: انا مثلا اول مدخلت الكليه كنت فاكرة انى صحبيه الولد والبنت تجربة عادية
لقيت اصحاب بجد ولقيت العكس طبعا.
مجدبش عليك بدانا انا والبنات زميلنا نصاحب وبقينا شله زى مبيقوله. بس اكتشفت ان فى الشباب دول مصحبين البنات عشان مصلحتهم وبس. بس للاسف انا كنت بامن على سرى معاهم كلهم سواء البنات او الشباب. ولقيت بعد كده ان بعض الشباب مش مأمنين على اسرارنا.
بس انا والله كنت بعتبرهم اخواتى زيهم زى البنات واتعلمت من التجربه دى انى مامنش لاى حد بسهوله حتى لابن بلدى.
المهم انى عايزة اسال سؤال:هل صحبية الولد والبنت خاصة فى الكلية غلط ام لا؟
ياريت حد يجوبنى ضرورى.

اولا مش اى حد نامنله بس يمكن يكون اتخدعتى بس ياريت تكونى اتعلمتى
ثانيا:صحبة البنت للولد مش عيب لكن فى حدود وده بيتوقف على الانسان اللى انتى مصحباه والمفروض تنتقى وفى شباب اصحاب لفتيات بيبقوا اوفى من البنات لان البنات بتغير من بعضهم,اهم شىء الاختيار وشكرا

هو أصلا يعني ايه ولد يصاحب بنت ؟؟

دى وجهات نظر بس يعنى الولد مش يقعد يحب كل واحدة يعرفها

انا اوافق على كل كلمة قالتها ( فتكات ) فعلا ما فيش حاجة اسمها صحبة بين البنت والولد , ممكن تكون زمالة فقط وكمان لها حدود لا يتخطاها احد , اما كلمة صحوبية معناها ان مافيش حدود للهزار او لمسك الايادى او لجلسات منفردة او او او او او او او وهلم جر والعاقبة عندكم فى المسرات ..iiiiiiiiiiiiiiiiii

انا مش قصدى صحوبية ان يمسك ليديها ويلمسها عادى لا انا قصدى ممكن يبقى اصدقاء انهم ممكن يحكوا لبعض على اسرارهم ويقولوا مشاكلهم وينصحوا بعض بس كده

دا لو ولد لولد يا عم محمد او بنت لبنت لكن ولد وبنت دا اوسع باب بيخش منه الشيطان

بس ده بيتوقف على الشخصين يا استاذ اشرف يعنى لو الاتنين محترمين هيبقى عادى

كلمة (لو ) تعنى حالة اثتسنائية . والشيطان ما بيسبش محترم او غير محترم . دا الشيطااااااااااااااااااااااااااااااااااااااااااااااااااااان شاااااااااااااااااااااااااااااااااااااااااطر

فعلا يازيكو احنا بناخد احكام غلط كتير , ولما نفهم كويس ربنا بيهدينا للصح
واحنا اتعلمنا من تجربتك لانتسرع فى اصدار الاحكام دون فهم او وعي

تمام يازيكو كتر خيرك

اما انت يامحمد مفيش رد على كلامك غير حاجة واحدة

وهى ( !!!! )

ليه مجنون ولا ايه ياعمرو؟؟؟؟؟؟؟؟؟

يا محمد انت سيد العاقلين

لكل قاعدة شواذ يا جماعة بس مش مستحيل

وانا مع محمد ودى وجهات نظر وفعلا لكل قاعده شواذ يعنى مثلا لو بقت صحوبيه بين ولد وبنت ثم تحولت الى حب ف حدووووووووووووووووووووووووووووووووووووود الادب والاحترام المتعارف عليه والعادات والتقاليد اللى كلنا متربين عليها وبعد كده اتجوزا
ايييييييييييييييييييييييييييييييييييييييييييه المشكله ف ده ؟ وكل حسب ارائه واحب ان اقول لمن اختلف معى
لكم ارائكم ولي ارائى والحياة ظلال واضواء

شفت يا احمد انته رتنتها ازاي ( صحوبية ثم حب ثم جواز ) ومين يضمن الترتيب ده , ماذا يحدث لو تمت الصحوبية ثم الحب ولم ياتى الزواج . هل تقبل على نفسك ان ترتبط بفتاة مرت بهذا مع غيرك ؟؟؟؟
او هل ترضى لاختك ان تصاحب شاب ؟؟
ارجو الاجابه بصراحة منك او من محمد يوسف .

لو لم ياتى الزواج ف هاهو ما يسمى بالقدر والنصيب
اما بالنسبه ل ان اتجوز ب واحده مرت بهذا من قبلى ف ان اعترفت لى ووصارحتنى منذ البدايه وواجهتنى عندئذ ارضى ولكن بشرط ان تكون قد نست هذا الشخص للابد وزى ما بقول دايما انا من الناس اللى متمسك جدااااااااااااا بالعباره اللى بتقول ( الزمن بيداوى او الزمن بينسى ) ولكن الشرط ف الوضوح والصراحه المطلقه منذ البدايه وان ادركت انها لم تنساه ودائمة التفكير فيه فلن اقبل هذا ولكن غير كده لالالا ....... اما بالنسبه لاختى ف انا ماظنش ان عقلية اختى كده اصلا لاننا ف قريه واحب اوضح ان المكان والنشأه والتربيه تختلف من زمن لاخر ومن مكان لاخر وانا عارف ان ف اجابتى التاليه هاكون قاسى ف الحكم ولكتها اختى وانا هاريحك وقول لحضرتك لالالا مارضاش
هاتسألنى تانى ليه هاقولك لو حضرتك مكانى هاترد كده برضو وهى دى النفس البشريه بقى ؟

فى النهاية . بنقول ان العلاقة بين الولد والبنت فى الجامعة اسمها (زمالاه )) ممكن تتحول الى اعجاب ثم حب فى الاطار الشرعى لها وهو الخطوبة ثم بعد ذلك الزواج . وكل شىء بعلم اهل الفتاة .
واما ... تبقى زماله فقط لاغير .تنتهى بانتهاء الدراسة .

انا في مرة سمعت راى لعمرو خالد قال فيه ان الصحوبية حرام وجاب دليل من القراءن يدل علي كدةبالنسبة للبنات في اية بتقول((ولا متخذات اخدان))اما الولاد اية بتقول فيما معناها ,,ادخلوا البيتوت من ابوابها مش من ظهورها......وانا من رائي ان صعب اوى يكون في صداقة حقيقية بين الولد والبنت ممكن يكون في معرفة او زمالة انما صداقة بجد صعب ,,,,,,وعايزة اقولكم حاجة ان حياة الجامعة مليانه بحاجات كتيرة جدااااا لانها اخطر فترة يمر فيها الطالب والطالبه بمراحل مختلفة من النمو...راح خلاص زمن المدرسة وتحضير السندوتشات والكانتين والكلام دة بقي دلوقتى في حياة الجامعة والحوارت دىوالانبهار الجامعى اللي بيحصل في اول شهر من الجامعة(((انا معجب بفلانة وهى معجبة بيا))))انتم عارفين الشباب معظمهم كدة بيفكروا انهم يكلموا بنات بس مش دول اللي هيرتبطوا بيهم مع ان تكلمهم علي الصحوبية يتكلموا بشدة انها شئ عادى ومفهاش اى حاجة غلط ولو شاف اختة ماشية مع ولد بتكون مصيبة .......والله الولاد كلهم بيضحكوا علي بعض وعشان الضحكة تكمل الولد يشوف البت تعجبة وهات يا حب وكلام من دة .....وبعد كدة الولد يقولها لا انا مش ممكن ارتبط بواحدة تكلم ولاد .........انا كنت مرة في الجامعة ولد وبنت بيهزروا مع بعض وكأنهم اخوات وشوفوا بقا كان بيهزر معاها ازاى لاء وكمان لما تحب تنصح حد يقولوا عنك معقد ولا لو قلت حديث او ايه يقولوا ربنا يحفظ الشباب والبنات من الشيطان ........لا وكمان شوفتم في ارتباط بشكل خاص ..واحدة تروح تقول لواحد ان بحبك وعايزة ارتبط بيك والغريبة ان في ولاد توافق و في ولاد ترفض .....ونفس القصة مع الولد...انتم عارفين واحدة راحت لولد وقالتلة انا عايزة ارتبط بيك الجامعة تخيلوا قالها اية .....قالها: بصي انا مش برتبط بحد ولا باخد حد ربنا هو اللي بياخد وسابها ومشي.......
يجماعه بلاش تتكلمو بلغة الكتب خليكو فى الواقع

تسلمى يا فتكات انتى جبتى المفيد والراي المظبوط , ربنا يجازيكى خير من الواضح انك فاهمة دينك كويس ويارب اللى مش مقتنع يقتنع .

ما تغبيش عنا ياروز عايزينك تشاركينا دائما . لان راى الفتاة مهم جدا في موضوعات كتير

يا جماعة انا مقتنع ان صعب يبقى فيه صداقة بين بنت وولد لكن زى ما قولت لكل قاعدة شواذ ويا عمرو انا مش بقول يصاحبها انه يخرج معاه كل يوم الكلام ده ,وارجع واقول انا مقتنع ان صعيب يبقى فى علاقة صداقة بين بنت وولد بس ممكن يحصل فى حدود الدين والاحترم هو نادر بس ممكن.

يارب كتر في بناتنا اللي مثل ( فتكات ) ..........دي مش مجاملة...................

انا تقريبا عرفتك يافتكات ............... ومش هقول طبعا

بقترح موضوع جديد عنوانه ( السلبية و الايجابية )ياترى هل كنت سلبى يوم من الايام ؟ ومتى كنت ايجابى ؟ ادخل واحكى تجاربك مع السلبية والايجابية ....

الإيجابية والسلبية ف المنتديات :

كنت زمان علطول ما باشتركش ف منتدى إلا علشان مصلحة
يعني مثلا أخد رابط بتاع حاجة أو علشان أحمل حاجة
انما ان اشترك ف منتدى واتناقش مع الناس اللي فيه لأ
لاني كنت باشوف انها حاجة خنيقة أوي ومالهاش لازمة
فكان ليا موقف سلبي تجاه المنتديات

أما بعد ما اشتركت ف شباب برشوم
اتغير موقفي السلبي ده وبقيت بحب اشارك فيه
وأتناقش مع الأعضاء
وده طبعا فادني كتير جدا جدا
وخلاني اتعرف على ناس محترمة كتير كمان

وفعلا المنتدى بيخلي الواحد يتطلع لإنه يكون أحسن .

ايوة فعلا عندك حق ياسموان

فيه ناس كتير اوى سلبية فى الحكاية دى وناس انا اعرفها شخصيا اوى

مابيدخلوش المنتدى الا علشان مصلحتهم او لا غرض هما عايزينه من المنتدى

وانا بجد ببقى نفسى اكسفهم بس احترامى مايسمحليش بكده

وفيه ناس تانية بتفضل الفيس بوك على المنتدى
وتقولك ان المنتدى ده حاجة قديمة ومابقاش ليه لازمة

رغم ان الفيس بوك وعن تجربة شخصية ماهو الا عالم للتنافس على ان تصبح

انت الشاب اللى مقطع السمكة وديلها وانت عندك بنات اكتر وليك كام فريند اكتر

وحاجات تانية مالهاش ريحة اللازمة لذلك الحمدلله قاطعته خالص ومابقتش اعبره

[quote="اشرف شحات"]فى النهاية . بنقول ان العلاقة بين الولد والبنت فى الجامعة اسمها (زمالاه )) ممكن تتحول الى اعجاب ثم حب فى الاطار الشرعى لها وهو الخطوبة ثم بعد ذلك الزواج . وكل شىء بعلم اهل الفتاة .

الحمد لله يا استاذ اشرف حضرتككده عبرت باللى انا عايز اوصله لسيادتك وبقية الاعضاء

جرى ايه يا احمد . انت شادد حيلك على عمرو ليه ...دا الراجل بيتكلم عموما بدون ذكر اسماء .. وادى كلام عمرو بالنص:
يوة فعلا عندك حق ياسموان

فيه ناس كتير اوى سلبية فى الحكاية دى وناس انا اعرفها شخصيا اوى

مابيدخلوش المنتدى الا علشان مصلحتهم او لا غرض هما عايزينه من المنتدى

وانا بجد ببقى نفسى اكسفهم بس احترامى مايسمحليش بكده

وفيه ناس تانية بتفضل الفيس بوك على المنتدى
وتقولك ان المنتدى ده حاجة قديمة ومابقاش ليه لازمة

رغم ان الفيس بوك وعن تجربة شخصية ماهو الا عالم للتنافس على ان تصبح

انت الشاب اللى مقطع السمكة وديلها وانت عندك بنات اكتر وليك كام فريند اكتر

وحاجات تانية مالهاش ريحة اللازمة لذلك الحمدلله قاطعته خالص ومابقتش اعبره
...ما تكبرش الموضوع ..... وبرده سيبك من العصبيه والاندفاع

بالنسبة لموضوع الزواج المبكر ... يا احمد الهدف من المنتدى اننا نتواصل فى حوار هادف وبناء لترسيخ مبدأ صحيح ..وهذا ما اكدته في مرورك الخير ...شكرا لك يا حبيب قلبى ..

انا ولا بنت ف الدنيا تملى عينى ولا بدلل ورا حد (( منقول عن احمد ايفا )) وبقوله
( ياه ..ياه .. ياه .. يواد يا تقيل ..يااااااااااه .. يا مجننى )

ماشى يا استاذ اشرف دايما بتعرف تغير الموضوع لما يبقى فيه بعض الاختلاف بفكاهتك لببى متعودين عليها

ع الله الصوره تكون وضحت للجميع
لا حول ولا قوة الا بالله

طيب ياستاذ اشرف فين ردك بخصوص اني الانسان ممكن يستغل اي حاجه ف ايده يأما ف الخير يأما ف الشر وده متوقف ع الانسان ذات نفسه

يعني ( مش فاكر مين اللي اخترع الديناميت ) كان هدفه كويس وخدمه للبشريه بس الناس اللي هما مش كويسين استغلوه فالحروب والدمار زي ماحنا شايفين


بجد يأستاذ اشرف محتاج راي حضرتك
انا مش بتخانق والله ولا بيني وبين عمرو حاجه بس لو حد ممكن يقنعني برايه انا متقبل ده والله بس اشوف اراء

طيب ياستاذ اشرف فين ردك بخصوص اني الانسان ممكن يستغل اي حاجه ف ايده يأما ف الخير يأما ف الشر وده متوقف ع الانسان ذات نفسه
بجد يأستاذ اشرف محتاج راي حضرتك
انا موافقك يا حماده : وهديلك مثال اخر غير التليفزيون والديناميت , السكين ان استخدمناها فى اعداد الطعام فهى حلال وان استخدمناها فى القتل فهى حرام .
وهذا يؤكد كلامك ( كل حاجه سلاح ذو حدين ؟ حتي الانسان ذات نفسه ؟)

أنا شايف ده اتفاق مش اختلاف ف الرأي
لانه بغض النظر عن المسمى كلكو قلتو ف حدود الدين والأدب
ومفيش حد اختلف على كده .
أما بالنسبة لسوء التفاهم اللي حصل بناء على اختلاف معنى الكلمة قبل كده فده كله راح لحاله
والحمد لله ان كلنا دلوقتي متفقين على رأي واحد اهو .

مع احترامى يا سموان ماهو لو من الاول هما اقتنعوا بان مش هو ده مفهوم الصحوبيه اللى احنا نقصده ونقصد مفهوم تانى خالص اللى هو بيتماشى مع الدين والاخلاق وكده ماكنش ده كله حصل انما هما مش بصوا للجزء المليء بالماء ف الكاس وبصو للجزء الخالى منه زى ما قولت قبل كده
وده ما يمنعش ان لكل واحد فين مفهوم معين للصحوبيه زى ما انت قولت ولكن ف حدووووووووووووووووووووووووووووووووووووووووووووووووووووووود
والحمد لله ع قد كده