كلنا لازم نتعلم .

دي فكره تانيه علي اساسها بنيت فكره انتشار المنتدي بصوا يا شباب في اولاد وشباب كتير في البلد بجد محتاجين رعايه علميه ويبقوا ناس ناجحيين جدا بس للاسفلا يملكون الاحتياجات الاساسيه مش معاهم فلوس الدروس وبالتالي مش بيروحوا دروس ويبدا اخماد القدرات العلميه يتواصل الي ان يصبح انسان فاشل فبجد احنا ممكن نعمل صندوق ولو حتي كل واحد فينا من الشباب الجميله اللي ربنا يبارك فيها يدفع حتي 10 جنيه في الشهر هنجمع مبلغ كويس نساعد فيه الشباب والاولاد الللي بياخدوا دروس او اللي خايفين ياخدوا ومش معاهم بجد شئ جمييل جدا انك تساعد في بناء شخصيه متعلمه بعد كده هتكون في مصلحتك ولو حتي مش بقت فالاجر عند الله كبييييييييير جدا جدا جدا فكروا بسرعه ونختار حد يجمع من كل واحد فينا 10 جنيه في الشهر وربنا يبارك فيكم يالا باه ننفذ عنوان المنتدي عاوزين يا جماعه هدف المنتدي قبل ما يبقي مقتصر علينا وبس لا الهدف يمتد للقريه كلها وربنا يحميكم يارب ياريت المدير يرد بسرعه علشان ننفذ .

بجد كويس انك فكرت فى كده يامحمد

وفكرة الدروس دى كانت فى دماغنا بس زيكو قاللى هنشوف الموضوع ده بعد العيد

احنا الحمدلله قدرنا نعمل حاجة خاصة برمضان
وده كان بمشاركة كذا عضو هنا وناس تانية بره المنتدى

وان شاء الله نقدر نعمل حاجة طول السنة وخير ربنا كتير

ولو زى مانت قولت عشرة جنيه مش هتأثر فى حد فينا

بس عشرة على عشرة ونجمع مبلغ كويس ونفكر هنستفاد بيه ازاى

ماشاء الله عليكم يشباب هو ده الشغل
يلا وانا معاكم ممكن ادرس للولاد واخذ الى فى الصندوق ههههههههه

شوفت يا عم اهى واحده هتاخد اللى ف الصندوق
هههههههههههههه

والله فكره جامده
بس انا شايف ان ممكن ناس كتير تتحرج ان يحصل معاهم كده
انا مش بقول كده ان بهبط من الفكره
لان احنا خلاص يمكن خدنا على المغامره وطول ما ربنا جنبنا ف ان شاء الله كل خير
انا فكرت ان نسميها جمعيه شباب برشوم
ناس كتير حوالينا عامله كده
ولو جنيه بيفرق معانا لان جنيه منك وجنيه منى هيبقو اتنين
المشكله كلها ان فى بعض من الناس ودى اللى يمكن اللى فالحين فيه
يقولك ياعم دول شويه نصابين دول بيلمو فلوس لنفسهم ودا اللى خلانى اتعمد ان موضوع رمضان يبقى بنا ووالحمد لله ربنا كرم بحاجات تفرح وتشرف
انما من ناحيتى ف معاكو ف اى حاجه

فكره جامده

الفكرة حلوة
بس المشكلة هتيجي ف اختيار الناس اللي هتاخد دروس دي
وبعدين بيتهيألي في حاجات تانية ممكن نختار على أساسها أحسن من الدروس
يعني ممكن مثلا اللي مابياخدش دروس ده يذاكر أكتر لوحده فيعوض عن كده
انما لو واحد مثلا أصلا مش لاقي لبس كويس يروح بيه المدرسة يبقى مستحق أكتر .

فكره حلوه
ولو نجحت ف انا معاكو

مش عارف لية حاسس انها فكرة حالمة ورومانسية اكثر من كونها واقعية , لان حكاية المساهمة فى تعليم الغبر قادرين فكرة قائمة بالفعل عن طريق جمعية منصور عامر , وبتقابلها معوقات كتير من انتظام الطلبة , والمدرسين ...وكمان مين يقدر يحدد الطالب اللى محتاج من اللى مش محتاج , الكل بيفتح ايده ويقول انا عاوز , ولو ساعدت س من الناس وغيره عرف يقول اشمعنه انا ,...........
ممكن يكون الحل كالاتى : نحط بايدينا مساهماتنا المالية فى جمعية مشهرة في القرية تتولى امر التوزيع وتكون هى المسؤلة , وانت تاخد الثواب الخالص من الله
.............
انا مش بقلل من الفكرة لكن انا بقول واقع ملموس من خلال تجارب سابقة

حلوة فكرة الجمعية دى لأنها هاتبقى معروفة للناس كلها ومش المنتدى بس اللى هيساهم
دى البلد كلها هتساهم وياريت يحصل بجد وبكدا نبقى عملنا خدمة إنسانية للطالبة اللى فعلآ محتاجين الدروس دى وجنيه واحد ممكن ينقذ طالب من الضياع

شكرا يا سكاى على المساندة

وتعالى ف حضن النيل
وحضارة واى النيل

انت بتهزر يا احمد مااااااااااااااااااااااااااااااااااااااااااااااااااااااااااشي

انا اساند الاستاذ اشرف فى الفكره وفعلا موضوع الدروس قائمه بالفعل بس لازم يكون اداره حديد وملتزمه وتتحااااااسب كمان علشان نعرف نطور بلدنا بادينا مش بايد غرنا
وربنا الموفق

» كان لازم انقل الموضوع ده
» ايدنا فى ايد بعضنا هنطور المنتدى كلنا(مش منقول هههههه)
» يا دبله الخطوبه عقبالنا كلنا
» ""ايدنا فى ايد بعضنا هنطور برشوم كلنا ""
» * ايدنا فى ايد بعضنا هنطور برشوم كلنا *