عالم....... من........ وهم

كم هو مؤلم أن نحب أناسا ونصدق معهم في كل شئ ، نصدق معهم في احساسنا ، ونصدق معهم القول ، نسعي الي اسعادهم ، ونري أنهم منا ونحن منهم ، لا يراودنا شك في دوافع افعالهم معنا ، نثق في قولهم ، نثق في احساسهم ، نقدر لهم أفعالهم ، ونلتمس لهم الأعذار في اخطائهم ، نلتمس لهم الأعذار علي أمل صدقهم معنا ، نلتمس لهم الأعذار ، علي أمل شعورهم تجاهنا ، نلتمس لهم الأعذار لأننا نعتبرهم منا .
وفجأة ، تجد أن كل هذا لم يكن إلا تجميلا لحقيقة مزيفة ، تجد كل هذا مجرد وسيلة أو حتي محاولة للوصول الي غاية لم يكن هناك أمل في الوصول اليها .
قد تكون الغاية حميدة ، وقد يكون الهدف نبيل ولكن ..........
هل يمكن أن نخدع انسان ، ونزين الأمور ، ونقلب الحقائق ، ونعيش بوجوه ليست هي وجوهنا من أجل الوصول الي هدف حتي ولو كان الهدف نبيل ؟؟؟؟؟
احساس صعب أن تشعر أنك أضحوكة يتلاعب بها الأخرون ،
أن تكون أنت الوحيد الذي يجهل الحقيقة وكل من حولك يعرفونها .
احساس صعب أن تكون أنت افتراض يحاول الاخرون أن يصلو له ،
احساس صعب أن يتجمل الجميع حولك ، ويعيشو بوجوه ليست وجوههم ، وأنت الوحيد الذي لايلبس قناعا في عالم يلبس الكل فيه قناع ؟؟؟؟؟؟؟؟؟؟؟؟؟؟؟؟؟؟؟
عندما يصبح تقدير شعور الاخرين شئا بلا قيمة ، بل عندما يصبح الشعور نفسه شيئا بلا قيمة ، وعندما يموت الاحساس ، حتي احساس العطف والشفقة ، هل يمكن أن يكون ذلك الهدف نبيلا حتي ولو كان نبيلا فعلا ؟؟؟؟؟؟؟؟
عندما تعلم أن كل من حولك كانو يخدعوك ، كلهم بلا اسثناء ، فالكل يعلم الحقيقة وأنت الوحيد الجاهل بها ، مع أن الحقيقة هي أنت ... أنت وحدك ......
ماذا يمكن أن يكون إحساسك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عندما تعيش في عالم نسجت خيوطه من الوهم ، الكل يعرف تلك الخيوط ، وأنت الذي تعيش بينها ، لا تعرف أنك في دوامة الوهم .....
ماذا يكون احساسك ؟؟؟؟؟؟؟؟؟؟؟؟؟؟؟؟؟؟؟
ولكن ...... ولكن ............
إذا كان هذا حدث بالفعل ..... ومن أشخاص نحبهم ..... ماذا يمكن أن يكون الحل ؟؟؟؟؟؟؟؟؟؟؟؟؟؟؟
قد يكون التسامح هو الحل ...
ولكن ......
عندما يكون التسامح حتي هو الحل الوحيد ، عندما تفقد القدرة حتي أن يكون التسامح رغبة أو اختيار ؟؟؟؟؟؟؟؟؟؟؟
ماذا يكون احساسك ؟؟؟؟؟؟؟؟؟؟؟؟؟؟؟؟؟؟
اذا خدعونا من نحبهم ...... ففيمن نثق ؟؟؟؟؟؟؟؟؟؟؟؟؟؟
عندما تكون الحياة لعبة كبيرة ، وعندما تكون حدودها خيوط من وهم يرسمها الاخرون ، وعندما تعرف أن المغفل الوحيد بداخلها هو أنت ، ......
فلابد ألا تحس ........ حتي لا تموت .

اقتباس :: عندما تكون الحياة
لعبة كبيرة ، وعندما تكون حدودها خيوط من وهم يرسمها الاخرون ، وعندما
تعرف أن المغفل الوحيد بداخلها هو أنت ، ......
فلابد ألا تحس ........ حتي لا تموت .

الاول ايه الحلاوه دى
رغم ان الموضوع صعب جدا
صعب لان ف الاخر الواحد يعرف النتيجه دى يعرف ان هو اللعبه اللى خدت الوقت ده كله واستمعت بيها غيره اللعبه اللى فيها هو الوحيد اللى خسر واللى ف الاخر متع غيره وخسر نفسه ف الاخر لما اكتشف انه مجرد لعبه
هو اه ممكن الوم الحد ده لانه هو اللى ادى ثقه لناس قد يكونو مش ادها
وان ده كان اختياره من الاول
اللوم التانى على اللى فكر انه يلعب بمشاعر حد ملوش اى ذنب وكمان مش جزاته انه حبهم يحصل فيه كده
ف الاخر معاك ف لابد الا تحس حتى لا تموت

تحياتى يا دكتور

اولا موضوع جميل يا محمد , وانا معاك ان اصعب احساس انك تبقى الوحيد اللى ميعرفش الحقيقة والناس كلها بتمثل عليك وانت بتعاملهم بحسن نية واصعب شىء ان حد يقلل من مشاعرك .

شكرا يا زكريا علي ردك أوي بس بجد ردك كان اصعب عليا من اللي كتبته ، بس علي فكرة انا ما خسرتش في الاخر ، انا كسبت الشخص ده نفسه .
وشكرا لمرورك يا ابو يوسف

موضوعك جمييييييييل أوي يا فيت وعجبني الأسلوب أوي .

اقتباس :: انا ما خسرتش في الاخر ، انا كسبت الشخص ده نفسه

طيب يا ترى كسبت الشخص ده بمواجهته بالحقيقة وعتابه
وللا انت كمان لعبت عليه ؟؟

الموضوع جامد جدا

بس يوم ما الانسان يوصل لمرحلة انه ما يبقاش حاسس ان اللى حواليه كلهم بيشتغلوه وهو الوحديد اللى بيتفرج على مسلسل هو مش فاهم اذا كان ليه ولا عليه

يبقى لما يكتشف لازم يقلب فى كل دفاتره القديمه عن كل شىء فى حياته لانه هيلاقى نفسه غلطان فى حاجات كتييييييير قوى وهو مش حاسس

بشكرك ياسموان انت وبيشو علي المرور
انا ما لفتش ودورت ، انا كنت صريح لأقصي درجة ، كمان الموضوع مكنش فيه مواجهة لاني الشخص ده كان غير رأيه وكسبته قبل ما اعرف الحقيقة ، كمان الشخص ده هو اللي قالي الحقيقة بنفسه ، لأنه كان عارف اني صادق معاه جدا ، وهو غير رأيه لما شافني صادق معاه.
أكيد يا أستاذ بشير اني الواحد لازم يقلب في دفاتره القديمة سواء كان فيه حاجة أو مافيش .
بس أحيانا بكون التقليب ده لمجرد الذكري وبس ، لأني الوقت بكون عدي فعلا

احيان كتير لما يبقى صعب ان نرجع اى حاجه فاتت بيبقى مهما ذكرنا اللى حصل
بنتعب نفسنا ومش بنقدر ننسى اللى حصل علشان نعيش
من رابع المستحيلات ان حاجه تحصل غير اللى حصل او ان يكون ولو فى 0% امل
وانت عارف كده كويس ويمكن اتكلمنا كتيييييييييييييييييييييييييييير
بلاش تفكر انت كتير بس يا دكتور
وكويس انك حسن كل حاجه قبل ما المسافات كانت تبعد بسرعه
وان محدش زعل من التانى
معاك ان حد اتالم اكتر
بس ف الاخر بقولك
ان اللى بيحب لااااااااااااااااااااازم انه يسامح

ما فيش حاجة فى الدنيا بتيجى بالساهل لازم ندور ونتعب عشان نوصل وإذا كان فى حد بوجهين بس الهدف نبيل زى ما قولت يبقى ما فيش داعى تحس إنك أضحوكة يتلاعب بها الأخرون أكيد كانوا بيعملوا كده خوفآ عليك أنت قولت إنك بتحبهم وفى الأخر أكتشفت أنهم كانوا بيلعبوا عليك هل اللعب ده كان ضدك ولا لصالحك تأكد إنى لو ماكنش فى أحساس الأول وبعدين جه الأحساس ده أكيد وقتها هاتحس بسعادة أكتر من الأول لأنى الأحساس ده بدأ على إيدك وفى الأخر لازم نسامح عشان نقدر نعيش لو ما فيش تسامح مش هايبقى فى حياة
عندما تكون
الحياة لعبة كبيرة ، وعندما تكون حدودها خيوط من وهم يرسمها الاخرون ،
وعندما تعرف أن المغفل الوحيد بداخلها هو أنت ، ......
فلابد ألا تحس ........ حتي لا تموت .
أوعى تحس للحظة إنك مغفل بالعكس أنت جواك مشاعر وأحاسيس نبيلة هما جايز مافهموش ده بس رجعوا حسوا ده وبرده حسوا ده بفضلك أنت وفى الآخر هقولك الأحساس شئ جميل بس الأحساس الصادق المبنى على الصراحة والوضوح مش الأحساس الكاذب المبنى على الكذب والغموض

» عالم آخر !
» عالم استرالى يعلن اسلامه
» اغرب صيحة فى عالم اكواب الشاى