البراشيم بتشجع نفسها وأحنا معاهم

غيابي كان غصب عني لان النت كان فاصل ..مانت عارف.. على العموم ياحمادة المسامح كريم ...ورمضان كريم

علي فكرة يا زيكو انا مش هيحوشنى عنكم الا الشديد اوى ...
وفي الغالب بيكون النت فاصل ...

والله يا استاذ اشرف انت اكتر واحد عارف ان البراشيم مش متعصبه ف لعب الكوره بنلعب كوره للكوره وخصوصا برشوم الصغرى لان بصراحه عندكو فرق بتموت ف الملعب ههههههههههههههههههههههههههههههه بس ف الاول والاخر احنا مش بتوع مشاكل بس كون ان اى حد يغلط فينا ويفكر نفسه فتوه علينا وان احنا مش هانعمل معاه حاجه زى ما بيحصل كده من الريس مع الدول العربيه يبقى مليون غلطان ده يتسك ع قفاه ونقوله شيه يا حمار ههههههههههههههههههههه
وع رأى حماده زيكو عايز حد يهيص معاه
ثانيه واحده اندهله محمد رأفت او رامى فتحى

والله كلمتك عن التعصب ياستاذ اشرف

هاموت وادخلها فى دماغ احمد ايفا بجد الواحد يبقى رايح يلعب بغرض التسلية

وده مش عارف عامل فى نفسه كده ليه

تقدر تقول واخدها جد وده غلط

اما بالنسبه ل لمياء اللى بتقول الزمالك هايخد الدورى السنادى فردى عليها انها بتحلم لان كل سنه الكلام ده بنعيد ونزيد فيه كتيييييييييييييييييييييييييييييييييييييير وبرضو بيتسكو من اى فرقه واللى بتقول ان احنا بنتغلب من حرس الحدود طب والنبى مش احسن ما نتغلب من مركز شباب بنى عبيد واللى يجيب الجون سواق توكتوك والله عيب اوى كمان ههههههههههههههههههههههه يا لمياء الاهلى هايفضل هو المهيمن ع الكوره المصريه حتى ولو ما اخدش بطولات تكفى اللى عنده وبكره تتفرجى ع الاهلى وهو جاهز برءوس الحربه المناسبين لان هو ده ما ينقصنا حاليا
زمالك مين والناس نايمين
الاهلى فوق الجميع
وكمان ليه هربتى م سؤال عمرو؟
انتى من البلد ولا لا ؟ وف كليى ايه؟
اما بالنسبه ليك يا عمرو ف انا هاجوبك انا مش متعصب انا عصبى ودى ف وجهة نظرى انا تفرق كتيييييييييييييييييييييييير وان كانت اعصابى بتفلت ف الملعب ف ده غصب عنى لانى بكره الهزيمه ف اى حاجه غير ناس تانيه جايه تقضى وتضيع وقت وخلاص وانا اعتقد ان الحمد لله انا بقيت هادى اوى ف الملعب ولا انت مش شايف ان انا اتغيرت؟

اها يارب

شكرا يازيكو كلك ذوق ..... واحب اقول لاحمد ايفا ايه الفرق بين العصبى والمتعصب ؟؟؟؟؟؟
انت عصبى والعصبى دائما نتيجة للتعصب لشىء معين وفي جميع الاحوال بياخد قرارات بيندم عليها ( سأل رسول الله الصحابة قائلا : من الشديد فيكم ؟ قالوا : الشديد من اذا صارع الرجال صرعهم . قال ليس الشديد بالصرعة , انما الشديد من يملك نفسه عند الغضب )

انت بتقول لمين يا استاذ اشرف ده لو عملتيله مش هيسيبه من الكلام اللى بيعملوا فى الملعب

ياعم محمد ... احمد لاعب هايل وبيخدم اي فريق يلعب فيه .... لكن نفسي يتحكم في اعصابه شوية ... وخصوصا هو دائما تحت المنظار .... والاعب بيذكر باخلاقه قبل لعبه .. ولك في ابو تريكة مثل وقدوة ....

قله يا استاذ اشرف ماشى لعيب كويس لكن ميتنططش علينا بقى

هاقولك ياحماده.. الغرور اول طريق الفشل ...ومن تواضع لله رفعه ... ويمكن احمد في مرحلة عنفوان الشباب ويمكن الكرة بتفرج عنه شوية .. بس انا بادعوه للتاني وضبط اعصابة شوية

طيب انا مش فاهم المقوله الاخيره دي ياستاذ اشرف بتاع الغرور دي
هل الغرور ف احمد ولا انت بتتكلم عامة؟؟؟؟
انا معاك اني احمد عصبي ودي اوسخ حاجه ف احمد وانا قولتله كدا مليون مره وزي ماالكل عارف انه بيحترمني وبيسمع كلامي بشهادة الجميع ف ارض الملعب
يانهارمش باين

لا ياحمادة انا بتكلم عموما من خبرتى البسيطة

ع العموم اشكرك يا استاذ اشرف ع نصايحك الجميله دى وانا بحاول مش من دلوقت بس والله لا من فتره كده انا امسك اعصابى ع قد ما اقدر ف الملعب واعتقد انا نجحت ولو بنسبة 10% بس
بس انا بحاول وع فكره انا عمرى ف حياتى ما كنت مغرور الحمد لله ازاى ابقى مغرور وانا بكره المغرورين واللى بيتنكوا سواء ف اللعب او بره اللعب ازااااااااااااااااااااااااااااااااااااااى؟؟؟؟
اللهم انى اعوذ بك من الغرور واعوذ بك من الكبر والتعالى والتفاخر

تسلم ياخويا
هوده الكلام
قول الكلام ده للمدير

انا بشكرك يا احمد على سعة صدرك ... وبقول معاك آمين آمين

وعيد سعيد عليك انت كمان يا استاذ اشرف
ويارب دايما من نجاح لنجاح

[size=29]التقي اليوم فريق كل من احمد السيد وفريق سيد حافظ وتشكيلتنا كالاتي
سالم صبري ف حراسة المرمي والاستاذ اشرف شحات ف خط الدفاع مع رامي فتحي منصور وسامح حافظ وفي وسط الملعب العبد لله ومحمد جيوشي وف الهجوم كل من سيد حافظ والاستاذ روق شحاته
وبدا الشوط الاول باستحواذ لفريق احمد السيد ايفا استمر حوالي 10 دقائق ثم انقلب الحال واتي الهجوم الكاسح الذي استمر طوال اللقاء مع هجمات مرتده طائشه تمكن من خلالها فريق احمد من تسجيل الهدف الاول ف ظل استحواذ كبير من فريقنا واهدار للفرص السهله حيث ان سيد حافظ لم يكن ف مستواه الطبيعي ولكن استطاع العبد لله احراز هدف جميل بعد مراوغة للدفاع احمد عصام وتنيمه ع الارض وتهويش للحارس واحراز هدف التعادل
ولكن بسبب اخطاء ساذجه سواء من مدافعنا محمد جيوشي الذي كان ف حالة نوم عميق جدا وف حاله لا يرثي لها تمكن محمد صلاح من ركل الكره بضعف شديد ولكنها للاسف سكنت شباك سالم صبري الذي يتحمل مسؤلية هذا الهدف هو ومحمد جيوشي


بعد دخول هذا الهدف استمر الهجوم الكاسح لفريقنا وفرص عديده حيث اتيحت لرزق شحاته فرصتين ولسيد حافظ فرصتين ومحمد جيوشي فرصه ولي فرصه ولكن كلها باءت بخيبة الامل وتم اهدار العديد من هذه الفرص وهذ هو التوفيق وعدم التوفيق

ولا ننسي الحكم سامح جمعه حيث انه لم يقم بطرد اللاعب محمد صلاح بعد اعتراضه لسيد حافظ وعرقلته بعد مراوغته حيث انه لو استطاع المرور بدون العرقله لكان هو ورزق شحاته ع المدافع احمد عبد النبي ولكن الحكم تساهل ف هذه الكره ولم يقم بطرد محمد صلاح
كذلك لنا ضربتين جزاء صحيحتين للاستاذ اشرف ولمسة يد ع اللاعب احمد رمضان ولكن الحكم ايضا لم يحكمها (اذا ناديت فنادي حيا ....ولكن لا حياة لمن تنادي)

ووصلت المباراه لانفاسها الاخيره والكل ف ترقب حتي جاءت اسهل كره ف المباراه حيث اتيحت الفرصه للاعب رامي فتحي لاحراز هدف التعادل (ده كان ممكن يدخل بيها الجون يانهار يانهار)
وانتهت المباراه بفوز فريق احمد ايفا (اخدتوها من بق الاسد)
مبروك ليهم ولنا عوده ان شاء الله

احب ان اوجه اعتذاري اخيرا لعصبيتي ف هذه المباراه حيث ان ماحدث ف خط دفاعنا بسبب اشخاص معينه (كان فعلا ينرفذ ويطلع الواحد عن شعوره)حيث انه كما قلت اخطاء ساذجه ولا تصح ان تصدر من هؤلاء اللاعيبه ولكن الايجابيه هنا ان شاء الله

اني كل واحد يستفاد من اخطائه ان شاء الله


معذرة للاطاله
سلام عليكو

انا معاك انكوا كنت ماسكين الكورة اكتر مننا بس احنا هجماتنا كانت اكتر وفرصنا كانت اكتر واخطر يا حماده ولا مش مصدق اسال الناس واسالنى انا لانى اللى مضيع واللى مدى الناس الفرص

يا شباب مش تعرفوا الدورة الاول ... وتقولو انها دورة داخلية تنشيطية لقضاء وقت ممتع مع هوايتنا المفضلة بعيدا عن العصبية وذلك خلال اجازة العيد الصغير .....................
واضافة لما قاله حمادة : كانت مباراة مثالية فى اللعب والروح الرياضية العالية , وفاز فريق أحمد لانه استغل الفرصتين اللتين اتيحت له من اخطاء ساذجة من عدم تمركز جيد للمدافعين , او استهتار حارس المرمى بكرة سهلة جدا مرت تحت قدميه ,
وخسر فريق السيد لاهداره العديد من الفرص السهلة امام المرمى , وظهور اكثر من لاغب بمستوى اقل من مستواه الحقيقى , الى جانب التوفيق الذى لازم حارس مرمى فريق ( احمد )
اما حكم المبارة فكان جيد , وان اخطا فالجميع معرض للخطا فنحن بشر
وفى النهاية مبروك للفائز والى مزيد من الانتصارات

هى دى الروح الرياضيه يا استاذ اشرف بس انا مش معاك ف حتة التوفيق دى خالص لانننا احنا فرصنا اكتر واخطر بكتير جدا واسال الناس ولا ليه تسأل الناس ما تسال محمد يوسف واحمد رمضان ضيعوا كاااااااااااااااااااام فرصه وحماده اللى بيقولى ان فريقى كان بيلعب ع الهجمه المرتده يا رااااااااااااااااااااااااااااااااااااااااااجل فيه فريق ف الدنيا بيلعب ع الهجمه المرتده ويضيع اكتر من 10 اهداف ليييييييييييييييييه دى تبقى معجزه من المعجزات اللى مش بتتكرر وبقوله يتكلم كلام منطقى اما بالنسبه للهدف بتاعه اللى بيقول فيه انه راوغ احمد عصام يا راجل اتكلم كلام يدخل العقل وقول ان احمد عصام كان ماسك اللاعب اللى انت عاملت معاه هات وخد ف الفاول ووقع هو واللعب مرواغة ايه اللى بتتكلم فيها اعقل الكلام يا راجل ولا انت بتحاول تقنع نفسك واللى حواليك ان انتو اقصعتونا ههههههههههههههههههههههه وف الاخر احب اقولك بشهادة الناس كلها ان فريقك كان متقطع
واحب اطلب منك طلب
don't play against the stars again

ما خلاص يا يافا مكنش ماتش لعبته وحش طب ما انا صانع 5 اجوان

على فكرة ياجماعة ياريت نخلى الموضوع ياخد حجمه الطبيعى (مبارة وانتهت ) ليست اخر المكاسب ولا اخر الخسا ئر , وذى ما قلت (مبروك للفائز وهارد لاك للخاسر)

مفيش حاجة يا استاذ اشرف عادى احنا عندنا روح رياضية

غني ورد علي نفسك يامحمد انت واحمد واستنو كمان شويه عشان زكريا جاي دلوقتي ماهو بيحب يهيص

اخبار الدورة الداخلية
* اشرف حسن× احمد ايفا
لقدذاق احمد ورفاقة مرارة الهزيمة بعد اداء متواضع جدا , وانطبق على الفريق مقولة احمد ايفا ( انتم جايين الملعب وناسيين دماغكم فى البيت )
وفى المقابل تألق اشرف حسن ورفاقه وامطروا مرمى المنافس بخمسة اهداف مقابل هدف
ولوحظ حالة التعب الشديد على (احمد ابفا ) الذى كان يعانى من ارتفاع شديد فى الحرارة مما جعله لا يبدا المباراة,وعندما نزل ظهرت خطورة فريقه لكن بعد فوات الاوان (الف سلامة يا احمد
*محمد صابر ×وائل منشاوى
كانت المباراة سجال فى الشوط الاول 1-1 ثم تحولت لصالح محمد بعد خطأ فادح من الحارس طاهر السيد ( حارس وائل )الذي ترك اللعب وتفرغ لمناقشة الجمهور فى منتصف الملعب مما اضطر زمبله عمرو محمدى اخراج كرة مؤكدة بيده وهي فى طريقها للمرمى , فتم احتساب ركلة جزاء فاعترض الحارس بصورة مشينة مما ادى لطرده ثم شطبة من الدورة , وانتهى اللقاء بفوز محمد 5-2
* السيد × سالم
كالعادة سيطرة تامة ( للسيد ) وتضيع فرص سهلة , ثم يخطف فريق سالم هدفين ويرد فريق السيد بهدف فى الوقت الضائع ,وينتهى اللقاء 2-1 لسالم
فى النهاية اقول للجميع ( يوم لك ويوم عليك - تعلم كبف تفرح وتعلم كيف تتقبل الخسارة -)
وفى الاخر يجب ان تكون المنافسة شريفة بلا تعصب , وحظ طيب للجميع .

موافقك يا زيكو ... وياريت الشباب كلهم يعرفوا الهدف من الدورة .. والا هتكون ساحة للخناق والغصبية..وهتفشل الدورة بالشكل ده . وبرغم خسارتنا ,انا فرحان اننا بنتجمع كل يوم بعد العصر نمارس كرة القدم بدون مشاكل اللى جاى الاول واللى جاى الاخر وفلان صغير وفلان كبير , او تقعد تلف على اصحابك علشان نتجمع لنلعب ماتش حلو ,......
الدورة وفرت كل هذا وما زال الشباب مش فاهم,,,..... ربنا يهدى...

ربنا يهدي ويهدي الشباب

احسن فرقة دلوقتى فى الروح الرياضية فرقتنا وفرقة حماده ايفا

يا جماعة حد يكتب اخبار الدورة النهارده علشان انا كنت مشغول ومحضرتش

يا زيكو من اول وانا عارف انا الدورة مش هتكمل الا لو سالم واشرف صعدوا النهائى

امرى لله .... جبتلكم اخبار امس :
محمد صابر ×سالم 3-1
اشرف × وائل تقريبا 3-0
السيد ×محمد صابر 1-0*
ام اليوم فاقيمت مباراة واحدة (محمد صابر × احمد ابفا )
كانت مباراة جميلة ونظيفة فاز فيها احمد ورفاقه 3-2 عن استحقاق تام
.واليكم ترتيب الفرق الفريق
-------- لعب -------ف------ت ----- ه ----ن ------
الترتيب\\ سالم 3 3 - - 9 الاول
\ احمد ايفا : 4 3 - 1 9 الثانى
\ اشرف : 3 2 1 - 7 الثالث
\ السيد 4 2 - 2 6 الرابع \
محمد صابر : 5 1 1 3 4 الخامس\
وائل : 5 - - 5 0 السادس \


المباريات المتبقية\
اشرف× سالم
و سالم × احمد ايفا
و السيد× اشرف
تمنايتى للجميع بقضاء وقت ممتع ,,,,,,,,,

طب مين هيلعب بكرة يا اشتاذ اشرف ووائل كده مش هيلعب تانى

اللي سمعته النهارده ان وائل مش هايلعب لان الناس اللي معه سبوه , ام مين هيلعب بكره :محمد صابر هو اللي يعرف.

امين

اخبار الدورة اليومية: اقيمت اليوم مبارتين بين سيد حافظ /اشرف حسن وانت بفوز سيد حافظ 2/4 المباراة الثانية بين فريقى احمد ايفا/ وائل منشاوى بفوز ايفا 2/3 .ومن المنتظر يقام غدا المباراة الفاصلة فى الصعود بين احمد ايفا/ وسالم وربنا يستر وتعدى على خير علشان انا مش متفائل.وياريت اللى يدخل يتوقع نتيجة بكره , وانا ارى اننا شوف نخسر لاسباب مش هقولها

ياترى اللى كتب الكلام ده زيكو ام علاء صادق ................
فعلا يازيكو الخبرة والحب وعدم العصبية هي سلاح الفائز وبغيرها يكون خاسر حتى لو كسب الدورة . .. لانه يخسر احترام الجميع ..

طبعا انتوا تقصدوا فى كلامكوا عن مجموعة كده سيئة

وانا اتمنى انهم يموتوا غرقنانين فى قطر هههههههه

اشمعنه قطر يا عمرو؟؟؟؟؟؟؟

والله احنا هنلعب كورة بس هم لو ملعبوش كورة يبقى اللى فيه الخير يقدموا ربنا

ربنا يوفقكو