بالله عليك تقرأ للاخر {بالله عليك}

هذا الموضوع قرأته في أحد المنتديات وقد جذبني جدًا لواقعيته وصدقه للأسف، وهو أجمل موضوع قرأته اليوم، وأفظع دراسة أقلقتني في الفترة الأخيرة، وقد نقلته حرفيًا للإفادة بالدراسة الموجودة به بغض النظر عن بعض التعليقات به
=====================
هل أنت ولامؤاخذة مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-

أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..

طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

فى الحقيقه الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ورفعوا شعار عمار يامصر وبلدنا لسه بخيرولازم يطمنوا علي الأرقام دي بنفسهم.. وعلى الشباب الجامعي المثقف..فنزلوا للجامعة وعملوااستطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..

طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟

وملحوظه بسيطه

هارى بوتر هو الذي اعاد الشباب المصري لقرائه الكتب وهو الكتاب اللي حقق اعلي مبيعات في مصر

ملحوظه اخرى محدش يسألنى مين محمد حسنين هيكل او مين فهمي هويدي- لانى زيى زيكم
THANK .YOU

اولا شكرا بجد على موضوعك الجامد ده ياحودة ورغم انى مابحبش القراءة الا ان
محمد حسنين هيكل يابنى أبرز الصحفيين العرب والمصريين في القرن العشرين وعميد الصحافة العربية
اما فهمى هويدى ده باين كاتب ومفكر اسلامى وصحفى برضه

تقريبا عمووور هو الوحيد اللى فى الجانب الصائب من الاحصائيات دى او لا قدر الله باقى الاعضاء لم يقرأو الموضوع

موضوعك جميل وبيلمس جرح عميق داخل كل شاب .. هو ده الشغل الجد ..... تو يو ...
-اكبر مشاكل شبابنا اليوم انه ( مهيف) بمعنى مشغول بقضايا هايفة جدا مثل : الاغانى , الموضة , العصبية الكرويه, العلاقات مع الجنس الاخر , مين افضل ممثل , ومغنى و........... الخ
وناسى ان ثقافته بوجه عام فى جميع المجالات _ وخصوصا الدينيه_ هى سبيل قوته وعودة امجاده
. والقراءة واحده من اهم مقومات الثقافة . فأول ما نزل من القران ( اقرأ بسم ربك الذى خلق ) و يقول العقاد ( اننى اهوى القراءة لانها تعطينى اكثر من حياه )
هذه دعوة جميلة للقراءة فهل من ملبى ... مرة اخرى .. تشكر يا ( تو يو ) .

والله الشباب المصرى اليومين دول بجد بقى هايف واحنا منهم بس بقى الاخطر انه فى نسبة كبيرة من الشباب مغيب يعنى اللى بيشرب حشضيش وبانجو وبلاوى يعنى مش فايق اساسا.
شكرا يا حودة على الموضوع

موضوعك جميل يا تويو وبيلفت النظر لحاجات الواحد ما بيهتمش بيها خالص
زي القراءة طبعا واللي بقت حاجة مملة في نظر معظم الناس وأنا منهم
بس الواحد بيعتمد على التليفزيون والنت .

تسلم ايدك والله يا محمود الموضوع اكثر من رائع وفى حاجات كتير عاوزه تتغير فى شباب مصر
شباب . ولما تيجى تكلم شاب عن حاجة يقولك يا عم انت قديم قوى ده احنا فى القرن الواحد والعشرين دى الكلمة اللى على لسانه زى ما يكون ذكرت فى القرأن 0
وتانى مرة شكرا يا محمود على الموضوع الرئع

جيت على الجرح ودوست عليه
فعلا الناس اتشغلت بحاجات كتير غير الثقافه والقراءه
بس صدقنى فى ناس غصب عنها

» من اجمل ما تقرأ من القصائد
» لابد أن تبكى وأن تقرأ
» صلى قبل أن يصلى عليك.....
» عليك بالاستغفار
» حرااااااااااااااااااااااااااااااااااااااااااااااااااااااام عليك يا سيادة المدير !