روتينيات وحركات هبلة

طب كويس خدوا عندكوا اول شاهد

طب ماتيجوا نقول على حاجات تانية بنعملها زى كده

لما تبقي لسه داخل البيت وابوك يقولك انت جيت ؟؟؟
تخيل انت تقوله لا لسه مش جيت
لما تدخل تنام وخلاص ترقد ع السرير وتشد البطانيه واخوك يقولك انت هتنام؟
قوله لا هرقص

والله عندكو حق
دى ردود واقوال ما تديش اى معنى ولا تعتبر اجابات
مع ان ممكن الواحد يعمل الحاجات دى كتير وهو مش دارى
وخد عندك دول:
ليه لو قرصتنا نمله صغيره و نيجى نموتها
بنفعصها جااااااامد قوى

انت كدا بتنتقم يعنى ولا إيه
دى نمله يعنى بتموت بلمسه صغيره
دا انت ناقص تقوم تجيب إيد الهون و تدقها


ليه بنقول ديما .. هديه مجانيه

ما طبعا لازم تكون الهديه مجانيه
هو فى هديه مش مجانيه



ليه لما تكون بتأكل طفل صغير بتفتح بقك انت كمان

يعنى انت اللى هتاكل ولا هو ؟؟
ولا انت بتشجعه يعنى


ليه دايما كل ما بنصحى من النوم بنحس اننا
فى حاااااااااااااجه شديده لــ 10 دقائق اضافيه من النوم
ولو منمتهومش هتحس انك هتموت ولا هيجرالك حاجه



ليه بعد ما نشرب أخر شويه شاى فى الكوبايه
نبص فى الكوبايه

مش مصدق يعنى ان الشاى خلص
ولا انت مخون الكوبايه وبتتأكد؟

ليه اما الواحد يعيى او يكون مريض بنروح نديله فلوس

وانت زعلان ليه ان شاء الله هنديك فلوس بس اعيا انت بس ( بعد الشر )

اصل هى زى العيدية بالظبط فى العيد كده

ولما تنجح برضه

موضوع جميل ............ والردود بتاعتكو أجمل .




ليه لما تشوف فار أو عصفورة وف إيدك طوبة بتحاول تحدفها فيها
وأول ما تحدفها تحط إيدك على قلبك خايف لا تيجي فيها ؟
طب ماكان م الأول وللا قلبك بيحن بسرعة كده


ليه لما النور بيقطع وتدخل أوضتك لازم تقيد النور برده ؟
دانت حتى ممكن يكون ف إيدك كشاف وبرده تقيد النور
وطبعا لازم وانت خارج تطفيه عشان حرام الإضاءة اللي ع الفاضي دي .


وحاجة غريبة يكون الواحد مسافر وللا حاجة تقوله " ناسي حاجة "
طب يا فقيق يعني هو ناسيها هيقولك عليها ازاي ؟
بس الأغرب بقى انه ممكن يقولك....... " أااااااااه تصدق نسيت أجيب الشئ الفلاني "


وحاجة رخمة أوي انك تكون ف الحمام وقافل الباب وباين ان في حد جوه
وييجي حد يخبط لك ع الباب
ولو رديت يقولك " انت جوه ؟ " قال يعني خلاص اكتشف كده ان فيه حد جوه مش تمويه
والمستفز أكتر انه يقولك " طيب شهل بقى "
زي ما تكون هتخرج نص ونص مثلا وتبقى تكمل بعدين .

شكرا لردودكم وتفاعلكم مع الموضوع