قهوة شباب برشوم ( اخر تهييس )

بسم الله الرحمن الرحيم

موضوع النهاردة مهيس اخر حاجة

واتمنى انه ينال اعجابكوا

بصوا يعنى ببساطة الموضوع ده

هيبقى مثلا :

شامل جميع مفردات اللغة العصرية المصرية

لغة الشباب الجامدين اللى هما امل مصر

كل اللى علينا اننا نجيب كل المصطلحات اللى بتقابلنا فى حياتنا الحولة

الجميلة دى اللى لحد دلوقتى مالقتش فيها اى مشكلة ولو قد كدهو

والغرض من الموضوع ده اننا نتعلم اللغة دى

لانها هتبقى مطلوبة بعد كده فى اى وظيفة
وهنبقى ساعتها محتاجين كورسات فيها وكلام كتير

فعلشان مانتعبش بعد كده انا عملت الموضوع ده

هناقش فيه اى حاجة مش فاهمين فيها حاجة

مثلا كلمات اغنية مجنناك ومش فاهمها اسألنا واحنا نقولك
فيلم شوفته ومافمتش فيه اى حاجة يبقى ده اكيد ليوسف شاهين

بس برضه هنحاول نفهمه مع بعض

قرار بنى أدم من الرؤساء او الوزراء عملوه
ومش فاهمينه برضه هنساعد بعض فيه

يعنى باختصار اى حاجة مش فاهمها ادخل اسأل فيها

وبخصوص المشاريب
اول يوم عليا انا

وهاتبرع وابقى صبى القهوة اول يوم
بس تانى يوم هاختار اللى يبقى الصبى بدالى

يالا بقى اسيبكم تفهموا الموضوع فى هدوء كده

ومستنى اسألتكم

قوانين القهوة :-

1 _ النقاش بكل حرية مع عدم ذكر اسامى مباشرة ( ممكن تلمح بس ) .
2 _ لابد من ان يكون النقاش بشكل كوميدى والا
سيفقد الموضوع طعمه الخاص .
3 _ ممنوع الزعل من اى حاجة هناقشها هنا .
4 _ يجب المحافظة على شكل الموضوع وذلك بتسيق المساهمات .

اه صحيح

اى كلام فاضى معقول

يعنى احنا هناقش المواضيع الجادة بس بصورة كوميدية فقط

ولازم كلكم تحاولوا تلتزموا الفكاهة فى المناقشة والا هطردكم
من القهوة

القهوة للنقاش الجاد بشكل كوميدي

جرى ايه ياعمر هى القهوة محجوزة لل( الفكهانية ) و( النقاشين ) بس !!!والدليل كلامك ...
((ولازم كلكم تحاولوا تلتزموا الفكاهة فى المناقشة والا هطردكم
من القهوة .القهوة للنقاش الجاد بشكل كوميدي))

كده انت فهمت الموضوع صح

كده انت ثبت اول كرسى ليك فى القهوة ياستاذ اشرف

وعندك احلى واحد شاى للاستاذ اشرف ياض يابلية ( ياعمرو )

ياريت يا عمرو لو شويه قوانين علشان ميحصلش مشاكل والناس تقول كلام جامد

لو فيها مشارب انا معاكم

وياريت يعمرو لو تعملى واحد كوكتيل علشان اعرف اركز

يللا ياض يا بلية هاتلي واحد شيشة تفاح والقفلي الضمنة ف ايدك وانت جاي

عوزين واحد من المثأفين اللي هنا بقى يقولنا يعني ايه سوق عربية مشتركة

اللي بيحكو فيها بقالهم أرن دي .

وطبعا لانى الوحيد المثأف اللى هنا وده بكل تواضع

هاقولك يعنى ايه سوق عربية مشتركة

بص ياسى السيد احنا هنمسكها كلمة كلمة
( سوق ) يعنى سوق وهى ذات معنين
اولا ( سوق على مهلك سوق ) وممكن نعوض عنها بكلمة ( شى )اللى بنقولها للحمير

ثانيا ( سوق الحد )

تانى كلمة عربية وهى اجمل كلمة سمعتها فى حياتى
وذات كذا معنى
( عربية الوزير عملت حادثة )
( ممكن مكان العربية كنا نحط حمير مثلا او اى مواصلة تانية )
( الامة العربية ) وده ماظنش ان الجملة تقصد تقوله

نيجى لتالت كلمة
( مشتركة )
نمسكها كجزئين الاول ( مشترك ) وده كلنا عارفينه وبنستخدمه فى اى بيت
اما ( ة ) فهى اما تاء مربوطة ومحجوزة او تاء التأنيث والاتنين اسوأ فى المعنى

وبكده نقدر نقول ان سوق عربية مشتركة
ليها معنى اخر وهقولهولكم طبعا علشنا انتوا غلابة

شى ياحمير مع بعض

وطبعا السواق معروف واسألوا المحتلين عنه

بكده اقدر اقولكوا مبروك عليكوا فهم اول درس
وهو يعنى ايه سوق عربية مشتركة

اى خدمة ياض ياسموان

هو بصراح يا سمون مافيش احسن من سوق الحد بتلاقى فيه كل حاجةا اما العربية فممكن تلاقى عربيات كتير فيه اللى بيروح الرجالات وطنط وفيه اللى بيروح برشوم المحطة وكل العربيات مشتركة رجالة وستات
.......
امال فين الشاى الكشرى ياد يابلية

اتفضل ياباشا

احلى كباية شاى
قهوة شباب برشوم ( اخر تهييس ) Mk49587_10

طب ممكن واحد كباتشينو من ابو وش ده

اللي بيعمل شنبة ده ؟؟ أستغفر الله العظيم .

ع العموم متشكرين أوي ع التوضيح
ده أنا دماغي كانت مضلمة ونورت بعد كلامكو ده
ونردهالكو ف الأفراح ان شاء الله

بعد إذنك ياض يابلية عاوزة واحد شاى فى الخمسينة
وتكون فى كوباية إزاز ويكون شاى مظبوط
سكر خفيف
بس بسرعة علشان أنا دماغى فاضية على الأخر
هو يعنى إيه دماغى فاضية
يعنى بتبقى فاضية إزاى يعنى
فتحوها مثلآ وفضوا اللى فيها
وبعدين هاتتقفل لما يشرب كوباية الشاى دى
يلا بأة جاوب يامثقف

يحلاوه فين بقى التوكتيل بتاعى

لقلبهلكم عياده بدل قهوه

قهوة شباب برشوم ( اخر تهييس ) 144814

طب امسكوا الاول طلباتكم وبعدين نبقى نرد لما نفضى

امسك ياض يازيكو

وانتى ياسكاى امسكى

قهوة شباب برشوم ( اخر تهييس ) 543931_tea

وانتى يافتاكات مش هاتطلبى حاجة ولا ايه

ابو بلاش بقى

هاتلى شيشة تفاح ولا فى جميز هاتلى , ودماغى فاضية يا سكاى يعنى مش معمرة والدماغ تعمر ازاى اما بكوباية شاى او سجارة او سجارة بانجو او حشيش واللى بيقفل الدماغ الفول بيجيب من الاخر

بصى يا معلمة سكاي ( ههههههههههههههههه .... مش جاية خااااااااااااااااااااا لص معلمة دى ) المهم.. الدماغ الفاضية يعنى ما وراهاش حاجة ... دماغ ماشية على حل شعرها..هوه يعنى اية ماشية على حل شعرها دى ؟؟؟؟؟ يكنش بتخل شعرها وتمشى عليه !!!!!!! حد يفهمنى ياجدعان ؟

نعم نعم انت هضحك عليه ولا ايه فين التوكتيل بتاعى

احسن هعملهالك جريمه والنعمه قهوة شباب برشوم ( اخر تهييس ) 144814

حلوة والله ياأستاذ أشرف دماغ ماشية على حل شعرها دى
بس شكلها كده دماغ مالهاش صاحب
وأنتى يافتاكات بلية ضحك عليكى وما جابش الكوكتيل بتاعك
أنا لو منك أبلغ عنه وأشمعلوا القهوة بالشمع الأحمر

انا جاى انهرده ودماغى قفله وكنت عايز اعرف هو الكلام عن ايه

دور ع المفتاح

وسع ياجدع للمعلم زيكو .. كرسى بسرعة ياد يا بلية للمعلم .. يالا اتحرك شوية .. مفتاح ايه ياباشا اللى بيؤل عليه الواد حمادة ... هو فيه حاجه ضايعه منك لا مؤاخذه .؟؟؟؟؟؟

دابقاله بتاع ساعه عمال يدور عليه وقلب كراسى القهوه كلها دا غير انه دلق الميه السخنه
نعمل ايه بس يا استاز اشرف
يالا يا بيليه ظبط كده العمليه علشان نمخمخ شويه كده ونظبط الطاسه
وتشكر يا عم الحاج يا ابوعبدالرحمن يا راجل يا زوق

لاشكر على يزيكو باشا ....
كنت عاوز اسالك على حاجة محيرانى من زمان ..... هى ايه الى بيؤلوا عليها ( عولمة ) دى ...

سلام عليكم كويس انى لحقت مكان قدام التليفزيون قبل ما الماتش يبدأ
والنبى يا عموووووور واحد حلبه حصى سكر برهوبالنسبه للعولمه يا استاز اشرف
أأقولك اخد نفسى الاول وابقى اشوف هعرف ارد ولا ايه

يعني ياد يا بلية الشيشة التفاح والضمنة ما نزلوش لسه ؟؟؟
ف ثانية الاقيهم هنا ياض .

" دماغي فاضية "
الدماغ عبارة عن عضو صلب كروي الشكل يوجد في نهاية الجسم من أعلى
أما كونها فاضية فهو شئ طبيعي جدا ولا خوف منه
وذلك لاحتوائها على خمسة منافذ مختلفة كالتالي :
فتحتا الأذن
خرما الأنف
فتحة البؤ

أما العولمة دي بقى فهي حاجة م الاتنين :
يا إما حاجة ليها علاقة ب العلما وده احتمال ضعيف
أو ب العوالم وده الاحتمال الأرجح لانها جت على وزن " فعللة " زي صهللة وهشتكة وبشتكة والذي منه

المصدر : قاموس الزمخشري

100 مسا عليك يا استازنا هجيب كرسى بس واجى جنبك علشان الكلام يبقى ف التمام
كنت بتسال يا معلمى على العولمه
سبق وقال الاسطى سموان انها تبع العوالم والصهلله والفعلله والذى منه
وانا كلام ف سرك مقدر انزل كلمه للاسطى بتاعنا
ونحب نضيف ل كلامه يعنى هنزود عليه يعنى
ان العوالم دى اصلا ملهاش حته وكل يوم ف حته وكل حته وليها حته
ف تلاقى كل حته وبتفرض حلوه بتفرض دى سيطرتها على حته تانيه خالص
واخد انت بالك معايا
اوعى تتوه
استنى استنى كده
اصل سامع زعيق جامد جاى من اول الشارع
واد يا حته قصدى يا بيليه شوفلنا مين يابنى بيتعارك بره ينوبك ثواب

لا بقى ياض انت وهو وهى انا مش شغال عندكوا

انا قدمت استقالتى وبقرار منى تم تعيين الولا حتة بدالى

وهو عارف نفسه ولا ياحتة يالا ياض علشان جبتلك شغلانة فلة شمعة منورة

يعنى الواد زيكو هو صبى القهوجى الجديد

يالا بقى نفذ الطلبات بتاعة البشوات

اما سمون ده متثقف ومتنور اوى يا جدعان ... دا كلامة دخل دماغى اوي ..سامع آل ايه ؟ !!أما (العولمة دي بقى فهي حاجة م الاتنين :
يا إما حاجة ليها علاقة ب العلما وده احتمال ضعيف
أو ب العوالم وده الاحتمال الأرجح لانها جت على وزن " فعللة " زي صهللة وهشتكة وبشتكة والذي منه) ههههههههههههههههههههههههههههههههههههههههههههههههههههههههههههههههههههههههههههههههههههههههههههههه
وانته يا معلم زيكو ..كنت بتؤل : هو احنا في أ نى حتة دلوأتى!!! بيتهيألى الحتة مشاكلها كترت اليومين دول ...هوه مين اللى بيتخانق بره يا جدعان ؟؟؟

هو الظاهر كده يا حج ان الواد ابن الحج النخيلى ضرب عيل من صبيان المعلم ابو لحاف
بس الحمد لله اتحلت
ونرجع لمرجوعنا تانى يا عم الحاج يا ابو عبدالرحمن يا زوق
اه طبعا المعلم سموان كلامه ف النفخون ويظبط الدماغ ولا حجر معسل زغلول

خلينا نتكلم بصراحة فيها ايه يعنى اما نتمكلم بصراحة يعنى ينفع كده مينفعش طب هنعمل ايه؟؟ وبعدين ازاى؟ لكن نرجع ونقول انا لله وانا اليه راجعون.

انت ياض ياحتة كباية شاى بلبن حالا

معلشى بقى احنا بنتكلم وقبل اى حاجه ولا سلام ولا كلام عاوز من الواد حته سحلب بفتله وبسرعه......

طب ما تخلية بسلبة احسن اصل الفتلة ممكن تتقطع

ايه يامعلمين هى فين لبة الموضوع

طب بصوا ياجدعان انا دلوقتى عاوز اتشرح لانتخابات الرئاسة اعمل ايه

وهو صحيح ينفع اترشح عن طريج الكارنية بتاع الكلية ده ولا موش ينفع

بص يا حج عمرو
هى فعلا عين العقل ان حد زيك وبمجدعتك يترشح لرياسه الجهوريه
انت ما عارف حالنا عامل ازاى
انت كل اللى مطلوب منك استماره سته جند وحاجه تثبت انك ف الكليه بدل الكرنيه
ودامغه شعار مصر
وتقدم الورق
وهننتخبك كلنا
وانا عليا كل اللوح وكل الصور على حسااااااااااااااااااابى
بس بالله عليك ابقى اقولهم ينزلو سعر اللحمه شويه

الله ماهى الحكاية بسيطة اهى

امال اما روحت لحسنى عقدنى فى عيشتى ليه

يالا المهم ياض ياحتة ماجبتش الشاى ابو لبن لسه

عليا الطلبات لو ماجبت الشاى دلوجتى هاجول لحسنى ده انك عاوز تساعدنى

ما تجوله
ومعندناش سكر
لسا مجبناش التموين

انت عاوز ترشح يا عمرو ..... طب اترشح بعيد علشان العدوى ..... يا خويا العدوى دى انتشرت كده ليه ... .. هو ما فيش علا ج للترشيح ده فى اى اجزاخانه ...

هههههههههههه لأ يا حاج هو يقصد يروح يستنخب يعني
بص يا معلم عمرو انت قبل أي حاجة لازم تراعي كلامك الأول علشان ما تتمسكش
يعني ماتقولش حسني حاف كده ....... اسمه الأستاذ حسني ....
أه أحسن تتشنير من قبل ما تعمل أي حاجة
ولازمن يبقى فيه مرهمة ف الأول كده لغاية ما توصل للي انت عاوزه .
المهم انت جهزت الورقتين اللي الحاج زيكو قالك عليهم وللا لأ ؟
أحسن السجل يقفل قبل ما نقدمهم

اايه ديه ياولاد الكهربه دخلت بيتنا هى هى هى هى.....الواد عمرو هيتعين فى المريسه الف مبروك ياواد...واسمع الكلام يواد عشان تنجح ....رررررررررررررررررررررررر الواد عمرو ياحزينه هيمسك البلد

سلاموا عليكوووووو
ايه ده تصدقوا لايق عليك يا زيكو لبس القهوجى بقولك ايه واحد شاى بالنعناع وحياتك
بص يا عمور يا حبيبى اول حاجه تعمله تنضم للحزب النصبى ده حزب اغلبيه
تانى حاجه لازم تكون ليك سمعه كويسه يعنى تاجر حاجات تبسط دماغ الناس الى قاعده معانا
وانا اضمنلك انك تنجح
قالا يا عمور هو رمزك الانتخابى ايه

بص انت تعمل حزب السناكيح وبعد كده تخش الانتخابات وتتاخد الجردل رمز ليك يبقى كده يا معلم انت نجحت بالثلث

طب م تالفوا لعمرو شوية شعارت في السليم ... علشان الترشيح

لما يشرحلنا برنامجه الانتخابي الأول .

صلى على النبى ياسموان برنامج ايه ومسلسل ايه ولا برنامج ولا غيره قهوة شباب برشوم ( اخر تهييس ) 141978

انا مش داخل علشان برنامج والكلام الفاضى ده انا داخل عايز ابنى مستقبلى

وده حق كل مواطن قهوة شباب برشوم ( اخر تهييس ) 663148

عندك حق
وبعدين انت ياما خدمت الناس .... جه الوقت اللي تبص فيه لنفسك شوية بقى .

دوس يا معلم واحنا معاك ............. لو عديت المانش وراك .

ايوة كده ياسموان

انت هتبقى المسئول عن الدعايا بتاعتى

الله يخليك يا معلمي
طيب حيث كده بقى ممكن تطلبلي واحد شيشة تفاح اللي نفسي فيه من أول مالموضوع ده اتعمل ؟

» احتياجات شباب برشوم
» قرار شباب برشوم
» شجره شباب برشوم
» فوازير جامده تتوه فيها
» نصيحة الى كل شباب برشوم