احتياجات شباب برشوم

بما إني القسم ده اسمه احتياجات الشباب ، فأنا هتكلم عن احتياجات شباب برشوم .
احنا يا جماعة ، محتاجين نقعد مع بعضنا ، محتاجين نسمع بعض كويس ، محتاجين نفهم بعض .
بس قبل ما نسمع لبعض لازم نحب بعض ، يعني ما نلاقيش واحد بيكره واحد ، واحد مش بيحترم واحد ، وكمان لازم نبقي علي مستوي المسؤلية كلنا .
البلد مش كبيرة ، بالعكس البلد صغيرة ، علشان كدة من العيب الكبير أوي اني يبقي فيه فجوة بينا وبين بعضنا ، فيها ايه لو اجتمعنا كل فترة ، فيها ايه لو سمعنا لبعض ، وايه المشكلة لما يقعد اللي عنده تاتين مع اللي عنده 15 .
تعالو نسمع لبعض علشان البلد بتاعتنا كلنا ، وتعالو نسمع لبعض لاني المشكلة بتاعتنا كلنا تعالو نسمع لبعض علشان نوصل لحلول سوا ، تعالو نسمع لبعض علشان كلنا في الاخر يا نسايب يا قرايب ، تعالو نسمع لبعض علشان في الاخر كلنا اخوات ، تعالو نسمع لبعض علشان حاجات كتير احنا مشتركين فيها .
ليه في الحزن بتلاقي الناس كلها واقفة ، ليه يبقي الوقوف في الحزن بس ، ما تيجو نقف في كل حاجة ، في الفرح قبل الحزن ، في الخير قبل الشر ،
بصو للبلد من 50 سنة ، الاختلاف عمل فيهم ايه ، مش هيدوم غير العشرة والحب ، والله الكل ذاهب ومفيش حاجة تستاهل اني احنا كل لما نيجي نقرب نبعد ، يارب ابدأ بنفسي .

صح الكلام دة احنا لازم نقرب من بعض اكتر من كدة عشان نبقى على مستوى واحد من المسؤلية ولازم نحب بعض اكترمن كدة

انا موافق رايك يامحمد
وانا مستعد احضر اى اجتماع هتعملوه

ولازم كل شباب برشوم يكونو ايجابيين فى الحكاية دى

وانا كمان موافق رايك يا محمد ودا بجد موضوع كويس وانت تفكيرك شغال على الحاجات دى عشرة على عشرة وبجد يا محمد تسلم ايدك وشكرا على الموضوع الجميل دة ويا ريت بجد كلنا نبقى ايد واحدة ونحب بعض كلنا يارب

فعلا الواحد لازم يكون ايجابى فى الموضوع ده يا محمد بس هى المشكلة ان اغلبية الاجتماعات اللى انتو بتعملوها بتيجى فى اوقات الواحد صعب يروحها يعنى مثلا الواحد يبقى بقاله كتيييييييييييير ملعبش كورة وتيجى انت تقول فيه اجتماع فى اليوم اللى احنا هانلعب فيه طب ما كانت الايام فاضية ادامك مش معنه اليوم ده ومتقوليش اللعب ولا الاجتماع لانك عارف رايى فى النقطة دى ومش بس انا ده بقيت شلة السناكيح وبصراحة يا محمد انا من ناحية حضرت فانا حضرت ومفيش اجتماع انا حضرته كان ع مستوى الاهميه المتوقعة ف دماغى

ههههههههههههههههه
يا راجل بطل كذب .
ده انت بتلعب كل يوم وقاطع في الملعب

والله مفيهاش حاجة لو اجتمعنا كل يوم جمعة بعد صلاة الجمعة او صلاة العصر , وياريت ناخد الموضوع بجد.