رسالة من الماء

ده عنوانكتاب لعالم من دول شرق اسيا
انا على فكرة ممكن اطول فى الموضوع علشان اللى بيدايق من التطويل يعرف من الاول وله القرار يكمل ولا لا ولو مكملش سداونى هيخسر كتير

الكتاب أثارضجة كبيرة في العلم لغرابة موضوعه وكاتبه , فموضوعه يدور
حول حقيقة أن الماء كغيره من الموجودات له قدر من الإدراك والوعي والاحساس
والانفعال والشعور وهي حقيقة نفهمها نحن المسلمين انطلاقا من قول ربنا
–تبارك وتعالى -:
"تُسَبِّحُ
لَهُ السَّمَوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ
إِلاَّ يُسَبِّحُ بِحَمْدِهِ وَلَكِن لاَّ تَفْقَهُونَ تَسْبِيحَهُمْ
إِنَّهُ كَانَ حَلِيماً غَفُوراً"(الإسراء: 44).

بداية احنا كمسلمين معتقدين بما لايقطعه شك فى ان الرسول لا ينطق عن الهوى وان الله موجود لا اله الاهو وان كل ما جاء به الرسول (ص)حق فلذالك دائما نجد ان هذه الحقائق العلمية المتواردة علينا بين الحين والاخر هى من اجانب غير مسلمين لان هؤلاء القوم هم من يشغلون انفسهم بمثل هذه الماديات فى محاولات عديدة منهم لادراك ماهية الكون وممكن نلص ده فى عبارة واحده هى ان الناس دول الاجانب يعنى عاشوا في دوائر المحسوس المدرك فقط رافضين الإيمان بالغيب حتى أجبرهم عالم الشهادة على التسليم بحقيقة الغيب رغم أنوفهم (ده عبارة عن توضيح ليه الاجانب مش المسلمين هم الاكثر اهتماما بموضوع الاعجاز المادى )

ثانيا مادة الموضوع
أما كاتب الكتاب فهو ياباني يحمل اسم "ماساروا إموتو"
استطاع أن يستثير عقول العلماء والتطبيقيين إلى حقيقة أن كل ما في الوجود له قدر من الإدراك والوعي والذاكرة والاحساس بدا إهتمامه بدراسة الماء في بلوراته العجيبة التي تعكس لنا جانباً من ٍأسرار هذا السائل العجيب الذي يجعل الله –تعالى- منه كل حي .
"ماساروا
إموتو" عزم على دراستة الماء في بلوراته على الرغم من افتقاره إلى خلفية علمية
. وأشار عليه صديق له بجهاز يدعى المحلل للخلايا الحية
خلاصة ماقام به هذا الرجل هو انه فى احد المرات له فى احد المكتبات قرا جملة تقول ان كل بلورات الثلج المتساقطة من السماء على الارض لا تتشابه مع بعضها وكل واحده لها شكل معين فدهشه الامر لماذا وظل فى البحث واليكم نتائج ماوصل له
هذه هى صورة بلورات الماء العادية فهى مختلفى ولا احد يعرف السبب حتى جاء هذا الرجل رسالة من الماء Water_memory_05

قال هذا الرجل ان هذه البلورات تختلف نتيجة لتعرضها لموجات صوتية مختلفة خلا طريق هبوطها من السماء الى الارض
وعشان نلخص
قام هذا الرجل بتعريض الماء للقران الكريم ووجد ماادهشه وادهش العالم وجد ان الناء يتحول الى هذا الشكل الرائع
رسالة من الماء Water_memory_02

هذا هو الاعجاز سبحان الله والله لا اجد ما اعبر به عن ما يدور فى نفسى سبجان ربى الخلاق العظيم العليم الحكيم ما ابدع ربى

ليس هذا بكل شىء ان هذا الرجل قام باستخدام هذا الماء فى خصائص علاجية فعاج به المئات
كما استخدموه فى وطائف تطهيرية حيث قامو بتعريض مساحات واسعة من المياه الى موجات صوتية عالية من القران فوجدو انها تطهرت
ولكم باقى المكتشفات فى ايجاز

الماء له قدرات عجيبة من الذاكرة والوعي والسمع والرؤية والإدراك , فهو
يدرك ما حوله ويشعر به , ويستقبل منه الحديث المنطوق والكتابات المخطوطة
والصور , والمشاعر والأحاسيس والموسيقى الهادئة والصاخبة وغيرها من
الأصوات ويتأثر بها إيجاباً وسلباً , ويتفاعل مع مشاعر الإنسان توافقاً
واختلافاً سبحان الله الذى خلق من الماء كل شىء وها نحن قد علمنا ان مادة الحياة هى الاخر قد خلقها اله حية تحس وتشعر

يارب الناس تستفيد

سلالالالالالالالالالالالالالالالالالام

سبحان الله !

سبحان الله وهو على كل شيئا قدير

تسلم ايدك بجد الكلام ده مفيد جداااااااا

سبحان اللّة
وبجد الموضوع جميل
وارجو الاستمرار على طول

انت اللى جميل مش الموضوع اللى جميل ههههههههههههههههههههه

وانت زعلان لية يا زمالكاوى دة ميخصكش انا جميل هو جميل والى انت بطلت تكتب موضيع بقيت تعلق ولا اقولك اكتب القطة الى قبلتك فى وسط الضرب وبقى سلملى على عالم الحيوان هههههههههه

بشكر تيرميناتور على الموضوع الجامد ده

منتظرين المزيد واوعى تنسحب

لا اله الا الله.................. محمد رسول الله

سبحانك يا رب

شكرا على الردود الحلوة

شكرا على الردود الحلوة

خلاص يا ترمو العفو يا عم.

"تُسَبِّحُ
لَهُ السَّمَوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ
إِلاَّ يُسَبِّحُ بِحَمْدِهِ وَلَكِن لاَّ تَفْقَهُونَ تَسْبِيحَهُمْ
إِنَّهُ كَانَ حَلِيماً غَفُوراً"(الإسراء: 44).

سبحان الله وبحمده سبحان الله العظيم

طب متزوقش يا يوسف اتبعتت مرتين غصب عنى

سبحانك يا الله .
للاسف اني النظريات الحديثة كلها بتيجي من برة ، مع أن القران فيه اعجاز علمي لو درسناه لسبقنا شعوب الارض .
شكرا علي الموضوع

مش عارف ابدا معاك حوار ولا ايه بص يا سيدى انا هبدا يلا امرى لله
انا فهنت انك حابب اننا ندرس القران الكريم بهدف اننا نسبق شعوب الارض بس مش فاهم انت فهمتنى ولا لا لما قولت ان احنا عشان مسلمين بكل ما فى كتاب الله فعشان كده احنا لا نسعى وراء المدركات المحسوسة ولاكننا نؤمن غيبا والخمد لله وانا مش برفض دراسة القران لاكنى ارى هذا المراى ان الله سبحانه وتعالى قد اجمل القران بيانا وتبيانا وانزله على عبده بشيرا ونزيرا والله منذ بعثة الرسول (ص) يكشف لنا حقائق القران واحدة تلو الاخرى ليزيد الذين اهتدو هدى ويهدى من يشاء وهو فى ذلك رحيما بنا حكيما عليما وسبحانه يعلم ما فى نفسى ولا اعلم ما فى نفسه ولا اقصد بكلامى تطاول او افتراء او افتاء والله اعلم

كذالك ان الرسول (ص) من المؤكد انه ادرك ان القران فى بليغ معانيه بدرجة من الصعوبه على الصاحبة وتابعيهم وعلى الرغم من ذلك لم يتناول تفسيره

من راى المتواضع ليس هناك من العقول البشرية عقلا قادرا على استيعاب وتفسير كلام الله صحيح التفسير وكل ما كان من العلماء هو اجتهادات ترنو الى الصحة وقد تنئى عنها
ولاكن الله هو القادر على اظهار قدرته لعباده كما قال تعالى ويريكم اياته الى اخره

وانى اعوذ بالله من شر نفسى وسيات اعمالى وان يصور لى الشيطان فهما لشىء انا به جاهل وارجوكم ان اخطات فى شىء ردونى

بالتأكيد يا تيرمو ربنا أنزل القران ، وبه الكثير من المعجزات ، واحنا علشان مسلمين لا نسعي الي المدركات لاني نت المفترض اننا مسلمين بيها اصلا .
لكن أنا شايف اني دراسة القران ده من باب التعقل واثبات قدرة ربنا الخالق ، والقران دعا الي هذا .
ومش معني ده اننا ندرس علشان نسبق ، ولكن ندرس علشان هذا يستحق الدراسة .
وفعلا القران فيه معجزات علمية كبيرة جدا وان شاء الله هسرد منها شوية بعد كدة .
فاذا كان الغرب يسعي جاهدا لاثبات نظرية ثم يجد أن لها أصلا في القران مثل الذرة وشكل الارض
فلماذا لا نبحث نحن من خلال ايات القران .

صح يا فيت يعنى الاجانب بيسعوا لهذا وبيتعبوا احنا ممكن نثبت ده بفهم القرآن .

انا رفضت الدراسة العلمية البحتة زى اللى الغرب بيعملوها بس مارفضتش التدبر اللى ربنا امرنا بيه
وده بسسب انى احب ان ربنا يكشف الحقايق مش بشر وزى ماقولت ليزيد الذين اهتدوا ها ويهدى من يشاء
ايه مفيش حد موافق على كده ولا ايه

يا ترمو ربنا اصلا كاشف الحقائق قبل اى حد بس احنا عاوزين نكتشفها ونتدبر القرآن مش معقول الاجانب يقولوا اللى هم اكتشفوها وهى موجودة فى القرآن الاولى احنا نكتشفها من القرآن.

ارجوووووووك افهمنى
على حسب كلامك اللى انا مش بالعه معلهش ازاى ربنا كاشف الحقايق وازاى نكتشفها ؟
انت زعلان انى الاجانب هما اللى بيوصولو لاعجاز القران لا ياسيدى متزعلش وهقولك ليه بيتهيالى ان المدح لما يجى من حد غيرك فى نفسك بيبقى اظرف وللقران مثلا اعلى مبالك بقى ان المدح ده جيه من عدو ليك او من حد انت على خلاف معاه فى نفس الموضوع (الدين )
بص اسهلهالك انتوصاحبك متخانقين على مقالتين انتو كتابتوهم فى مجلة واحدة انت بتقول مزاياك وهو بيقول مزاياه وفى الاخر هو يقول ان موضوعك انت احسن ويسبتلك ده علميا بزمتك هيبقى فىه بعد كده كلام
وبعدين انت خرجتنا من صلب الموضوع انت توهتنا اصلا لو سمحت اذا مافهمتش الموضوع رجااااااااااء ابعت لصاحبه على الخاص اسئله عشان متشتتش الناس وبقول نقفل الكلام على الجزء ده لاننا مش اهل علم بيه

وعلى فكرة لو كنت افتكرتنى اختلفت مع فيت فى الردود لا تبقى غلطان فيت فهم اللى انا عاوز اقوله مية فى الميه مش عارف بقى انت روحت مننا فين وعلى فكرة هسبتلك ده دول اول تلت سطور من كلام فيت وده بالظبط اللى انا عاوز اقوله واللى لو قريت كلامى اللى فى الاول كويس هتفهمه
بالتأكيد يا تيرمو ربنا أنزل القران ، وبه الكثير من المعجزات ، واحنا
علشان مسلمين لا نسعي الي المدركات لاني نت المفترض اننا مسلمين بيها اصلا
.
لكن أنا شايف اني دراسة القران ده من باب التعقل واثبات قدرة ربنا الخالق ، والقران دعا الي هذا .
ومش معني ده اننا ندرس علشان نسبق ، ولكن ندرس علشان هذا يستحق الدراسة .

هقولك حاجة اخيرة كلامى ده ملهوش اى تاثيرات تانيه والله وبقولك كمان احنا ممكن نهزر مع بعض فى ابواب تانيه كتير وممكن نرد على مواضيع احنا اصلا مقرينهاش او قرينها بسرعة من غير مانفهمها بس هنا فى المنتدى الاسلامى بيتهيالى لازم نركز قوى ومنردش الا لما نحس الموضوع قوى ونفهمه جدا ولو تلاحظ ان فيه ناس ردودها كتير قو فى الاقسام التانية بس هنا تلاقى انهم قليلين مسالتش نافسك ليه بيتهيالى لان الدين مفيهوش فصال الدين ابيض واسود والحمد لله انا واحد من الناس مبردش غير لما اقرا كويس جدا او بلاش احسن

يارب متستتالش دمى وتقبل منى بصدر رحب

اولا: انا مش بهزر انا بكلم بجد مش عارف انت جبت الهزار منين.
ثانيا: القرآن فيه معجزات ايوه محدش ينكر بس كام واحد يعرف معجزات القرآن وبعدين هتقول احنا مسلمين بيها طب اساسا احنا مسلمين بالقرآن كله, حاجة زى كروية الارض كام واحد من المسلمين كان عارف ان الارض كروية مع انها فى القرآن الا لما الاجانب اكتشفوها واحنا قولنا ده موجودة فى القرآن.
ثالثا: انا قصدى احنا كعلماء المفروض نتدبر القرآن ونطلع منه المعجزات واحنا مش محتاجين مدح من حد ولا ايه؟ لان القرآن بتاع ربنا وربنا مش محتاج مدح من حد .

بالله عليك حاول تفهمنى وبالله عليك متردش لمجرد انك عاوز ترد لا رد واقنعنى بجملة واحدة مفيدة لانى مش لاقى فى اى ردودك رد مناسب على حاجة انا كتبتها او فيت كتبها على العكس بلاقيك بتخرجنى من موضوع رديت عليك فيه ودخلتنى فى موضوع تانى مش عارف ايه السبب

خليك معايا براحة هحاول اوصلك المعلومة بشىء من الناظ بس بالله عليك اقرا كويس ومتكروتش عشان اذا رديت تبقى فاهم انت بترد على ايه

اولا
موضوع رسالة من الماء ده مضمونه العام كالاتى
ان الماء مخلوق من مخلوقات الله الحية (1)تسبح له السموات السبع والأرض ومن فيهن وإن من شئ إلا يسبح بحمده ولكن لاتفقهون تسبيحهم !!
ان ربنا خلق من الماء كل شىء حى(2)وخلقنا من الماء كل شىء حى
اللى كشف الخقيقة دى علميا واحد اجنبى زى معظم الحقايق العلمية الى القران قال عليها مكشفها علميا اجانب(3)
اللى عاوزك تفهمه بقى من الكلام دهان احنا مسلمين بالمواضيع دى والدليل اهو من القران فيما معنى الايات اللى فاتت
الاجانب تسعى ورا الدراسة العلمية لانهم عندهم شك فى كل اللى احنا مؤمنين بيه من غير مانشوفه وعشان كده هما الاكثر كشفا للحقائق دى (يارب يكون اولا ده واضح)

ثانيا

فيت رد عليا قال ايه بقى قال للاسف اني النظريات الحديثة كلها بتيجي من برة ، مع أن القران فيه اعجاز علمي لو درسناه لسبقنا شعوب الارض .
رديت انا عليه قولتله كده انا مش برفض دراسة القران لاكنى ارى هذا المراى ان
الله سبحانه وتعالى قد اجمل القران بيانا وتبيانا وانزله على عبده بشيرا
ونزيرا والله منذ بعثة الرسول (ص) يكشف لنا حقائق القران واحدة تلو الاخرى
ليزيد الذين اهتدو هدى ويهدى من يشاء وهو فى ذلك رحيما بنا حكيما عليما
وسبحانه يعلم ما فى نفسى ولا اعلم ما فى نفسه ولا اقصد بكلامى تطاول او
افتراء او افتاء والله اعلم

كذالك ان الرسول (ص) من المؤكد انه
ادرك ان القران فى بليغ معانيه بدرجة من الصعوبه على الصاحبة وتابعيهم
وعلى الرغم من ذلك لم يتناول تفسيره

من راى المتواضع ليس هناك من
العقول البشرية عقلا قادرا على استيعاب وتفسير كلام الله صحيح التفسير وكل
ما كان من العلماء هو اجتهادات ترنو الى الصحة وقد تنئى عنها
ولاكن الله هو القادر على اظهار قدرته لعباده كما قال تعالى ويريكم اياته الى اخره
ولو انت مش فاهم كلامى اللى فات ممكن الايه دى تفهمك
سنريهم آياتنا فى الآفاق وفى أنفسهم حتى يتبين لهم أنه الحق

انت بقى ظهرت لتبدع قائلا ايه
صح يا فيت يعنى الاجانب بيسعوا لهذا وبيتعبوا احنا ممكن نثبت ده بفهم القرآن .
يا ترمو ربنا اصلا كاشف الحقائق قبل اى حد بس احنا عاوزين نكتشفها ونتدبر
القرآن مش معقول الاجانب يقولوا اللى هم اكتشفوها وهى موجودة فى القرآن
الاولى احنا نكتشفها من القرآن.
والله مش لاقى حاجة اقولها ترد على كلامك ده (ربنا كاشفها ونكتشفها )(الاجانب يقولوا اللى هم اكتشفوها وهى موجودة فى القرآن
الاولى احنا نكتشفها)

انت ازاى تكشف حاجة ربنا كاشفهالك معنى كده انك متشكك
وازاى تكشف حاجة موجوده فى القران المفروض انك فاهمها جدا ومؤمن بيها وانت بتقول ليه الاجانب هما اللى بيكتشفوها لانهم هما اللى بيدورو عليها لانهم متشككين

ولما قولتلك

احنا ممكن نهزر مع بعض فى ابواب تانيه كتير وممكن نرد
على مواضيع احنا اصلا مقرينهاش او قرينها بسرعة من غير مانفهمها بس هنا فى
المنتدى الاسلامى بيتهيالى لازم نركز قوى ومنردش الا لما نحس الموضوع قوى
ونفهمه جدا ولو تلاحظ ان فيه ناس ردودها كتير قو فى الاقسام التانية بس
هنا تلاقى انهم قليلين مسالتش نافسك ليه بيتهيالى لان الدين مفيهوش فصال
الدين ابيض واسود والحمد لله انا واحد من الناس مبردش غير لما اقرا كويس
جدا او بلاش احسن
رديت قولتلى

اولا: انا مش بهزر انا بكلم بجد مش عارف انت جبت الهزار منين.

ده معناه انك مقريتش اللى انا قولتهولك اللى كان معناه اننا ممكن نرد من غير منقرا فى اقسام تانية بس هنا لازم نقرا كويس جدا قبل مانرد

واخيرا قولتلى الابداع الكبير اللى انا مش فاهم منه حاجة ده
ثانيا: القرآن فيه معجزات ايوه محدش ينكر بس كام واحد يعرف معجزات القرآن
وبعدين هتقول احنا مسلمين بيها طب اساسا احنا مسلمين بالقرآن كله, حاجة زى
كروية الارض كام واحد من المسلمين كان عارف ان الارض كروية مع انها فى
القرآن الا لما الاجانب اكتشفوها واحنا قولنا ده موجودة فى القرآن.
ثالثا:
انا قصدى احنا كعلماء المفروض نتدبر القرآن ونطلع منه المعجزات واحنا مش
محتاجين مدح من حد ولا ايه؟ لان القرآن بتاع ربنا وربنا مش محتاج مدح من
حد .

بس هحاول ارد عليه على حسب مافهمته
يعنى كام واحد يعرف معجزات القران انت معدتش على المعلومات اللى بتقول ان القران فى حد زاته معجزة ومعدتش على المعلومات اللى بتقول ان القران فى معجزات تنبئية للرسول (ص)كان تنبا بحاجات حصلت فعلا ومعدتش على الاية اللى بتقول

سنريهم آياتنا فى الآفاق وفى أنفسهم حتى يتبين لهم أنه الحق

منين ده كله مش من القران واللى معظمنا عارفينه وعارفين اكتر منه اللى عاوز اقولهولك انك متعممش الجهل اللى عندك على كل الناس وده اللى شايفه فى كلامك لقرآن فيه معجزات ايوه محدش ينكر بس كام واحد يعرف معجزات القرآن

واخيرا موضوع المدح انت بتقولنى اللى انا مقولتوش ده اللى انا قولته
المدح لما يجى من حد غيرك فى نفسك بيبقى اظرف وللقران
مثلا اعلى مبالك بقى ان المدح ده جيه من عدو ليك او من حد انت على خلاف
معاه فى نفس الموضوع (الدين )
بص اسهلهالك
انتوصاحبك متخانقين على مقالتين انتو كتابتوهم فى مجلة واحدة انت بتقول
مزاياك وهو بيقول مزاياه وفى الاخر هو يقول ان موضوعك انت احسن ويسبتلك ده
علميا بزمتك هيبقى فىه بعد كده كلام

ده كان مجرد تشبيه عشان افهم حضرتك يا جو بس انت فهمت اننا بنتكلم على واحد صاحبك فعلا ولا ايه وقولتلى ربنا مش محتاج مدح من حد
اشبهلك حاجة بحاجة تقولى اننا بتكلم على الحاجة دى انا مقولتلكش ان القران محتاج مدح ولا ربنا محتاج مدح من حد انا هسالك سؤال بسيط جدا وهو اخر وسيلة عندى انك تفهم

ايه شعورك واللى قال الكلام ده واحد اجنبى مش مسلم ؟؟

انا عن نفسى فرحان جدا لان بعد كلام الخصم لايوجد كلام زى مابيقولو الاعتراف سيد الادلة هو اعترف بكده انت تقوله لا استنه لما انا اقولك وبيتهيالى لو انت كنت سباته وقولت اللى هو امن عاوز يقوله هو ماكنش بحث ولاقاه واقتنع بيه بمحض الصدفة بدون اىدوافع وى ضغوط

اولا شكرا وعلى فكرة انا مش جاهل انت اللى مش عاوز تفهم ومش مهم تفهم علشان الموضوع ده عاوز نقاش طويل وعمرك ما هتفهنى ولا انا هفهمك الا لما نقعد مع بعض.وشكرررا

أولا يا ترمو يا ريت تقلل من استخدام الكلمات اللي ممكن تضايق اللي بيكلمك وتستخدم كلمات
تانية ( يعني" جاهل" دي ممكن كنت تقول بدالها "علمك مش كفاية بيها" على سبيل المثال يعني ) .

ثانيا يا يوسف بالنسبة لان احنا نفسر القرءان بطريقة علمية زي مانت بتقول فده صعب شوية
لإنك صعب تعرف الحقيقة العلمية من تفسيرك للقرءان .
يعني ف المثال اللي انت جبته بتاع الأرض كروية ده ..... قبل ما العلماء يكتشفو الكلام ده كان
صعب جدا تستنتج الحقيقة دي من تفسيرك للأية .
إنما بعد اكتشاف انها كروية وجدنا ان كلام القرءان متماشي معاها وبيثبتها .

يعني بنعرف الاكتشافات الأول وبعد كده بنلاقي القرءان بيؤكدها مش العكس .

ثالثا يا ترمو انت قلت الاجانب تسعى ورا الدراسة العلمية لانهم عندهم شك فى كل اللى احنا مؤمنين
بيه من غير مانشوفه وعشان كده هما الاكثر كشفا للحقائق دى
أعتقد ان الأجانب بيوصلوا للحاجات اللي بيكتشفوها دي بغرض الدراسة مش بغرض تخطيء
القرءان بدليل انهم اصلا مابيبقوش عارفين انها مذكورة ف القرءان إلا بعد ما بيكتشفوها .

وطبعا كل الكلام اللي انا قلته ده مش حقائق ولا فتاوى
دي وجهة نظري وبتحتمل الصواب أو الخطأ .

يا ترمو انت قلت الاجانب تسعى ورا الدراسة العلمية لانهم عندهم شك فى كل اللى احنا مؤمنين
بيه من غير مانشوفه وعشان كده هما الاكثر كشفا للحقائق دى
أعتقد ان الأجانب بيوصلوا للحاجات اللي بيكتشفوها دي بغرض الدراسة مش بغرض تخطيء
القرءان بدليل انهم اصلا مابيبقوش عارفين انها مذكورة ف القرءان إلا بعد ما بيكتشفوها

انا ماقولتش حاجة عكس ده
والله يفتح عليك يا بنى

اما الجهل فانا مش اقصد اهنة انا متعمد رقة الافاظ عشانت محدش يزعل انا فى حاجات جاهل بيها واى حد كده

» رسالة غرام من ارهابى لأرهابية
» أكتب أجمل رسالة حب وصلتك
» رسالة مبارك لشعبه المصرى