خش اضحك شويه

صعيدي بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ

***

ياعوضين بنتك ماتت
قام الصعيدى وبسرعة رمى نفسه من الطابق العاشر
لما وصل الطابق الثامن تذكر انه ما عندوش بنت
لما وصل السادس تذكر انه مش متجوز
لما وصل للرابع تذكر انه مش عوضين ولكنه حسنين
لما وقع عالارض ماحصلش حاجة

***
حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه

***
واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون

***

مره واحد صعيدى قابل واحده سالها : انتى منين
قالتله: وات؟
قالها: اجدع ناس الوتاوته

***

فى عيل صغيره عمال يقول يارب خلى باريس عاصمه لبنان يارب خلى باريس عاصمه لبنان امه سمعته ليه بتقول كده قالها اصلى كتبت كده فى الامتحان

***
مرةحلاق نحس محدش بيحلق عندة اشترى بطيخة لقاها قرعة قالها حتى انتى بتحلقى برة
***
اثنين محششين قاعدين قدام مراية....الأول قال قوم نسلم على اللي قاعدين قدامنا، ولما وقفوا قال الثاني اقعد اقعد
هما جايين علينا.
***

تلاتة ركبوا طيارة ...واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الفرنساوي اشرب فراولة يا فراولة
و رد الصعيدي اشرب لبن يا جاموسة
***
مرة فيل داس على نملة قالتله ياواد يا تقيل هههههه
***
خدوه كمان شويه فوازير

ايه اللي قبل الحشره؟

...... تشعه...
***
لية الخشب يتيم؟

علشان مقطوع من شجره
***
ليه النمر بيجرى ورا العربيه!!!!

علشان يعاكس النمره

يارب تعجبكم

مشرف المساهمات : 256 تاريخ التسجيل : 01/08/2009

زودتها قوى يا عاشق ... الواحد مبقاش عارف
يخاف عليك من مين ولا مين ... أنا سمعت إن
الصعايدة مغربلين الكرنيش ... وخصوصا وكر العشاق

ههههههههههه تسلم ايدك على رأي اللي انت عارفه

معلش ياعاشق انا لغيت النكتة اللى مينفعش تتحط هنا

لانك عارف انه فى مراقبة على النت بسبب الحاجات دى

على فكرة يا عملرو انت ما لغتش حاجة ولو لغيت حاجة هيبقى ليه تصرف تانى

يا زيكو احنا داخلين المنتدى عشان كل واحد يقول رايه بصراحة وبدون قلة ادب بس مش عشان كل واحد بقى مشرف يشيل الى هوه عاوزه يرايت تفهم كلامى و تفهم عمرو عشان هوه وهخدها عند معاية وشكرا

يازيكو لو انت شايف ان اللى انا شيلته من نكت عاشق مش من حقى

قول وانا والله اوعدك انى والله مش هدخل المنتدى تانى بس قبل ماتحكم

شوف الاول النكته بس هى مش موجودة وانا هبعتهالك فى رسالة

وشكرا

ده لو كده بجد كان زمان نص المنتديات اللي عالنت اتشمعت .
وللا قصدك يا عمرو ان منتدانا متعين له ناس مخصوص ؟

وايه يا عاشق الموضوع التاني ده كمان !

طيب ما عمرو قال ليك معلش انا لغيت النكتة يعني مش عند ولا حاجة .
وبعدين ما جتش على نكتة يا عاشق وروؤو كده شوية انتو الاتنين .

مشرف المساهمات : 256 تاريخ التسجيل : 01/08/2009

ياريت يا جماعة الحوار بينا يكون غير كدة
ومفيش داعى للحدة وبعدين لا ضرر ولا ضرار

انا مش هقول مش هدخل المنتدى تانى شكل ما عمرو قال لان فكرة المنتدى عجبتنى وممكن تكون الفكرة اللى بيها هنطور برشوم بس انا هقول حاجة بسيطة اكيد كلكم شوفتم الموضوع بتاع ده اخف نكت قبل ما عمرو يشيلوا ودى اول حاجة بعيبه عليها انا هوه ما استناش راى زيكو ويرايت كل واحد فى المنتدى الجميل يقول رايه بكل صراحة فى ان عمرو له الحق فى انه يشيل الموضوع ولا لا ولو له الحق اوعدكم انى مش هحط مواضيع شكل دى تانى وانا فى رايى ان الموضوع عادى ولا حرام ولا عيب وانا مش هزعل وهعتبرها نصيحة من اخواتى وانا اسف انى طولت عليكم بس يرايت كل واحد يقول رايه بصراحة وشكرا

على فكرة ده الوضوع اللى عمرو حدفه ويرايت يا عمرو ما تشلش الموضوع غير لما نسمع راى كل واحد فى المنتدى ويرايت كمان مرة عشان لوانا غلطان ما حطش مواضيع شكل دى تانى ولو انا مش غلطان زيكو يجبلى حقى
دى اخف النكت اللى نقتها من بين عشرين نكتة
لان الباقى هيودينى ف داهيا
دا فى حالت لو مرحتش يعنى

*****************
اتفضلو
*****************

دكتور عربي ,دكتور ياباني ودكتور أمريكي في مؤتمر عن زراعة الاعضاء
قال الامريكي: احنا كان عندنا واحد ما بيشوفـش ,جبنـا قطـة ودبحناهـا
وأخــذنـــا عـيـنـيـهـا وزرعـنــاهــم لـلــرجــل ..!!
اللـي كـانـوا واقفـيـن قـالـوا لـه:يـاااه؟ وبيـشـوف كـويـس ؟؟
قـال لهـم : طبعـا بيشـوف , وبيشـوف اللـي ورا الشمـس كمـان ..
قال الياباني: احنا كان عندنا واحد كبـده تعبـان , فجبنـا قطـة ودبحناهـا
وأخـــذنـــا كــبــدهــا وزرعــنــاهــا لــــــه ..
قالوا : وبيشتغل كويس ؟ قال: أمـال .. ده بيهضـم الزلـط ده الوقـت..
العربي قال: احنا بقى كان عندنا واحد مخه بايـظ ,رحنـا شايليـن مخـه
وحــطــيــنـــا بــــدالـــــه جــــزمـــــة..!!
قـالـوا لــه : ايــه ؟؟ مــش معـقـول !ولـســة عـايــش؟؟
قـال لـهـم طبـعـا ..ده مـسـؤول كبـيـر عنـدنـا ده الـوقـت...

***********************

وقف الزعيم الديمقراطي يلقي خطبة أمام الشعب فاندمج في خطابه و أخذ يقول : نحن بلد الديمقراطية نحن بلد التقدم نحن بلد التطور فقام مواطن و قال : سيادة الرئيس أين الديمقراطية؟ أين التقدم؟ أين التطور؟ فلم يرد الرئيس و اندمج في خطابه و أخذ يردد: نحن بلد الديمقراطية نحن بلد التقدم نحن بلد التطور فقام مواطن اخر و قال : سيادة الرئيس أين الديمقراطية؟ أين التقدم؟ أين التطور؟ أين الرجل الذي كان بجانبي؟....

**********************

مره لاعب بعد ماتش بلده فى النهائيات بيميل على الريس وبيقوله معلش يا ريس على ضربه الجزاء اللى ضاعت قاله مش مشكله يابنى منا مضيع البلد كلها ومحدش
قال حاجه....

**********************

مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا رئيس الوزرا: أنت جاي علي انا؟ روح شوف النائب ابنك جايب موتوسيكل وبقاله 3 أيام بيلف

طبعا الكلام دا فى دولة بمبوزيا مش عندنا

************************

اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.

************************
وشكرا

على فكرة شوف علشان انت ظلمتنى انا ماشلتش الموضوع والله

ولكن انا نقلته لقسم كلام سياسة لانى مش شايف فيه اى حاجة كوميدية

أنا مش عارف هو عمرو يقصد ايه بان فيه مراقبة عالنت زي ما قال فمش فاهم هو شال النكته ليه .
بس هو بعد ما شالها قالك يا عاشق بطريقة حلوة
يعني ماكانتش الحكاية مستاهلة كل ده .

أما الموضوع التاني ده ما عجبنيش أصلا علشان مابيضحكش والنكت بتاعته مبتذلة جدا وكمان قديمة
وانا متأكد انك كنت حاطه مخصوص علشان عمرو .

وبعدين يا راجل الريس ده بشر زيك وانت عمال تهزأه في النكت ليه
هي دي مش غيبة ؟ وماتقوليش نقد علشان الفرق جامد بينهم .

وأخيرا عايز اسألك هو انت ضامن ان اللي هييجي بعد حسني هيبقى أحسن منه ؟

ومش هاقولكم" معلش طولت عليكو" علشان انتوا اتعودتو مني على كده .

الله يخليك ياسمون وضحت اللى عايز اقوله

يا عاشق كل ما فى الموضوع ان عمور مش عايز اخوه اللى هو انت يجراله حاجه بسبب كلام من ده مثلا ويا راجل خلى كل حاجه تحت الافتراض ان حد دخل مثلا وقرا الكلام ده
هتروح انت ورا الشمس وهيتقفلنا المنتدى
بس متخافش مش هيحصل كده ان شاء الله
بس عمر وخايف عليك ومش نيته انه يمسحلك مواضيعك ولا حاجه
زى مانت تقصد وبعدين انت مالك ومال الريس هو اه قرب يخلينا نسيب البلد ونهج منها بس
كل واحد هيتحاسب عن اللى بيعملو
ومش مستاهله انك تزعل من عمر
عمر كل اللى مزعلو انك بتكتب المواضيع بتاعتك مش ف مكانها وهو كل همه انه يحافظ على شكل المنتدى وزيك بالظبط زى مانت عايز المنتدى يبقى شكله حلو
ف ابقى خلى النكت ف قسمها
وبعدين احنا هنا كلنا ف الاول والاخر اخوات
واللى يزعل ويقول انا مش داخل تانى
يبقى بيهرب
مش بيشترى راحه نفسه
ومفتكرش ان عمور ممكن يسيب المنتدى ف اىيوم من الايام
انا عمرى ما كنت اتكلمت مع عمر غير لما عملت المنتدى
ف بكده كسبت مش خسرت

اتمنى انى اكون مضايقتش حد بكلامى
وحصل خير
وبطلو خناق بقى
وعايزين نفوق المنتدى شويه كده

عمرو عنده حق
هو مشرف ومن حقه يعمل اللي هو عاوزة في القسم بتاعه ما دام شايف ان ده مش لمصلحة الموضوع رغم ان النكتة اللي كان حاططها العاشق مكانتش زي اللي حطهم بعد كده بس ده حقه
الموضوع التاني مش حلوووو
وبعد كدة يا عمرو ابقى اختار الوقت المناسب
وارجو ان ميكنش الحوار بيننا يكون بالشكل ده تاني

اشكرك يا دكتور واشكر زيكو وكل من قال رايه بصراحة ويرايت يا عمرو تحدف الموضوع عشان انا كنت حاطه عشان اعرف راى الاعضاء والحمد الله فرحت برايهم اوى وشكرا

» شويه غتاته.
» شويه ايطالى
» اتحاد الكوره (شويه اطفال)
» شويه نكت على الحرفين كل حرفه وعليها نكته
» ابعد شويه عن السياسه واتفرج على الابداع