ازاى تعرف ان دا فيلم عربى قديم

ازاى تعرف ان ده فيلم عربى قدييييييييييييييييم ؟

vلما تلاقى البطل عيان فى السرير وتقدم له البطله حبه الدواء مع كوبايه ميه وبعد ما ياخدها تساله البطله فورا: ها عامل ايه دلوقتى ؟ المفاجأه انه يرد عليها الحمد لله بقيت احسن. ( كده بالسهوله دى هو واخد حبه البركه ولا ايه؟؟)

vلما يوصل البوليس لموقع الجريمه من غير ماحد يبلغ(تقريبا المخرج هو اللى بلغ علشان يصور امال هيصور ايه؟؟)

vلو مشهد بقى لما ييجى البطل يقعد مع البطله لوحدهم ويحاول يضحك عليها تلاقى لقطات الامطار الغزيرهواالبرق والرعد والشباك ينفتح بقوه على مصراعيه(وتلاقى البطله فى المشهد مصيفه)

vلما تقول البطله للبطل انا حامل فيرد على طووول اللى فى بطنك ده لازم ينزل

(ويطلع ناسى انها مراته فى المشهد !......غالبا بيكون يوسف شعبان)

vلما تفاجا باغنيه طلعتلك فى نص الفيلم مالهاش اى لازمه وتبقى مش عارف ايه علاقه الاغنيه والفيلم (اندماج بقى....حول على مولوتى احسنلك )

vلما يكون مستحيل ان التليفون يكون مشغول والطرف التانى يرد قبل ما النمره تجمع اصلا ولا تسمع جرس

(هو ده الكلام مش صداع تليفونات اليومين دول !)

vالعباره
السازجه الشهيره فى مشهد القبض على المجرم: سلم نفسك " يامعلم دبور"
المكان كله محاصر وبعد ما المجرم يموتله اتنين تلاته عشره من البوليس
ويمسكوه بالصدفه فى الاخر تلاقى الظابط بيقوله بكل فخر : مفيش جريمه كامله
وانت كنت فاكر انك هتهرب من البوليس بعملتك دى

vلما يتخانق البطل مع المدام ويطلع على البار اللى دايما بيبقو عارفينه فيه (حتى لو اول مره يروح) ويملا الكاس على اخره (ايه هو بيسكر بعصير قصب)

vلما يخرج الدكتور من اوضة العمليات يقول جمله من تلاته
-اضطرينا نضحى بالام عشان الجنين يعيش(قصدى العكس طبعا ضحوا بالجنين علشان الام تعيش )
-شدوا حيلكم ياجماعه احنا عملنا اللى علينا بس اراده ربنا فوق كل شيئ(وتلاقيه ميعرفش الحاله كان عندها ايه اصلا)
-والجمله التالته بقى : العمليه نجحت بس مش هتقدروا تشوفوه دلوقتى(وتلاقى المريض بعد كده فى الانعاش د ه ان عاش بعد العمليه)
-
vلما
تلاقى البطل واخد الموزه بتاعته وقاعدين فى نفس الكازينو بتاع كل فيلم
اللى فى وش ماسبيرو ويطلبو اللمون اللى فى كل الافلام ويخلص المشهد من غير
ما حد يشرب حاجه( تقريبا علشان هيتصور بالمشاريب دىفى فيلم تانى)

vلما
يصاب البطل برصاصه فى قلبه وينزف الدم من بطنه زى صلصة الكشرى ويقعد يرغى
ويوصى اللى حواليه بتركيز وطلاقه لمده خمس دقايق يفك فيها لغز الفيلم
والاعلان عن القاتل الحقيقى او البطل يبقى مش ابن مين( والحياه ترجع بمبى تاااانى)

vلما
تلاقى البطله صاحيه من النوم متاخر وتجرى على السفره تاخد لقم سريعه وهى
واقفه فتقولها الام ماتفطرى يابنتى كويس تروح تقولها : لا ياماما علشان
الحق المحاضره وتبوسها وتمشى بعد كده تلاقى الام والاب بصوا لبعض ويبدأوا
فى الدعاء للبنت( وتلاقيها مستعجله فى الاخر علشان البطل واقف بالعربيه تحت البيت بقاله ساعتين وربع)

vلماا
تلاقى مقر العصابه مليان القش والبراميل الخشب وتلاقى التليفون بيرن من
جوه برميل....... المعلم بيتصل يطمن على المخطوفه (غالبا ليلى مراد)

vلما
تكون بتشوف مشهد مطارده جامد جدا وتسمع صوت العربيات وهى بتجرى والفرامل
اييييييييييييييه وتلاقى العربيات 128 وماشيه بسرعه 30 كيلو( ياسلام على الاثاره والتشويق)

vلما
تصاب البطله بالعمى وتقول: ايه ده ياجماعه انتوا طايفين النور ليه ؟ ولما
تعرف انها بقت عاميه تصرخ تقول لاااااااااااااااا انا عاميه انا عاميه...( ايه فرحانه اوى كده ) وفى اخر الفيلم اول ما يرجع حبيبها اللى كانت فاكراه ميت من سنين تفتح من الفرحه وتقول : انا بشوف انا بشوف (وتنزل كلمه النهايه)

لما تلاقى الفيلم اوله زى اخره يبقى أنت اكيد فى مصر

لما تلاقي في اخر الفيلم مكتوب ,,,,,,,,,,,,,,النهايه ,,,,,,,,,,,,,,,
يبقي اكيد فيلم قديييييييييييييييييم

لما تلاقى الممثل اللى عامل الأب دايما بنته بتخدعه ويقولك "قلبى قلبى " يبقى دا فيلم عربى

لما تلاقيك متوقع الفيلم من قبل ما يبدأ هيكون ازاي يبقى ده فيلم عربي
لما تلاقي الفيلم احداثة رتيبة ومبتتغيرش يبقى ده فيلم عربي

منور يا ساحر

قشطه على احلى شباب

ده نورك ياعم زيكو

لما تلاقي البواب اسمه عبده والبطله ماتقولوش غير يا عم عبده .......وغالبا في اخر الفلم بيطلع ابوها أصلا.

ولما تلاقي الخدام اسمه عثمان .......(ولازم يكون اسمر) بيتكلم عربي ونوبي ومراته سمرا وبتتكلم نوبي بس وصاحبه اسمر وبيتكلم نوبي بس ويدخلو مع بعض في نقاشات طويله (ييجي نص الفلم كده وللا حاجة ) ولازم يتخانقوا مع بعض فيها .

ولما تلاقى البت بتقول لامها يا ( نينه) .

ولما تلاقي الناس بتقول (مصضأ وممنون وأوتوموبيل ...........وكلام كتير غريب كده )
زي ما يكونو بيتكلموا لغة تانية غيرنا .

ولما تلاقي أسماء الممثلين والإنتاج في أول الفلم مكتوبة بخط إيد وحش على ورق معفن.....وكمان الورق عمال يتهزز منهم .

ولما تلاقي واحد بيراقب واحد تاني من على مسافة اتنين متر ونص والتاني مش واخد باله ..
وغالبا اللي بيراقب بيبقى لابس نضارة شمس .

ولما تلاقي اللي بيسوق عربية عمال يلف في الدريكسيون يمين وشمال مع ان العربية ماشيه مستقيمة.....وهو بيلف الدريكسيون بغباء اصلا لو ماشي في صحرا هيعمل حادثة

ولما تلاقي مخبر البوليس ماسك عصاية ولابس بالطو طويل زي بتاع كرومبو وبيبقى ماسك جورنال بيقرا فيه ..............وغالبا لازم يطلع بيورنش جزمته طول الفيلم .

ولما تلاقي البطل أو البطلة بتعزف على بيانو وهي بتغني وتسيبه وتقوم وبقدرة قادر تلاقي صوته لسه شغال لوحده وفجأه تلاقي أوركسترا دار الأوبرا بقيادة عمر خيرت بتعزف معاه كمان وكل ده مالوش أي أثر في الفيلم وماتعرفش جاي منين .

ولما تلاقي فيلم ديني زي الفل وفجأة تطلع رقاصة برده زي الفل تاخدلها تلت الفلم...... عشان تعرف مجون الكفار كان عامل ازاي !....
أيوة طبعا لازم ننقل التاريخ كما كان !
يعني نحرف في الدين يا عم الحج ؟!!!

مش صح الكلام ده كله وللا ايه رأيكو ؟

هههههههههههههه وولما تلاقى ان البطل ديما مش بيموت

وساعات بيموت ويصحى تانى

» لو عايز تعرف مشرفو المنتدى بيشوفونا ازاى ادخل
» آخر أيام الأرض ,, أول فيلم بالعربيه يناقش أحداث النهاية .. فيلم رااائع
» The Lord Of The Rings عربى
» حكمة قالها حكيم ...... قصدي طالب طب قديم
» حوار بين ساندوتش فلافل ومواطن عربى