دورك ايه فى ثورة 25 يناير

عملت ايه للثورة ياترى اتفجرت ع التليفزيون المصرى ولقيت الدنيا هادية وقلت الحياه حلوة وخلاص
امال اتفرجت على قناة الجزيرة ولقيت اشخاص العربيات بتدهسها وزعلت شوية وخلاص
ولا نفضت لكل شى وقعدت قلت الى يقعد يقعد والى يمشى يمشى هناخد منها ايه وخلاص
ولا دعيت ليهم ربنا ينصرهم ولا دعيت عليهم انهم وقفوا البلد وعطلوا الدنيا
امال عملت ايه زعلت انبسطت ضحكت بكيت نفضت ولا فكرت دول صح ولا غلط ولا لعبة عيال ع الفيس بوك
علمت ايه
موضوع كبير جداا وعليه هنعرف احنا هنغير ولا لا
من الممكن اننا نغير نفسنا ومنسكتش على بيحصل فى البلد
بقى بلدنا قريتنا برشوم بتسرق وبتتستغل وبتضيع واحنا يا معشر الشباب واقفين نتفرج
عاوزين نتغير بقى انا بشوف مصر داخله على عهد جديد عاوز العهد الجديد ده يبقى فى قريتنا نقدمها نطورها ننظفها نشرفها بينا .
فى مصر بيقولوا عاوزين نلغى قانون الطوارئ
واحنا بنقول نفوق الغفر بتوعنا الى نايمين
فى مصر يقولوا عاوزين ننظف مصر من الفساد والزباله
واحنا بنقول ننظف بلدنا من الهليبه والحراميه والزباله
فى مصر بينادوا ويقولوا "عيش حريه كرامه انسانية "
واحنا بنقول "عيش وطعمية والباقى عليا "
ليه منتغيرش دعوة للتغير والله لنفتخر اننا من البلد دى ومهما لفيت ودورت مش هتلقى زيها
برشوم جزء من مصر لازم تتغير
ونقول لفساد ارحل

بصراحه بشكرك يا مش عايز اقول يا مجهول لا هقول يا ابن برشوم
فعلا احنا لازم نبدا صفحه جديده بكل المقاييس ونغير حاجات كتير
يعنى بعد كده منشوفش الزباله بتترمى على الترعه ونسكت
ميبقاش فى ناس بتشرب بنجو وبتسئ للبلد ونسكت
منلاقيش راجل عجوز بيتهان ف الشارع ونقف نتفرج
ميبقاش العيال الصغيره بتسب الدين واحنا بردو ولا حول لنا ولا قوه
ميبقاش فى استغلال من ناس كتير واحنا واقفين ايد ورا وايد قدام
اه انت لوحدك وانا لوحدى مش هنعمل اى حاجه
بس لما نشارك بعض والناس كلها تتحرك دا بعد ما كل واحد يبدا بنفسه
ان شاء الله هتتغير
نفسى الناس تبقى موجوده بجد وتقول انا اهوه
وتشارك ف انها تحافظ على بلدها من كل حاجه
وحتى لو نعمل لجنه ونتابع بيها كل حاجه ف البلد ونحاول نغيرها

ياريت بس الشباب تشاركنا

ان شاء الله فى خطوه هتسعدك كتير واتمنى انك تشارك معانا

» ثورة 25 يناير
» دعاء واجب لكل شهداء 25 يناير
» القدره الالهيه لثورة 25 يناير