طبعا ياجماعة زي ما انتم عارفين بدأت الحملة الانتخابية والمرشحين كل واحد اعلن عن نفسه وعن الرمز بتاعه .
الانتخابات السنة دي بجد فيها حاجة ملفتة للنظر أوي ألا وهي رموز المرشحين .
انا مكنتش اتخيل اني في يوم من الايام اني الواحد يلاقي رموز تكسف بالشكل ده .
انا هجيب ليكم امثلة علشان الصورة تتضح شوية .
اكيد كلكم اتفرجتكم علي فيلم بخيتة وعديلة الجزأ التاني االي كان رمز بخيت وعديلة فيه الجردل والكنكة .
تتصوره ياجماعه اني في مرشح اقتبس الفكرة دي في الرمز بتاعه .
قريت انا في شبين القناطر علي صورة مرشح :
انتخبو .... رمز فنجان الشاي
مش فاهم اشمعنه فنجان الشاي يعني
طيب قدر دلوقتي انا دخلت اللجنة وطلع اللي في ورققة التصويت فنجان قهوة ، اعمل انا ايه دلوقتي
واحد تاني كاتب :
انتخبو ..... رمز المروحة
طيب بالزمة مروحة ايه في البرد ده ، مش كان افضل يبقي رمز السخان او رمز الشعلة ؟؟؟؟
واحد تاني كاتبلك ايه :
انتخبو ..... رمز العصاية
طبعا اكيد هتقول العصاية فيها ايه ؟
هقولك ياسيدي المرشح ده شاف الخناقات اللي كانت بتحصل في مجلس الشعب ، وشاف الاعضاء اللي بحدفو بعض بالجزم ، فحلف انه لازم يدخل بالعصاية علشان يطور اسلوب الخناق
مرشح تاني كاتب : انتخبو ... رمز السيف
ميكنش عنتر يااخواتي
طبعا ده واحد عاوز يأمن نفسه
وفي الاخر والله رموز تعل
الإثنين نوفمبر 15, 2010 8:21 am
