الاهلى على فين؟

يعيش اليوم الاهلى فترة متدنية فى المستوى بعد تراجع مشتوى الفريق ككل وتراجع مشتوى اللعيبة وتراجع مستوى فكر المدرب .
تقييم الاعبين:
1_شريف اكرامى:مستواه عادى ولسه مخدش الثقة مش عارف ليه مستنى لما يكون عنده اربعين سنة
2_احمد فتحى:يا سلام حدث ولا حرج لا بيباصى كرة صح ولا بيرفع صح زلا بيعمل اى حاجة
3-وائل جمعة:مستواه نزل اوى بس يعتبر متوسط
4_ شريف عبد الفضيل:مستواه كمساك عادى وانا بفضله يلعب فى اليمين ويلعب احمد السيد كمساك
5_حسام عاشور:هو حسام عاشور مش هيتغير
6_شهاب الدين:مستواه وحش من ساعة ما رجع من الاصابة
7-جدو:لسه مدخلش مع الفرقة وتوظيفه فى الملعب مش عجبنى بس لسه مجبش مستواه الحقيقى 8محمد بركات: انا حاسس انه زعلان متضايق مش بركات اللى احنا نعرفه
9_ابو تريكة:ابو تريكة لا يعطى الامل فى الرجوع تانى لمستواه
10_محمد فضل:بحش انه بيلعب بالشوكة والسكينة مش ناشف او مقاتل
11_سيد معوض:مستواه قل الفترة دى
12_محمد طلعت:ده بيجرى ويخبط وخلاص
13_محمد شوقى:اساسا لسه مرجعش من تركيا
14_فرانسيس:ده يلعب بلى احسن
15_غدار:شكله حلو بس لعبه بيقول غير كده
اما حسام البدرى فلازم يغسل دملغه قبل كل ماتش
اى خدمة يا سموان

يااااااااااااه يامحمد دى نظرة متشائمه جدااااااااااااا( لكل جواد كبوة )

بس شكلها كبوة هتقعد كتير

تمام يابو يوسف تشكر يا زوق .

اقتباس :

حسام عاشور:هو حسام عاشور مش هيتغير

يعني حلو وللا وحش ؟
وكده مين اللي عاجبك ف اللاعيبة ؟

وبعدين انت نسيت أهم لاعب ف الأهلي نفسي تقول رأيك فيه
مش هاقولك مين وانت قوللي رأيك فيه .

لا ياسموان

عماد متعب مفيش جدال عليه

ده من افضل ماانجبت مصر فى خط الهجوم

لا يا عمرو هو تقريبا سمون يقصد محمد بركات

لا يقصد عماد متعب وهو هيدخل ويقول بنفسه

طبعا اقصد عماد متعب هو في غيره أصل ليه حكاية قديمة معانا كده

انما بركات ده نجم مفيش كلام .

ها يا يوسف انت رحت فين ؟

وانا فاكره الحكايه يسموان

بس يجماعه من وجهة نظرى الرياضيه ان عماد متعب لاعب جامد

يا عم سموان عماد متعب لاعب حلو وكان عامل ماشتات حلوة وحتى لو وحش اكيد هيبقى احسن من اللى بيلعب فى الهجوم

أختلف معاك في النص الأول من الجملة
وأتفق في النص التاني

هي الحوجة بس اللي مخلياه يلعب بمستواه ده
يعني هو وحش بس التانيين أوحش .

لأ إحنا بنتكلم ع اللي بيلعبو مهاجمين ف مصر عموما
مش حد معين
يعني ممكن يكون فعلا مفيش حد كويس ف المركز ده
بس برده متعب مستواه مش عالي .

انا شايف ياسموان انه كان مستواه عالى اوى فى الفترة اللى لعبها فى اخر الموسم اللى فات

متعب كان حلو فى اخر السنة اللى فاتت ومكسب الاهلى ماتشات كتير

نرجع ونقول الاهلى رايح على فين؟
متهيالى كفاية كده على البدرى بقى احسن حل انه يستقيل
وده افضل حل له وللاهلى
وعلى ادارة الاهلى انها تجيب مدير فنى كويس وتفكر تجيب لعيبة كويسة فى الموسم اللى جاى
والا الاهلى مش هيقوم تانى ولا هياخد بطولة

يا شماتة الزملكاويه فينا

الاهلى لسه مغرقش بس لو فضل على كده هيغرق ومش هيعود تانى

قررت لجنة الكرة تعيين الكابتن عبد العزيز عبد الشافى مديراً فنيا للاهلى والكابتن سيد عبد الحفيظ مدير الكرة والكابتن محمد يوسف والكابتن ياسر رضوان مدربين والكابتن ابراهيم رياض مدرب حراس المرمى والكابتن محمد ابو العلا اخصائى التأهيل . وهذا القرار حتى نهاية الدور الأول .. وسوف يعلن الكابتن سيد عبد الحفيظ تشكيل الجهاز الطبى خلال الساعات القادمة . هذا ويعقد الكابتن عبد العزيز عبد الشافى مؤتمراً صحفياً فى الواحدة ظهراً غداً لتوضيح كافة الامور الخاصة بالمرحلة القادمة جاء ذلك بعد قبول استقالة الجهاز الفنى السابق الذى ادى مهمته عل الوجه الأكمل ..