فكرة جامدة منتظر رأيكم !؟!؟!؟!

بسم الله الرحمن الرحيم

السلام عليكم ورحمة الله وبركاته

بصو يارجالة

ياأعضاء المنتدى
الاعضاء الجميلة اللى بيفضلوا المنتدى عن اى موقع تانى

انا باذن الله فى دماغى فكرة كنت عايز اعملها من زمان

بس الوسيلة اللى كنت بدور عليها وماكنتش لاقيها ساعتها لقيتها
الحمدلله

ولذلك قررت

اطرح عليكوا الفكرة

وهى
..
.
..
.
.
.
.
.
..
.
..
.
.
.
..
.
.
.
.
.
..
.
.
.
.
..
..
..
.
.
.
.
.
..
.
..
.
.
.

مجلة شباب برشوم
فكرة جامدة منتظر رأيكم !؟!؟!؟! Icon_cheers

أيوة مجلة شباب برشوم

مجلة لينا احنا

خاصة دلوقتى كده

على ماتفرج ونبدأ ننشرها فى البلد

المجلة هتبقى بمشاركة الاعضاء اللى هنا

الاعضاء اللى نفسها تقول رأيها وتشاركنا

ويطلعوا مواهبهم

وان شاء الله الفكرة هتتنفذ بس باتنظار رأيكم فيها

واللى يتكلم يبقى صادق فى كلامه

مش يقول موافق

وبجى وقت الجد مانلاقيهوش

يالا بقى قولوا رأيكم

ولوعجبتكم الفكرة

هقولكوا على التفاصيل اللى انا اتخذتها

يالا سلام

فكرة حلوة وتبقى مجله على النت وفيها كل اخبار البلد والبلاد المجاورة ويبقى كل وااحد له عمود هههههههه

جامد يا عمور هو دا الشغل
وانا معاكو ان شاء الله

تسلم يا عمرو على افكرة الرائعة دى ويارتك كنت قلت عليها من زمان

فكرة جميلة أوي

مستنيين التفاصيل بقى .

كويس اوى ان الفكرة عجبتكوا

دلوقتى بقى انا بدور على الكتاب بتوع المجلة وطبعا مش اى حد هايكتب

ده لازم يبقى عضو فعال ويكون ملتزم دائما علشان نقدر نرتقى بالعمل ده
ان شاء الله

اللى بقى هايشترك معانا باذن الله وشايف انه هيكون قد التحدى ده

يقول ويقول ايه نوعية اللى بيكتبه او ايه القسم او الركن او الزاوية اللى هايقدر يبدع فيها

يالا مستنى منكم

العقول الناطقة

طيب ايه الأقسام المتاحة وطبيعة المجلة هتبقى عاملة ازاي

اتكلم عنها شوية كده !!

والله انا لسه ماستقرتش على حاجة من الاتنين وهما

الفكرة الاولى / انها تبقى مجلة عامة مثل اى مجلة

الفكرة التانية / انها تبقى مجلة للبلد خاصة باخبار البلد والمشاكل اللى فيها

بس انا بقول انى ممكن اخلط بين الاتنين

خليها عامة منها للبلد وبردو نجيب اخبار مصر مش احنا فى مصر بردو وبعدين انا عندى فكرة احنا ممكن نجيب اعمدة الكتاب الجامدين نحطها فى المجلة

بصوا بقى انا هاحط تقسيمة مبدئية للشكل العام

وانتو لو فيه حاجة ناقصه قولوها

القسم الدينى

القسم السياسى

القسم التعليمى

القسم الشبابى

قسم المرأة

القسم الصحى

القسم الرياضى

قسم الابداع

قسم خاص بالبلد

قسم المناقشات

قسم الطرائف والفكاهات

قسم الطفل

قسم التكنولوجيا والتطور

القسم الفنى

قسم المسابقات

قلل شوية يا عمرو او ضم اقسام فى قسم متنوع

ماهو انت مش عارف اصل كل قسم من دول هيبقى جواه كتير اوى

يعنى هيشمل كذا عمود او ركن

أنا رأيي زي ما يوسف بيقول نضمهم على بعض شوية

انت شايف المنتدى نفسه مواضيعه قليلة يعني ما تتخيلش ان المجلة هتبقى زحمة أوي للدرجة دي .

انا راى طالما بقت مجله برشوم
تبقى كلها مجله تخص برشوم وكل مواضعها تبقى مواضيع برشوميه
بحيث ان نساعد الناس على انها تكتب وتبدع وف اى قسم
يعنى اللى يختار الرياضه يكتب كل حاجه عن الراياضه ف برشوم ولو من 10 سنين لحد دلوقتى
ولو التعليم يكتب كل حاجه عن المدرسه وزمان ودلوقتى
وبكده الناس تكتب عن بلدها وف اى قسم
حتى الشعر ممكن اللى يختار السعر يكتب شعر ف برشوم
دا راى
شوفو كده ونحاول نعملها ونقلل الاقسام بحيث ان اللى هنكتبه يخص بلدنا

انا رايى اننا نحاول نقلل من حجم المجلة علشان مفيش اساسا مشاركة وبعدين ممكن تصرف الاعضاء عن المنتدى

وأنا بضم رأيي لرأيكو

ونخليها صغيرة كده لغاية ان شاء الله ما تخرج للنور وترجع مجلة برشوم تطبع تاني زي زمان

نبقى نعمل الأقسام اللي احنا عاوزينها .

فكرة جميلة ياعمرو وياريت زي ما بتقول لازم الاخبار تكون برشومية خالصة نعبر فيها عن ارائنا بصراحة ونعرض فيها مشانل البلد ومقترحات فعالة تخدم البلد ونوعي الشباب تجاه مشاكل العصر .

بصوا اولا شكرا ليكوا على تفاعلكم مع الفكرة
وشكرا ليك ياستاذ اشرف انا كنت شايل هم
ان انت ماتكونش معانا فى الفكرة

ثانيا انا فعلا قولت انها كبيرة اوى فانا هقللها شوية

بس فكرة انها تبقى للبلد بس انا مش مرتحالها

انا نفسى المجلة تبقى شاملة وبعدين هيبقى فيه قسم خاص للبلد بخصوص المشاكل والمشروعات
اما بخصوص الابداع بتاعنا فهيبقى قسم الشباب خاص بينا بس برضه

بس اكتر حاجة عايزها تبقى موجودة فى المجلة هى السياسة
ويامحمد ماتحملش هم اللى هيكتبوا فيها خير ربنا كتير
وبعدين انت بتقول انها هتصرف الناس عن المنتدى
انا بخالفك تماما انا جبت الفكرة دى خصوصا علشان تجمع الاعضاء من تانى
وبكرة تشوف

هى فكرة جميلة أوى بجد ياعمرو وهى فعلآ هاتجمع الأعضاء من جديد
بس عاوزة أقول حاجة ممكن تنزل قسم كمان نتكلم فى عن العادات والتقاليد
الموجودة فى بلدنا أو ممكن ندخلوا جوة قسم من الأقسام الموجودة

طبعا ياسكاى كل حاجة عايزين تعملوها مثلا فكرة موضوع او ركن او زاوية

وياجماعة كل واحد عايز يكتب فى المجلة يقولى نوعية كتابته فين
او هو عايز يكون فى قسم ايه

أنا بأة عاوزة أكتب عن العادات والتقاليد دى

انا راى انها تكون مجلة متنوعة فيها اكيد اخبار برشوم والبلاد المجاورة وفيها الاحداث المهمة اللى بتحصل فى مصر

بصوا التقسيمة اللى جاية دى هتبقى نهايئية
ده بالاضافة ان لو حد عنده فكرة عايز يعملها مكان النقط تحط اوكيه يقول عليها
وياريت بسرعة ومستنى اخر رأى ليكوا
واللى مكتوب باللون الاحمر يبقى محجوز

القسم الدينى
( تفسير ايه _ حديث وشرحه _ الصحابة فى سطور _........)

القسم السياسى
(اخبار سياسة مصر _ موعد مع محافظة .....)

القسم التعليمى او الثقافى
( اخبار التعليم فى مصر _ علماء فى سطور _..........)

قسم الحب والرومانسية
( شعر رومانسى _ مشاكل الحب _....)

القسم الشبابى
(ابداع عضو _ اشعار جريئة _ مشاكل الشباب _ حوار مع عضو _.....)

قسم المرأة والطفل
(اسرار المرأة _ وصفات ونصائح _ طفلك يهمنا_......... )

القسم الصحى
( اخبار الطب فى مصر _ نصائح طبية _ مرض وشرحه_..... )

القسم الرياضى
(اخبار الرياضة فى مصر _ مشوار مع لاعب _تمرين رياضى _........)

قسم المنوعات
( اخبار الفن فى مصر _ كاريكاتير _طرائف وفكاهات _ ....... )

قسم خاص بالبلد
(احتياجات البلد _ مشاكل وحلولها _ عادات وتقاليد برشومية _.......)

قسم التكنولوجيا والتطور
(اخبار التطور فى مصر _الكمبيوتر وحمايته _ وقفة مع موقع _.....)

قسم المسابقات
( حل الالغاز _من اكون _ من صاحب الصورة _ ......)

يا جماعه خلاص انا حجزت
علماء فى سطور
وحوار مع عضو

تفسير ايه

بس لو في حد هيبقى موجود معايا علشان لو انا تغيبت وللا حاجة .
وعندي فكرة عن حظك الأسبوعي هابقى اشوفها واقولك عليها .

وفي سؤال هو ممكن عضو يكتب ف قسم عضو تاني حاجزه وللا هيبقى حصري ليه هو بس ؟

أنا عاوزة عادات وتقاليد برشومية
بس ياريت يبقى برده فى حد معايا

اقتباس :: تفسير ايه

بس لو في حد هيبقى موجود معايا
علشان لو انا تغيبت وللا حاجة .
وعندي فكرة عن حظك الأسبوعي هابقى
اشوفها واقولك عليها .

وفي سؤال هو ممكن عضو يكتب ف قسم عضو تاني
حاجزه وللا هيبقى حصري ليه هو بس ؟

بص هو هيبقى فى كل قسم حاجة ( هى ارسال اراء واقتراحات )
بحيث انك لو عايز تكتب حاجة فى قسم حد تبعتله رايك واللى انت عايزه وهو يشوف اذا كان فيه مكان ولا لا

اقتباس :: أنا عاوزة عادات وتقاليد برشومية
بس ياريت يبقى برده فى حد معايا

خلاص ياسكاى تم الحجز ليكى

وان شاء الله ياجماعة لو حد فيكوا اعتذر مرة ولا حاجة هبقى اكمله انا
بس مش معنى كده انكوا تتطنشوا هاا انا قولتلكوا اهو
مجلة يعنى التزام يالمواعيد والا مش هاتخدوا الراتب بتاعكوا

انا خلينى اخبار الرياضة فى مصر ومشاكل الحب هعملكو فيها اسامه منير ومستنين اتصلاتتكو على 6162

يارت ياعمرو تضيف للديتى موضوع ( قيم واخلاق ) وتحجزه لى

اقتباس :: يارت ياعمرو تضيف للديتى موضوع ( قيم واخلاق ) وتحجزه لى

لا مش موافق

انت بتقول ايه ياستاذ اشرف

انت تؤمرنى وبعدين انا كنت مستنيك تاخد اقسام كتير مش واحد بس

خلينا نبدأ بده اولا وان شاء الله الخير جاي قدام

طيب هو فيه مقابل مادي ولا هنشتغل وخلاص؟؟؟؟؟؟؟!!!!!!!!

مقابل ايه بس

بلا مقابل بلا مجاور

هتبقى تاخد مصاصة كل اسبوع

صحيح المجلة هتبقى أسبوعية صح ؟

عضو مميز المساهمات : 45 تاريخ التسجيل : 01/12/2009

ايه العنصريه دى واللي مش من برشوم يعمل ايه
عالعموم انا مسامحه لان صعب نلاقي شباب لسه بيحبوا بلدهم اوي كده
يلا ربنا يوفقكم

انا نفسى اعرف ( مصر ) ده عضو ولا عضوة شوية يقول عضو وشوية يقول عضوة

وبعدين المجلة هتبقى اسبوعية طبعا ياسموان

عضو مميز المساهمات : 45 تاريخ التسجيل : 01/12/2009

ليه كده تكدب في رمضان وبعدين هاتلي مره قلت فيها انى ولد

اصل انتى لما اشتركتى

اول حاجة كنتى بتعمليها او بتعملها

كنت بتنزل مواضيع فى كورة مصرية بالهبل
مش معقوله بنت هتعمل كده ولا انت ايه رايك

عضو مميز المساهمات : 45 تاريخ التسجيل : 01/12/2009

علي فكره في بنات بتفهم في الكوره احسن من الولاد 100 مره واللي انت بتقوله ده مش
سبب

ياستى انت بنت ولد مش مشكلة اهلا بيكى المهم انت منين؟

هى امنا مصر ...جرى ابه با محمد

يعنى اما عوز اروحلها اروح فين اروح العاصمة

وتروح ليه خليك هنا احسن

عندك حق

ايه اخبار المجلة يا عمرو ...!!!!

والله انا مستنى اهو لما بقيت الاقسام تتوزع

وعلى فكرة انا مش لاقى اى تشجيع غير منك انت بس

ليه كده ما أحنا مستنين والله
وبحاول كمان أرتب مواضيع
والله المجلة دى شاغلة كل تفكيرى
عوزاها تكون أحسن مجلة
ربنا معاك وتوزع بقيت الأقسام
وعلى فكرة ممكن اللى واخد قسم ياخد قسم تانى
علشان نقدر نوزعهم علينا
ونبدأ بأة

مانا قولت كده بس ماحدش اختار الا قسمين بس

ياريت ياجماعة اللى عايز يختار حاجة تانى يقول
ان شاالله يختار بقيت الاقسام كلها

بس اهم حاجة انه يلتزم باللى يختاره

طب ما تحت قايمه كده باسامى الاقسام والناس اللى اختارت لحد دلوقتى

» بيسمعوا كويس على فكرة
» الحب المستحيل.........................عاوزة أعرف رأيكم
» حجرة المناقشات ( فكرة جميلة )
» فكرة في دماغ فاضية .... وماذا لو وحدنا البراشيم ؟؟؟؟؟؟؟؟؟
» صورة بس جامدة