الحب المستحيل.........................عاوزة أعرف رأيكم

الحب مشاكله كتير وبيتهيالي ان مفيش قصه حب كانت خاليه من المشاكل

بس لما تكون المشكله دي ملهاش حل !! نعمل ايه ؟!!!

موضوعنا باختصار عن نوع من انواع الحب

ومن رايي هو اصعب انواع الحــــب

وهو الحــــــــــــــــب المستحيـــــــــــــــــل

والحب المستحيل ليه صور كتير اللي بتخلي ان الحب دا من الصعب او من المستحيل انه يكمل

ممكن يكون لوجود فارق بين الحبيبين سواء كان

الفارق الاجتماعي والمادي (فارق كبير)

فارق السن (الكبير طبعا)

او ممكن يكون لاختلاف

الدين و المعتقدات

أو العادات و التربيه

او رفض من الأهل لهذا الارتباط

او حب شخص مرتبط بشخص اخر او العكس

او الحب من طرف واحـــــد

والحب بيكون مستحيل لان في عوائق كتير بتكون قدامه وغالبا ما بيكون الاهل عامل رئيسي ان الحب يكون مستحيل

الحـــــــــــب المستحيل صوره كتير اوي

في موضوعنا هنا

عايزة اجابة للاسئلة دى:

ليه الحب دا مستحيل ؟

لو انت حبيت بنفس صوره الحب دا هتعمل ايه ؟

لو كان العائق الوحيد في الحب دا الاهل هتتصرف ازاي ؟

مستنية ردودكم الحلوة....!!!!!

بصى ياستى

انا من وجهة نظرى هديكى حلول

قبل اى حاجة لازم نكون مؤمنين ان كل ده قضاء وقدر ونصيب

لو الحب ده عائقه الدين فمفيش غير حلين . اما انك تحاولى تخليه او هو يحاول يخليها تبقى مسلمة او مسلم . اما انها او انه يبعدوا عن بعض نهائى لان مفيش حل اخر

لو الحب عائقه الفارق الاجتماعى او المادى . فده احيانا مابيبقاش عائق قوى وطبعا لو الحب قوى جدا فأكيد هيصنع المستحيل ده

لو الحب عائقه فارق السن ؟
انا شايف ان اللى حطوا نفسهم فى الحب من النوع ده هم المسئولين عنه تماما
والمفروض ان الانسان يدور عن السن المناسب علشان مايقعش فى المشكلة دى
اما الحل ليه .. والله لو الحب صادق والاهل موافقين خلاص اتوكلوا على الله
اما لو فى نسبة شك من الرجل او المراة ان الحب مش صادق فبلاش منه احسن

لو العائق بقى الاهل ؟

فيه حالات كتير

لكن طبعا الاهالى بيبقوا عارفين اكتر من ابنائهم وحريصين على مصلحتهم
واللى هما شايفينه صح هيعملوه

بس ياستى شوفتى الحكاية بسيطة ازاى

حاجة اخيرة
لمن يختلف معى فى الرأى اقول له .. لكم ارائكم ولى اراء والحياة ظلال واضواء ..

وشكرا

يارب اكون افدتك بحاجة

عارفه مستحيل ليه علشان ربنا مش هيكون راضى عنه
وانا بالنسبه ليه الحب
انك تحبى حد انت حاسه انه هيرفعك لمكانه دينيه اعلى
مش عارفه ازاى هتحبيه وهو على عقيده تانيه غير الاسلام
وده معناه انك مش قريبه من ربنا

انما لو العائق المستوى المادى فدى حاجه ملهاش لازمه وممكن تتحسن فى المستقبل
اما السن فلو كبير شويه مش مشكله لو زاد اوى عنك فهتتعبو اوى انتو الاثنين مع بعض

ولو العائق الاهل زى مبيقولو الى ملوش خير فى اهله ملوش خير فى حد
الأهل دول هما اكثر ناس عرفين مصلحتك ونفسهم انك تكون سعيده اكثر منك كمان

والاخير هقوله مش اى حاجه نحسها نحيت اى حد يبقى حب
ولما يكونو اثنين صادقين جداا مع بعض ربنا بيكرمهم علشان نيتهم خير
وطبعا كل شئ نصيب فى الدنيا

انا شايف اني فيه مثاليه كبيره اوي هنا ف الردود

الجواز دلوقتي بقي تقليدي واللي بيبقي جاهز هو اللي بيتقدم ويخطب ويجوز والاهل بيوافقو عليه لما يكون ع تدين ومعاه فلوس بغض النظر اني البنت بتحب او لا
ده كله من رايي كلام ف الهوا

دي وجهة نظري
تقبلو مروري

أنا شايف ان في تشاؤمية كبيرة أوي هنا ف الردود !

يا راجل زمن ان الأب يجوز بنته من غير رضاها ده راح خلاص وأكيد مفيش كده دلوقتي

والبنت اللي ترضى بالفلوس وتسيب الحب تبقى ما تستاهلش ان اللي حبها يفكر يزعل عليها أصلا .

بالنسبة لموضوعنا بقى ..... لو السبب :

الفارق الاجتماعي والمادي (فارق كبير) :

لو لصالح الزوج يبقى عادي من السهل انهم يتغلبوا عليه
انما لو لصالح الزوجة فبما انه كبير بيتهيألي ده مستحيل فعلا إلا لو اكتمل على حساب الكرامة
أو الاتنين بدأوا م الصفر وده مستحيل يحصل .

فارق السن (الكبير طبعا) :

نفس اللي فات .

لاختلاف الدين :

مستحيل إلا في حالة ان الزوجين يكتشفو انهم ما بيخلفوش لان الأساسي ف المشكلة هو الأبناء
اللي هييجوا انما الأزواج ممكن يتأقلموا مع كده .

العادات و التربيه :

عادي جدا وده الطبيعي .

رفض من الأهل :

مش مستحيل لان لو فيه قدرة من الإقناع عند الزوجين يبقى اتحلت .

الحب من طرف واحـــــد :

ده ممكن لو اكتشف الطرف ده ان ممكن يبقى ليه قبول عند الطرف التاني يعني مش شرط
يكون هو كمان بيحبه بس على الأقل فيه قبول ليه .

لو انت حبيت بنفس صوره الحب دا هتعمل ايه ؟

هاتصرف .

لو كان العائق الوحيد في الحب دا الاهل هتتصرف ازاي ؟

أكيد هاقدر اقنع أهلي وأفهمهم ان مش هاقدر اعيش من غير اللي بحبها
وكلمتين تهويش على قرع يتحل الموضوع .

اولا مفيش حاجة اسمها حب مستحيل احنا اللى بنخليه مستحيل
اما عن ظروف الحب
1_لو كان الفارق الدينى طبعا اكيد لازم الاتنين يكونوا مسلمين دى مفيهاش كلام
2_اما اذا كان الفارق اجتماعى لو الاتنين بيحبوا بعض اكيد هترضى تعيش معاه فى اى مستوى
3_اما فارق السن طالما بيحبوا بعض بردو مفيش اى مشاكل
4_اما اذا كان الرفض من الاهل هذا هو اصعب حاجة بس لازم نحاول ان نقنعهم ونثبتلهم انك هتكون سعيد مع الشخص ده وهو اكيد عاوز سعادتك
مفيش حاجة مستحيلة بس محتاجة مجهود زيادة من الشخصين

انا ماكنش الحب عمره ف نيتي
وانا معاك غيرت رايي وفكرتي
اها ياحبيبي لقيت ف قربك فرحتي
لو حبي ليك قالو انه عادي بيكدبو

شكرا
شكرا
شكرا

ايملى

بس اقل لحضرتك على حاجه
مفيش ورده لا تخلو من الشوك
ووارد انك تقابل مشاكل زى كده لان دا الطبيعى ان اى جوزاه بيبقى فيها مشاكل
بس لازم الانسان يكون صبور ويقدر انه يواجه اى مشكله كل دا طبعا بعون ربنا قبل اى حاجه
وكتير لما بيكون الاهالى سبب كل المشاكل بس اللى عايز يعيش وانه يلحق بيته واسرته هو اللى لازم يستحمل شويه لسبيل انه يقدر يحافظ على بيته من ان اى حاجه تاثر عليه
ف مش من اول مشكله او من عاشر مشكله يبقى الطلق هو الحل
ف كلها مشاكل وكتير من اللى متجوزين بيقابلوها ف استحمل شويه ويعينك ربنا
ممكن حماتك يكون طابع البيت كده عندهم انا معرفاش ومنفعش ان احكم عليها باى حاجه
ان وحشه او حلوه
بس الدنيا كلها كده
هو اه هم كل ام مصلحه بنتها
بس من اللى فهمته انك عايز ان يبقى ليها شخصيه وان تبقى مستقره وحياتها هى اللى تديرها باديها
هحاول اشوف حل تانى ان نتواصل معاك ونحاول ان نقابلك ونحل المشكله

ياعم زيكو اعمل كنترول على الحاجات دى .. انا هاسيبكم دلوقتى علشان الفجر دخل وبكرة لينا وقفة

طيب ليه مش فكرت اني ممكن انت تكون مقصر ف حاجات مع زوجتك
بمعني
انت كويس معاها ليه مش تبقي احسن من الكويس بشويه
صبور معاها ليه مش تبقي اكتر صبر بشويه
بتحبها ليه مش تبقي اكتر حب ليها
صدقني كل مشكله وليها حل
فكر تاني

ياخ abdoleانت تقول ان مشكلتك في حماتك ( حماتك مسيطرة على مراتك ) ومسيطرة على البيت ... ودائما في كل مشكلة بينك وبين مراتك حماتك تطلعك غلطان .... صح ...
اولا : برشوم مش حماتك فقط .ولله الحمد برشوم مليانه رجالة . بس من الواضح انك اسأت الاختيار من الاول ( دا بناء على كلامك )
ثانيا : احب اسالك ليه كل مشكلة مع مراتك بتكبر لحد ما توصل لحماتك .
ليه متحلش مشاكلك انت ومراتك بس ؟؟؟؟؟
ثالثا من الواضح انك عصبى لدرجة انك ضرنت مراتك ام بناتك بعد عشرة ثمانى سنوات .
رابعا : الحمى دائما لازم تقف في صف بنتها حتى لو كانت بنتها غلطانة من باب العصبية .
خامسا : لايصح بل لايجوز ان زوج يشهر بزوجته اللي عاشرته ثمان سنوات بالشكل اللي حضرتك عملته . وربنا سبحانه وتعالي يقول ( وعاشرهون بالمعروف او فارقوهن بالمعروف )
سادسا : من الواضح انك بتضايق من كثرة ذهاب زوجتك لامها مع انه حق من حقوقها بشرط لايؤثر ذلك على واجباتها نحوك
سابعا اتهامك لاهلها بالسرقة معناه ان الحبال انقطعت ما بينكم .
اخيرا : انت وزوجتك غلطانان .... وناسيين ان بينكم بنتين عاوزين ام واب يراعوهم ويربوهم كويس ... والمضرور الوحيد في المشكلة دي البنتين
...ياأخي اذاكنت باقي على مراتك شوف راجل ابن حلال من البلد ( وهم كتير ) يسعوا معاك في الصلح.ويكون له تأثير عاى حماتك ..واانت بتقول معاشرهم بقى لك ثمانى سنوات اكيد عارف حد منهم .
اما اذا كنت ناوى على حاجة تانية فليس امامى سوى ان اقول لك (عسى ان تكرهوا شيئا وهو خير لكم وعسى ان تحبوا شيئا وهوشر لكم )

انا معاك ياستاذ اشرف

شكرا
شكرا
شكرا
شكرا

بس حاول تتمالك اعصابك شويه
وعلشان خطرى متحاولش انك تذكر اسامى
لان ده بيبقى تشهير
واحنا سمعناك ومسمعناش الطرف التانى
ونفسنا نساعد
بس منعرفش مين الصح ومين اللى على حق
ف علشان خطرى بلاش موضوع الاسامى

عافارم عليك يازيكو .. الموضوع من طرف واحد .. يبقى الحكم مش عادل فى الموضوع ده .

شكرا
شكرا
شكرا
شكرا

طب انت ليه محاولتش تتكلم مع حد من دورك عندهم مثلا
يعنى ممكن لو ليها اخ ولا حاجه من دورك او ابن عمها او اى حد قريب من سنك
واهو يقدر انه يفهمك وممكن يكون اكتر واحد ممكن انه يساعدك
انا بتكلم من ناحيه المشكله اللى بينك وبين حماتك

شكرا
شكرا
شكرا
شكرا

بص اقول لحضرتك على حاجه
انت من كل اللى قولته ان كل المشكله ف ان حماتك مدخله حياتكم زياده عن اللزوم
هو يمكن انت ومراتك اللى سمحتو ب كده وانتو كمان اللى خليتو الموضوع بينكو يكبر ويروح لحماتك ويمكن كمان وهو رايح زاد لها كلام كتير ف ولع الموضوع
واكيد زى مقال الاستاز اشرف ان هى مع بنتها سواء غلطانه او مش غلطانه
والمفروض ان من الاول الموضوع كان اتحل بينكو هناك ف بيتكو ومكانش استنى انه ييجى هنا
ويبقى ف الوضع ده
وهقول لحضرتك علشان مطولش عليك
موضوع زى كده عمره ما هيتحل على النت
ولو بتنا نتكلم كده مش هنحل حاجه
احنا يمكن هنا كل اللى نقدر نعمله ان نساعدك ونهديك شويهوتشيل من دماغك فكره الطلاق دى
علشان فى اولاد حرام ان نظلمهم ويبقى ذنبهم ف رقابتنا
لانهم بجد هيتبهدلو
ف المواقف اللى زى دى ايه اللى بيتعمل بقى
اللى بيحصل ان بنرجع لاول واحد اتفق معانا وكان وسطه الخير ف الجوازه دى
واللى عرفنا على الناس ودخلنا بيتهم وهما قدروه وسلموله بنتهم وجوزوهالك
بنجيب الراجل والناس اللى كانت حاضره ف اتفاق من الاول بانك تاخد بنتهم
وكمان راجلين يكونو كويسين من عندكوكويسين من عندهم
وبيقعدو كل دول مع بعضهم
والكلام كلو يبقى كلام رجاله
وانتى تحكى اللى عندك وهما يحكو اللى عندهم
والناس اللى موجوده هى اللى تحكم بينكو
واللى يحكمو بيه هو اللى لازم يتنفذ
لان الناس دى اللى كانت حاضره اتفاقو من الاول
والناس دى هى اللى عرفتك باهل العروسه ف لازم يكون كل دول موجودين
شوف كده ورد علينا

ولو محتاج مننا اى مساعده ف اتفضل واحنا تحت امرك
وبعون الله نقدر نساعدك

فعلا كلام الاستاذ أشرف مظبوط جدااااااا
وزى مقال زكريا لازم تحكم ناس عاقله وعارفه ربنا كويس
ولو انت فعلا نيتك كويسه وواثق انك معملتش حاجه غلط فى حقها
اكيد ربنا هيكون معاك والى ربنا كاتبه لازم ترضا بيه
وياريت تحاسب نفسك كويس وتشوف ايه الى انت مقصر فيه وتحاول تصلحه

شكرا
شكرا
شكرا
شكرا
شكرا

بص حضرتك بردو انا عايز اوصل للناس اللى كان على ايديهم اتفاقات الجواز
واللى كانو واسطه الخير ف الجوازه بتاعتك
لان لوحد مننا مش هينفع انه يروح ويدخل على ناس ويقولهم قولولى ايه القضيه
علشان واحد كاتب على النت قضيته وعايزين نساعده
مع احترامى لحضرتك طبعا ما يمكن يكون مقلب ولا حاجه
ويحصل من وراه مشاكل
انا بردو نفسى اساعدك
بس زى ما بقولك
هى قاعده وفيها الراجلين اللى اتوسطولك على الجوازه دى واتنين من عندك يكونو ولاد حلال
واتنين من عندهم وتبقى قعده رجاله
بعون ربنا كل مشاكلك هتتحل وهتبقى حياتك احسن من الاول
اكيد يعنى انت قعدت معاهم وعارف مين فيهم بيحكم عقله وهيقدر يساعدك
انما موضوع الطلاق دا شيله من دماغك خاااااااااالص
علشان متظلمش عيالك
ولو اخر الحلول ياريت تيجى على نفسك شويه وتستحمل وبلاش موضوع الطلاق علشان العيال

انا مع زيكو والاستاذ اشرف ف الكلام بتاعهم وخصوصا من ناحية حل المشكله وانها ما توصلش للطلاق لان فيه بنات ممكن تداس تحت الرجلين من غير ما نشعر بيهم وان شاء الله حاول تعمل بالكلام اللى قال عليه زيكو وقال عليه الاستاذ اشرف وبعد ما ربنا يوفق وتتحل المشكله حاول انك تقعد مع مراتك وتزيد الالفه ما بينكو وتعلمها من تعاليم الدين وتفهمها ان مشاكلنا مهما كبرت ما بينا لازم نتحمل المسئوليه كامله ونحلها مع بعض وصدقنى اى ست ف الدنيا بتلين بسرعه من الكلمه الحلوه بس لازم تعلمها شويه من تعاليم الدين يعنى مثلا لما تسمع خطبة الجمعه تقولها عليها وكلام ربنا بيقول كده والرسول (صلى الله عليه وسلم) بيقول كده مع شوية كلام حلو هاترجع الميه لمجاريها
وربنا معاك

والله كلامك ممتاز ياحمد ... بس ايش عرفك ان اي ست بتلين بسرعة مع الكلمة الحلوة

الحمد لله وشكرا جدا ليكم انكم متبعين معيه بس والله الى خلنى بتكلام معكم انى حزين انى اجيب وست تانى تربى البنات غير امهم لكن هم مسرين على الطلاق ومفيش حد من عندهم بيتكلام بلامعروف ولا بيعمل علشان الاولاد وهم متنزلين عن لاولاد فى الحمد لله وربنا يقوينى على مرعات اولادى وياجماعه الخير ان كانت عاوز بس اعرف سلو البلاد عندكم والحمد لله انكم مع الله وربنى على الظالم واشوف حماتى فى نار جهنم هى وام تسيب بنتها علشان امها عاوزى كده وانشاء الله ربنا ينصرنى على ناس الحريم بتتحكم فيها
وكل سنه وانتم طيبين

طيب انا هقول لك على حاجة لو الامر وصل للطلاق خلا ص اصبر شوية واعمل اشاعة انك هتجوز وشوف رد الفعل اية

الناس الى متخفاش ربنا مش يهمه اى حاجه لا اشاعه ولاكشف ولاتحليل

على العموم احنا حاولنا نساعدك والامر فى النهاية يرجع اليك
يقول تعالى (انما يوفى الصابرون اجرهم بغير حساب )

الحمد لله وربنا يرزقنى الصبر عند البلاء

وحضرتك بالصحه والسلام
وربنا يجعل العيد ده ان شاء الله مفتاح سعد عليك وتتصل بيها وتصالحها وتيجى على نفسك شويه
علشان خاطر العيال وانهم يتربو وسط ابوهم وامهم
ربنا يعينك

حااااااااااااااااااااااااااااااااول تعمل محاوله اخيره واحنا ف العيد كده والناس كلها فرحانه عشان خاطر اولادك وربنا معاك
وحضرتك يا استاذ اشرف ايه بتحرجنى بس اللى اقدر اقوله لحضرتك (من خبرتى البسيطه ف الحياه)ههههههههههههههههه

ماشى ياخبير........ كل سنة وانت طيب

ربنا دايمآ بيبقى واقف مع كل مظلوم
أنا متابعة الحكاية من البداية
بس ما كنتش برد لأنى أستاذ أشرف وزيكو
وكل اللى شاركوا فى الموضوع قالوا كل حاجة
بس عاوزة أقول لحضرتك على حاجة
معلش أستحمل شوية أعمل محاولة كمان وخليك وراها مش علشانها ولا علشان حضرتك
بس علشان البنات لأنهم ما لهمش أى ذمب فى أى حاجة بتحصل بينك وبين والدتهم
ولو حصل طلاق البنات دى هاتتعب لأنى فى الآخر كل واحد فيكم هايشوف حياته
حضرتك هاتتجوز ووالدتهم أكيد هى كمان هاتتجوز وفى الآخر مسيرهم ربنا وحدوا هو اللى هايبقى عالم بى حاول تصالحها وترجعها بيتها وتفهمها براحة غلطها جايز الفترة اللى بعدت فيها عن البيت والبنات أتعلمت منها حاجات كتير ما حدش عارف ولو ما حصلش تغيير أكيد التغيير لو جه على إيد حضرتك هايبقى أفضل
وفى الأخر هقول لحضرتك قدر الله وما شاء فعل
وما حدش بيعلم الغيب
وربنا معاك ويهدى زوجتك يارب

جزاكى الله خير يا سكاى
ربنا يكون ف عونك وتعدى من المشكله دى باذن الله وترجع انت ومراتك وولادك بيتك
وتبدا حياه جميله وتشكلها انت من الاول ومحدش يدخل ف حياتك
ربنا يعينك

يارب يازيكو علشان بناته بس

على فكره حاولت واتصلت كان رد الفعال انها ردت الاول وبعد مرفت انى انا خلت امها ترد
مش بقول امها فى كل حاجه

طب شوف انت يكون عامل حاجه مزعلاها
اوحد موصلها كلام غلط عنك ومخليها تفكر كده
وان بتخلى والدتها ترد بدل ما تقول كلام تغلط فيك
فكر شويه كده وحاول تعرف ايه اللى ممكن يكون مزعلها وحاول تصلحه
ولو وصل انك تيجى البلد وتستحمل شويه حتى لو امها اتكلمت خليك انت بكلمتين وراضيها
وياعم سايسهم على ما الامور تمشى وتاخد مراتك وتشكل انت بيتك من الاول وتهدى النفوس
والله بكلمتين حلوين كده هتاكل الجو كلو والنفوس هتتصافى
اعمل انك جاى تعيد على الولاد وتشوفهم

شكرا
شكرا
شكرا
شكرا

لو باقى على العشره
لو باقى على العيش والملح اللى اكلته وياها
لو باقى على لمه ولادك مع ابوهم وامهم وقت المغربيه على العشا
لو باقى على فرحه ابنك ف انه يشوف ابوه امه ف بيت واحد
استحمل كل حاجه وتعالى انت على نفسك شويه انت الراجل ولازم تستحمل
وسايس الامور علشان المركب تمشى
ربنا معاك

انا مكنتش ناوى اتكلم لكن انا هقول نصيحة
انتوا ممكن تطلقوا دلوقتى وترتاحوا انتوا الاتنين لكن هتندموا بعد فترة على العيال لما محدش يهتم بيهم وممكن ميتربوش التربية الصح ويبقى فيه رقيب عليهم.وربنا يهدى كل الناس

شكرا
شكرا
شكرا
شكرا
شكرا

والله انا بقيت خايف لا يكون نفس الموضوع اللى بنتكلم فيه عن موضوع الجواز المبكر
لا تكون مراتك سنها صغير معندهاش القدره انها تحل مشاكلها بنفسها ف بتصدر اهلها لكل حاجه
بس انا زى ما قولتلك ان كل الكلام بنسمعه منك انت
يعنى منقدرش نحكم عليها ان كان تصرفها وحش ولا
او ان يكون هى عندها كلام تانى غير ده
انت حضرتك زى ما قولتلك
محدش هيحل مشكلتك غير ربنا
وبعون الله تجمع الناس اللى كانت معاك يوم الفتحه واللى كانت واسطه الخير ف الجوازه دى
وتجمعهم وانتى تحكى وهى تحكى والناس بقى اللى تحكم
واللى يمشى عليك يمشى عليها
وبكده تكون الناس سمعت للطرفين
حدد انت معاد معاهم وجمع الناس وقول للراجل الطيب قريب ابوها ده ويبقى معاكو
لان الجلسات العرفيه مش بتتحل غير بكده
ولو الموضوع اتطور لمحكمه الاسره
هى اكتر احده هتخسر
فانت حاول تلم الموضوع وتجمع الناس وكل اللى عنده كلمه يقولها
والحكم للى هيبقو موجودين لانهم هيسمعو الطرفين
وربنا يوفقك وتقدر تعيد تشكيل حياتك من الاول مع ولادك وامهم
ربنا يعينك

عايزه اقولك حاجه بصراحه انا معرفش مين فيكم الى غلطان
لكن مش ملاحظ انك مقولتش اى حاجه غلط فى حقك ومغلطهم هما علطول
وكمان انا شايفه ان انت تقريبا والله اعلم اذتها جامد جداا وده طبعا من رد فعلهم
الى انت بتقوله وصدقنى لو امها شايفه انك بتعاملها كويس عمرها مكانت عملت كده
والله يجماعه مفيش ام على وجه الارض بترفض لبتها السعاده
انا عايزاك تتقى الله فى اولادك وفى نفسك وفى مراتك ام عيالك طبعاوتراجع حسباتك تانى
من عمل صالحا من ذكر أو أنثى - و هو مؤمن فأولئك يدخلونالجنة يرزقون فيها بغير حساب ويقول: من عمل صالحا من ذكر أوأنثى - و هو مؤمن فلنحيينه حياة طيبة

ربنا يهدي الجميع بس مش عارف البنات بقويحسسوني انهم ملايكه واحنا شياطين

هو ممكن يطلع كلامك صح ويكون العيب منها هي وممكن تطلع انت اللي غلطان يعني الامرمحتمل الاتنين والرايين

على فكرة ..... يا فتكات فيه امهات بتتدخل فى حياة بنتها معتقدة انها بتساعدها وبتوعيها ...والبنت بتسمع كلام امها على طول ,...والام مش عارفه انها بالشكل ده بتخرب عليها بتدخلها فى حياة بنتها ... وحماة ( ابدول ) شكلها من النوع ده ...وشكلها مش هتفوق غير وبنتها مطلقة ومعاها كام عيل ..وناسيه ان نظرة المجتمع للمرأة المطلقة وحشة جدا ....انا بقول لصاحبنا عيالك معاك فاصبر ولاتتسرع دع الابام تنسى المشاكل وتوكل على الله وقل دائما ( حسبى الله ونعم الوكيل )

يحماده انا مقولتش انا البنات ملايكه والرجاله شياطين
لكن كل واحد فيه الحلو والوحش وربنا يهدينا كلنا

آمين

شكرا
شكرا
شكرا
شكرا

» !الحب عيب !! حرام !! خطأ !
» كلام فى الحب
» ما هو الحب
» ما هو الحب؟
» كلام فى الحب