اصحاب ولا بزنس (3)

جمله قالها سموان ف اول موضوع شدتنى اوى وخلتنى اتكلم
اصحاب البزنس يتعرفو لما تمنع عنهم البزنس
تفتكر لو صاحبك بتاع البزنس واللى انت اتاكدت انه كده وعمل اللى عمله وباعك علشان شويه بزنس وشويه مشاريع جريت ف ايديه تفتكر لو ف يوم البزنس ده راح من ايده زى ما قال سموان وفكر انه بقى يرجع لزمان علشان عرف انهم هما اللى باقيين الفلوس والبزنس عمره ما بيدوم لان زى ما قولت انهرده معاك بكره مع غير
تفتكر لو فكر وانه يرجع ل صحابه اللى اتخلى عنه علشان البزنس تفتكر هتسامحه وتنسى اللى فات ليه
عارف انا من راى انك تسامحه علشان يعرف اد ايه انت صاحب مش بزنس
رغم انك ممكن تكون واثق انه لو فى يوم برده طلعله شويه بزنس هيسيبك ويتختار البزنس
علشان هو اصلا من الاول بزنس مش صاحب
مستنى رايكو
تمنياتى للجميع بدوام التفوق

انا من رأيى انه لا يصلح لان يكون صاحب مادام مسيره هيسيبك لو جاله بزنس

مادام سابك علشان البيزنس يبقى مش صاحبك اساسا واكيد مش هسمحه وحتى لو سمحته مش هيبقى صحبى زى ما كان

ايه القساوه دى يابنى انت وهوه
ههههههههههههههه
هو واجب الصاحب لصاحبه ان حتى لو احتاجلك ف اى وقت مهما ان عمل معاك لازم تفتحله قلبك وتقف جنبه برده
رغم ان بردو لو ربنا رزقه ب بيزنس جديد هيسيبك ويروح للبزنس
بس انت من الاول رضيت على نفسك تبقى الصاحب مش البزنس ف لما يجيلك ويمشى ويجيلك ويمشى خليك زى مانت برده الصاحب مش البزنس

مش معاك يا زيكو انت كنت بتعتبره صديق بس هو اللى باع.

يازيكو لا تنسى ان لكل انسان كرامة

ومافيش حد عنده كرامة هيقبل انه يسامح كذا مرة وهو عارف ان مسير اللى سامحه ده هيسيبه

انا فاهم يا زيك وجهة نظرك بس لحد امته هاتخليك انت الصاحب مش البزنس لحد امته انت اللى هاتصون وهو اللى يفضل يبيع وياريتك هاتصون صداقه تستاهل لا انما اصلا ماينفعش ان احنا نطلق عليها لفظ صداقه من الاساس والانسان ده لا يسمى صديق عشان كل لما يتزنق اقف جنبه واشيله ف محنته يا زيكو وزى ما قال عمرو سيبك من ده كله (فين الكرامه)
اصعب حاجه والله يا جماعه ان الانسان يتجرح ف كرامته ممكن يسامح ف اى حاجه الا انه يتجرح ولو جرح صغير بيمس كرامته

اقتباس :: مش معاك يا زيكو انت كنت بتعتبره صديق بس هو اللى باع.

طب اقولك معلومه حلوه يا ابو يوسف
صاحب البزنس عمره ما بيبيع
علشان دى خلاص بقت طباعه اللى خلاص اطبع بيها
يعنى مش هيخسرك للدرجه لا هو بس كسبانك وضامنك ف جيبه لحين اشعار اخر

اقتباس :: يازيكو لا تنسى ان لكل انسان كرامة

هو فعلا موضوع كرامه وكده يا عمرو بس انت مش خسران حاجه لانك من الاول وانت عارف انه بزنس ومش صاحب
وانت زى مانت موجود ولو حد خبط على بابك مهما كان لازم تقوم تفتحله ما بالك بقى ب ده
كل ده لان انت الصاحب مش البزنس
ولازم تثبتله كده
تثبتله عكس اللى هو بيفكر فيه
تثبتله ان الصاحب مش صفقه يا كسبت يا خسرت
لا الصاحب مينفعش يكون غير صاحب
ويعرف اد ايه الصاحب يختلف اختلاف تام عن البزنس
لانك انت اللى اختر اصحاب مش بزنس

اقتباس :: انا فاهم يا زيك وجهة نظرك بس لحد امته هاتخليك انت الصاحب مش البزنس لحد
امته انت اللى هاتصون وهو اللى يفضل يبيع وياريتك هاتصون صداقه تستاهل لا
انما اصلا ماينفعش ان احنا نطلق عليها لفظ صداقه من الاساس والانسان ده لا
يسمى صديق عشان كل لما يتزنق اقف جنبه واشيله ف محنته يا زيكو وزى ما قال
عمرو سيبك من ده كله (فين الكرامه)
اصعب حاجه والله يا جماعه ان الانسان يتجرح ف كرامته ممكن يسامح ف اى حاجه الا انه يتجرح ولو جرح صغير بيمس كرامته

لحد ما هيلاقى نفسه بيخسر كل حاجه وساعتها هيخسر نفسه كمان لان البزنس يوم فوق ويوم تحت
انما الصاحب مينفعش يكون غير فوق
بس لازم تكون انت الصاحب
اللى مهما ان عمل فيك صاحبك لازم تبقى معاه
بس انا بقول صاحبك اللى انت كنت عارفه ودلوقتى مقدرتش تفهمه
واللى مش اى حد
لا دا اللى انت اختارته

واختلاف الراى لا يفسد بالود قضيه
عجبتنى اوى ردودكو
واتمنى دايما المشاركه
وربنا يوفقك كل الناس

خلاص يازيكو عادى
على راى المثل
لكم ارائكم ولى اراء والحياة ظلال واضواء

ههههههههههه
لا جامده

احييك على الموضوع يا زيكا بس انا مش معاك لبعض الاسباب :
اولها: ان صاحب البيزنس ما ينفعش يصاحب الا صاحب بيزنس عشان هما الاثنين هيقبلو وضع بعض يعنى يوم ما يلاقوا مصلحه مع بعض هيبقو اصحاب ويوم ما يكنش فى مصلحه برده هيبقوا حبايب لان طبعهم واحد وفاهمين بعض
ثانيا : انك لو سامحتو وجعلت الموضوع عادى كل مره يرجعلك فيها يبقى انت بتساعده انه يفضل كده على طول ، وعشان كده بعدك عنه فيه مصلحتين الاوله ليه انك بتحاول توصله انه من غير اصحابه مالوش لازمه مهما كتر البيزنس معاه والتانيه انك تبقى بعيد عنه لانه عمر ما هيتعدل
يعنى صاحب البيزنس تصاحبه على انه بيزنس برده بالنسبه ليك عشان ترجعه عن اللى هو فيه

انا من رأى يازيكو انا ادام الواحد سابك وراح للبزنس والمال وساب صاحبه وباعه يبقى ما اعتبرش صاحبى من بعد ماسبنى ولو رجعلى وهو مزنوف وبعد ما اساعده راح للبزنس تانى ونسينى يبقى انا انساه خالص ولو قابلنى فى حته مش هاقول له ازيك هامشى اكنى شخص عادى الصاحب الجدع والشهم والجميل مابيتعوضش يازيكو وواحد زى ده مايتزعلش عليه دا انا اتف عليه اصحاب ولا بزنس الاصحاب

احييك على الموضوع يا زيكا بس انا مش معاك لبعض الاسباب :
اولها: ان صاحب البيزنس ما ينفعش يصاحب الا صاحب بيزنس عشان هما الاثنين هيقبلو وضع بعض يعنى يوم ما يلاقوا مصلحه مع بعض هيبقو اصحاب ويوم ما يكنش فى مصلحه برده هيبقوا حبايب لان طبعهم واحد وفاهمين بعض
ثانيا : انك لو سامحتو وجعلت الموضوع عادى كل مره يرجعلك فيها يبقى انت بتساعده انه يفضل كده على طول ، وعشان كده بعدك عنه فيه مصلحتين الاوله ليه انك بتحاول توصله انه من غير اصحابه مالوش لازمه مهما كتر البيزنس معاه والتانيه انك تبقى بعيد عنه لانه عمر ما هيتعدل
يعنى صاحب البيزنس تصاحبه على انه بيزنس برده بالنسبه ليك عشان ترجعه عن اللى هو فيه

معاك يا بيشو انه هيصاحب اللى زيه بس انا عايز اوصله ان انا الصاحب مش البزنس مش اللى ثفقه وان خسرت خلاص خلص الموضوع على كده لا انا الصاحب الثفقه اللى لو خسرها هيلاقيها بردو بس هيلاقيها من ناحيه الصاحب اللى بجد مش صاحب البزنس اللى من نفس طباعه وهيجيله يوم يفهم كده رغم ان هيكون وقت كبير عدى اصل صاحب البزنس زى مانت عارف لما البزنس بياخدو قول على الدنيا السلام ...

اما يا محمود مش اوى كده مش للدرجه دانت كده بهدلته على الاخر ههههههههه

ماهو يستاهل كده يازيكو

» اصحاب ولا بزنس
» اصحاب ولا بيزنس 2
» حواديت لطفلك(قصة اصحاب الجنه)..
» الى اصحاب النوم الثقيل ادخل فورا