صراع الانابيب

صراع الانابيب والبقاء للاقوى
كلنا بنشوف كل يوم وكل دقيقه وجو الحق واجرى
وطوابير الانابيب اللى بقت ولا طوابير العيش
طب العيش واتحلت والحمد لله
اخترعولنا الكروت رغم ان فى مشاكل بردو والبقاء للى عنده واسطه
انما صراعنا انهرده لا هو صراع حضارات ولا ثقافات
انما صراع الانابيب
خناااقات ياما بنشوفها كل يوم بل وكل دقيقه
وموضوع السوق السوده اللى طلع جديد
اسمع ان الانبوبه وصلت 25 ف اماكن واماكن تانيه وصلت 30
من بعد ما كانت ب 3.50
وعجبى
من يومين شوفت خناقه على انبوبه وكنت عايز اصور بس مينفعش طبعا
هيبقى شكلها وحش والناس هتزعل مننا
من بعد ما كنا بنهتف ب اسم مصر والدنيا كان فرحانه بالمنتخب
خلصنا فرحتنا ورجعنا لازماتنا بل لمعاناتنا
مش عيب ان نخرج ونفرح اهو بنهوى عن نفسنا شويه
بس مش معنى كده ان الناس اللى ايد ف كل اللى بيحصل يكبرو دماغهم ويقولك ما الشعب رايق اهوه
وكلو ف اللذيذ
هما بيعاقبونا ولا ايه
ولا بيلمو ايراد المنتخب على حساب الناس الغلابه
لو واحد مثلا دخله بسيط ومش معاه غير كيلو رز ب 2 جنيه ولا تلاقوه غلى هو كمان دلوقتى
علشان ياكل بيه 9 علشان يعمله بقى يغير انبوبه ب 30 جنيه
دا حرام ولا حلال
اتمنى ان الناس تراعى ربنا ف اللى بتعمله وتراعى ظروف الناس

ودى صوره كنت لقيتها بالصدفه
للناس اللى بتتكلم باسم الناس الغلابه

اهو واحد كان واقف ف البلاكونه والتانى عند الشيخ سيد وكانت رقابى هتضيع
ربنا يستر

ومازال صراع الانابيب مستمر لحين ان يحن علينا اصحاب المصالح والناس اللى وكلاها والعه
ويشوفلنا حل
ومش هيصل اى اجتماع يا نور او اى تحرك الا بعد خراب مالطه
يعنى بعد كاااااااام خناقه على كام واحد يروح ضحيه
لا والجديد اللى شائع اليومين دول الخطر الكبير اللى نتج عن صراع الوحوش قصدى الانابيب
موضوع السرقه
اللى انبوبتها اتسرقتوهى بتكلم ابنها واللى انبوبنتها اتسرقت وهى بتحاسب الراجل
مهااااااااازل
ولكم ان تتخيلو
شكرا يا جماعه على المشاركه الحلوه
واللى عندو استبن يخلى بالو منها
والكلام ليك يا عمور

ايه مش معقول فى حد اتسرقت من
الانبوبه دا الواحد ميعرفش حاجه بقا

طب اوعى لانبوبتكو بقى
دا ولسا حاجات كتير هتحصل
ربنا يستر
انا خايف بعد كده يخطفو عيل من العيال رهن ولا حاجه على ما يلاقو الانابيب

طيب احنا ليه نفرض سوء الظن يمكن
الى سرق الانبوبه هيرجعها لما يملا انبوبته
ههههههههه
بجد ربنا يستر شكلنا على رأى محمود سعد هنرجع للباجور
والجاز

اقتباس :

الى سرق الانبوبه هيرجعها لما يملا انبوبته
ههههههههه

يا حلاوووووووه

هو فعلا مفيش احلى من الجاز والباجور وايام زمان اللى زى العسل
بس بدل ما الغاز يتصدر لناس عماله تقتل فينا
الناس الغلابه اولى من اى حد تانى

اقتباس :

واللى عاوز يعرف الحل يتفرج على فيلم حاحا وتفاحه
ويركز اوى مع ريكو ف الاغنيه
والنبى يا فوزى

اول حل معانا
من موقعنا بناشد الساده المسؤلين انهم يتفرجو على حاحا وتفاحه
اوى خدمه يا معلم

يا معلم لو كل واحد قال نفس كلامك يبقى نستاهل كل اللى يجرالنا
ل امتى هتريح دماغك

وربنا يهدلنا الناس اللى وكلاها والعه

فرجت النهرده الراجل جاب انابيب بس باعهم
فى الخباسه وباع الواحده ب6جنيه
وكمان فى ناس عرفت تشترى من المستودع النهرده

طب الحمد لله خير
فى ناس بقت تتحرك ويبقى عنها ضمير اهيه