الامتحان

امتـحـــــان اللغة العربية للثانوية العامة لعام 2010 لجمهورية ............العربية

============


السؤال الاول:التعــــبير
______________

اكتب ما لايقل عن 650 سطر أول في حدود 20 صفحة فى أحد الموضوعات التالية :-

-لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

-شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

-بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها بدون غلط.ز.الورق متراقب

-------------------

السؤال الثانى: القصة
______________

من قصة ' وعهد الله ما انت داخل الانتخابات' .. اقرأ القطعة وأجب عن الآتى:-

ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟
-
-
-
1-ما هى اللحمة؟ أو على الأقل حدد أقرب معنى خيالى لها؟

2-مرادف معجزة فى اللغة؟

( تغيير وزارى – زيادة المرتبات – رغيف العيش) اختر يا مقلول البخت

3-لماذ ضربه الرجل بالجزمة وليس بالعصى مثلا؟؟

(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. )

افهم انت بقى اختر

4-حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا...

-------------------

السؤال الثالث :القراءة :-
______________

من موضوع ( الزعيم..والفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة
-
-
-
1-فى رأيك هل يصلح عادل إمام لوزارة الثقافة أم لوزارة الصناعة ؟



2-دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

(أكيد معزوم – طبيعى معزوم – وربنا معزوم) اختر على أن تضع إيدك على المصحف وانت بتحلف للمراقب بتاع اللجنة

-------------------

السؤال الرابع: النصوص :
______________

أجب عن النصين الآتيين :

من نص ( ماشربتش من نيلها)..اقرأ ثم أجب

ماشربتش من نيلها.. طب جربت تغنى لها.. جربت فى عز ماتحزن تمشى ف شوارعها وتشكى لها
-
-
-
1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج )

2-هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه . ورجَّعُه مكانه

3-أكمل الأبيات إلى آخر كحكة فى الكليب :

3-قوبل النص بانتقادات بسبب بعده عن الواقع...وضح من النص ما يتفق مع القول المأثور اطبخى ياجارية .. كلف يا سيدى

-------------------

من نص (حين ميسرة)..أجب عن الآتى:

1-اذكر اسم مصيبة واحدة محصلتش فى النص الأسود ده ؟

2-وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى؟

3-سبب وجود الشرطة كل خمس دقائق فى النص؟؟

(موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص)

-------------------

السؤال الخامس: النحو :
______________

أعرب ما تحته خط.. لو مالقيتش القطعة أصلا ..اتصرف :

1-ذهب الرئيس إلى المؤتمر .. -ضع الجملة السابقة فى صيغة المثنى..

2-كان ممدوح إسماعيل قاتلا .. -ضع إن مكان كان.. على ألا تنصب ممدوح.. عشان هوه بينصب لوحده

3-فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
__________________
Feeling alone ,It Is Just Best Way To Kill Ur Self,Or To Be Dead Man.

ايه ده الامتحان سهل اوى,مش ده امتحان قدرات بردو ولا ايه؟

في كلام كتير يتحذف
ارجو ان عمرو ياخد باله منه

فعلا الموضوع لا يليق باسم برشوم اينعم هو بيتكلم عن الواقع بس فى الفاظ كتير اوى خارجة

بس ياجماعة عمرو بقاله كتير مادخلش ياريت اى حد يقوله او المدير حتى يعمل المطلوب

طب مش تقولوا ياجماعه ايه اللى يتحذف دانا قريت النص 8 مرات علشان ألاقى كلمه خارجه مفيش

وبعدين الأخ اللى بيقول ده لا يليق باسم برشوم انا نقله من على الدى فى دى عارف يعنى ايه الدى فى دى

اه عارف يعنى ايه هما علشان بيعملوا الغلط يبقى نقلدهم

ايه ياجماعة رايكم فى الموضوع ده

يا جماعة ما تكبروش الموضوع ع الفاضي

الكلام الخارج ده مفهومه بيختلف من شخص لشخص
يعني ممكن كلام انت معتبره عادي وحد غيرك يعتبره خارج والعكس
وفي كلام ممكن تقوله مع اصحابك بس ماينفعش تقوله أدام اخواتك مثلا وكده يعني .


ومن وجهة نظري اللي المفروض يتشال من هنا الحتة بتاعت تصريح عادل إمام دي وكلمة " بقه " وخلاص .


ولو حد حاسس ان في كلام تاني أكيد إيهاب مش هيمانع انه يغيره .



وتسلم ع المجهود يا بوب .

كلمة كحمار
والمكن
وكلب
بس كده

خلاص ياجماعة روقوا انا عملت المطلوب اهو ويارب ماحد يزعل منى واسف انى اتاخرت