احصائيات فى عهد حسنى مبارك(منقول)

أحب أنقلكم الارقام الاتية

الأحوال
المالية

ديون : إجمالي 614 مليار جنيه

الفقر : 35% من الشعب
تحت خط الفقر,أقل من1 دولار في اليوم

نقود مهربة : 300 مليار دولار خرجت من
البلاد

الجنيه المصري : الدولار= 85 قرش سنة1981م و 6 جنيهات سنة 2005
م

الأحوال الصحية

السرطان : تضاعف 8 مرات
..أعلى نسبة في العالم

الذبحة الصدرية :20 % من الحالات شباب تحت
الأربعين

البلهارسيا : أعلى نسبة في العالم

السكر : ‏7‏ ملايين ..
‏10 %‏ تقريبا من عدد السكان

إلتهاب كبدي : 13 مليون.. 20 % من
الشعب

فشل كلوي : أعلى نسبة في العالم

شلل الأطفال : موجود في 6 دول
في العالم فقط منهم مصر

الإكتئاب : ‏20‏ مليون مواطن

أمراض نفسية (
أخرى) : ‏6‏ ملايين

التدخين : 80% من البالغين مدخنين

التلوث : أعلى
نسبة في العالم...تلوث للهواء ومياه الشرب

والتدهور في التربة والمناطق
الساحلية..خسائر 30 مليار جنيه

الانفاق الحكومي: 10 دولار للفرد
سنوياً

الأحوال الاجتماعية

القضايا : 20
مليون قضية بالمحاكم ..أقدمها من 38 عام حتى الاّن

البطالة : 29% من
القادرين على العمل..حوالي 5 مليون شاب
الانتحار : 3 اّلاف محاولة
سنوياً

حوادث الطرق : 6 آلاف قتيل سنويا و 23 الف مصاب

الطلاق :
28%

العنوسة : 7 مليون عانس .. 4 مليون فوق 35 عام

الهجرة : 4 ملايين
مهاجر : 820 ألفاً من الكفاءات و 2500 عالم في تخصصات شديدة الأهمية.. 6 ملايين طلب
هجرة للولايات المتحدة وحدها سنة 2005

الأُمية ( الحالية) : 26% من الشعب
المصري

الأُمية ( المستقبلية) : 7% من الأطفال لا يدخلون المدارس بسبب الفقر
..غير الهاربين بعد الدخول

التعليم : دروس خصوصية ، كتب خارجية ، جامعات
خاصة للربح فقط

عمالة الأطفال : نصف مليون طفل

أطفال الشوارع :
تقربر الأمم المتحدة : 100 ألف طفل

عشوائيات : 45% من الشعب يسكن
العشوائيات.. 35 منطقةعشوائية بالقاهرة فقط

موظف الحكومة : تحت خط الفقر
ويؤخذ منه ضرائب( ستة جنيهات متوسط دخل الموظف يومياً )

المخدرات : 6 مليار
دولار سنوياً في تجارة المخدرات

مشاكل
أخلاقية

رشوة، محسوبية، بلطجة، توريث المهن، عُري، زواج عرفي ,قتل
الأزواج، امتهان وتحرش بالنساء، ألفاظ بذيئة، صحافة جنسية غش جماعي وجريمة و تسول

الأحوال السياسية
سيطرة وفساد النخبة الحاكمة،
مراكز قوى، الإعداد لتوريث الحكم،تزوير انتخابات،قمع المعارضة،اعتقالات،تعذيب حتى
الموت،انتهاك لحقوق الإنسان، إلغاء دور النقابات والجمعيات الأهلية

مشاريع
قومية متوقفة او خاسرة

القضاء على الأمية قبل عام 2000 ، زراعة الصحراء
الغربية بالقمح (مشروع اليابان)
وادي السليكون، محطة الطاقة النووية، جامعة د/
أحمد زويل (التكنولوجيا)
فوسفات أبو طرطور ,وادي توشكى

أكثر من 2,3 مليار
جنيه خسائر بشركات القطن
و 8 مليارات جنيه خسائر شركات الغزل والنسيج
و 12
مليار جنيه العجز الإجمالي لسكك حديد مصر
خسائر 10 مليارات جنيه بقطاع الإذاعة
والتلفزيون

الأزمــــــــــــــات

فساد
,تعليم، إسكان، زواج، بطالة، صحة، أخلاق، ضمير، مرور , مياه نظيفة، صرف صحي، البناء
على الأرض الزراعية، تصحر، زحام ,غلاء, انخفاض احتياطي النقد

الأرض الزراعية

تم تجريف مليون و200 ألف فدان أرض خضراء من
5000 سنة من أصل 6 مليون فدان

الأمن
والشرطة

قانون الطوارىء : 25 سنة طواريء ..في خدمة الشعب

لـكِ الله يامـصـــر

وصلني عبر الايميل
و لا أعرف مصداقية هذه الأرقام ؟؟؟

لا اعرف
ما اقوله فى مثل هذه الاحصائيات واترك لكم التعليق يا اخوانى
............

google_protectAndRun("ads_core.google_render_ad", google_handleError, google_render_ad);

حرام عليك يامحمد يعنى انت ضامن لو حد غير حسنى ممكن يعمل حاجة

انا مازلت عند رايى فى حسنى انه افضل رئيس

بغض النظر عن مصداقية الإحصائيات أولأ لإنها ممكن يكون مبالغ فيها
أنا شايف ان في تقصير من الحكومة في حاجات كتير
لكن معظم المشاكل الموجودة سببها الرئيسي هو المواطنين نفسهم

وعلى رأي المثل اللي تعرفه أحسن م اللي ما تعرفوش .

أنا أتفق مع سموان فعلا المواطن المصرى مواطن نمرود تصوروا ياجماعه المواطن المصرى بيحلم انه يلاقى حياه نضيفه وأكل نضيف ومياه متجيبش فشل كلوى وهواء ميجيبش السرطان مواطن بيتنطط على الحكومه وال ايه عاوز يبقى زى الدول الاوروبيه مواطن نمرود .
اما بالنسبه لحبيبى عمرة عزت فانا بقوله يعنى يا عم عمرو مبارك ده مش مخلد فى الدنيا علشان تقول مش عارفين ايه الل هييجى بعده وبعدين انت مش شايف ان اكيد هنلاقى فى 85 مليون مصرى واحد احسن من مبارك لو انت شايف ان احنا مش هنلاقى تبقى كارثه

يا جماعة المواطن المصرى احسن مواطن فى العالم,هو اه فى شوية تقصير منه بس الاكبر على الحكومة ولو شعب غير الشعب المصرى كانوا انقرضوا من زمان,ويا قناوى بص فى المستشفيات وانت تعرف المواطن نمرود ولا؟ احنا عاوزين حياة عادية مش اكتر.

kenaweeeee كتب:: أنا أتفق مع سموان فعلا المواطن المصرى مواطن نمرود تصوروا ياجماعه المواطن المصرى بيحلم انه يلاقى حياه نضيفه وأكل نضيف ومياه متجيبش فشل كلوى وهواء ميجيبش السرطان مواطن بيتنطط على الحكومه وال ايه عاوز يبقى زى الدول الاوروبيه مواطن نمرود .

وأنا أختلف معاك يا قناوي لانه بالعكس تماما كتير من المواطنين المصريين غلبانين أوي أوي
وطلباتهم بسيطة جدا جدا
يعني مثلا تلاقيهم عاوزين سلة زبالة متحركة تحت بلاكوناتهم عشان لما يرمو الحاجة م الشباك تطير السلة وتستقبلها
وعاوزين أشجار تطلعلهم الفاكهة مغسولة بدل ما يغسلوا الحاجة بإديهم عشان تنضف
وعاوزين مراقب يمشي ورا كل مواطن لما يلاقيه هيشرب سجارة أو هيضرب حتة حشيش ف الخباثة
يلسعه على أفاه وياخدها منه يرميها !

يا عم قناوي اقرا الرد بتاعي اللي فوق تاني أنا قلت ان الحكومة مقصرة ف حاجات كتير
يعني ما قلتش انهم موفرين كل حاجة وعاملين اللي عليهم
لا هما فعلا السبب ف مشاكل كتيرة
بس ف نفس الوقت المواطن بيبقى السبب في نسبة كبيرة جدا من المشاكل اللي عندنا

أتمنى وجهة نظري تكون وصلتك .

انا مش عارف هى وصلتله ولا لا بس على العموم انا اللى مش فاهم انت مع الحكومة ولا مع الشعب الرد الاخير ده توهنى
بس انا بصراحة شايف ان الاتنين مقصرين
ابسط حاجة مسؤلة عنها الحكومة لطعة الناس هنا فى البلد كل يوم الصبح عشان الموصلات

اما الحاجة اللى مسؤل عنها الشعب هى انهم لما ربنا يكرمهم بعربيه تويتة توديهم اشغالهم يتخانقو مع السواء على ربع جنيه ويتاخروا عن الشغل بسبب ده

ده مثال بسيط لعملية الشد والجذب بين الحكومة والمواطن

يا عم الرد بتاعي اللي فات ده مخصوص لقناوي بس
بنفس طريقة الرد بتاعه يعني
هو أكيد فهمه .

أنا بقى بقول ان الحكومة والشعب الاتنين مقصرين .

هو اه انا معاك ان ده صح بس مش للدرجة دى ياراجل

لما واحد ييجي يكون فكرة عالواحد لازم يدرسه من الجانبين
بدليل ان لو في خناقة لازم اسمع الطرفين
لاني لما بحكم من جانب واحد اكيد هيكون حكمي خاطيء
انا مش شايف في الموضوع ده الا السلبيات
فين الايجابيات عشان مصدرش حكم غلط
لازم ادرس الموضوع من الجانبين
والاحصائية دي مبالغ فيها
تقبلوا مروري

منور يادكتور بصورتك الجديدة دى

أولا يا ساحر ديه أحصائيات مش تقديرات علشان تقول مبالغ فيها يعنى 1 +1 = 2
اما سموان أقوله ان الشعب اللى مش عاجبك هو نفس الشعب اللى بنى الأهرامات وعمل الأهرامات وكان من أقوى الشعوب مع محمد على الشعب هوه هوه بس الحكومات هى اللى بتتغير
وبعدين انا استفزنى اوى موضوع اللى نعرفه أحسن من اللى مانعرفوش ......لأ طبعا

kenaweeeee كتب:: أولا يا ساحر ديه أحصائيات مش تقديرات علشان تقول مبالغ فيها يعنى 1 +1 = 2

يا راجل ده اللي عامل الموضوع أصلا بيقول انه مش متأكد من الإحصائيات لانها جاياله ف الإيميل
يعني ممكن يكون عيل صغير قاعد فاضي قالك أما اعمل ايميل وابعته للناس اشتغلهم بيه .
يعني احنا مش متأكدين من صحة الإحصائيات .

اما سموان أقوله ان الشعب اللى مش
عاجبك هو نفس الشعب اللى بنى الأهرامات وعمل الأهرامات وكان من أقوى
الشعوب مع محمد على الشعب هوه هوه بس الحكومات هى اللى بتتغير

أنا ما قلتش ان الشعب مش عاجبني مش عارف انت استنتجتها منين دي !!
لإنه ف الوقت اللي انت كنت كاتب فيه "المواطن المصري مواطن نمرود ...." أنا المفروض
بما ان برد عليك بنفس طريقتك كنت قلتلك ".... بالعكس تماما المواطن المصري غلبان أوي ...."
بس أنا قلت " ....بالعكس تماما كتير من المواطنين المصريين غلبانين أوي ...."
يعني ما عممتش كلامي زي مانت بتقول ..... لا انا قلت ان كتير منا بيبقوا كده .

وبعدين انا استفزنى اوى موضوع اللى نعرفه أحسن من اللى مانعرفوش ......لأ طبعا

والله دي وجهات نظر بقى وأنا مش ضامن اللي هييجي بداله هيبقى شكله ايه.... مش ممكن يكون أوحش منه ؟؟

وأنا ما زلت مصر على رأيي ان الشعب والحكومة الاتنين مقصرين .

kenaweeeee كتب:: أولا يا ساحر ديه أحصائيات مش تقديرات علشان تقول مبالغ فيها يعنى 1 +1 = 2
اما سموان أقوله ان الشعب اللى مش عاجبك هو نفس الشعب اللى بنى الأهرامات وعمل الأهرامات وكان من أقوى الشعوب مع محمد على الشعب هوه هوه بس الحكومات هى اللى بتتغير
وبعدين انا استفزنى اوى موضوع اللى نعرفه أحسن من اللى مانعرفوش ......لأ طبعا

لأ انا مختلف معاك لأن ده لو انت بتسميه احصائيات لا تقبل الشك يبقى انت معاك دليل قاطع عالكلام ده !!!!
ولو انت مش عاجبك حد معين مش لازم تصدق كل حاجة تتقال عنه عشان تبقى موضوعي
وانا مازلت مصر على ان هذه التقديرات مبالغ فيها جدا

ايه ياجماعة ده كله انتو جايين على الرئيس كده ليه

اعملوا حسابكم انه زيادة السكان كل عام تقريبا واحد مليون نسمة واكتر

وافتكروا مصر قبل تولى حسنى كانت عاملة ازاى وبقيت دلوقتى ازاى

اينعم هى لسه برده نامية بس الحمدلله حصل تطور رهيب فيها

وبعدين حطوا نفسكوا مكان حسنى اعتقد انكوا مش هتقدروا تعملوا نص اللى هو عمله

ياجماعة انتوا مش مقدرين يعنى ايه مسئولية 83 مليون مواطن وازيد

وكلامى ده ميمنعش انه فى وزراء فاسدين وده بيساعد على تخلف مجتمعنا وايقاف نموه

وبعدين مش عاجبنى فى كلام الناس لما كل واحد بفضل يختار ويقول ياريت ده يبقى الرئيس وواحد تانى يقولك لا مش هيبقى حلو ياعم وهما اصلا مش عارفين حقيقة الشخص اللى هما عايزنيه يبقى الرئيس ان كان هيبقى صالح ولا فاسد

يعنى من الاخر انا بقول انه فى عهد حسنى اتقدمنا كتير وحكموا عقلكوا وهتعرفوا الحقيقة

وبرضه انا مع راى someone فى (اللى نعرفه احسن من اللى منعرفوش)

والله وحشتنى الايام دى اوى
ايام ماكنا بنحاور بعض بجد

امتى الايام دى ترجع بقى
اتمنى تكون الحجة هى الدراسة مش حاجة تانية

» عاجل وفاة الفنان تامر حسنى‏ ( منقول عن الفيس بوك )
» صدمة الجزائريين وقت هدف حسنى فى زامبيا
» رسالة مبارك لشعبه المصرى
» تدهور حاله الرئيس مبارك
» لماذا كان يتمسك مبارك بالحكم ؟؟؟