خبر عاجل وهام لكل اهالي برشوم

طبعا في البداية انا اعتذرعن الانقطاع عن المنتدي لمدة طويلة ، بس ده والله غصب عني لظروق الدراسة وقلة الوقت الفاضي .
بس بعد الانقطاع ده حبيت ارجع بخبر كويس وهو اني وزارة الاسكان والمرافق وافقت علي عمل الصرف الصحي بالقري المتبقية عندنا وقامت بعمل الخطة فعلا وقدمتها للوزراة والوزارة عرضت الخطة علي مجموعة من الشركات لاختيار الشركة التي ستقوم بالتنفيذ .
وده طبعا تم يمجهود الاستاذ منصور عامر عضو مجلس الشعب ، وانا معايا البيان الاصلي الصادر من الوزارة للسيد منصور عامر بخصوص هذا الامر وعليه ختم الوزارة واهداء الاستاذ منصور بخط اليد . وان شاء الله هدي الطلياني صورة يرفعها علي النتدي وهذا نص البيان :
وزارة الاسكان والمرافق والتنمية العمرانية
الجهاز التنفيذي لمياه الشرب والصرف الصحي
القاهرة في 29 . 10 . 2009
السيد النائب منصور عامر
عضو مجلس الشعب
نائب دائرة الثناطر الخيرية
تحية طيبة وبعد
بالاشارة الي خطابات سبادتكم الي السيد المهندس الوزير بخصوص خدمة القري التي وصل اليها منسوب مياه الصرف الصحي الي درجة من الخطورة البيئية وهي ( السيقا ، والصالحية ، شبرا هارس ، برشوم الصغري ، كفر العمار ، كومبتين ، برشوم الكبري ) مركز طوخ .
نتشرق بالاحاطة بالاتي :
قام الجهاز بطرح المناقصة المحدودة بين المكاتب الاستشارية لتقديم الخدمات الاستشارية لاعداد التصميماتومستندات الطرح لجميع القري المذكورة بناء علي خطابات سياداتكم وتم اسناد المشروع الي المكتب الاستشاري للهندسة الصحية والبيئية .
قام المكتب بموافاة الجهاز بالتقرير الابتدائي والتصميمات الابتدائية والرسومات التنفيذية وتم اعتمادها من الجهاز وجاري اعداد مستندات الطرح بنعرفة المكتب الاستشاري للهندسة الصحية بعدها يتم الطرح علي شركات المقاولات .
مرسل للعلم والاحاطة ..
رئيس الجهاز
م. حسن خاتلد فضل
هذا هو النص البيان الصادر من الوزارة والمختوم بختم الجهاز النفيذي لمياه الشرب والصرف الصحي
والذي يحمل اخداء من الايتاذ نصور عامر وعليه توقيعه الشخصي
طبعا خبر كويس جدا ، اخيرا بعد سنين من المعانة المجاري علي وسك دخول برشوم

يا سلام عليك وعى وشك السمح
وهنوصل المجاري هيييييييه

الحمد لله اخيرا دى الحاجة اللى ناقصة البلد بجد وشكرا يباشا على التنويه الجامد والحصريات الرايقة

فعلا كانت حاجة ناقصة البلد بس ربنا يسهل بقى وتخلص بسرعة .

منصور عامر ده فيه الخير وربنا يكرمه .

وابقى بطل غياباتك الطويلة دي يا بيطري .

وهيييييييييييييه يابو سمير المجاري جاية

ههههههههههههههههههههههههههههههههههههههههههههه
والله الردود في غاية الروعة ، والله بجد انا فرحان جدا لاني عارف اني الموضوع ده هيفرح الناس كلها ، خاصة واني فيه ارض قدام بيتنا فيها بيوت ، والله عاوزة مراكب علشان تمشو فيها ياريت تبقو تيجو تتفرج علي المكان ده علشان تشوفو حجم الكارثة وتشوفو فعلا حجم المشكلة اللي هتنحل ان شاء الله لما المجاري تركب .
واسف علي الغياب كان غصب عني بس ان شاء الله هحاول أكون موجود علي طول

ليه بس يا طليانى تيجى بس الجارى وبعد كده ربنا يعديها على خير ,وشكرا يامحمد على الخبر ده وياريت اسمع خبر ان الكشافات للملعب جت وخلاص الملعب بقى بتعنا.

انا معاكو وعليا المواسير

هههههههههههههههههههههههههههههههههههههههههههه
الله عليك يا عمرو ، مش قادر ايطل ضحك ، مش تقول اني الحكومة بعتت المواسير عليك

وانا عليا اجيب قلاب طوب علشان نعرف نمشى فى الشوارع

ياريت يا ضاع الحنان تعملي حسابي في 10000 طوبة علشان عاوزين نبني ، أبو بلاش كتر منه بأه .
شكرا علي المرور

انا علية اهد الى هما بيبنوة ههههههههههههه

الف مبروك لكل اهالى برشوم على المجارى وبما ان عمرو جاب المواسير انا ان شاء الله هكون المهندس اللى سوف يقول بتنفيذ المشروع بس ما تخافوش مش هربط مواسير المياة بمواسير الصرف ههههههههه

ربنا يستر بس وميرجعوش فى كلامهم وربنا يخللنا الاخ منصور ووصوه بالمرة يبعت الفلوس اصل الازمة صعبة اليومين دول وربنا يكتر من امثاله

ههههههههههههههههههههههههههه
ماشي يا ايفا ، بس علي فكرة الفلوس بتاع الطلبة جاية الشهر الجاي مش ده لاني الابحاث اتاخرت

الصرف الصحى لو جة هيفتحوة على الترعة ويوفرة عمليات التنقية وابقى قبلنى لوجة السنادى