حكايتى مع الجنيه

مشرف المساهمات : 256 تاريخ التسجيل : 01/08/2009

أولأ أنا بعتذر لأنى لا أجيد صياغة القصص
ولاكن يعلم الله أن ما أقصه عليكم حدث مع بالفعل
وبحق لو قص على ما صدقته
الموقف الذى تعرضت له حدث فى ليله من ليالى صيف عام 1987
كنت وقتها فى المرحله الأعداديه . وفى هذه الليلة كنت أنا
وصديق لى إسمة جودة سهرانين فى كفر برشوم .
وبعد أن أخذتا سهرتنا وكانت الساعة قاربت على الثانية صباحا .
وفى العودة أردنا أن نختصر الطريقفمشينا من على جسر البحر
علما بأنة فى هذا التوقيت لم يكن العمران والإناره قد وصل إلى
ما هو علية الآن . ونحن فى الطريق . وبالتحديد ما بين مقام سيدى
راشد وكوبرى البحر فوجئنا بإمرأه تحمل فوق رأسها مشنة عيش وعدت
علينا عادى ثم وجدناها تنادى علينا وتطلب منا مرافقتها لشط البحر كى
توصل الطعام لزوجها . فسألناها من زوجك قالت عبد الله وصياد وهو
منتظرها فى البحر لتعود لة بالطعام . وبالفعل سرنا خلفها وبعد ما أخذنا
طريقنا للبحر وجدت جودة يستوقفنى ليسألنى عن عبد الله زوجها وأنة لا
يوجد فى البلد عندنا عبد الله صياد وعندما شعرت أننا وقفنا إلتفتت إلينا
تطلب منا الأسراع لتلحق بزوجها ولاكن جودة إستوقفها ليسألها ويتحقق
منها وكان مجهز فى يدة علبة كبريت وبالفعل وهو يحورها أشعل عود
كبريت والمفاجأة أنها إختفت من أمامنا وما زال صوتها مسموع وبعد
ما أنطفأ الكبريت عادت وظهرت ثانية وتستعجلنا وكرر جودة إشعال
عود كبريت أخر فأختفت مرة أخرى ولاكن هذه المره كانت تستغيث
وتنادى ( يا عبد الله قابلنى يا عبد الله فيه إثنين معايا )
وهنا تأكدنا من شكوكنا والجدع فينا حط ديله فى سنانه وفضلنا نجرى
لحد ما وصلنا للنور وهذا حدث معى الفعل والله على ما أقول شهيد

انا كده خوفت ومش هروح على جسر البحر تانى ابداااااا

ايه الحلاوه دى يا استاز احمد
انا فعلا كنت اسمع ان فى زمان حاجه اسمها النداه
وكنت بسمع على حكايات كتير كانت بتحصل زمان
ومن ناس موثوق منهم كمان
بس الكلام دا خلاص كان زمااااااااااان
8 على جسر البحر ويحصل كده
خلاص دلوقتى بقى فى جامع ومستودع
وبيوت
وكمان عياده دكتور
وبقت عيشه على البحر

بس انا لو مكانك ف اليوم ده
الجرى نص الجدعنه طبعا
ههههههههههههه

فعلا انا كنت دائما اسمع عن النداهه وكان فى واحده صحبتى مفهمانى ان النداه لما بتكلم لوحدنا بنشوفها وكنت بتكلم كتير لوحدى بس مكنتش بشوف حاجه لحد لما عرفت ان الكلام ده مش صح

ليه الرعب ده يا استاذ احمد
فيه ناس كتير اوى بيقولو ان فيه جنيّه فعلا بس انا الحمد لله مش مصدق الكلام ده
والظاهر انى هصدّق بس....لما اشوفها بعينى
ربنا يستر

مشرف المساهمات : 256 تاريخ التسجيل : 01/08/2009

جمدى قلبك يا فتاكات وإمشى براحتك على البحر
لأن ذى ماقال ذكريا ده كان قبل ما يصل العمران
إلى ما هو علية الآن وصدق يا pirate_caribbean
لأن ده حصل فعلا
وشكرا لمروركم

يا نهار ابيض دانا لو كنت مكانك كنت مت في مكاني

الجنيه بنفسها طالعالكوا برة البحر كده ! دي باين عليها بتعزكو أوي !

هو صحيح يا استاذ احمد المسافة بينكو وبينها وانتو ماشيين معاها كانت أد ايه كده ؟

ايه الرعب ده

ده انا لو انا مكانك كان زمانى موت

» صور الجنيه من زمان اوى لحد انهارده