لعبة تحطيم امنية اللى فوقك

ياعم ماهم ردو عليك على العموم امنيتى انى مابقاش مضغوط

على فكرة يا محمد انا نفسى اصبح الصبح يقولو انت خلصت الكلية وخد الشهادة
انما اتاجلت دى الحسرة فعلا بالنسبه لى لانى انا نفسى اخدم ابويه وامى عرفت ليه انا مش عاوز الدراسة تقف وده كله بيضيع وقت من عمرك انت ذات نفسك قولت انك عاوز تجوزفيرايت نستغل كل دقيقة

طب وانت امنيتك ايه ان شاء الله ياشيخ انك نفسك تصحى تلاقى نفسك خلصت
طب ثوانى

واخدم امى وابويه

نفسى نرجع نحب بعض تانى ونخاف عى بعض.

انا اوعدك بنفسى يا تويو وان شاء االله باقى الاعضاء.

منكو لله عكيتو اللعبة ههههههه علشان خاطرى العبو حلو

انا نفسى ابقى منظم

يبقى لازم تدخل الجيش
وانت والحمد لله مش هاتدخل
يعني عمرك ما هتبقى منظم .



نفسي العيد يرجع ممتع زي ما كنا صغيرين .

على اساس انك مجبر وقاعد غصب عنك

انا بقى نفسى ماحسش بالوحدة

ممكن بس لو بطلت كونكر بس طبعا استحالة تبطلها انا عارف

نفسى اجيب تقدير الترم ده

لو كانت هتخلى علشان نفسك فى كده كان زمانا ارتحنا من ناس كتير اوى ولاد ...

بس هى دى سنة الحياة

انا عايز اهلى يفخروا بيا

وانا كمان

طب انا نفسى ربنا ياخد مرتضى

لما تبقى تخلص الثانوية العامية الاول ياعينى

انا نفسى اقعد مع نفسى يوم فى مكان هادى ؟

لا هو ممكن يقطع يوم لكن اكتر من كده استحالة يابنى ولا انت مستنى الفرصة دى لغرض ما ؟؟؟

انا نفسى انام واصحى الاقى نفسى فى بلد لوحدى

طول مانت فى مصر يستحيل تحقيق ذلك بس ربنا هيكرمك ان اشاء الله

انا نفسى اصارح كذا شخص كده بالحاجة الوحشة اللى جواه

هو لحق يابنى مش لما يلمله قرشين كده الاول اصبر عليه حرام عليك

هو صحيح مظبطكوا يامحمود بس لسة بدرى علية شوية هو لسة عمل حاجه عارف هو مستنى اية يامحمود مستنى يرفدك من المدرسة وبعد كدة يستقيل وانا نفسى يمنعوا لعبة كونكر علشان خاطر محمود رأفت

هههههههه اهو قالك مش هيدخل تانى

ما هو الواحد يابنى هو اللى بيهذأنفسه لما بيخش على المنتدى دة مع شوية(..........) مش لازم نغلط علشان ما تبقاش عيبة فى حقى مش هاستنى واحد زيك يقولى ما تخشش على المنتدى تانى الزمن رجع نفسه ولا ايه ياجماعه

مش قلتلك قبل كده ما اقدرش ازعل من حد وخصوصا الحبايب والدور والباقى عليهم

هو انا كل مادخل موضوع الاقى الكلام الفاضى ده

يابنى راعى ان فى ناس محترمة كتير موجودة معانا فياريت نحسن من نفسنا ولو حتى على المنتدى بس

ههههههههههههه
دا بعيد عن شنبك عاوز التعليم يتلغى ولا يفشل
نفسى الزمالك ياخد الدورى السنه دى وياءذن الله هايخده

دى اسهل امنية نقدر نحطمها فى تاريخ مصر

هقولك حاجة بسيطة ( هناك الاهلى )

انا نفسى يبقى فى ولو نسبة اخلاق فى نادى الزمالك

الزمالك دلوقتى الحمدلله بقوا عندهم اخلاق
نقسى حسام حسن ياخد بطولات

نو كومنت

هقولك مستحيل لانهم زملكاوية

انا نفسى الاهلى يروح الامارات السنة دى

ههههههههههههه دا بعيد اوى استحاله يعنى يالمستوى ده دا كان هايطلع من اول دور
نفسى الاهلى يطلع من كاس افريقيا ههههههه

انتوا ياجماعة بتقولوا امنيات سهل انها تتحطم كده ليه

انا نفسى مادخلش الجيش يالا ورونى هتحطموها ازاى دى

اما تخلص الاول تعليم وتلاقى وظيفه حلوه الاول وبعد كده تفكر فى الحج
نفسى اقدم فى نادى واقبل فيه