اول يوم مدرسه

اكيد ومن الطبيعى اول يوم مدرسه لكل واحد فينا
بيبقى يوم مش عادى وبنبقى منتظرين اليوم ده بفارغ الصبر خصوصا لو كنت ف ابتدائى واول سنه
ليك انك تشيل شنطه وتصحى الصبح بدرى وتفطر وتقف ف الطابور
وتقابل ناس اول مره تشوفهم وبردو بتقابل ولاد حتتك وتروح وتيجى معاهم
واكيد كل واحد مننا اول يوم مدرسه بيختلف من واحد للتانى
وكتير مننا بتروح معاه ولدته توصله لحد المدرسه وكمان بتطمن عليه وتستنى لما يدخل الفصل
انا اول يوم مدرسه افتكر ان امى راحت معايا المدرسه ومش انا لوحدى لا وكل اخواتى
اكيد انه اول يوم ونظام جديد ودا دليل على حنيه كل ام واللى بتعمله مع ابنها
افتكر ان اول يوم مدرسه عملت خناقه مع حماده
وكان اول تعارف بنا بان كسرتله دراعه ف اليوم ده
اه احنا كنا كتير وطبعا الكتره تغلب الشجاعه
بس حماده مينكرش انه اضرب اليوم ده ههههههههه
كانت ذكرى حلوه من اول يوم مدرسه
ياترى ايه شعور كل واحد مننا
ف اول يوم مدرسه
واحلى موقف قابله ف اليوم ده
ملحوظه
اى تشابه للموضوع ده وذكريات منسيه من ايام الثانويه ف هو على راى ابو حفيظه من قبيل الصدفه وليس القصد
اتمنى ان الكل يقول ايه اللى حصله
تحياتى لكل الناس اللى زى العسل
.

انا افتكر ان مره احمد اخويا بردو راح مستمع زيك كده
وساعتها العيال وهما جايين من المدرسه زفوه
وفضلو يقولو المستمع اهو المستمع اهو
لحد ما كره نفسه وكره المدرسه
لا وبردو كانو بياخدو حقن
على طول نط من الشباك وجريو الاساتزه وراه وفضلو يقنعوه انه مش هياخد وهو راكب دماغه
ههههههههههههههههههه
دماغه نشفه من يومه

وانت طيب يا استاز احمد
عقبال كده لما اشوف محمود مهندس اد الدنيا
ورافع راسنا دايما

هههههههههههههههههه
جميل اوى يا استاز احمد
انا فاكر مكان الجرس وزى ما يكون لسا المدرسه موجوده
بجد كانت احلى مدرسه
وواضح انك كنت اشقى مننا يا استاز احمد
ياترى ابن الوزه هيبقى عوام ولا ايه
وانا اسف على المثل
ههههههههههههههههه
اوعى تطلع لابوك يا محمود
وانا عنيا لمحمود اروح معاه اول يوم
هو احنا عندنا اغلى من محمود
دا كفايه انه هيبقى مدير منتدانا المستقبلى
عنينا له كلنا طبعا

والله مستعد اوصفلك شكل المدرسه القديمه بكل حاجه فيها
الحمد لله على كده دا نعمه من عند ربنا
علشان دايما ان الحاجه الحلوه والذكريات الجميله
صعب اوى انها تتنسى
خصوصا ان الواحد لسا يعنى
ف عز شبابه زى ما بيقولو
ههههههههههههههههه
طب حد فاكر التغذيه لما كانت عيش من بتاع الطابونه
قبل ما يطوروها ويبقى عيش فينو
هههههههههه

ليه بس كده يا عم
دانا بحبك
ههههههههههههههههه
طب عمرك ما بعت التغزيه بتاعتك لواحد صاحبك

لا قصدى البيع والشرا يا كبير
ههههههههههههه

اقتباس :

لما كانت بسكويت .

بسكويت ايه يا عم
دانت جيت ف ايام العز
بقولك عيش طبونه
ههههههههههههههههه

اقتباس :

العيش البلدى والجبنة المطبوخة
وأحيانا حلاوة .

هو دا الكلام
ههههههههههههه
بس انا لحقت العيش البلدى بس

اقتباس :

عيش وحلاوة

انت كنت مسجون ولا ايه
ههههههههههه

لا انا دخلت على الجبنه والمربى والبيض على طووووووووووول

انا جيت جنبه يا ابو محمود
دانا حتى نفسى ان ترجعله ذاكرته اللى سيباه وراحه مشوار دى
واهو واحده واحده بتيجى
قولى يا سمو وان
مش فاكر لما كان بيبقى عليك حصه العاب كده وياسلام لما يكون مش فى غير كوره واحده
تلاقى سلاحف الننجا بتلعب
تلاقى الفصل كلو بيجرى ورى كوره واحده
لا وفى ناس تبقى مش عارفه هى بتلعب ايه اصلا
وتلاقيهم معاهم معاهم عليهم عليهم
ههههههههههههه

هانت اهيه يا سمو وان
دا ان ما كنتش عرفتك
علشان مفيش واحد بيتكلم كده غير واحد واكيد معروف بالنسبه ليا ولاصحابى
ههههههههههههه
على كلن
اعتبرنى ولا قولت حاجه


احنا يمكن زمان لعبنا العاب كتيره جدا
ولو اتكلمنا عليها هنقول كتير
افتكر ان ايام ابتدائى
كنا بنقسم المدرسه برشوم برشوم
ونلعب شلووووط ملوخيه
اكيد كلو عارفها
وياسلام على الهدوم بقى
بتبقى 100 فل لما نخلص لعب

الحمد لله يا استاز احمد
كنا فين وبقينا فين

ودارت بينا السنه ورجعنا ل اول يوم مدرسه
ف للناس الجديده اللى مشاركتش معانا يا ترى ايه شعورك وانت رايح اول يوم مدرسه
هاااااااااااااااااااا
حد هيتكلم ويسمعنا صوته ويحكى عن مواهبه

الله إيه شلوووط ملوخية دى يازيكو
ما علينا
أول يوم مدرسة هو ده يوم يتنسى
أنا مش فاكرة فيه ولا أى حاجة
كل اللى فكراه إنى والدى هو اللى راح معايا المدرسة
ووقفنى فى الطابور
وفاكرة أيام التغزية كنا بناخد عيش وبيض
والمستمعين بياخدوا عيش بس
وفاكرة لما كان بيبقى فى أول يوم دراسة
كنا نجهز اللبس الجديد والشنطة ونحط فيهم الكراريس
وكنا نقوم بدرى علشان نروح المدرسة كأنه يوم عيد
ومن تانى يوم يعدوا يصحوا فينا ما نقومش
ياريت الأيام دى ترجع تانى والله
على الأقل اللى ناسى يفتكر

والمستمعين عيش وبس
ايه كنتو بتاكلو اكلهم ولا مش محسوبين عليكو طلبه
والله بتبقى ايام جامده احنا اللى بنستعجل ان نكبر ونستمتعش باليوم اللى بنعيشه

اما شلوط ملوخيه ف دى لعبه كان الصبيان اللى بيلعبوها
وبعدين غريبه تكونى متعرفيهاش
المهم انها بتتلعب ان بيتم اختيار فريقين
والفرقتين يدقو ف بعض طالما الاتنين واقفين ولو واحد قعد ممنوع انه يضرب يتعبر استسلام واللى كان بيضربه بيبقى واقف عليه طبعا
الى ان لو كل الفرقه كلها كانت قاعده ومستسلمه كده يبقى واحد .صفر
وهكذا
انا فاكر ان كنا بنلعبها برشوم برشوم
برشوم الكبيره وبرشوم الصغيره
ووالله كان فى ناس مفتريه
هههههههههههههههههههههههههههههههههههههههههه
افتكر مره واحد طار ف صدر واحد
هو كان عبدالستار وطار ف صدر مصطفى ابو سنه

كنت باخد مصروف قرش 10 مليم كنت با جيب بيه رغيف وطعميتن من عند خالتكم ( وهيبة ) الممول الاول لتغذية التلاميذ ..وطبعا العيال بتكون عليها بالكوم ..وان قولت اجيب منها الفطار ..وفى وسط الزحمة اعطتها القرش واستنت _ ذى العيل المؤدب _ انها تدينى الرغيف والطعميتين وهى مابتعبرنيش , لما ما ما لاقتش فايدة اعدت اتحايل عليها وهى ولا هى هنا , وبعد تحايل طويل , اخيرا بصت ليه ..وقالت امشي يا واد العب بعيد انت ما ادتنيش حاجة . .. احلف ليها انى اديتها قرش . .. شتمتنى ... اعدت اعيط ..اعيط .. اعيط.. وصممت لازم اخد حقى ..وتانى يوم دخلت فى وسط زحمة العيال .. ورحت مزعق فيها وقلت ليها .. هاتى الرغيف وطعميتن انتى هتوقفينى جانبك ساعة ...بصت لى وقالت لى انت ادتى فلوس زفقلت لها بكل جراءة ( هو كل يوم ها تخدى الفلوس وما تدنيش حاجة ) قالت: خلاص خد الاكل اهه .. خدت ارغيف والطعميتين وحسيت انى رجعلى حقى ومن بعدها ما اشترتش منها حاجة تانى ..بقيت اجيب فطارى معايه من البيت ..!!

ايه الحلاوه دى يا استاز اشرف
انت كمان عاصرت خاله وهيبه دى فعلا الراعى الرسمى للتغذيه الطلابيه
ربنا يديها طول العمر وتاكل اجيال واجيال
وانت كده عملت عين العقل
بس انت قررت انك متروحش تانى
غيرك واعرفه كان دايما بيعمل كده وكان بقى كل يوم ومش يفوت يوم لا على طول
وكمان ايه يقولها فين المخلل والملح
والله كانت ايام

وانت يا حماده ربنا يطول ف عمرك وتقابل مواقف كتير تفرحك

الجوع يا فتاكات
لما الواحد يخرج للفصحه كده ومش لاقى حاجه ياكلها وميلاقيش غير خاله وهيبه
يبقى لازم يشترى لانه لسا هيروح البيت
هتقولى ما يشيل معاه الاكل هقولك ياما شيلنا وياما الكتب باظط من الزيت بتاع الطعميه وياما اضربنا
بس بردو كانت طعميه حلوه

وكمان محضرتيش البيض والمربى
دانتى صغيره اوى
دا البسكويت لسا نازل من سنتين تلاته اربعه خمسه


يا بنتى احنا ياما كلنا ضرب بسبب موضوع الكتب اللى باظت دى

لا كنت هادى جدا

ربنا يكرمك يا استاز اشرف

كنت دايمآ أسمع إنى بشير صوته حلو بس عمرى ما سمعت صوته
كان نفسى والله أسمع صوته أوى

يا بيشووووووووو يا جامد
فين يا ابنى ايام زمان
والله كانت ايام هنا

لا والفالنات مجتش على مقاس اى حد غير حماده ايفا ههههههههههه
ولا فاكر انت على منير لما كان مستشار وكان معاه واحد كمان وبقو يضربو بعض من ورى القاضى
ساعه الحفله
ولا طبق الدقيق اللى كان ف قلبه الشلن هههههههه
ولا العسل اللى كان اتنين بيبقو متغميين وبياكلو بعض
اياااااااااااام