فكرة في دماغ فاضية .... وماذا لو وحدنا البراشيم ؟؟؟؟؟؟؟؟؟

أنا علي يقين بأنه من سيقرأ هذا العنوان سيسيطر عليه شعوران ، الشعور الأول أن هذا الموضوع فعلا من دماغ فاضية ، والثاني أن هذا الموضوع جرئ ويستحق المناقشة .
لا أنكر عليكم أن هذه الفكرة ظلت في ذهني لفترات طويلة ، وهناك عوامل ساعدت علي رسوخ هذه الفكرة في ذهني ، لعل أهمها أنني كنت ذات يوم في اجتماع ببرشوم كبري ، كنا نخطط لتشكيل لجنة شبابية تشبه البرلمان ، في هذا الاجتماع لاحظت ظاهرة غريبة :
( اني برشوم اللي علي شمال الترعة وانت رايح ناحية الرجالات غير برشوم اللي علي يمين الترعة وانت رايح لنفس الناحية )
أكيد شوية منكم هيفتكرو انني بدأت أهيس ، لكن للأسف أن هذا هو الواقع فالناس في برشوم اللي علي اليمين وكذالك اللي علي الشمال ، كل منهم يري في نفسه أنه برشوم غير الأخري ، وهؤلاء يطلقون علي برشوم اللي علي اليمين اسم ، وهوؤلاء يطلقون علي الاخرين اسم اخر ، وكل منهم يري في الاخر أنه محتل ومغتصب وعليه الاستسلام والا الحرب.
لدرجة اني في الاجتماع بقول يا جماعة ده احنا بنفكر نردم الترعة ، رد البعض من الناحيتين وقالو هنفحتها تاني يوم .
لست أعلم لما تسيطر هذه الفكرة علي العقول ؟ ولا أعلم كيف نشأت ؟ ولا متي نشأت ؟ ولا لماذا نشأت ؟ ولا متي تنتهي ؟
مع العلم أن البراشيم سواء اللي علي اليمين أو اللي علي الشمال أو اللي في الاول ، الكل بود بعضه في المناسبات ، وفي الأفراح والماتم .ولكن لا أعلم لماذا هذه الظاهرة ؟؟؟؟؟؟؟؟؟
من هذا الموقف وغيره من المواقف ، جاء في عقلي فكرة اتحاد البراشيم ، لماذا مثلا لا نوحد البراشيم الثلاثة ونطلق عليها برشوم المتحدة أو المملكة البرشومية ونعين لها عمدة واحد وتصبح المصالح واحدة ، الكل يحب الكل .
طبعا الفكرة دي صعبة في التنفيذ بس أكيد مش مستحيلة ، بس ممكن نبدأ من اللي علي المنتدي خاصة واننا كلنا من البراشيم ، ياريت الكل يشارك في الموضوع .

معذره يا عزيزي فأنت لست قارئ جيد للتاريخ البرشومى
فكفر برشوم هى واحده من دول حوض النيل اما برشوم الكبرى فهى دوله حبيسه
مما ادى الى صراعات ومعارك عظيمه بين الدولتين ادى الى احتلال الاخيره لدوله عزبه المواتير المجاوره المواليه لدوله كفر برشوم مما حدا برئيس كفر برشوم لأعلان الحرب على بير كامله
مما أدى الى تدخل بريطانيا وألمانيا واندلعت الحرب العلميه الثانيه
من امام العشه مقر قياده قوات حفظ السلام كان معكم .........................................

هههههههههههههههههههههههههههههههههههههههههه
صباح الخيييييييييييييييييييييييييييييييييييييييييييييييير
براحتك ياعم أصل احنا كدة هندخل حرب عالمية ، خاصة اني اسم برشوم الصغري جه في الموضوع

يا ابنى ما تخافش فيه كلام ان بان كى مون وجورج ميتشل نازلين علشان المفاوضات وخير ان شاء الله

لما المثقفين يقولو كدة مش عارف بقية الناس هتقول ايه

فلنفرض جدلا ان البراشيم اتوحدت .......ايه اللى هيحصل يعنى
لا السما هتمطّر دهب ولا اسرائيل هتخرج من فلسطين ولا مصر هتتقدم
ولا حال العرب هينصلح...................................

looooooooooooooooooool

رائيي نسيبهم كدا احسن بدل م تحصل مشاكل سياسيه بعد كده ع السلطه :d:d:d:d

هي الفكرة اني لو البراشيم اتوحدت العلاقات بين الناس هتقوي ، لأني المصالح المشتركة هتزيد ، وكمان هيبقي لينا ثقل سياسي أكثر ، وبالتالي أي حد نازل من برة هيعمل للبراشيم الف حساب .
والف شكر علي المشاركة

لا تعليق علشان محدش يزعل

بص يا عم الحج......
أنا شايف ان البراشيم كلها أصلا متحدة عادي جدا ومفيش أي خلافات .
والناس اللي من برة البلد بيتعاملوا معاهم على انهم بلد واحدة برده .
أما فكرة انهم يبقوا باسم واحد وعمدة واحد فهو ده اللي هيعمل الخلاف
يا ترى العمدة هيبقى من برشوم الكبيرة وللا الصغيرة ؟
هتقوللي انتخابات.....؟
هقولك كل بلد هتختار ابنها ومش هيبقى للانتخابات لازمة .
أما بالنسبة لموضوع الترعة وردمها ليه الناس معترضين عليه فلأن ده ممكن يعمل مشاكل وخناقات
أكتر علشان الناس اللي عالبرين هيتخانقوا عالحتة المردومة قصادهم وهيحصل
خناقات جامدة أوي .
يعني ملوش فايدة الموضوع ده كله وخلينا كده حلوين احسن .

شكرا جزيلا some one علي الاضافة الجديدة ، فعلا موضوع الارض بتاع الترعة ده ممكن يعمل مشاكل كبيرة
بس يا رب زي ما الناس متحدة كدة ، نبقي بلد واحدة باسم واحد لاني ده هيخلي الثقل السياسي لينا في المنطقة أفضل ، لأني برشوم الالصغري والكبري ، كل واحدة 5 الاف نسمة تقريبا ، يعني لو اتحدنا تحت اسم واحد نبقي 10 الاف نسمة يعني نزيد الضعف ومن هنا المكانة تبقي أفضل

معلومه تاريخيه ومحتاج حد يتأكد لى منها ان الرجالات وطنط كانوا تبع برشوم

ما تخدوش الحكايه أفش يا جماعه

اعتقد ان لو البراشيم اتوحدت يبقى انت بتفتح علينا النار والغرض اللي انت عاوزهم يتحدوا عشانه بيتحقق دي الوقت ومش هيفيدنا غير وجع الدماغ والشوشرة

ده على اساس ان البراسيم قوة جبارة فى الارض يا عم ده احنا نص بلدنا فى حالهم
والباقى لو بتحصل مشكلة صغيرة بيقول وانا مالى ومال وجع الدماغ والشوشرة
على رايك يا عم الساحر ...هههههههههههههه

شكرا غلي المرور
بس مش فاهم قصدك يا ابو سمير
اكيد انت اول واحد من الناس دي يا ايفا

ولا يا تو يو مالك ومال شلة السناكيح .انا احذرك من هذا المزنق اياك وشللة السناكيح يا اما هنخطف عائلتك واللى قاعد جبنك دلوقتى.اما بالنسبة لوموضوع اتحاد البراشيم انا شايف ان البراشيم انواع فى برشام صغير وفى برشام 500 هههههههه, لابجد اساسا تعتبر البلدين برشوم الصغرى والكبرى هى واحد.

طبعا بتهرج لا اكلم جد والنبى اكلم جد, تعالى فتشنى فتش.

انا اسف يا محمد عاتأخير الطويل في الرد
بس انا قصدي هيحصل خناقات عالعمدة ومنين وحاجات تانية كتير
ارجو الالتزام بالموضوع من السادة الاعضاء

كويس يا زكريا اني انت فتحت الموضوع ده تاني ، هي فكرة جريئة بجد ، وأنا مش شايفها صعبة ، احنا مش عاوزين نتحد علشان نتختلف علي مسميات فاضية ، احنا ممكن نتفق علي مبادئ معينة ونحاول نحققها ، وده هيبقي أفضل وهيعود بالنفع علي البلدين ، خاصة اني واثق اني بعد 25 يناير المجتمع المصري هيبقي اكثر تفكك وانا واثق من ده ، فدورنا دلوقتي اننا نقوي الرابط ده قبل التفكك ده يحصل