اجتماع 11\3

بسم الله الرحمن الرحيم
الحمد لله رب العاليمن والصلاه والسلام على اشرف الخلق اجمعين
بعون الله سينعقد اول اجتماع لكل اهالى برشوم من شبابها وشيوخها وكبارها وصغارها
لمناقشه جميع قضايا ومشاكل البلد وطرح كافه الحلول التى تساعد على تجاوز كل هذه المشاكل
وربنا يوفق الجميع يارب
الاول احب اشكر كل الناس اللى ساهمت فى عقد مثل هذا الاجتماع
شكر خاص للاستاذ محمد حلمى عوده والمجهود اللى بيبذله ف كل حاجه تخص البلد
.......
دعوه لكل الشباب سرعه المبادره بالحضور علشان كل واحد يعرف واجبه ايه وكمان حقه ايه ويعرف ان ياخده وكمان ايه هى احلامه وافكاره اللى يقدر انه يقدمها ومن خلالها يبقى عنده الاراده انه يسعى لتحقيق كل الاحلام دى علشان يشوف بلده اجمل من الاول
يمكن الفتره اللى احنا عايشينها ملاحظين تغير كبير ف كل حاجه بيتهيالى ان هى دى الفرصه اللى لازم نستغلها ف اننا نحاول نعيد حسابتنا من اول ونحاول نعيشها صح ونسعى اننا نشوف بلدنا اجمل ونحافظ عليها من كل حاجه احنا عشناها قبل كده
واكيد كل واحد فينا لازم يبقى ليه دور ف المرحله اللى جايه ولازم تكون مشاركته فعاله ولازم يبقى ليه صوت يحترم
ونحاول ننسى ايام زمان ونبطل ننفض ل كل حاجه علشان محدش هيحافظك على بلدك
لانك انت الوحيد اللى بايدك انك تحافظ عليها او تسيبها كده زى ما هى ف الاول والاخر القرار قرارك
عايز تسبها كده وكل واحد يستغل الناس الطيبه اللى فيها شويه ف هيجى بردو الدور عليك وواحد هيجى يستغل دا ان مكنش حصل كده فعلا
عايز تشوف كل يوم مشكله بتواجه بلدك وانت بتتغاضى عن كل ده عايز اقول ان ورا كل مشكله مشكله وكل مدى والعقده بتكبر لو ملحقناش العقد قبل ما تكبر مش هنعرف نعمل اى حاجه
يمكن دا انسب وقت ان الناس تحاول تحط ايدها ف ايد بعضها وتشارك وتكون اكتر ايجابيه وتحاول تعيد بناء قريتها من جديد وتقف قدام اى حد مهما ان كان شخصيته باستغلاله للناس
ويقولهم كفايه عليكم كده الزموا الصمت
..........
قبل كل شئ لازم يكون جوانا تسامح علشان نقدر نقف جنب بعض ونساعد بعض وقبل كل شئ لازم التغيير يبدأ من نفس كل واحد فينا لان قدرت تسامح اخوك جارك ووقفتو مع بعض ايد واحده ف هنقدر نوصل للى احنا عايزينه
مش بمعنى ان جارى مثلا بيعمل حاجه وحشه وبيضر الناس ف اسكت واقول انه تسامح لا طبعا لازم يبقالى موقف من اللى بيعمله واساعد على التغيير ومصلحه البلد تبقى اول حاجه بنبصلها بردو
...........
اتمنى ان الفتره الى جايه تكون مرحله كويسه ف حياتنا كلها وتكون مشاركه فعاله

احنا ف بلدنا ناس كتير فاهمه وعاقله وعندها القدره لطرح اكتر من حل لكل المشاكل
لو قدرنا نجمع 100 واحد كل واحد منهم طرح فكره مختلفه لحل اى مشكله ف هنقدر نجمه 100 حل ل 100 مشكله وبيهتيالى مشاكل البلد مش هتوصل للرقم ده
ف لو سعينا كلنا لتنفيذ كل الافكار دى بيتهيالى هنشوف البلد احسن من الاول بكتييييييييييييييير


اان شاء الله كلنا لازم نشارك ف اجتماع يوم الجمعه 11\3 بعد صلاه العشاء ف مسجد النصر
واتمنى ان الناس اللى احنا متعودين عليهم وكلنا عارفينهم اللى بيثيرو الناس ويحبو انها تبقى فوضى علشان الاخر منوصلش لاى حاجه اتمنى ان.....يقول خيرا او ليصمت
علشان احنا خلاص تعبنا من اللى كان بيحصل زمان وكفايه كده

اتمنى ان الاجتماع يحقق اكبر نجاح
وشكرا

ودا لينك الحمله على الفيس بوك
https://www.facebook.com/home.php?sk=group_143518435711629

ان شاء الله يا محمد بس لازم كل واحد يبقى من جواه عنده سعى تام ودافع من جواه انه ينفذ فكرته
لان لو كل واحد سعى ف ان فكرته تتنفذ ودعا ليها اصحابه وقرايبه وشجعهم ف اكيد هنوصل للى احنا عايزينه

ان شاء الله هيكون فى اجتماع لكل شباب برشوم
كل اللى على المنتدى والجماعه اللى معانا على حمله الفيس بوك
وان شاء الله نتناقش ف حاجات كتير وكل اللى عندو اى اقتراحات يقدمها ونحاول نفيد بعض اكتر ونجمع اكبر كم من الافاكار والحلول اللى نقدر نقدمها
وان شاء الله تكون قاعده لطيفه ودمها خفيف ونحاول نقرب من بعض اكتر الفتره اللى جايه
الهدف من الاجتماع ان نحط ايدينا ف ايد بعض ونحاول نفكر بعقل لحل كل المشاكل اللى بتواجهنا
اهم حاجه ان يكون جوانا تسامح علشان نقدر نتواصل مع بعض
ونقدر نفيد بعض اكتر
واكيد لازم نسمع لبعض كلنا وبسعه صدر
ومن خلاله هيتم عرض كل افكارنا على لجنه اجتماع يوم الجمعه علشان نقدر نساعد بعض كلنا شباب البلد ونعمل حاجه كويسه تفيد بلدنا

ان شاء الله الاجتماع هيبقى يوم الخميس ف بيت بشير الساعه 9
وعلى ما كل الناس تيجى ونتجمع يبدأ الاجتماع ب عون الله الساعه 9 ونص

طول ما قلبنا واحد وايدنا ف ايد بعض ف ان شاء الله ربنا هيوفقنا

نو كومنت ناو
علشان بجهز ليسته للاجتماع
ربنا يوفقنا ان شاء الله

انهرده وبحمد الله اجتمعنا كلنا ك شباب ولا يوجد بيننا من هو اكبر سنا
مننا لكى يتم مناقشه كل اللى احنا عايزين نتكلم فيه ف اجتماع يوم الجمعه
والحمد لله كان فى تلبيه من ناس كتير حضرت انهرده والحمد لله كل الناس
خرجت راضيه عن نفسها وعن اللى قدمناه وناقشناه ف اجتماع انهرده وتم مناقشه
كل المشاكل اللى بتمر بيها البلد وكمان تم وضح اقتراحات ليها وحلول ان شاء
الله تكون ايجابيه مش هقدر احلى كل اللى اتكلمنا فيها لان اتكلمنا ف حاجات
كتير والحمد لله قدرنا ندونها بس الحاجات اللى كتبناها اكيد عايزه صياغه
علشان نقدر نقدمها بكره ف تم اختيار مجموعه وهتتجمع بكره باذن الله وتعيد
صياغه ما توصلنا ليه علشان نقدر نقدمه ف اجتماع يوم الجمعه بس هى حاليا مش
معايا وبكره على العصر تكون كل حاجه مكتوبه هنا عن اللى اتكلمنا فيه واللى
وصلناله برده كان هدفنا هو تشجيع الناس عن مدى اهميه اجتماع الجمعه واد
ايه هو عامل كبير ف تطوير بلدنا وتغيير حالنا الى الافضل ....دلوقتى هطرح
كل الافكار اللى توصلنا ليها وهى .....
...1.. النظر ف كل ما يخص
الجمعه الخيريه اللى ف بلدنا والعمل على تنميتها وتشجيع كل البلد على
الاشتراك فيها علشان يبقى عملها ملحوظ ونقدر نساعد كتير من الناس اللى ف
بلدنا ولو تطلب الامر اعاده انتخابات لجنه الجمعيه ف هيتم وهيعيد بناءها
من اول وجديد وف الاول والاخر التشجيع على عمل الخير لان هو دا اللى
باقيلنا ..........وك لجنه شبابيه هيتم جمع تبرعات من كل افراد البلد
لمساعده كل الحالات اللى ف بلدنا وتطوير بلدنا الفتره اللى جايه
..2..... الوحده المحليه خد مناقشه كتير نظرا لاهميه وتم الاتفاق التام
على اعاده اختيار ممثلينا ف الوحده المحليه وان يكون فى اجماع من البلد عن
من هم انسب لكى يمثلونا ف الوحده المحليه مع المطالبه للانضمام ب محليه
العمار بدل من اجهور لاننا خلاص جبنا اخرنا معاها .......
........3.....
موضوع العيش تم الاتفاق بردو على ان للوحده المحليه دور ف كده وان شاء
الله مع بدايه المرحله الجديده هيتم دراسه كل حاجه على نطاق ذا اهميه
كبيره مع الاتفاق على جمع خمس جنيه من كل بيت ف البلد مقابل تعيين خمس
شباب من البلد لتوصيل العيش ل بيت كل واحد بدل الزحمه والخناقات وبكده
نكون وفرنا خمس فرص عمل وحققنا راحه البلد وبعدنا عن المشاكل والخناقات
اللى بتحصل ف الطابونه .....
......4.......مركز الشباب تم النظر فيه
بشكل اوسع وسرعه اعاده انتخابات واختيار من هم حل لتحمل عبء هذا المجال
الرياضى علشان يبقو على قدر للوقوف امام كل المشاكل مش بس اللى ف المركز
لا واللى ف النادى كمان ....دا غير تدعيم الانشطه ف مركز الشباب وسرعه
تشجيع الناس على سداد عضويه النادى والتشجيع على متابعه قضيه المركز
وتحريك من هم اصحاب القياده .......
.....5........ الجمعيه
الاستهلاكيه اللى بلدنا ولا نعرف عنها اى حاجه لازم يتم النظر ليها الفتره
اللى جايه ويكون هدفها تدعيم البلد
.......6........ تم التفاق من
الجميع ان اجتماع انهرده يكون بدايه ل لجنه شبابيه يكون هدفها الفتره اللى
جايه المبادره بالمشاركه مع كل واحد هدفه تطوير بلدنا وتغيرها ومساعده كل
واحد ف بلدنا على ان يكون اجتماعنا بصفه دايمه ف بيت بشير الساعه 9 مساءا
وعلى من يرغب الانضمام ف له مطلق الحريه
......... 7........ هيتم اختيار سبعه من الشباب لعرض ما تم الاتفاق عله من افكار على كل الحضور ف الاجتماع
ف ياريت كل الناس تحاول انها تحضر لان دا يعتبر بدايه حقيقيه لتغيير البلد ويمكن بكده نكون وصلنا ل اول خطوه ف التغيير

وحاجات
كتير يمكن غايبه عنى دلوقتى ف ان شاء الله اول ما نقعد بكره هحاول اكتب كل
كلمه كانت ف الورقه اللى هنقدمها وان شاء الله تكون هنا قبل الاجتماع
......والله ولى التوفيق

اسف يا محمد
انا يمكن نسيت حاجات كتيره برده ولو فى حاجات بردو انا مجبتهاش ياريت كل الناس تعرضها
وان شاء الله ف اجتماع انهرده هيتم مناقشه كل حاجه


بعون الله كان فى لقاء من بعد صلاه الجمعه ف دوار النصر بين كل الشباب
والاستاذ محمد حلمى وتم الاتفاق على ان الشباب يقدم افكاره واللى اتوصل
ليها ف اجتماع الامس .....وان شاء الله اجتماع انهرده هيكون مناقشه كل
قضايا البلدين انا نفسى بعد كده نبطل برشوم الكبيروالصغرى وانها تبقى فقط
برشوم وبس هيتم بعون الله مناقشه كل القضايا والاقتراحات وكمان فى خطوه
بعمل لجان من شباب البلد ف كل المجالات سواء دينى رياضى ثقافى علمى كل
حاجه ان شاء الله هيبقى ليها لجنه وهيبقى فى لقاءات لكل اللجان دى ف اصبح
الان على كل شباب البلد سرعه التعاون وان نبقى ايد واحده انهرده هيكون فى
كلمه من شباب برشوم الصغرى ودا اللى هنتفق عليه بعد المغرب مين هيتكلم وان
شاء الله برشوم الكبرى هيبقى ليها كلمه وهنتفق بردو مين هيقدمها بعد
المغرب ان شاء الله ف الدوار الكلمه هتبقى عباره عن تقديم كل المقترحات
والحلول لحل كل المشاكل اللى بتواجهنا واهم ما ف كل ده هو تعاون كلا
البلدين مع بعضهم وانهم يقربو من بعض الفتره اللى جايه .........وربنا
يوفق كل الناس

بسم الله الرحمن الرحيم
تم بحمد الله اجتماع انهرده وحقق نجاح ان شاء الله هيكون ملحوظ وعلى علم بيه كل الناس الفتره اللى جايه
الحمد لله صلينا العشا كلنا مع بعض ف مسجد النصر وكان الامام الشيخ عماد عبدالمحسن
وبعون الله خلصنا الصلاه وتوجهنا على الدوار لبدأ الاجتماع
اول ما هتدخل باب الدوار هتلاقى 3 صور بيوصفولك احنا هنا ليه









طبعا تم افتتاح الاجتماع بتلاوه قرانيه ل فضيله الشيخ عبدالنبى محجوب ابو عاليه

كان برنامج اللجنه ان فى كلمه للشيخ عماد عبدالمحسن واتكلم فيها عن حاجات
كتير واننا لازم نتحرك وان دا وقتنا وان لازم يكون لكل واحد دور ف التغيير
يمكن الكلمه طولت شويه وخدت وقت مش عايزين نقول اكتر من حقها بس كانت
كويسه رغم ان كان فى اعتراض ف بعض النقاط واللى وضحها الشيخ احمد مرعى
هاشم ......بعدها كان فى كلمه للدكتور رجب من جمعيه حقوق الانسان واشار
لبعض نقاط الدستور وعمل توعيه للحضور
بعدها بدأت لجنه الاستاز محمد
حلمى بعرض افكارها وهى اننا خلاص عشنا الفتره اللى فاتت لكل مشاكلها وان
لجنه الاستاز محمد بصراحه هم اكتر ناس ف البلدين عاشو مشاكل وبمستندات
اكتر مننا ومش عايز اقول مين الناس اللى كانت فى محل تعارض بالنسبه لكل
اهل البلد لاننا كلنا عارفين الناس دى ف كان هدف الاستاز محمد واللجنه
اللى معاه ان ايه هى الخطوات اللى واجب اتخاذها بعض كده لصد اى نوع من
انواع الفساد على القريه
ف تم تشكيل لجان ف كل المجالات لجان للمساجد
لجان للتموين لجان للزباله لجان للرياضه لجان للتعليم لجان للطرق
والمواصلات لجان للجمعيه الشرعيه لجان للصحه ولجان تانيه كتير كل اللجان
دى شباب كلها من الشباب تم اختيار لكل لجنه 3 من خلال كل اللجان دى هيتم
التوفيق من الهيئه العسكريه بحيث ان تكون قانونيه ويبقى لكل واحد احقيه ف
انه بيتدخل ف الحاجه دى ليه يعنى مثلا زى ما قال الاستاز سمير حسن يعنى
انا هل لما اروح عند بتاع الطابونه واكلمه ويقولى ملكش دعوه انت ايه دخلك
ف كده ف لا طبعا انت هيكون دخلك كده لان دا هيبقى اختصاصك وعندك موافقه
عسكريه وصلاحيه انك تدخل ف الحاجات دى ودا سارى على كل اللجان اللى
قدمناها ............



وزى ما قولنا ان كان لينا مقترحات على حسب اجتماع الخميس اللى عملناه
وطبعا كانت اللجنه بتاع الاستاز محمد حلمى على علم بكل اللى معانا واللى
توصلناله بردو لانها زى ما قولنا مش من انبارح وهى بتحارب الناس دى ف
مكانش بردو هناك اى مانع ان احنا نقدم افكارنا والقضايا اللى احنا بنمر
بيها واللى ناقشناها ف عرضها محمد نجاح وبشير عبده سلامه ثارت بعض الجدل
بس احنا كنا على اتفاق ان مندخلش ف جدل مع حد علشان منبوظش اجتماعنا
والحمد لله ناس كتير رحبت ب افكار الشباب وان فى مشاركه ف تم التعاون وان
الشباب خلاص قررت تشارك ف اللجان دى علشان تعرف حقها ويبقى فى صفه قانونيه
لكل الناس علشان تقدر انها تواجه الحاجات اللى بتحصل



من خلال كل ده هيتم تفعيل كل ما يخص البلد من جمعيه خيريه من مركز شباب عن
طريق اعاده هيكله لكل الحاجات دى عن طريق كل اللجان اللى عرضناها وهيبقى
فى حق لكل لجنه التدخل ف كل اللى بيحصل انا مش بقول ان هنتخانق لا هيبقى
مثلا ليك صفه رسميه عن طريق اللجان هيتم متابعه كل كبيره وصغيره بتحصل ف
البلد .......ف حين ان دور الشباب الفتره اللى جايه ان يبقى فى توعيه
شامله كل الجوانب وان الناس لازم تبقى فاهمه كل حاجه مثلا ابسط حاجه زى
موضوع المحليات بعد ان شاء الله ما يتم تفكيك كل المحليات ودى خطه الدوله
ف كده هيتم من الشباب توعيه الناس ب اهميه دور المحليات ف البلد وحسن
اختيار من ينوب عنهم ودا مثل بينطبق بقى على كل حاجه بتحصل ف البلد
انتخابات رياسه او اى تعديلات لازم يبقى دور الشباب بردو توعيه ونبقى
فاهمين ايه اللى هيتم ف حين ان يكون فى هناك اتفاق واجماع على راى

كان فى حضور كبير من اهالى البلد




ابو جلبيه بيضه الشيخ عماد عبد المحسن



وكان فى توضيح من الشيخ احمد مرعى هاشم
لبعض النقاط



كان معانا شخصيه محترمه من جمعيه حقوق الانسان ناقش معانا بعض نقاط الدستور
هو الاستاز رجب













كان فى كلمه للاستاز عصمت ووضح فيها نقاط مهمه جدا وهى مياه الشرب والصرف الصحى وتصليح الطرق والكهرباء ودا عن طريق عده لجان كل واحده هتبقى مختصه وبطرق قانونيه





وكان فى بردو كلمه اكثر من رائعه للاستاز احمد
وكان من خلالها المناقشه عن المواصلات والصعوبات اللى بنقابلها




كان فى كلمه ل شباب برشوم لطرح اللى اتوصلنا ليه ف يوم الخميس وتم عرضها بشير عبده سلامه
ومحمد نجاح







وف النهايه صور جماعيه لكل الشباب

ودا كان وقت شرح طريقه اللجان ودورها ومدى اهميتها الفتره اللى جايه



وصوره مع الاستاز محمد



وطبعا لازم نرجع كل حاجه ل مكانها
وماشاء الله الدوار ف 3 دقايق كان زى الاول وكل حاجه انقضى عليها
ربنا يحرصكم يا شباب




لن ننسى اوقات المرح



ولا دور اصغر شباب



وف النهايه سلام الختام على امل اللقاء ف القريب العاجل لبدا الشغل






ف انتظرووووووووونا ف حدث هام جدا للبلد

اقتباس :

اتصورتوا بعد ما انا مشيت يا خونة
انا هنقلب عالجماعة دي :

انت اللى مشيت بدرى واستعجلت
وبعدين ولا يهمك يا عم
عارف انا دورت كتير على صوره ليك ملقتش غير دى
شوف الحظ
بس متقلقش لازم ادورلك على واحده تانيه تكون مع اى حد
او الاجتماعات جايه كتير ولازم تبقى انت اول المتصورين





؟
؟
؟
؟
؟
؟
؟
؟
؟
؟
؟
؟

ان شاء الله طول ما ايدنا واحده ف ان شاء الله هنقدر نوصل لكل اللى بنهدفله
ربنا يوفق كل الشباب

من اجمل الصور اللى خدناها كلنا مع بعض
تعدد الاشخاص والضحكه واحده
ودعوه الى التفائل
ف ربنا يوفق كل الناس ف الفتره اللى جايه