فى حاجه غريبه بتحصل

فعلا فى حاجه غريبه بتحصل اليومين دول
من يومين الاستاز منصور طلع ورق وقال فيه ان مش هترشح والكلام ده واكيد كلنا يمكن قريناها
انهرده لقيت اتنين او تلاته لفو البلد وياعالم ممكن يكونو لفو بلاد كتيره حوالينا
ووزعو ورق على الناس وزى ما يكونو بيوزعو مخدرات تلاقيه بيديلك الورقه كده ف الخباء زى ما يكون بيعمل حاجه غلط
الورق دا بقى مكتوب فيه ان منصور عامر مشارك الريس مبارك ف حاجات كتير وفى نصب وحاجات من دى
وان بورتو سخنه وماربنا والحاجات اللى اتعملت دى فيها اختلاس وحاجات من دى
طبعا صياغه الورقه مش كده لان اللى ف الورقه كلام عبيط وعيل صغير لو فكر انه يكتب ورقه زى كده هتبقى صياغه احلى من كده بكتير اكيد مش موضوع موضوع الصياغه او الورقه
انما انا اللى نفسى اعرفه اشمعنا الورق والكلام اللى ظهر ده ظهر دلوقتى
ليه اللى كتب الكلام ده على منصور كتبه دلوقتى وبعد ما اتوزع الورق بتاعه وانه قال انه مش هيترشح
وليه بردو منصور قال انه مش هيترشح ف الوقت ده بالذات
يا ترى زى ما كنا بنسمع زمان انه مش عايز عضويه مجلس الشعب دى ف حاجه
وانه ميهمهوش يبقى عضو مجلس شعب
وان المؤسسات بتاعته هتبقى زى ما هى وهيفضل جنب الناس
يا ترى مستنى ان الناس تطلع وتقول لا احنا عايزين منصور يبقى نائب لينا عن الدايره
وليه الورق المعارض طلع ف الورق المعارض طلع ف الوقت ده بالذات

لا والاغرب ان اللى كتب الورق ماضى تحت
شباب ثوره 25 يناير

يا راجل بالله عليك انت جاى تضحك علينا مثلا ولا بتضحك على نفسك ولا انت عايز توصل لايه بالظبط
وانا متاكد ان اللى عمل كده ليه مصلحه ف كل الورق اللى بينشره ده

ملحوظه
انا لا مع منصور ولا ضده
انا مع اللى هيفيد بلدنا بمركزه انه عضو مجلس شعب
لان طول الفتره اللى فاتت ولا واحد عمل حاجه للبلد
واللى بننتخبهم ولا بنشوفهم بعد كده