من اجل مصر

اولا فى ابعاد سياسيه كتير واكتر من اللى محمد قاله وعلم السياسه علم كبير
كتير منا يجهله احنا اه لينا الظاهر بس فى حاجات كتير منعرفهاش
بس ميمنعش برده ان علشان خاطر الابعاد دى ادوس على رقابه الشعب وافرض سلطتى

بعد اذنكم : لى كلمتان ( اتفق ) و (اختلف)

اولا كون ان الريس يرحل ف دا اكبر خساره لينا
وانا بضم راى للاستاز اشرف انه لو مشى مصر هتبقى مسرح
للقتال يتعارك فيه كل حزب مع الاخر
وهتبقى فوضى واحنا كمان هنتاثر على المستوى المحلى يمكن
من يومين شوفنا كنا عاملين ازاى
وموقفين نقط وناس كتير تعمل كمين لان فى بلطجيه وحراميه
هربو
رغم ان مقابلناش اى حاله وكان حالنا عامل كده تخيل بقى
انك كل يوم هتقابل ولا ميه واحد داخل بلدك عمال ينهب وعايز يخرب لانها هتبقى هيصه
مولد وصاحبه غايب زى ما بيتقال ف الامثال
هتبقى عاركه وكل حزب عايز يموت التانى
ف عهد السادات لما حصل كده وكان فى احزاب بردو وكانو
ناوين يعملو كده
طلع قال ان دى مظاهره حراميه وعايزين ينهبوها وهى فعلا
كانت كده
ودلوقتى انا بحى ذكره مقولته وبقول بردو انها اصبحت
مظاهره حراميه
اه كان فى نهب كتير ف عهد الريس وناس كتير خربتها ويمكن
هو ميعرفش اى حاجه عن كده
بس مش معنى انه ميعرفش انه براءه لا دى تتحسب ضده مش
لصالحه
بس مش معنى كده انه وحش
انا من راى ان المظاهره والشباب الواعى اللى طلع لفت
انتباهه لحاجات كانت بتحصل وكانو حاجبين عنه الرؤيه لحد ما شاف بعينه
واتوقع بعون الله ان الفتره اللى جايه هيبذل اقصى ما
عنده وهيصلح كتير ف البلد
وهيبقى فى نظر لكل كبيره وصغيره وهتبقى كل حاجه بحساب
وان الظروف اللى مرينا بيها دى وضحتلنا مين معانا ومين
ضدنا
مين مستنى فرصه نقع
ومين واقف جنبنا
انا سمعت خطاب الخمينى بتاع ايران كنت هتجنن من اللى
بيحصل
لا وقطر وغيره
وبريطانيه وامريكا واسرائيل اللى مستننين فرصه ويولعو
فينا
انا من شويه شوفت على التلفزيون عربيه السفاره
البريطانيه وهى بتموت ناس كتير ودهستهم
كل ده استفزاز بيخلى الواحد يخرج عن مشاعره
يا جماعه احنا دول كتير بتراقبنا من زمان لاننا مصر هى
العرب
راس الافعى زى ما بيقولو
لو قدرت انك تمسك راس الافعى يبقى قضيت عليها
اهو لو مسكو مصر يبقى قضو على العرب
ومش هتقوملنا قومه تانى
والله الريس حايش عننا بلاوى كتير
يمكن احنا جيلنا مجربش الظروف دى بتاع الحرب واحتلال
وكده
بس كل ما اسمع من الناس الكبيره اشوف اد ايه كنا شعب
متهانا
اد ايه محروم من الحريه
ف الحريه دلوقتى معانا ليه نضيعها وندى فرصه لناس تيجى
من بره تضيع بلدنا وتسلمها ل امريكا ب ايديها
زى البردعى ده
اسمع ان بنته متجوزه واحد امريكى مسيحى
عاش اد ايه البردعى ده ف مصر علشان يحكمها
ولا ايمن نور وغيره وغيره اللى ناويين يولعوها

ميمنعش ان فى ناس كتير نهباها زى رجال الاعمال وعز وناس
تانيه كتير
بس زى ما وعد الريس ان الناس دى هتتحاكم وهتتعاد
الحسابات من تانى
والحق هيرجع لاصحابه

دا غير ان مفيش عدل اجتماعى وانك تبص تلاقى بلاعب الكوره
بياخد ف الشهر مرتب مش بياخده موظف شغال طول عمره ك مكفأه نهايه الخدمه

بس ان شاء الله امل ان الريس يعيد حساباته ف كل ده
بعيد عن الحزب الوطنى واساليبه اللى الشعب والناس زهقت
منه والشرطه والحكومه واللى بتعمله ف الناس
بس بيتهيالى ان المظاهره دى هتحى حاجات كتير
ربنا يسهل
اتمنى كل ده انه يحصل
وربنا المعين
واسف على الاطاله

كويس اننا فتحنا الموضوع هنا علشان عندى كلام كتير عاوز اقوله

ببساطة وبوضوح انا مع الشباب فى تحقيق جميع المطالب
اللى اتحقق ايه :
_ اقالة نص الحكومة وده يعتبر ربع مطلب
_ منع سفر بعض الوزراء والتحفظ على اموالهم وده مش معناه انهم كده اتحاسبوا خلاص ., لا لازم يتحاكموا محاكمة عسكرية وان ترد الاموال للبلد
_ تعيين نائب للرئيس ودى احسن خطوة اتعملت لحد دلوقتى
_ النظر فى تعديل مادة 76 و 78 .. يامسهل
_ خطاب الرئيس وتعهده بعدم الترشح مرة ثانية لكن ده مايمنعش ان جمال مازال له الحق فى الترشح او اى حد من الحزب الوطنى ليه الحق فى كده
اما بقى اللى لسه ماتحققش وده الاهم :
_ حل مجلسى الشعب والشورى
_ عدم الغاء قانون الطوارىء ودى المصيبة الكبيرة اللى احتمال يستخدمها النظام للانتقام
_ رحيل مبارك والمطلب ده بالذات كلنا بنختلف عليه

لكن من وجهة نظرى :
لابد ان يلقى الرئيس ( خطابا ) يقول فيه بانه تنازل عن مهامه الرئاسية للسيد عمر سليمان
واعلان تشكيل حكومة وطنية مؤقتة من كبار الشخصيات المحترمة فى مصر وحل مجلس الشعب بعد تعديل المواد الدستورية المذكورة
وبعد ان تنتهى انتخابات الرئاسة يطلب الرئيس حسنى مبارك للتحقيق معه ومعرفة اذا كان صحيح ماورد عن ثروته ام لا
وبذلك ترتاح نفوس الشعب


ولكل من يختلف معى فى وجهة النظر اكن له كامل الاحترام

بس يا عمرو بالنسبه لموضوع عمر سليمان وانه ياخد كل مهام الرياسه
هقولك حاجه كنا كلنا درسناها ف الفلسفه
ان كل امه لما توصل لقمه ازدهارها سرعان ما تسقط تدريجيا
التفره اللى فاتت الريس قدر انه يوصل مصر الى القمه انا بتكلم على المستوى السياسى
بمعنى انه غانينا عن حروبات كتير وصراعات كتير ممكن ان مصر تدخل فيها سواء مع عرب او اجنبى
عايز اقولك ان لو عمر سليمان لو مسك الحكم لازم يحافظ على تلك القمه
وبتكلم على المستوى السياسى واللى اجهله برده وماخفى كان اعظم
معاك ان المستوى الاجتماعى ف مصر بايظ جدا والمرتبات قليله جدا
ولقمه العيش متهانه وان مفيش عدل اجتماعى
وفعلا دا اللى حققته ثوره 25 يناير
ان يتم اعاده الحسابات ف كل ده
وان الريس كان على اعتقاده ان مولى الجانب الاجتماعى ده لمن هم اهل ثقه
بس من الواضح انهم نهبوها وسرقوها وذلو الشعب
بيتهيائلى ان دى الفرصه اللى هيفوق فيها مبارك وان يحاول يشوف هو اخظأ ايه ف الفتره اللى فاتت ويحاول انه يصلحه
وانه السياسه واللى بيعمله لصالح البلد ملهتهوش عن الشعب وحرصه عليهم ف ظل الناس اللى نهبتها وفقد الثقه فيهم

وزى ما مثل قاله بشير مره وانا بتكلم معاه
افرض ان ابوك منع عنك المصروف يوم رغم انه موفرلك حاجات كتير
تطلع انت تسب وتشتم فيه قصاد الجيران
ممكن يكون الجيران بيحقدو على ابوك وعايزين يولعوها لما شوفنا
اكيد هيفضلو يدعمو فيك ومش بعيد تقتل ابوك
بالله عليك ينفع

اما موضوع ان جمال يمسك الرياسه
ف هرد عليك بمثل شعبى جميل اوى
ان اللى يتلسع من الشربه ينفخ ف الزبادى


انا مع ان البلد منهوبه ومسروقه وان فيها حرميه كتير من رجال اعمال ووزراء وناس كتير خربتها
وكان لازم فعلا مظاهره علشان الحقيقه تبان وكل واحد ياخد حقه وان الناس تقول مطالبها اللى لازم تاخدها
واللى انحرمت منها سنسن
وان الناس اللى كانت محتكره السوق واللى اشترت القطاع العام باقل الاثمان ويمكن استولو على البلد
وعملو فلوس من مال الدوله وقوت الشعب الغلبان
وهما السبب ف كل اللى بيحصل ف مصر وانهم لازم يتحاكمو
ولازم ان مطالب الثوره تتحقق

بس مبارك ميخرجش بالصوره دى
وبالذات ف الاوقات
واحب اختم بكلام الاستاز اشرف
ارحمو عزيز قوم ذل

يارب احمى مصر

وقت الشده بيتعرف الصاحب من ال .........